بسم الله الرحمن الرحيم
تدمير اجيال
ch.9
في المستشفى..
مازن رايح جاي في الطرقه وسهيله قاعده بتعيط ملاك واقفه وساند على الحيطه
الدكتور خرج التلاتة جريوا عليه
ملاك:خير يا دكتور
- ضغطه وطي شوية..مدام سهيلة اسمحيلي في كلمة على جنب
سهيلة:اه طبعا "بعدوا" خير حصل حاجة؟
- بصراحة انا معرفتش اقول ده ادامهم لكن..جوز حضرتك عنده سرطان في الكبد ومرحلته متطمنش
سهيلة حست ان العالم وقف هي مش سامعه صوت حد ولا شايفه حد عنيها اتملت دموع: طب..الحل؟
الدكتور اتنهد:هنحاول نحط مواعيد علاج مناسبة بس..مضمنش هينجح ولا لا
سهيلة: ارجوك اي حاجه اي حاجه بس تنقذه
- متقلقيش حضرتك هنعمل كل اللي في ايدنا..اول ما يفوق تقدروا تروحوه
سهيله: تمام شكرا يادكتور
سهيلة مسحت دموعها ورجعتلهم
مازن:قالك ايه يا ماما؟
سهيلة : ها؟ لالا مفيش يا حبيبي قالي بس ناخد بالنا منه
ملاك:ماما انتِ كويسة؟ شكلك كنتي بتعيطي
سهيلة: لا مكنتش بعيط عيني بتوجعني بس شكل الجفاف رجع هبقى احط قطره لما نرجع
مازن بص على سمير من الازاز:هنعرف ناخده النهاردة؟
سهيلة:اول ما يفوق
مازن هز راسه بموافقة وسكت
-
الباب اتفتح، مازن:حمدلله على السلامة "مصطفى جري"
مصطفى:بابا انت كويس!
سمير:انا كويس..ايه اللي مصحيك لحد دلوقتي
مصطفى:معرفتش انام خليت ماسة تنام بالعافية
سهيلة: طب اطلع نام يلا بابا كويس عايز يرتاح بس يلا
مصطفى:حاضر "طلع"
سهيلة بصت لمازن وملاك:اطلعوا ناموا انتوا كمان
ملاك:هطلع بس مش هنام لسه ادامي واجبات مخلصتهاش
مازن:هحلهم انا في ورق خارجي وانتِ اصحي بدري شوية انقليهم معلش انتِ حليتي كتير و مفاضلش غير شوية صغيرة
ملاك:بس انت كده مش هتنام
مازن:لا هنام متقلقيش..روحي يا ماما حضرتك وبابا ارتاحوا شوية
الساعه ٦ الصبح
سهيلة قامت وهي منماتش اصلا راح لاوضه مازن ومصطفى فتحت الباب لقت مازن بيلبس جزمتة
أنت تقرأ
تدمير أجيال
Romanceلا تدمروا الاجيال ب افكاركم الغير منطقية التي تعود للعادات والتقاليد لا تدمروا الاجيال وتقمعوا حريتهم في فعل شيء مباح لأسباب غريبه لا منطق لها لا تدمروا الاجيال بالخرافات والزواج المبكر والكثير من الأشياء التي يجب أن تدفن لا تدمروا الاجيال بل طورهم...
