بسم الله الرحمن الرحيم
CH. 12
ماسة هزت راسها في حضنه وزادت في عياطها
مصطفى: وهما طبعا مش هسيبهم هجيب لك حقك منهم متعيطيش وبدا يمسح على شعرها ويهديها لحد ما نامت في حضنه قام من جنبها براحه وغطاها طفى النور وطلع لقى ملاك ومازن في وشه
مصطفى: ايييه انتوا هنا ليه
مازن:يعني كنت هفضل قاعد حاطط في بطني بطيخة صيفي مستني حد يحن عليا ويفهمني كان لازم اسمع
ملاك:كان لازم اطمن على ماسة
مصطفى:وهديتوا؟ اتبطيتوا؟ هنعمل ايه دلوقتي
مازن:هجيب عاليها واطيها في المدرسة والعيال دي
ملاك:لا لا اتقل كده انا عارفة انا هعمل ايه كويس..بس عايزين الأول نقف جنب ماسة وبعدين نتعامل مع العيال دي بمزاج
مصطفى عدل نظارته: انا حاسس اني مع ريا وسكينة ليه
مازن خبطه على دماغه: امشي من قدامي بدل ما يبقى الدور عليك
مصطفى: يوه وانا مالي انا هروح اكل يا عيله نكد امال مالك ومليكه فين؟
ملاك: شوف اوضتهم
مصطفى:انا ماليش غير مالك ومليكة هما دول حبايبي اللي هيفرفشوني مش انتوا..اوعوا كده
مازن:الغزالة رايقة يعني
ملاك: مش رايقه ولا حاجه بس يحاول اخد الأمور بسلاسه علشان دمي بدا يخلص من كتر ما اتحرق
مازن:ماشي يا ستي..ناوية على ايه مع العيال
ملاك:هتعرف..بس مش دلوقتي
مازن: انا خايف منك يا ريا
ملاك بضحكه: متخافيش يا سكينة ودخلت الاوضه
ورجع مازن اوضته علشان يريح دماغه من كل الأحداث سمير قام من سريره فجأة واتجه ناحية الحمام..سهيلة اتخضت وقامت ورا..وقف أدام الحوض وبدأ يرجّع بعدها قعد على الأرض
سهيلة سندته وغسلتله وشه وبعدين قعدت جنبه:مالك يا حبيبي حاسس بايه
سمير: تعبان تعبان اوي ...انا عايز ارجع البيت واشوف العيال
سهيلة بصتله بحزن..طبطبت عليه وقالت:هتشوفهم وهتبقى زي الفل ان شاء الله متقلقش
سمير اتنهد بتعب ورجع غمض عينه بارهاق
سندته رجعته السرير..طبطبت عليه لحد ما نام ودمعت..
--
عدى تلت ايام..
سمير حالته بتتدهور وماسة بتتحسن بالبطيء..الدكتور عند مازن بيديله واجبات اكتر وبيزنقه في الوقت اكتر..ملاك ومصطفى مكملين في دراستهم
ملاك:مش ناوية ترجعي المدرسة بقى؟
ماسة: لا
ملاك اتنهدت:ليه يا ماسة
ماسة عنيها دمعت: اروح ازاي بعد كل ده مش عايزة، اروح اعمل ايه وانا كل اللي كانوا حواليا ناس كذابين
ملاك اخدتها في حضنها وهي بتطبطب عليها:تروحي عشان تثبتي لكل الناس الكذابة دي انك صح ومعملتيش حاجة تستحق كل ده، انتِ جميلة اوي يا حبيبتي "طلعتها من حضنها وبصتلها" وانا فكرت في حركة حلوة اوي هتخلي الناس كلها بتعتذرلك
ماسة مسحت دموعها وهزت راسها بصت لملاك : حركة ايه ؟
ملاك ابتسمت:خليها مفاجأة، روحي انتِ بس المدرسة بكرة وانا هاجي معاكي اظبط كل حاجة
ماسة اتنهدت وحضنت ملاك : حاضر
ملاك ملست على شعرها:متزعليش بقى
تاني يوم..
