لا تدمروا الاجيال ب افكاركم الغير منطقية التي تعود للعادات والتقاليد لا تدمروا الاجيال وتقمعوا حريتهم في فعل شيء مباح لأسباب غريبه لا منطق لها لا تدمروا الاجيال بالخرافات والزواج المبكر والكثير من الأشياء التي يجب أن تدفن لا تدمروا الاجيال بل طورهم...
بسم الله الرحمن الرحيم🌻 CH.20 ملاك خرجت من المراجعة:انا حاسة دماغي هتقع مني من كمية المعلومات - عندك حق والله حاسه عايزه افتح باب في دماغي واكب الحاجات اللي جوا واكنسة وبعدين ندخل المعلومات كويس ملاك نفخت:خلاص خمس امتحانات ونخلص بس خلاص مش قادرة - اجمديي كده انت متخيله ٥ اختبارات ونخلص نخلص خلاص ونقعد كده في بيوتنا وناكل ونشرب وننامممم ملاك عدلت شنطتها بملل:يأ خياص تعبت - هانت هانت المغرب مصطفى داخل البيت بيغني وهو بيلعب بالمفتاح بتاعه وهو طالع على السلم ماسة: يا سلام يا سلام البغبان رايق ليه مصطفى بصلها بخضة:حد يخض حد كده؟ ماسة: سلامتك من الخضة يخويا راجع الساعه ٧ ليه مصطفى قال بتوتر:عادي خرجت مع صحابي ماسة: صحابك اه مين بقى مازن نازل من فوق : ايه التحقيق دن في ايه انت كلت أكلها؟ مصطفى ضحك:والله ما عملتلها حاجة ماسة:متغيرش الموضوع واعترف مازن: يعترف ب ايه عملت ايه يا ولد مصطفى: والله معملتش انا بس لسه راجع من برا بتقولي كنت فين هو انا جوزك في ايه ماسة:اصل فرحتك دي تبين ان صحابك في حد خصوصي مصطفى بدأ وشه يحمر: ولا خصوصي ولا نيله وسعي هايز اغير هدومي واريح وبدأ يطلع على فوق ماسة بصت لمازن: اقطع دراعي اما كان بيحب وبيتحب وفاكرمي مغفله مازن: تقطعي دراعك؟ ايه يا بنتي ده مربيين ام حسن ؟ ماسة:انا غلطانة اني بكلمك، انا رايحة اعمل فشار مازن: خدي بس يا ام حسن استني انا كمان عايز فشاار مالك : انا انا عاييزز اناا مليكه : انا عايزه فثااررر ماسة بصتلهم بخضة:ايييه انا هعمل محل فشار! مالك: نعمل محل كامل!!وهناكل بللاششش مازن ضحك وشاله:انت نفسك تعمل محل فشار؟ مالك وهو ييشاور بايده : كبيررر كده وكله فشار بالملح مليكة لا بكراميل احلىىى مالك: انت مالك اثلا مش هأكلك منه وطلع لسانه مازن:بس بس اهدوا هنفتح محل فيه كل الاطعمة ماسة:بقولكوا ايه اللي عايز فشار يعمل لنفسه "جريت" مالك بيجري وراها : اثتني بث يا ماثثثهه مصطفى سابهم وطلع اوضته يغير هدومه ----------- تعدي الايام ما بين مذاكره واختبارات ملاك علشان تعدي الثانوية العامه وبين مذاكر مازن علشان يعدي المادة ملاك فتحت الباب ودخلت لقت مصطفى قاعد ماسك كتاب بيقراه نزل الكتاب وبص لها : عملتي ايه؟ ملاك: حليت كويس مصطفى ابتسم: تفائلي ده كان اخر اختبار ملاك قعدت جنبه وتنهدت: مش مصدقه نفسي يا مصطفى حاسه انه كان كابوس طويييلل وضحكت بس انا خلصصصتتت طلعت ماسة من الاوضه وهي مشغله اغاني بصوت عالي ونطت على ملاك ماسة: خريجتنا اهي خريجتنا اهي ملاك ضحكت:استني بس النتيجة كمان يومين نعرفها الاول مصطفى:نتيجة مازن كمان بعد اسبوع ان شاء الله نحتفل بالخريجين اللي عندنا مازن طالع من اوضته وهو لسه صاحي من النوم وشعره منكوش: جايبين في سيرة مازن ليه سيبوا مازن في حاله مليكة: زوزووو وجريت مسكت في رجليه مازن بربش وهو بيرفع مليكة:ايه يا ليكا عالصبح مليكة باسته على خده : كنت جايه اقولك انك احلى مازن في الكون مازن ضحك: ماشي يستي وانت احلى مليكة في الكون مالك وهو بيشد بنطلون مازن : بص بص عملت ايه مازن بص له مالك: رثمتك ورثمت ماما وبابا ومصطفى و ماثه وانا ومليكه حلوة؟؟ مازن مسك الرسمة وهو مدقق فيها بابتسامة، بص لمالك وشاله:حلوة عشان انت اللي راسمها ياحبيبي ماسة حضنت مصطفى مصطفى زقها: ايه يابت التلزيق ده ماسة: انت اخ شرير على فكره هروح احضن مازن وطلعت له لسانها مصطفى: ايه الهبل ده العيال دي اتجننت سهيلة من المطبخ : مصطفى تعالى ساعدني يا حبيبي مصطفى قفل الكتاب : جاي يا ماما مازن نزل مليكة ومالك:لا مازن اتهرى احضان، انت بتنادي يا مصطفى؟ مصطفى:لا يامازن مبندهش مازن:طب اطير انا بقى اشوف مصطفى مبيندهش ليه سمير واقف فوق بيبص على الجو اللي اطفاله قره عينه عاملينه في البيت بعد ما اتحرم من صوت ضحكاته وشقاوتهم لفتره كبيرة والحزن كان مخيم عليهم والتوتر سعادته برؤيتهم مشرقين وبيضحكوا كده مخليه الفرحه مش سيعاه بدأت عينه تدمع وابتسم بهدوء ------------ ملاك صاحيه ماسكه اللاب وعماله تهز في رجلها ومتوتره اوي ومستنيه الدرجات تطلع ومصطفى قاعد جنبها بيهديها ملاك طلعت نفس برعشة:انا خايفة اوي، حاسة اني هشيل فيزيا، لا لا كيميا كيميا جت وحشة اوي، ولا في الاخر اطلع شايلة اينجلش! مازن: اطفي مخك شويه اطفيه ملاك بصتله بعصبية:ما طبعاً ما انت مش ثانوية! مازن: اهديي اهدييي هات اللاب ده انا هطلع النتيجه وانت ايه اهدي كده مبنجيش على اعصابنا علشان نتيجه مصطفى: ملاك براحه يا حبيبتي هتنجحي كلنا عارفين انك دحيحه ملاك:مش في ثانوية الكلام ده هات اللاب مازن:اصبري بقى، امسكها يا مصطفى مصطفى مسكها ماسة: والله حتى في ثانوية دحيحه اهدي بقى صدعتيني ملاك: اما وريتك يا ام لسان ونص انت ماسة طلعت لها لسانها مازن: خمسة هدوء بقى ملاك:ايه طلعت! شيلت صح؟ انا حاسة اني شيلت حاسة اني شيلت مازن:يابت اهدي! بص في اللابتوب ثواني، بص لمصطفى وغمزله اللي بص في اللابتوب ورجع بص لملاك بحزن، ملاك خبطت راسها:شيلت! يا ميلة بختك يا ملاك هتخشي دور تااااني مصطفى:لا لا مش قادر هتقلبها مناحة مازن:٩٥ ياموهومة! ملاك: ايه ٩٥ ! انا انا انت بتتكلم جد ؟ ومسكت اللاب بصت فيه ده بجد ده بجدد بجد يا مصطفىىى طلعت سهيلة من جوا تزغرط وماسه شغلت لهم الناجح يرفع ايده مصطفى:شوفتي يا اوفر! مازن بتريقه: انا مش دحيحه ملاك ضربته على كتفه وبعدين عيطت مازن: ايه الجنان ده بتعيطي ليه ملاك ضحكت: انا مبسوطه اوي لدرجت اني بعيط وضحكت جامد مصطفى: ايه الرعب ده هتطلع قاتل متسلسل في الاخر وتموتنا ماسة: شكلها كده نكلم مستشفى المجانين؟ ملاك وهي بتمسح دموعها : سمعاكي يا قليلة الادب مازن ضحك:خلينا نحتفل بالبت القمر اللي جايبة درجة قمر زيها دي ملاك ضحكت وحضنته ماسة: اذاا اقيموا الافرااحححح ملاك همستله:انت كمان هتجيب درجات حلوة مازن ابتسم:انا دفعت تمن الدرجات دي جامد ملاك ابتسمت وطبطبت عليه مالك: هنجيب تورتتتههههه مليكة: تورته كبييررههه ملاك ومازن بصوا عليهم وهما بيضحكوا، ماسة قومتهم وقعدوا كلهم يرقصوا ~~~~~~~~~~~~~~~~~~~ بعد اسبوعين.. مازن بيدور على اسمه في ورق الجامعة، قال بحماس:انا نجحت! محمود: نجحت نجحت يا مازن نججتت وحضنه مازن ضحك جامد : ابعد يا لزقه الجو حرر لازم اكلم ماما اقولها محمود:دلوقتي لزقة؟ ماشي ياعم الناجح يرفع ايده مازن رد وهو بيضحك:ايوه ياماما بقولك نجحت! سهيلة: الف مبروك يا حبيبي وزغرطت مازن: ودني يا ماما ودني ودنييي ملاك بصويت: مبروك يا زوزووووو محمود: كمل كلام معاهم وهاخدك على دكتور يكشف عليك بعد كل الصويت ده مازن ضحك وقفل معاهم وكان بيتحرك هو ومحمود علشان يخرجوا من الجامعة -مازن مازن ومحمود بصوا ناحية الصوت، محمود كشر وبص لمازن:يلا بينا قربت:يامازن عايزة اتكلم معاك مازن بص لمحمود:اسبقني انت "بصلها وقرب" نعم يانور في حاجة؟ نور بصت في الارض:انا محتاجك اعتذرلك على اللي عملته معاك مازن ضحك: لا والله؟ ليه تعتذري بس يا ترا الاعتذار ده علشان كسرتي القلم بتاعي ولا علشان وقعتي ميه على الدفتر بتاعي! ....انت اللي عملتيه ميتمسحش باعتذار يا نور نور:انا عارفة ان اللي عملته مش سهل بس..بس انا كنت عايزة اعدي السنة دي عشان بابا كان حالف عليا لو معدتش مش هيحصل كويس مازن:وعديتي؟ "بصتله وسكتت، ضحك" يعني معدتيش في الاخر وانا اللي طلعت ضحية لعبة قذرة وسقطت كمان بسببك! نور بصت في الارض: انا ...اسفه مازن ضحك بتهكم: خلي اسفك لنفسك وياريت متدوريش على حد من الدفعه الجديده تلعبي عليه لعبتك القذرة كفايه رخص وقرف لحد كده قلوب الناس مش لعبه في ايدك انت متعرفيش قد ايه الموضوع مقرف كفايه كده بجد كفاية نور خدت نفس وهي بتدمع:انا مكنتش عايزة اخسرك، انا اسفة مازن: انت من اول اللعبه دي وانت عارفه انك هتخسريني متقوليش مبررات فارغة نور:كفاية عذاب يامازن، انا..انا حبيتك بجد واضطريت اكمل بس حقك اتاخد وزيادة مازن: ميمهنيش اي من اعذارك دي ... دوقي شويه من اللي عمليته فيا حتى لو حبتيني انا مش بحبك يا نور وسابها ومشي ركب جنب محمود وهو ساكت، محمود شغل العربية وهو بيقول:انت تمام؟ مازن: ايوه متقلقش محمود ابتسم واتحركوا لبيت العيله ~~~~~~~~~~~~~ بعد خمس سنين.. مازن اشتغل في شركة ادوية، ملاك دخلت فنون تطبيقية وبتعمل مشروع تخرجها، مصطفى قعد جنب ماسة وهو بيذاكرلها مواد تالتة اعدادي، نزل بعدها راح جامعته قعد جنب رنيم في محاضرة هندسة، ومالك ومليكة قاعدين جنب بعض وكل واحد فيهم بيجاوب على اسئلة مختلفة وبيبصوا لبعض بحماس في البيت.. "فليحيا ابو الفصاد هيييه" ملاك:اتمنى امنية يابابا يلا! سمير : اتمنيت ماسة: ايه هي ايه هي ايههه قولي قولي سمير ضحك: امنتيني انكم تفضلوا جمبي على طول واشوفكم لحد ما تكبروا وتتخرجوا وتتجوزوا كده ♥️ بصوا كلهم لبعض وابتسموا، سهيلة باست خده وقالت:ربنا يخليك ليا وليهم كلهم حضنوا بعض وابتمسوا♥️♥️.... تمت بحمد الله 1/8/2023 كده اقدر اقول اننا ختمنا تدمير اجيال ...معرفش اقول ايه بس مشاعري متلخبطه اوي القصه دي بنكتب فيها من ٢٠١٩ والتأخير ده بسبب تخاذلنا وانشغالي انا وهي لاني كنت ثانوي وهي بقت ثانوي بعدي بسنة ومشاكل وبتاع ف اتاخرنا في اكمالها بس مبسوطه اوي وانا بختمها دلوقتي ومعاكم وبجد.استمتعت اوي في كتابتها وكتابه احداثها بشكل مش طبيعي وبحب العيله دي جدا وطول ما بنكتب انا وجنى بنقعد نقول نفسنا نكون معاهم واعتقد القصه شارحه نفسها😂❤️ بجد مبسوطه اوي بيها وبنهايتها وباحداثها واتمنى تكونوا استمتعتوا معانا وطبعا هنتقبل كل الاراء❤️ وبسس استنوا اللي جاي❤️❤️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
