بسم الله الرحمن الرحيم
تدمير اجيال
Ch.6
عند مازن بيتكلم في الموبايل وكتبه في ايده وطالع جري من الجامعه :حاضر هروح اشوف هببوا ايه سلام
نور:مازن يا مازن
مازن لفلها ووقف وهو بينهج:ايه يا نور عايزة حاجة؟ معلش انا مستعجل
نور:مستعجل ليه في ايه انت بتنهج كده ليه.
مازن: لا انا مش فاضي لك سلام وسابها ومشي وركب عربيته
نور نفخت:لا انا زهقت!
مازن وصل لمدرسة مصطفى نزل بسرعه ودخل للمدرسه لحد ما وصل لمكتب المدير
مازن:مصطفى! "جري عليه" ايه اللي حصل انت كويس!
مصطفى:انا كويس بس النزيف قوي شوية بس انا كويس متقلقش
مازن بص للمديرة:انا عايز اعرف ايه اللي حصل
المديرة: اسال اخوك..
مازن: في ايه يا مصطفى
مصطفى:مفيش حاجة انا مش عايز اقول
رنيم قامت:انا هقول كل حاجة لحضرتك ولاخو مصطفى
مصطفى:بس يا رنيم بلاش مشاكل
رنيم:لا بقى هقول! الموضوع كله العيال دي كل يوم بيتنمروا على مصطفى وهو بيسكت مبيتكلمش معرفش ايه اللي حصل المرة دي عشان مكنتش حاضرة الموضوع من الاول بس لقيتهم قاعدين بيضربوا فيه
مازن:حصل ايه عشان يضربوك يا مصطفى؟ قول ومحدش هيقدر يعملك حاجة تاني
مصطفى بص لرنيم وبعدين بصله بحزن:اخدوا مني كتابي ومكانوش عايزين يرجعوه وبيغيظوا فيا..فغصب عني ضربتهم بوكس وحصلت الخناقة
مازن بص للمديرة : وده اصله ايه بقى؟
المديرة: انا اول مره اعرف الكلام ده
مازن : والله؟ "وبص لمصطفى وقاله بصوت واطي" حسابنا في البيت
المديرة:... انا هتكلم مع اولياء امور الطلاب الي ضربوه... وهنحل المشكلة دي
مازن بزعيق:مش كفاية انك تكلمي أولياء أمورهم انا عايز عقاب من المدرسة على اللي حصل طالما دي مش اول تحصل! اخويا بيتعرض للتنمر كل يوم وهو عشان مش عايز مشاكل مبيتكلمش لكن توصل كمان انهم يضربوه وكل اللي حضرتك بتقوليه هتكلمي أولياء أمورهم؟ طالما الولاد بالشكل ده تضمني ان أولياء أمورهم يعملوا حاجة!
رنيم ومصطفى اتخضوا من صوت مازن العالي
والمديره مصدومه : اهدى بس حضرتك هنحل المشكلة دي
مازن خد نفس وقال بهدوء:تمام اتفضلي حضرتك حلي المشكلة انا مش ماشي غير لما الاقي حل للمشكلة
أنت تقرأ
تدمير أجيال
Romanceلا تدمروا الاجيال ب افكاركم الغير منطقية التي تعود للعادات والتقاليد لا تدمروا الاجيال وتقمعوا حريتهم في فعل شيء مباح لأسباب غريبه لا منطق لها لا تدمروا الاجيال بالخرافات والزواج المبكر والكثير من الأشياء التي يجب أن تدفن لا تدمروا الاجيال بل طورهم...
