بسم الله الرحمن الرحيم
CH.19
بليل في الصالون قاعدين كلهم وبيتكلموا
-بس يامازن مكانش له لازمة ابداً تنقلوا مليكة ومالك، احنا على ايامنا اللي مبيتضربش بيطلع مايع!
ملاك كانت هتتكلم لكن مازن مسكها، ابتسم وقال:ياعمي انت بتتكلم في اطفال عمرهم معداش الاربع سنين، يعني السن ده لو اتعود على الضرب هيطلع مشوه نفسياً
- ولا مشوه نفسيا ولا حاجه ما احنا زي الفل اهو وضحك بصوت عالي
بص له مصطفى بقرف من فوق ل تحت ولف وشه
سمير قرص مازن وهو بيقول:اهدى ومتتعصبش
مازن طبطب على ايده وابتسم:متقلقش "بصله" قولي ياعمي، امتى اخر مرة عيطت؟
- اعيط! اعيط ايه انا راجل والرجاله مش بتعيط ايه الكلام المايع ده
مازن:هي دي بقى المشكلة، حضرتك اتربيت في بيئة لو حاولت تطلع كلمة او مشاعر تاخد علقة تندمك انك حاولت تبقى نفسك من اساس، انا مش عايز اخواتي يعيشوا كده انا عايز اخواتي يطلعوا عارفين مشاعرهم ميخافوش منها
سكت العم : بس كده مش هيطلعوا رجاله!
مازن ضحك:هو حضرتك شايفني مش راجل ولا ايه ياعمي؟ انا ابويا رباني متبراش من مشاعري طالما مبتضرش حد، ده بقى قلل من رجولتي قصادك؟
اتوتر العم و سكت
مصطفى كان قاعد بيحاول يمسك ضحكته
العم بص لملاك وهو بيقول:وانتِ بقى عاملة ازمة ليه على ثانوية، ما انتِ شوية وهتقعدي في البيت
ملاك: هقعد في البيت؟ ليه؟
مراته اتكلمت وهي بتضحك:كل بنت اخرتها تتجوز وتاخد بالها من بيتها ياحبيبتي
ملاك: ايه الكلام القديم ده يا طنط ما ماما اهي متجوزه وواخده بالها مننا وبتشتغل بدام عندها مقدره
-ايوه ياحبيبتي دي ماما ماما مكانتش بتشتكي ربع الشكاوي بتاعتك دي
ملاك: تفرق! ماما مخلصه ثانوي من امتى يا طنط تفرق كتير الدراسه اتطورت والتاريخ اتغير والزمان غير وكل شويه المناهج بتتغير وبتزيد وبتكبر وبعدين معلش الشكاوي بتاعتي مضايقه حضرتك ف ايه
مازن ضغط على ايد ملاك علشان تهدى
بصت للعم وسكتت، عمهم كمل:الشكاوي دي مش هتخلي حد يرضى بيكي، اهالينا علمونا البت اللي تشتكي كتير متنفعش تبقى زوجة
ملاك قلبت عنيها وقالت بعدم اهتمام: ماشي بس مش كانكم بتشتكوا كتير من الشكاوي بتاعتي؟ انا حتى مش بشتكي لكم رفعت كتفها سوا انا بس بفرغ طاقتي السلبيه علشان مبقاش مضايقه مش اكتر مش عايزين تشوفوا الشكوى بتاعتي اعملوا لها سكيب بسيطه صح؟
العم صوته علي:المشكلة ان انتوا متدلعين بزيادة وانا قولت لسمير ده! كل واحد فيكوا طالعله مشكلة شكل وقاعدين تحلوا فيها قال ايه طرق تربية حديثة، ما احنا اتربينا على الطريقة القديمة وطالعين زي الفل
مازن : علشان كده بتدمرونا انتوا بتدمروا الاجيال ده واي حد بيتصرف زيك غلط واحنا مش متدلعين
سمير كمل:كفاية كده يا سليم، انا عيالي متربين كويس كفاية انهم قدروا يشيلوا مسؤولية نفسهم وقدروا يقفوا على رجليهم لوحدهم وبمساعدة بعض، انت دمرت جيل عيالك انت حر، بس انا مش هشارك في تدمير جيل عيالي
مصطفى : جيل دلوقتي غير الجيل القديم غير اللي اقدم منه كل جيل عاصر حاجه وشاف حاجه غير الثاني كل جيل ليهم تربيه معينه ولعب معينه وحكايات معينة جيل ال ٢٠٠٠ اكتر جيل بيتم انتقاده وده بسبب اللي بنشوفة من احداث الايام دي ولكن ده مش معناه اننا جيل فاشل ...يمكن بس الظروف كانت ضد جيلنا يمكن منكونش احسن جيل من نواحي كتير ولكن احنا جيل رائع ومميز وذكي و واعي بشكل كبير ومتاح لنا مجالات تعلم كتيره جدا ومجالات عمل و كمية وسائل للتواصل والشهره وحاجات كتير اوي كل واحد بيختار يستخدم النعم دي ب اي طريقه سواء غلط او صح يرجع للشخص بس علشان كده لا تدمروا الاجيال ب افكاركم اللي مش منطقية بسبب للعادات والتقاليد لا تدمروا الاجيال وتقمعوا حريتهم في حاجات مباحه لأسباب غريبه زي انت بنت كلام الناس! والناس تقول علينا ايه !جيلنا غير جيلكم حياتنا غير حياتكم !!