مازن قاعد في الكافتيريا بيشخبط في الكراسة اللي قصاده بسرحان
نور جت قعدت قدامه: مالك سرحان ف ايه
مازن رد وهو مكمل شخبطة:في اخواتي ايه الجديد
نور: اممم مالهم المره دي؟
مازن اتنهد وساب القلم:ماسة اختي حصلها مشكلة كبيرة في المدرسة، بقالها فترة مبتروحش
نور: مش دي ماسه الصغيره اللي في ابتدائي؟
ضحكت عادي المشاكل بتحصل كتير في السن ده هتعدي دول اطفال يعني وخناقات الأطفال تافهه
مازن بصلها بخنقة:خناقات عادية غير اللي حصل لماسة وبعدين انتِ جاية تهوني عليا ولا تتريقي مش فاهمك
نور حطت اديها على ايده : مقصدش يا مازن بس عايزاك تطلع الموضوع شويه من دماغك انت كمان عندك دراسه وحياه تركز فيها مش ضروري تفضل شايل همهم كده فضي عقلك حبه لنفسك
مازن نفخ:هركز مع دراستي ولا مع الدكتور اللي حالف ١٠٠ يمين معديش الترم ده، ولا هركز مع تعب ابويا ولا مشاكل اخواتي اللي مبتخلصش
نور حطت اديها على خده:هيعدي كله يا مازن صدقني وانا معاك كمان وان شاء الله هتعدي مادة الدكتور ده وعمو يبقى كويس
مازن بص على ايدها بتوتر، شالها بالراحة وحطها جنب:شكرا
نور ابتسمت : مفيش شكر بينا صح
مازن ابتسم:اكيد، يلا خلينا نلحق المحاضرة "ضحك" هتزوغي زي كل مرة واجيبلك انا المحاضرات
نور: مهو للأسف ماما كلمتني علشان سلمى اختي تعبت وو عايزه اوديها لدكتور الاسنان معلش بقى
مازن ابتسم:ماشي ياستي ابقي طمنيني عليها، هستأذن انا بقى
نور : بايي
عند سمير في المستشفى
سهيله عدلت له المخده ورا ضهره وقعدت قدامه وبصت له بابتسامه مرهقه
سمير: العيال عاملين ايه
سهيلة ابتسمت بتوتر:كويسين الحمدلله، قوم انت بالسلامة وسلم عليهم
سمير: مالك ومليكة وحشوني اوي الاشقيه دول
سهيلة ضحكت:وانت كمان وحشتهم جدا، الدكتور قالي انك ممكن تخرج يومين تشوف فيهم البيت بس ترجع تاني..الأهم انه يشوف تحسن يسمحلك تمشي اليومين دول
سمير هز راسه : ان شاء الله
سهيلة طبطبت عليه:متقلقش والله هتعدي
------------------
مازن: وبس يعني حاسس انها طيبة اوي وبنت ناس
محمود: انت متأكد يا مازن؟ اصل نور يعني مش معروف عنها الطيبة دي خالص
مازن:ازاي يعني...انا مشوفتش منها حاجه وحشه ف ليه بتقول كده
محمود: في الأول..الكلام ده بيكون في الأول لكن بعد ما تاخد اللي هي عايزاه هيختلف وابقى قول محمود قال
مازن بشويه عصبيه: قصدك ايه يعني ايه تاخد اللي هي عايزاه
محمود اتنهد:ولا حاجة يا مازن براحتك، انت بقى واخد الملاحظات دي توديها فين؟
مازن :لنور عادي انشغلت بسبب ان اختها تع قاطعه محمود
محمود: تاني !! هو كل محاضره فيه عذر جديد عندها
مازن:الناس لبعضها يا محمود مالك في ايه!
