بسم الله الرحمن الرحيم
Ch.13
مازن بصلها ثواني:انا..انا.. "وقع على الارض"
نور اتخضت جامد وفضلت واقفه متنحه حبه سحبت موبايله بسرعه وفتحت النمر طلعت رقم ملاك واتصلت بيها
ملاك: ايوا يا زوز
نور ردت بتوتر:اا..الو، ملاك معايا؟
ملاك: ايوا مين حضرتك مش ده رقم مازن!!
نور:ايوه ايوه رقم مازن، انا نور صاحبته معاه في الجامعة..بصي انا عايزاكي تهدي كده و..مازن مغمى عليه وانا مش عارفة اتصرف
ملاك: ينهار اسود ينهار اسسوودد
ملاك: مغمى عليه ازاي يعني اييه اعمل ايه اعمل ايه
نور:معرفش معرفش هو انا متصلة بيكي عشان تسأليني تعملي ايه! اا..انا هاخده على المستشفى اللي جنب الجامعة مستشفى دار الفؤاد تعالي على هناك ماشي
ملاك: حاضر حاضر
نور قفلت وبصت حواليها بتوتر، حطت الموبايل في جيبه وصرخت:الحقوني يا ناس في واحد مغمى عليه!
الناس اتجمعت حواليهم ونقلوه للمستشفى
في المستشفى..
نور بتتمشى بتوتر رايح جاي، سمعت تليفون مازن بيرن بصت عليه في نفس اللحظة اللي ملاك ظهرت
ملاك قالت بقلق وهي بتقفل تليفونها:اكيد انتِ نور مازن فين هو كويس!
نور: اه هو كويس حسب كلام الدكتور بس ضغطه وطي جامد
ملاك:طب هو احنا ينفع ندخله دلوقتي؟
نور: الدكتور قال عادي هو بس محتاج ياكل
ملاك هزت راسها ودخلتله الأوضة ووراها نور، قعدت جنبه وهي بتقول:كده تقلقني عليك؟
مازن اتكلم بتعب:انتِ عرفتي منين اني هنا
ملاك:نور صاحبتك كلمتني انت كويس بجد انت مكلتش الصبح ولا ايه؟
مازن بص لنور وهو بيرد:مش اوي لا، غالبا جاتلي بانيك اتاك..هو انتِ لقطتيني ازاي؟
ملاك:ما انا قولتلك نو.."بصت لنور" اه انت بتكلمها هي سوري اتفضلي
نور مسكت ايده: كل ده مش مهم المهم انك بخير دلوقتي
ملاك وراها عملت تعبير ايه القرف ده
مازن سحب ايده بتوتر وابتسم:شكرا، دكتور ممدوح عمل امتحان مفاجئ انا اسف ملحقتش اقولك تحضري
نور:مش مهم انا هتصرف، جاتلك بانيك اتاك من ايه
ملاك:واضحة زي الشمس امتحان مفاجئ في مشكلة في السمع؟
مازن بص لملاك وابتسم بتوتر: ملاك بتحب تهزر متاخديش في بالك
ملاك ابتسمت بجنب:اه جدا، تسمحيلي معلش اهزر مع اخويا على انفراد؟
نور ضحكت باحراج:اكيد، حمدلله على السلامه يامازن هشوفك بكرة ان شاء الله
مازن استنى نور تطلع و بص لملاك : في ايه يا ملاك اديها بالقلم احسن
ملاك بصتله وربعت ايدها:عرفتها امتى ودخلت حياتك للدرجة دي امتى وايه تفسير انها تمسك ايدك ومين دي اصلا عشان تقلق عليك
مازن: حيلك حيلك حيلك ايييه براحه
عرفتها من كم شهر كده وبعدين يعني هي صاحبتي بس ومسك الايد مليش دعوه وقولت لك صتحبتي
ملاك:لا يا مازن دي مش صاحبة عادية انا واخدة بالي من نظراتك ليها كويس
مازن وشه احمر: مالها نظراتي و ..وبعدين قصدك ايه
ملاك:اللي فهمته، وغير ده يا مازن انا عايزاك تعرف ان نظرات نور مختلفة، هي طلبت منك اي خدمات؟
مازن: خدمات؟ امم لا او اه يعني بصي عادي احنا صحاب
ملاك: مازن متكذبش عليا انا اختك!!
مازن نفخ:ايوه طلبت، يعني شوية ملخصات شوية مساعدات في الواجب عادي يعني
ملاك: انت شايف ان ده عادي!!!
مازن:ياربي محمود النسخة النسائية، ملاك ارجوكي انا تعبان ومش ناقص كفاية الزفت اللي عندي في الكلية
ملاك : انا اسفه ضغطت عليك ومسكت ايده وضغطت عليها
مازن ابتسم وطبطب على ايدها:انتِ كنتي فين بقى مروحتيش مدرستك ليه
ملاك با بتسامه شريره : كنت بصفي حسابات...ينهار ابيض ماسه ومصطفى محدش راح يجيبهم !!!
