بسم الله الرحمن الرحيم
تدمير اجيال
ch.5
ماسة:نعم ياختي؟ ما تحلي واجبك بنفسك
-: يا ماسة مهو انا مش عارفه بصراحه والسؤال صعب اوي ومش فاهمة
ماسة:اعتمدي على نفسك شوية
تسنيم: شكرا يا ماسا شكرا اوي
ماسا قفلت الشات وقامت
سهيلة: يلا علشان الغدا
مليكة اطلعي نادي اخواتك
مليكة: حاضر
مليكة ندهتهم ونزلوا كلهم
ملاك باصة في الأكل وبتلعب فيه بسرحان، ساندة بكوعها على الترابيزة وراسها على كفها..مصطفى بياكل خفيف وبيفكر في تصرفات رنيم
مليكة ومالك بياكلوا ويهزروا مع بعض..الوحيدة اللي شبه مركزة مع الاكل وبس كانت ماسة، اما مازن فباصص على اخواته بيفكر فيهم وفي مشاكله اللي مصمم ميبينهاش لحد ويبين ان حياته كويسة
سهيلة:ملاك مش بتاكلي ليه؟
ملاك بصتلها:لا كلت الحمدلله..انا هقوم بقى اخلص حاجاتي
سهيلة بصت لها وبصت لمازن
مازن : في ايه؟
سهيلة: خلص اكل وتعال عايزاك
وقامت
مازن بص ناحية الاكل واتنهد..ساب المعلقة وقام
ماسة بصت عليهم وعلى اكلهم اللي زي ما هو تقريبا..بلعت وقامت تغرف تاني
مازن:خير يا ماما
سهيله: ملاك مالها انت اتخانقت معاها ولا زعقت فيها
مازن: انا! والله م جيت جنبها
سهيلة:اومال مالها عاملة كده ليه اكيد زعقت فيها
مازن:هو انا للدرجة دي عصبي؟ لا يا ستي اطمني هي عندها مشاكل صغننه كده بس هتتحل وقال بهزار وكفاية ظلم فيا ده انا غلبان
سهيلة ضحكت:طب قوم شوف مذاكرتك يا غلبان قوم يلااا
مازن:مفيش حاجة اذاكرها النهاردة فأنا اجازة..هروح اقول لملاك كام حاجة عايزة مني حاجة
سهيلة :لا يا حبيبي ربنا يوفقك
مازن باس ايدها:يارب يا ست الكل
ملاك قاعدة بتقلب في الصفحات بحزن وزهق..الباب خبط
ملاك:اتفضل
مازن: ايه يا اسيرة الاحزان عملت ايه وقعد جنبها
ملاك نفخت:خلصت الفيزياء..خلصت نص الكيمياء "حطت راسها على الورق" تعبت
مازن: باقي لك ايه غير الكيمياء؟
ملاك قالت بانفعال:كل المواد!
أنت تقرأ
تدمير أجيال
Romanceلا تدمروا الاجيال ب افكاركم الغير منطقية التي تعود للعادات والتقاليد لا تدمروا الاجيال وتقمعوا حريتهم في فعل شيء مباح لأسباب غريبه لا منطق لها لا تدمروا الاجيال بالخرافات والزواج المبكر والكثير من الأشياء التي يجب أن تدفن لا تدمروا الاجيال بل طورهم...