محمود شوح بايده : براحتك يا مازن خليك كده انا ماشي
مازن مسكه:انت مالك قفوش كده ليه
محمود: مهو مش عايزك تبقى مغفل يا مازن يعني الحق عليا انت صاحبي من أيام إبتدائي وانا مش هخسرك علشان حته بنت
مازن:يا محمود..
- يا ما شاء الله، سايب المحاضرات وانت قاعد تلعب هنا؟
مازن اتنهد بخنقة:وقتي الفاضي يا دكتور
-وقتك الفاضي تقعد تذاكر فيه واقف بتعمل ايه هنا
مازن:بيتهيألي من حقي اقضي وقتي في اي حاجة مش شرط المذاكرة
-المفروض تذاكر علشان تعرف تنجح بدل ما انت هتشيل الماده
مازن رد بعصبية خفيفة:انا مش هشيلها لو حضرتك خرجتني من دماغك شوية
-انت ازاي تتكلم معايا كده انت نسيت نفسك!!!
مازن بص في الأرض وهو بيهدى:انا اسف
-اسف بعد ايه صدقني اما خليتك تشيل المادة دي مبقاش انا
مازن:يا دكتور..
- انت خليت فيها دكتور وسابه ومشي
مازن خبط على راسه واتنهد بخنقة
----------
ملاك:صدقيني حضرتك دي الطريقة الوحيدة اللي البنات دي هتتأدب بيهم
=بصي انا مش مقتنعه اوي بالطريقه دي بس هنفذ لسبب واحد
ملاك:سبب ايه؟
=اني عارفه ان ماسة مظلومه وانها معملتش كده دي ماسة اختك
وانت عديتي عليا وعارفه تربيه أهلكم
ملاك ابتسمت:شكرا لحضرتك على الثقة دي
العفو وابقي سلمي لي على بابا وماما ومازن علشان وحشني الولد ده♥️
ملاك قامت:اكيد طبعا هخليه يعدي على حضرتك يسلم كمان
------------------
ماسة دخلت الفصل وكانت بتحاول متبصش على الناس وبتحاول متعطيش وقاعده تكرر كلام مصطفى ليها" انت مغلطتيش يبقى انت زعلانه وخايفه ليه "
سمعت صوت الناس بتضحك وراها، غمضت عينها وهي بتحاول تهدى..فتحت لما سمعت حد بيكلمها:ماسة انا ميار، انتِ كويسة؟
ماسة لفت عليها وابتسمت :ميار انت عامله ايه
ميار طبطبت عليها:انا كويسة، على فكرة انا مش مصدقة اي كلمة عليكي انا عارفة انك شاطرة مش بتعملي اي حاجة وحشة بيقولوا عليها
ماسة عنيها دمعت وحضنتها: شكرا انك مصدقاني
ابتسمت وطبطبت عليها
- يلا يا بنات استعدوا في كويز هيتعمل دلوقتي على اللي خدناه الحصة اللي فاتت "بصت لماسة" اقعدي في الديسك الاخير يا ماسة لوحدك
تسنيم بصت بشماته لماسه وقالت لها بصوت واطي علشان الغشاشين لازم يبقوا ورا لوحددهم
ماسة نفخت وقعدت لوحدها، ميار قعدت جنبهم ومالت عليهم وهي بتهمس:تسنيم، هو أول سؤال اجابته ايه
تسنيم بصت لها شويه بعدين قالت بهمس:26
هزت راسها وكتبت رقم تاني وهي مخبياه، ابتسمت وكملت حل..بنت تانية همستلها:طب تسنيم، السؤال الخامس ايه؟
تسنيم بهمس :غلط وسيبوني اركز
ابتسمت وكتبت اجابتها..بعد ثواني المديرة دخلت:تسنيم..اتفضلي على مكتبي حالا
تسنيم بصت لها بصدمه: ل..ليه!؟
- اتفضلي حالا
تسنيم قامت بصمت وطلعت من الفصل قدام المديره وراحت لمكتبها
دخلت والمديره دخلت وراها وملاك كانت هناك
قعدت =ممكن افهم بقى ايه ده!؟
تسنيم: ايه؟
=لفت لها شاشه الكومبيوتر :ده ايه
ورتها الفيديو اللي كانت بتغشش فيه ميار والبنت التانية
تسنيم وشها اتخطف
وملاك ابتسمت بسخرية
تسنيم:اا..انا انا معملتش حاجة
ملاك :اومال ده ايه انت هتستهبلي!!!
