بسم الله الرحمن الرحيم❤️
تدمير اجيال ch.15
الدكتور دخل اللجنة يشوف الوضع ايه بص على مازن اللي اصلا هو في دماغه من الاول وراح عنده: ايه مش عاجبك الاختبار؟
مازن بصله بطرف عينه:حضرتك شايف ايه
الدكتور سحب الورقه من ايده :شايف انك كده كده شايل الماده تاعب نفسك وجي الاختبار ليه
مازن بصله بصدمة:انا مش فاهم انا عملت ايه عشان تعاملني بالشكل ده!
الدكتور: مش عاجبني اطلع بررا وقطع ورقته
مازن قام بعصبية:طيب بما اني كده كده شايل المادة بقى انت دكتور منافق همك على الفلوس والناس اللي لازم تعملك الف حساب لكن اللي يقفلك تطلع عين اهله، حقيقي دي ازبل فترة جامعية في حياتي عشان قابلت دكتور زيك! "خد شنطته وهو خارج بره المدرج"
طلع برا وقعد في عربيته لقى ملاك بتتصل ليه خد نفس عميق وحاول يهدى
ورد عليها ايوا يا ملاك
ملاك: انا خلصت هتيجي تاخدني ؟
مازن: حاضر يا حبيبتي هاجي لك اديني نص ساعه بس وقفل معاها
مازن رجع راسه على ورا وفجأه لقى باب العربية بيتفتح وحد بيقعد جنبه فتح عينه لقاه محمود
محمود: ايه اللي حصل يا مازن!
مازن:زي ما سمعت وشوفت بعينك، محمود سيبني في حالي دلوقتي عشان انا على اخري
محمود: يبني اهدى انا مش جاي اعاتبك ولا اغلطك
مازن:تمام وانا مش مستعد اتكلم في اي حاجة تخص الموضوع ده، نور خرجت؟
محمود: ياعم تبا
مازن بصله بعصبية:خرجت ولا مخرجتش خلصني
محمود: نور اللي واقفه مع الدكتور هناك دي؟
مازن بص ناحيتهم بعدم فهم، نزل من العربية بسرعة راح لنور وهو بيقول:ياترى ايه سبب وقفتك اللطيفة دي هنا؟
محمود راح وراه وسحب مازن
الدكتور: انت عايز ايه محتاج الأمن صح؟ بعدين انت مين علشان تكلمها كده
مازن طنشه وبص لها: نور؟؟!
نور بصت للدكتور بتوتر:معلش انا هتكلم معاه دقيقتين "بصت له" محتاج يفهم كفاية لحد كده
مازن: افهم اييه!!؟
نور ابتسمت :تفهم انك مغفل يا مازن
مازن سكت ثواني بتوتر، خد نفس:مش فاهم؟
نور: يعني كنت لعبه كنت هدف بستغلك واستغل شطارتك علشان أنجح مش اكتر
مازن فضل باصص لها من غير ما يرد، نور كملت:والحقيقة دي كانت فكرة انكل رشيد قالي انه كده كده مش طايقك وعايزني انا أنجح باي شكل من الأشكال، وشكرا ليك مخدتش في أيدي غلوة واحدة، ها فهمت ولا لسه عايز تفهم؟
محمود فضل ماسك مازن اللي عينه كانت بتجمع دموع وأيده بيضغط عليها من الشده الغضب
مازن فضل باصص لها وساكت اللي فوقه رنه موبايله بص للموبايل ...ملاك!
محمود سحب مازن بالعافيه لحد العربية وركبه مازن مكنش على طبيعته في حاجه اتكسرت جواه وحاجه كبيره جدا
محمود قعد مكان السواق وحط ايده على رجل مازن اللي ركب جنبه : اروحك؟
مازن باصص في الارض وهز راسه ب لا : روح انت انا هروح اجيب ملاك بعدين اروح
محمود:لا انا هعملك المشاوير دي
مازن:بس
محمود:اسمع الكلام
مازن بص له وعينه فيها دموع وقاله :انا اسف اني مصدقتكش
محمود طبطب عليه:اي حد مكانك مكانش هيصدق على الاقل اللي حصل النهاردة،يلا انا هسوق واعدي على ملاك
مازن:محمود متتعبنيش اكتر انا مش عايز حد من البيت يقلق عليا لازم كل حاجة تمشي طبيعي، امشي انت وانا هكلمك
محمود: بس انا كده هبقى قلقان يا مازن
مازن: متخافش هبقى كويس عيب عليك انت تعرفني من ابتدائي
محمود ابتسم: وده اللي مخليني اخاف اكتر
مازن مسح دموعه:متقلقش، يلا انزل خليني الحق ملاك
محمود نزل من العربية ومازن نزل ركب مكانه، قفل الباب وبصله من الشباك:هكلمك كمان شوية ياريت ترد ممكن؟
مازن حط الحزام:لو مردتش اعرف اني نايم في الاوضة، سلام "ساق"
ملاك واقفه مستنيه : فينه ده كمان دماغي ورمت
مازن رد من غير ما يبصلها:اركبي يا ملاك انا محتاج اروّح، ماسة في البيت مش كده؟
ملاك: اه بس مصطفى لا عدي عليه
مازن هز راسه وملاك ركبت جنبه، بصتله باستغراب:هو انت كويس؟
مازن كمل سواقة من غير ما يرد
ملاك عرفت ان في حاجه وسكتت وصلوا عند مدرسة مصطفى
مصطفى ركب بهدوء لان لاحظ توتر الجو في العربية
مصطفى مال على ملاك وهمسلها:هو في حاجة حصلت بينكوا؟
ملاك:لا خالص هو كده من الاول
مصطفى:غريبة ايه اللي حصله؟
ملاك هزت كتفها:خلينا نرجع ونبقى نفهم
----------
مازن فتح باب الشقة ودخل، سهيلة طلعت من المطبخ:حمدلله على سلامتكوا اكيد جعانين، غيروا وتعالوا كلوا
مازن اتكلم بصوت ضعيف:انا مش قادر اكل "طلع على السلم"
سهيلة:ايه يا مازن انت كويس؟ مازن؟ يا مازن! "بصت لملاك" هو في حاجة حصلت؟
ملاك: لا احنا ركبنا معاه لقيناه كده
سهيلة بصت لهم:اطلعوا اوضكم وانت يا مصطفى روح اقعد مع بابا حبه انا هطلع اشوف اخوكم ماله ومش عايزه حد عند الاوضه
ملاك:خالص مالص؟
سهيلة:امشي يا ملاك
سابتهم وطلعت اوضة مازن حاولت تفتح الباب مفتحش، بصت باستغراب وخبطت:مازن انت كويس؟
مازن مش بيرد
سهيلة: مازن متعملش كده افتح لي الباب خلينا نتكلم
مازن مسح دموعه واتكلم بصوت ضعيف:انا مش عايز اتكلم مع حد ولا حد يتعامل معايا، انا شايل هم البيت من زمان ممكن لو لمرة واحدة تسيبوني لوحدي!
