بسم الله الرحمن الرحيم
تدمير اجيال
CH.1
في صباح يوم الاحد
سهيلة:انت يا زفت قوم بقى بقالنا ساعه بنصحيك(الزفت الي هو انا مازن)
قال بصوت نايم:ايه يا ماما بقى عالصبح
سهيله :قوم الساعه بقت 7 ونص
مازن:ماما انا بخلص في خمس دقايق سيبيني دقيقتين بس "اتقلب"
سهيلة:يلا علشان توصل اخووااااتك
مازن قام:بصي روحي شوفي ملاك وانا قايم وراكي على طول اهو "سهيلة طلعت و مازن رجع رقد"
سهيلة بزعيق:ماااازن!
مازن اتنفض:جاي يا ست الكل!
سهيلة:بت يا ملاااك خلصتي ولا لسه بتتمرقعي قدام المرايه
مليكة: سيبب بتاعتي يا ماما
مالك:اسكتي دي بتاعتي انا
سهيلة:ايه في ايه انتوا كمان!
مليكه:بياخد الواني
سهيلة:مالك ما انت عندك الوانك يا حبيبي دي الوان مليكة
مالك:لا بتاعتي
مليكة:لا بتاعتي..يا ماماا
سهيلة:مالك انا عارفة الوانك كويس ادي الألوان لاختك و اعتذرلها
مالك بص شويه كده :خدي.. اسف
ماسا:الواحد يعرفش يعمل حاجه في البيت ده زعيق زعيق زعيق
سهيلة:بتبرطمي تقولي ايه يا ست حلويات!
ماسا:ابدا يا ماما اما بصبح عليكي
سهيلة:اه بحسب..غوري شوفي اختك ملاك بتنيل ايه كل ده
~
ملاك بتظبط الطرحة:والله لاحبك موت و احب برج الحوت..يا سلام عليك يا عمورة وانت بتغنيلي
ماسا راحت على طراطيف صوابعها :هقول لماما انك بتتمرقعي قدام المرايا
ملاك:خلصت اهو يوه!
ماسا:والله ايدك على 5جنيه
ملاك:هقول لماما اللي عملتيه امبارح في التمرين
ماسا:لااا علشان خاطري خلاص
مصطفى قعد على السفره بكل هدوء و في ايده كتاب
سهيلة طلعت..بصتله و ابتسمت:ابني حبيبي العاقل
مصطفى: نعم يا امي♥
سهيلة:يلا يا حبيبي افطر و خد سندوتشاتك على ما باقي اخواتك يجهزوا
مصطفى :ده انا افطر واخد اكلي واقرا الكتاب واخواتي مش هيجهزوا
أنت تقرأ
تدمير أجيال
Romanceلا تدمروا الاجيال ب افكاركم الغير منطقية التي تعود للعادات والتقاليد لا تدمروا الاجيال وتقمعوا حريتهم في فعل شيء مباح لأسباب غريبه لا منطق لها لا تدمروا الاجيال بالخرافات والزواج المبكر والكثير من الأشياء التي يجب أن تدفن لا تدمروا الاجيال بل طورهم...