مازن قام وشد الكانولة:انا كده كده بقيت كويس يلا بينا
ملاك: مازن متهزرش ارجع مكانك
مازن:انا مش هينفع اقعد اكتر من كده هنا امك مش ناقصة قلق
ملاك: بس صحتك هتعمل ايه!
مازن:خلاص يا ملاك بقى متقرفنيش ممكن نروح وانا هشوف مع الدكتور اعمل ايه في البيت
ملاك: انت بقيت عصبي اوي على فكرة
مازن علّى صوته:اه عصبي عصبي عشان مستقبلي الدراسي كله واقف على واحد مشافش نص ساعة رباية عصبي عشان انا مش بس شايل مصايبي انا شايل مصايبكوا اللي ملهاش اول من آخر عصبي عشان كلكوا ضد الانسانة الوحيدة اللي انا.."سكت ثواني باستيعاب"
ملاك بصت له والدموع اتجمعت في عينها :خلاص يا مازن ممكن نروح؟
مازن بص حواليه ونفخ بتعب، قربها منه حضنها:انا اسف
ملاك حضنته: انا عايزة اروح انا تعبت
مازن : يلا
...
مازن وقف العربية قصاد مدرسة ماسة بعد ما خد مصطفى، ماسة دخلت بزهق:ما كنتوا تخلوني ابات في المدرسة احسن
مصطفى همس:لا متتكلميش اركبي وانتِ ساكتة
ماسة بصت على ايد مازن اللي عليها بلاستر:حصلك ايه يا مازن
مصطفى:لا متسأليش اقعدي وانتِ ساكتة
ماسه: ما تيجي تخيط بوقي يا مصطفى مالك
ملاك: مش قولنا اركبي وانت ساكته محدش قادر يتكلم بصراحه
ماسة:ليه حصل ايه
مصطفى: يابت اسكتي بقة اسكتي لينا بيت نتكلم فيه
ماسة ربعت ايدها وبصت للشباك بزعل، مازن بص عليها في المراية ونفخ بحزن
مصطفى ادها شكولاته: يابنت متبقيش قموصه يابت
ماسة ابتسمت واخدت الشوكولاتة، وصلوا البيت فتحوا الباب لقوا مالك ومليكة بيجروا عليهم
مازن حضنهم وشالهم وحشتوني يا اشقيه😂
مالك:انت اكتر يا ميزو، اتأخرت النهاردة ليه
مازن:معلش يا حبيبي اتشغلت شويه انت كويس عملتوا ايه
مليكة:خالتو ولاء قعدت تلعب معانا النهاردة وتحكيلنا حواديت وقالتلنا انها هتودينا الحضانة الجديدة بكرة
مازن: يااه عملتو كل ده
مالك: هو ايه دي يا مازن وشاور على البلاستر
مازن بص على ايده ونزلهم على الأرض، ابتسم وقال:خالتو ولاء لسه موجودة؟
مالك: اه هي جوا في المطبخ
مازن:ماشي حبايبي اقعدوا مع ملاك شوية وانا هشوف خالتو واجيلكوا
مازن دخل المطبخ عند ولاء
ولاء: ايه ده انتوا جيتو عامل ايه
مازن حضنها:الحمدلله يا خالتو، تاعبينك معانا والله الفترة دي
ضربته على كتفه بهزار: ايه الكلام ده يا ولد عيب عليك انتم عيالي♥️
مازن ضحك:ماما مقالتلكيش هيجوا امتى؟
ولاء: لا موضحتش اوي بس قالت يا النهارده بليل يا بكرا الصبح هتيجي هي....ايه ده يا مازن مال ايدك
مازن:لا اتخبطت بس وانا جاي، انا هطلع اذاكر شوية في الاوضة لو حضرتك عوزتي حاجة اندهيني
ولاء:مش هتتغدا؟
مازن:مليش نفس
طلعوا كلهم غيروا هدومهم واللي عايز ينام حبه نام والباقي بيذاكر او بيلعبوا
بليل..
سهيلة وقفت أدام الباب:هنفتح تسلم على العيال وهوديك الأوضة على طول متتحركش منها ممكن؟
سمير: ممكن يا حبيبتي
سهيلة ابتسمت وطبطبت على ايده، فتحت الباب وهي بتنده:ياعيال، احنا جينا
مالك ومليكه قاموا من على الأرض وسابوا الألعاب وجريوا عليهم بينما ماسه سابت الشكولاته اللي في اديها وراح عندهم مصطفى قفل الكتاب بهدوء ووقف ابتسم
مالك ومليكة:هيييهيييههههه بابا جه ماما جت هيييهه
سمير حضن مالك ومليكه وضحك : براحة براحه
ماسة:حمدلله على السلامة يابابا وحشتنا "حضنته" حمدلله على السلامة يا ماما "حضنتها" والله نورتوا البيت
سهيلة: البيت بينور بيكم يا حبايبي اومال مازن وملاك فين مش شيفاها
مصطفى: مازن في اوضتة من الصبح
🖤: ملاك طلعت من اوضتها:وملاك اهيه "حضنتهم" وحشتوني
سمير:وانتِ كمان ياحبيبتي، مازن في اوضته ليه هو كويس؟
ملاك ومصطفى بصوا لبعض
ملاك:اه
مصطفى: اه هو بس بيذاكررر مش كده يا ملاك
ملاك:اه اه لسه باصه عليه
سهيلة بصت لهم بشك
سمير رفع حاجب:طيب انا هروح اوضتي
سهيلة:مصطفى خد باباك اوضته انا هطلع لمازن
ملاك: ماما ما تيجي عايزة اقولك حاجه ضروري
سهيلة:لما اطمن على اخوكي الأول
ملاك:بسس دي...
