بسم الله الرحمن الرحيم
CH.16
عدت ٣ ايام ومصطفى نايم في الصاله علشان ميضايقش مازن الصبح الكل قاعد على السفره ومازن منزلش سمير بص لسهيلة وسهيلة ماسكه نفسها علشان شويه وهتعيط
ملاك: انا هطلب اوبر يوصلني انا ومصطفى وبعدها هعمل مشوار صغير يا ماما
سهيلة بصتلها:هتروحي فين يا ملاك دلوقتي؟
ملاك: هتعرفي يا ماما ومتخافيش عليا هاخد مصطفى معايا
ماسة: وصليني المدرسة طيب معاكو
ملاك مسكت موبايلها وهي بتطلب:ماشي تعالي
في مدرسة ماسة في طابور الصباح
وقفت المديرة ماسكه المايكروفون
- صباح الخير عليكوا كلكوا، عايزة ماسة سمير وائل تتفضل تطلع عشان محتاجة اقول كلمة عنها
ماسة طلعت بتوتر ووقفت جنب المديرة، بصتلها وكملت بابتسامة:من فترة طلعت سمعة على ماسة انها بتغشش اللي معاها والمدرسة كلها اتريقت عليها، انا جاية اقولكوا ان ماسة عملت كده بغير قصد وبدافع الصحوبية اللي صحابها مقدروهاش، واللي في الاخر بقوا مثال اوحش "بصت على تسنيم وصاحبها اللي كانوا واقفين باصين في الأرض" دول كانوا بيغشوا ويغششوا، واللي حصلهم لازم يتاخد مثال ان محدش يتريق على صحابه ولا يغش ماسة كانت مبسوطه اوي كانت هتطير من الفرحه بصت للمديرة وابتسمت
نرجع لملاك ومصطفى بعد ما خلصوا مدرسة ملاك طلبت اوبر وروحت ماسة البيت وخدت مصطفى وراحوا لكافيه معين وهناك ظهرت نور
مصطفى:انا مش فاهم انتِ هتعملي ايه؟
ملاك : هتفهم اصبر نور كانت قاعده مع صحابها وقامت راحت الحمام ملاك راحت وراها ودخلت
ملاك: بقى انت يا زباله يا اللي مشوفتيش ساعه تربية تعملي كده في اخويا يا عره
نور بصت لها: وهو باعتك علشان تقولي لي الكلمتين دول؟
ملاك :لا يا روحي هو مبعرفش اني هنا اصلا بس انا جايه علشان حاجه واحده عارفه هي ايه
نور بسخريه: ايه؟
ملاك ابتسمت بشر وراحت جيبيها من شعرها ونزلت فيها ضرب
نور صرخت وهي بتبعدها:انتِ بتعملي ايه انتِ مجنونة ابعدي عني!
ملاك: بقى انت تعملي في اخويا كده ليه عملك ايه ومسكت شعرها تاني لما صوت الصريخ زاد مصطفى اتوتر وراح داخل وطبعا عمال المكان سمعوا ودخلوا يفضوا الخناقه
مصطفى مسكها من وسطها علشان يفك الخناقه بينهم
مصطفى قاعد قدام ملاك بيعدل هدومه ويتأكد انها متعورتش
مصطفى: انت كويسه؟
ملاك هزت راسها:كويسة، بس الزبالة دي معصباني
مصطفى: ضحك جدعه بس برضو مازن شايل المادة هنعمل ايه فجاه موبايل مصطفى رن بصص عليه لقى نمره غريبه رد
مصطفى:مين معايا
محمود: انا محمود صاحب مازن...انت مصطفى اخوه صح؟
مصطفى عقد حواجبه باستغراب:ايوه انا خير
محمود: بص انا صاحب مازن محمود
مصطفى: اهه ازيك عامل ايه
محمود: بخير .هو مازن فين؟
مصطفى اتنهد:مازن حابس نفسه في الاوضة بقاله يومين
محمود: طب هو انا ممكن ازوره
مصطفى سكت ثواني:اكيد طبعا، بس ادينا بس ساعة كده وتعالى ماشي؟
محمود: اه تمام مش مشكلة
مصطفى:تمام ماشي، سلام "قفل"
ملاك:مين اتصل؟