وزي ما بيقولوا لا تربوا أولادكم كما رباكم أباؤكم فإنهم خُلقوا لـ زمان غير زمانكم قالها و خد نفس عميق
سليم وقف هو مراته : احنا جينا نطمن عليك مش اكتر احنا ماشيين
مراته اتكلمت:يلا ياعيال احنا ماشيين
-ملعبناث مع مليكة ومالك لثه!
ملاك همست:احسن
ماسة بصوت واطي: امشوا بقى قرفتوني
رباب: ليه يا ماما ما نستنى شويه وبصت لمصطفى اللي كانت لازقه فيه من اول القعده وهو عمال يبعدها عنه
مازن بص لملاك وهما بيكتموا ضحكتهم، سليم اتكلم:انا قولت يلا!
رباب بزعل : حاضر...هشوفك تاني اكيد هتوحشني
مصطفى: ماشي
سلموا على الباقي ومشيوا، مصطفى قعد بارتياح:يااه هوا
ماسة: حقك كانت لازقه فيك وعماله دودوودو كابته على نفسك يبني معلش
مازن ضحك:كل البنات بتحبك كل البنات حلويين
مصطفى حدفه بالمخده: بس بقى
مازن مسكها وراح قعد جنبه وقاله بصوت واطي: يا ترا اخبار رنيم ايه ها وغمز بعينه وضحك وقام بسرعه من جنب مصطفى اللي وشه احمر وقام يجري ورا مازن
سمير ضحك:حاضر ياحبيبتي بالراحة
مازن:تعالي يا ليكا انا هجيبلك سيبي بابا يرتاح
مالك وهو بيجري ورا مازن : انا كماااننن
تعدي ايام كتير ونوصل لاخر يوم اختبارات للسنة الاعدادية
مصطفى طالع بيتنهد بقوة وراحه وهو رافع اديه لفوق
رنيم ضربته بالكتاب في كتفه : عملت ايه يا دحيح
مصطفى ضحك:انا دحيح؟ ده انا غلبان
رنيم: الكذاب بيروح النار لعلمك وضحكت وووقفت قدامه وبتمشي بضهرها
رنيم : هتعمل ايه النهارده
مصطفى سكت بتفكير:والله مفيش حاجة في دماغي "بصلها ثواني" ماتيجي نخرج سوا
رنيم ابتسمت: هنروح فيين؟؟
مصطفى ابتسم:انتِ تحبي تروحي فين
رنيم تيجي نروح نلعب؟
مصطفى : نلعب؟...فين؟
رنيم : هقولك وسحبته من ايده وهي بتجري
مصطفى:انتِ جراني فين!
رنيم : اكيد مش هخطفك وابيع اعضاءك هنروح مكان حلو انا عرفاه
مصطفى ضحك:ياستي قوليلي طيب نفسي هيتقطع
رنيم:تؤ تؤ فين اللياقه ...هنروح المول ****عندهم ملاهي حلوة
مصطفى وقف:طب استني في ملاهي تانية مازن اخويا راحها
رنيم بصتله:مازن؟
مصطفى ضحك:هفهمك بعدين تعالي
رنيم: يلا ..مصطفى هو انت كنت بتكرهني؟
مصطفى بصلها باستغراب:هكرهك ليه؟
رنيم: معرفش بس يعني كنت حساك مش طايقني كده في الاول ولما حصلت الخناقه الكبيره دي وقتها زعقت في نغم وقولت لها انه كلكم زي بعض وكده
مصطفى سكت ثواني وبص في الارض:مكنتش بكرهك انتِ، بس انا يعني مش مآمن لبنات من اللي شوفته مع صحابي واخويا، وبعد اللي نغم كانت بتعمله حسيت اكتر ان يعني الموضوع ده انا منفعش فيه
رنيم: مفيش حاجه اسمها كده مش كل الناس زي بعض صح؟ وابتسمت وبصت له بطرف عينها
مصطفى ابتسم:ما انا بعد ما شوفتك عرفت انهم مش زي بعض
رنيم وشها احمر : امم اه طب هو احنا هنوصل امتى
ضحك وبص من الشباك:خلاص خمس دقايق ونوصل
رنيم : ماشي ....كأن الجو حر؟
مصطفى: لا حلو هو تقريبا حر عندك انت بس
رنيم بصت له بعصبيه وضربته في كتفه
مصطفى: كفاية عنف بقى
رنيم:ما انت سخيف! اتفضل روح جيبلي ماية
مصطفى: حاضر من غير ضرب بس
رنيم: مش هضرب يلا وتكون ساقعه
مصطفى: حاضر يا سندريلا
رنيم ضحكت : غصب عنك
....يتبع❤️❤️❤️
أنت تقرأ
تدمير أجيال
Romanceلا تدمروا الاجيال ب افكاركم الغير منطقية التي تعود للعادات والتقاليد لا تدمروا الاجيال وتقمعوا حريتهم في فعل شيء مباح لأسباب غريبه لا منطق لها لا تدمروا الاجيال بالخرافات والزواج المبكر والكثير من الأشياء التي يجب أن تدفن لا تدمروا الاجيال بل طورهم...