سهيلة: قولت لما اشوف اخوكي يا ملاك علشان انا من الصبح مش مطمنة وكلامك انت ومصطفى دلوقتي قلقني اكتر
ملاك اتنهدت:على راحتك يا ماما اتفضلي
--
سهيلة خبطت ثواني لكن الباب مفتحش، فتحت الباب لقت مازن باصص ناحية الكتاب بسرحان
سهيلة : مازن!
مازن رفع راسه وبصلها وقام بسرعه حضنها: ماما عامله ايه وحشتيني
سهيلة طبطبت على ضهره:انا كويسة ياحبيبي انت عامل ايه، مالك سرحان ووشك مصفر انت مبتاكلش ولا ايه يا ولد
مازن: انا ؟ انا باكل ليل نهار يا ماما ده انا تخنت
سهيلة زقت وشه بالراحة:على اساس ان مش انا اللي مربياك يعني؟ مالك ياقلب امك فيك ايه
مازن بص لها بتوتر : م..مفيش يا ماما انا كويس بس مرهق من المذاكره
سهيلة:مازن هتبطل كذب عليا امتى فاكرني اخواتك الصغيرين تضحك عليا بكلمتين واصدقك انا مامتك وانت ابني وعارفاك يا مازن اقعد كده وسحبت ايده وقعدته على السرير وهي قدامه قول بقى في ايه
مازن بص على ايدها ثواني بتفكير، خد نفس ودخل في حضنها:انا تعبان اوي يا ماما "غمض عينه" تعبان
سهيلة طبطت عليها وهو في حضنها: مالك يا حبيبي مين اللي تعبك قولي بس في ايه وكل حاجه تتحل
مازن حاول يكتم دموعه:لما يجي وقتها يا أمي هتكلم، بس انتِ وبابا وحشتوني اوي
سهيلة:متأكد انك مش عايز تحكي؟
مازن طلع من حضنها وابتسم:متأكد، بابا اخباره ايه دلوقتي؟
سهيلة: كويس يا حبيبي عقبال ما تبقى كويس وابتسمت وباست راسه
مازن هز راسه:هنزل اسلم عليه اكيد مليكة ومالك مش سايبينه
سهيلة: مصطفى طلعه الاوضه اخواتك تحت سكتت سويه بعدين قالت ... مازن انت سندي وسند اخواتك دلوقتي ♥️
مازن ابتسم :عارف يا أمي عارف
--
مازن فتح الباب بالراحة على سمير:ممكن ادخل؟
سمير ابتسم جامد: حبيبي تعالى طبعا♥️
مازن دخل قعد قصاده بعد ما حضنه:حمدلله على السلامة ياحبيبي اخبارك ايه
سمير: كويس الحمد لله دكتورنا عامل ايه بقى♥️
مازن سكت ثواني:كويس..كويس الحمدلله، البيت مضلم من غيرك
سمير ضحك:مش مظلم ولا حاجه يا بكاش منور بيكم اهو
مازن:لا طبعا ازاي كفاية ضحكتك الجميلة دي..طمني عليك يا بابا انت كويس؟
سمير: ما انا زي الفل اهو ايه بتشكك في صحتي يا واد انا جسمي حديد
مازن ضحك:طبعا يا حبيبي، متغيبش عننا تاني بس مش هنستحمل
سمير: ان شاء الله ♥️
مصطفى وقف قصاد المدرسة ثواني بعد ما مازن وصله، خد نفس ودخل وهو بيحاول يرجع ثقته بنفسه وبيبتسم للي حواليه....يتبع
انا عارفه اني اتاخرت اوي بس للاسف ضغط الكلية وفي حاجات كتير في حياتي وكده ف كان صعب اني اقعد اكتب بس الامور تتضبط باذن الله وكده كده انا بكتب قصتين جنب دي بس لسه منزلتهمش يعني❤️❤️ اعتبروا دي عديتي ليكم كل عام وانتم بخير عيد مبارك علينا وعليكم❤️❤️❤️
أنت تقرأ
تدمير أجيال
Romanceلا تدمروا الاجيال ب افكاركم الغير منطقية التي تعود للعادات والتقاليد لا تدمروا الاجيال وتقمعوا حريتهم في فعل شيء مباح لأسباب غريبه لا منطق لها لا تدمروا الاجيال بالخرافات والزواج المبكر والكثير من الأشياء التي يجب أن تدفن لا تدمروا الاجيال بل طورهم...