سهيلة: طب افتح يا حبيبي ونتكلم علشان خاطري
مازن زعق:عايز ابقى لوحدي
سهيلة عنيها دمعت ملاك طلعت من الاوضه وراحت سحبت مامتها ودخلتها عندها
ملاك طبطبت عليها:سيبيه دلوقتي يا ماما معلش
سهيلة: انا مش فاهمه ايه اللي حصل
ملاك:والله محدش فاهم بس طالما مازن وصل لكده يبقى هو اكيد محتاج يكون لوحده على الاقل دلوقتي بس، شوية وهبقى ادخل اتكلم معاه
الساعه ٨ بليل مصطفى واقف قدام الاوضه
مصطفى: طب افتح طيب اخد هدومي يرضيك افضل كده بقالي ١٢ ساعه ينفس الهدوم
مازن فتح الباب ورجع نام على السرير وغطى نفسه
مصطفى:ربنا يسترك علشان تعرف اني بس عايز هدومي مش جاي اتكلم بس اعرف ان البيت كله مقلوب تحت علشانك يا مازن وايا كان اللي زعلك ف يومه اسود عارف ليه لان زعل ضهرنا وسندنا واخونا الكبير واذاك وانت طيب وجميل متستاهلش ان حد يوجعك انت اللي وقفت معانا كلنا في مشاكلنا مسبتش حد فينا ضايع كنت معانا وبابا مش هنا حاولت تسيطر على البيت وتمشيه زي ما بابا كان ممشيه منقصتناش حاجه قرب منه وباس راسه من فوق الغطا ربنا يخليك لينا♥️
مازن رفع الغطا عن راسه وبصله وهو بيدمع، مصطفى قعد جنبه طبطب عليه:تحب اديك حضن اخوي لطيف؟
مازن عدل نفسه وحضنه، حاول يحبس دموعه وخد نفس وطلعه برعشة
مصطفى كان ماسك نفسه علشان ميعيطش منظر اخوه وجعه :عيط براحتك يا مازن محدش هيحاسبك على دموعك
مازن خرج من حضنه ونام تاني:شوف عايز تعمل ايه واعمله او نام
مصطفى لا هغير هدومي بس اصلي خللت في هدوم المدرسة
ملاك استنت مصطفى يطلع ودخلت بعدها وقفلت باب الأوضة
مازن نفخ:انا بتكلم هيروغليفي لما بقول مش عايز اتكلم مع حد؟
ملاك: لا بص انا مش ماما ولا مصطفى علشان اسمع الكلام واقولك حاضر وامشي لا انا مجنونة وعنديه وانت اللي مربيني ف اقوم اقعد كده بدل مااقعدك غصب عنك
مازن مسك الغطا بعصبية وجز على سنانه:اطلعي بره ياملاك
ملاك: لو مقومتش هشدك من شعرك ويا انا يانت
مازن قام وهو بيزعق:عايزاني اقول ايه يا ملاك؟ اخوكوا الكبير اللي المفروض يتاخد مثل أعلى شال مادة عشان دكتورها حاطه في دماغه والبنت اللي بيحبها طلعت بتستغله عشان تنجح وكمان هي اللي وزت الدكتور يشيله المادة؟ انا شايف قرف البيت وقرفي وكفاية عليا اوي لحد كده مش عايز حد يكلمني ولا عايز حد يتعامل معايا خليكوا في حياتكوا وسيبوني في حياتي! "قام وهو بيشد ملاك بيطلعها" واتفضلي بقى عايز اقعد لوحدي افهموها بقى
ملاك وقفت عند الباب وابتسمت : نور صح؟ بنت الجزمه اما وريتها
مازن قفل الباب في وشها ورجع قعد على السرير، ضم راسه لركبته وهو بيعيط
ملاك: انا هطلع برا بس اعرف ان وراك رجاله هيجيبوا حقك
عدت الليلة دي ومصطفى نام في الصاله علشان ميضايقش مازن
-----تاني يوم الصبح-----
يتبع..❤️❤️
أنت تقرأ
تدمير أجيال
Romanceلا تدمروا الاجيال ب افكاركم الغير منطقية التي تعود للعادات والتقاليد لا تدمروا الاجيال وتقمعوا حريتهم في فعل شيء مباح لأسباب غريبه لا منطق لها لا تدمروا الاجيال بالخرافات والزواج المبكر والكثير من الأشياء التي يجب أن تدفن لا تدمروا الاجيال بل طورهم...