مصطفى: محمود صاحب مازن اعدلي هدومك بقى خلينا نروح من غير ما نبين اي حاجه ليهم يلا
ملاك نفخت:ماشي يلا
رجعوا البيت وبعد ساعة محمود رن الجرس، مصطفى فتح ووصله لاوضة مازن ووقف:بص هو آخر مرة كلمناه كان متعصب وكسر الأوضة حرفيا، فخلي بالك ممكن تلاقي حاجات مرمية واحمي وشك ماشي؟
محمود ضحك :متقلقش متعود عليه
مصطفى هز راسه بضحكة ومشي، محمود فتح الأوضة بص على الحاجات المرمية وهو بيحاول ميدوسش على الازاز المكسور، قعد على سرير مازن اللي كان مغمض عينه وقال:انا عارف انك مش نايم وبتستعبط على فكرة
مازن فتح عينه: انت جيت امتى؟ بتعمل ايه هنا
محمود:انا لسه جاي لقيتك مختفي ومبتردش عليا رغم اني نبهت عليك ترد قولت اجي اشوفك بنفسي
مازن :واطمنت عليا انا كويس اهو
محمود:اه ما باين انك كويس مدغدغ الأوضة حابس نفسك بتهب في اي حاجة يكلمك كلمتين على بعض كويس خالص
مازن نفخ:انت عايز ايه دلوقتي مش فاهم
محمود: قوم اقعد لي كده ونتكلم راجل لراجل
مازن قام ورمى الغطا وهو باصصله
محمود: لا قوم استحمى واغسل وشك
مازن:محمود محمود انا تعبان ومش فايقلك امشي من فضلك
محمود قام وقف وراح لمازن وراح شايله
مازن:انت بتهزر نزلنييي
محمود:مش هنزلك لا "خرج من الأوضة ونده مصطفى" حمامكوا فين معلش؟
مصطفى ضحك:هناك اهو
مازن:نزلني مصطفى قوله ينزلني
مصطفى: لا انا عايز انام في سريري بقى ضهري اتقسم من الكنبة
محمود:مش منزلك غير في البانيو "دخل الحمام حطه في البانيو وفتح الماية عليه" دش جميل عليك يا ميزو هستناك بره بقى "قفل الباب"
مازن من جوا: هوريك يا حيواننن
مصطفى ضحك ووقف جنب محمود:لا حركة حلوة
محمود: عيب عليك
مازن زعق:حد يجيبلي هدوم طيب مش هفضل كده!
مصطفى راح جاب هدوم ودخلها لها
بعد نص ساعة مازن خرج وهو بيدعك وشه وبيظبط هدومه، ضرب محمود على قفاه وقال:مش عارف انا مصاحبك ليه
محمود: علشان حلاوتي وجدعتني
مازن راح ناحية اوضته تاني:طب غور بقى
محمود راح وقف قدام الاوضه: هه لا با حلو كان غيرك اشطر يلا بقى البس حاجه في رجلك ويلا بينا هنخرج نتمشى ونشرب قصب
مازن:محمود انا مقدر محاولاتك الجميلة جدا بس انا عايز اقعد في اوضتي ممكن؟
محمود:لا مش ممكن قرب منه معنديش مانع اشيلك لحد العربيه وبدل ما يكون مصطفى بس اللي شافك هخليه الشارع كله انت حر بقى
مازن بص لمصطفى اللي هز راسه وهو مبتسم، عدل هدومه بعصبية وهو نازل:اما نشوف اخرتها
محمود ماشي وراه بابتسامه ركبوا العربية
وصلوا للنيل ونزلوا راح محمود جاب عصير قصب ورجع لمازن لقى !!!...يتبع كل عام وانتم بخير عيد اضحى مبارك
الفصل ده عيديتكم استمتعوا ❤️❤️🫰🏻
أنت تقرأ
تدمير أجيال
Romanceلا تدمروا الاجيال ب افكاركم الغير منطقية التي تعود للعادات والتقاليد لا تدمروا الاجيال وتقمعوا حريتهم في فعل شيء مباح لأسباب غريبه لا منطق لها لا تدمروا الاجيال بالخرافات والزواج المبكر والكثير من الأشياء التي يجب أن تدفن لا تدمروا الاجيال بل طورهم...