=ملاك لو سمحتي!اهدي
ملاك خدت نفس وطلعته بهدوء:تسنيم اي كذب هتقوليه هيبقى ضدك في الاخر، انتِ متصورة صوت وصورة
تسنيم اتوتر اكتر وعنيها اتملت دموع: بس بس انا وعيطت
ملاك بصت جنب ونفخت، رجعت بصتلها وقالت:انتِ عملتي نفس الحركة في اختي رغم أنها مكانتش عايزة تغششك وعملت كده عشان بتحبك، طالما خايفة اوي كده عملتي في ماسة كده ليه!
تسنيم بتعيط وبتشهق : انا اسفة مش هتتكرر بس
- مفيش داعي للكلام، تسنيم انتِ وصحابك هتروحوا دلوقتي وبكرة الصبح تكونوا أدام المدرسة الساعة ٦ الصبح
تسنيم نزلت راسها : حاضر
اتفضلي، مامتك مستنياكي بره
---------------
مازن بيشخبط في الورق بسرحان في وسط المحاضرة، الدكتور نده بصوت عالي:مازن انا كنت بقول ايه؟
مازن بص له ووقف : امم امم حضرتك انا اسف كنت سرحان
ربع ايده ورفع حاجبه:وانت في الامتحان هتكتب معلش انا كنت سرحان؟
مازن: انا اسف واكيد مش هحضر اختبار من غير ما اذاكر
- تمام بما انك جبت سيرته عندكوا اختبار مفاجئ يا أساتذة كمان نص ساعة "الناس بدأت تتكلم" القرار مفيهوش نقاش وهعتبره من درجات اخر السنة، اما بالنسبة ليك يا استاذ مازن صفر في درجات الشفوي
مازن بص حواليه وحس ان الدنيا اسودت قدامه اخد حاجات
- رايح فين ؟
مازن: بدام هي باظت ...انا طالع برا وطلع برا
فضل باصص عليه وهو خارج، طلع نفس بعصبية وبصلهم:الاختبار ده هتحلوه معايا، اللي هيبلغ مازن هيحصله في السقوط!
كان المدرج كله مستغرب من اللي بيحصل وكانها حرب بينهم هما الاثنين
برا عند مازن بعد ما طلع برا حس ان تنفسه صعب والدنيا بتلف بيه
سند على الحيطة بتعب وهو بيتنفس بسرعة، نور بصت عليه وقفت قصاده وهي بتقول:مازن انت كويس؟
مازن بصلها ثواني:انا..انا.. "وقع على الارض"
نور اتخضت جامد وفضلت واقفه متنحه حبه سحبت موبايله بسرعه وفتحت النمر طلعت رقم ملاك واتصلت بيها
...يتبع اينعم انا مخلصه اختبارات بقالي اسبوع تقريبا ولكن كنت مشغوله حبه ف معلش اتاخرت عليكم😂❤️ولكن ان شاء الله هدلعكم في الاجازة👌🏼👌🏼
أنت تقرأ
تدمير أجيال
Romanceلا تدمروا الاجيال ب افكاركم الغير منطقية التي تعود للعادات والتقاليد لا تدمروا الاجيال وتقمعوا حريتهم في فعل شيء مباح لأسباب غريبه لا منطق لها لا تدمروا الاجيال بالخرافات والزواج المبكر والكثير من الأشياء التي يجب أن تدفن لا تدمروا الاجيال بل طورهم...
