بسم الله الرحمن الرحيم ❤️
تدمير أجيال ch.14
مصطفى وقف قصاد المدرسة ثواني بعد ما مازن وصله، خد نفس ودخل وهو بيحاول يرجع ثقته بنفسه وبيبتسم للي حواليه
رنيم جت جري من وراه ومشيت جنبه : صباح الخير
مصطفى ضحك:صباح النور، ايه الحماس ده كله!
رنيم: عادي مش احنا لسه صاحيين؟
مصطفى: وعلشان انت لسه صاحيه يبقى عندك حماس؟
رنيم: اه مش يوم جديد وبداية جديدة وشمس طالعة منوره ؟
مصطفى هز راسه وهو بيضحك:يارب ربع تفاؤلك محتاجينه في العيلة
رنيم ضحكت وقالت بسخرية: معنديش مانع اجي اديكم حبة
مصطفى:والله هتنورينا
رنيم:لا بس انت رايق كده مش كاشش في نفسك، ايه اللي جد؟
مصطفى: ولا حاجه عادي الإنسان بيتغير ...مش كده؟ وبعدين مزاجي حلو يعني
رنيم ابتسمت:ده احلى تغيير ده، ايوه كده خليك زيي
مصطفى ابتسم بخجل رنيم فضلت بصاله ثواني بابتسامة، اتنحنحت وقالت:طب يلا بينا على الفصل
مصطفى: احم اه يلا
---------------------------
سمير قعد على الكرسي بتعب وهو مرجّع راسه لورا، اخد نفس وقال:انا تعبت يا سهيلة، انا مش قادر على كل ده
سهيله مسكت ايده : سمير احنا اتفقنا على اننا هنستحمل ونكمل صح علشانك وعلشاني وعلشان الاولاد
سمير:عارف "سكت ثواني" خلينا نواجه الأمر الواقع كل ده مش هيجيب فايدة في الاخر
سهيلة بصت له بعصبيه: ايه الكلام ده يا سمير ليه بتقول كده خلي عندك ثقة في ربنا عنيها بدأت تدمع متقولش كده تاني انت هقوم وهتبقى كويس و .و هتشوف عيالك وهتقعد وسطهم هتشوف ملاك وهي بتتخرج من ثانوي صح وابتسمت وانا معاك ومش هسيبك
سمير بصلها ثواني وهو ساكت، خدها في حضنه:ان شاء الله ياحبيبتي اهدي
سهيلة: ما انت متقولش كده بعدين تقولي اهدي...انا مش هحب اعيش من غيرك يا سمير
سمير طبطب عليها: هنعيش سوا يا سهيلة هنعيش سوا سهيلة ابتسمت:لو سمحت متقولش كده تاني!
سمير ابتسم: حاضر
-------------------------
ملاك قاعده على مكتبها وراصه الكتب على الشمال وكوبايه شاي على اليمين رابطه شعرها واخدت نفس عميق ومسكت القلم وسحبت اول كتاب وشغلت معاه مؤقت
ماسة دخلت عليها وبصت باستغراب:ايه الهدوء ده ملاك بتذاكر بهدوء؟
ملاك وهي باصه في الكتاب: عايزه ايه يا ماسة
ماسة قعدت:عايزة اعرف عملتي ايه في المدرسة كل اللي عرفته ان تسنيم والناس دي اتزهقوا بس والمديرة قالت هتعرفي في الوقت المناسب
ملاك: يبقى تستني نص ساعه اخلص
وهرد على كل أسئلتك دي بس سيبني اخلص دول دلوقتي
ماسة بصت في الكتاب:طب من امتى بتذاكري في هدوء كده
ملاك: من بعد ما رتبت أولويات يا ماسة ولو فضلتي ترغي ال نص ساعة هتبقى ٤٠ دقيقه
ماسة قامت:طيب خلاص سكتت "خرجت من الأوضة"
بعد ٣٥ دقيقه دخلت ماسة بسرعه
ماسة: ها عدت النص ساعه قولي قولي قولي وفضلت تنطط حوالين ملاك
ملاك سابت القلم وقفلت الوقت:انتِ زنانة ليه!
ماسة: يلا بقى اخلصي عارفه لو قولتي لي من قبل النص ساعه كان زمانك مش بتبرطمي
ملاك:لا حول ولا قوة الا بالله، هتعرفي في إذاعة الاسبوع الجاي يا ماسة ارتاحي
ماسة: ايه ايهه يعني انت ذلاني نص ساعه روحت طلعت فيهم عين مصطفى علشان تقولي لي كده!
مصطفى دخل على صوتها:اه والله قرفتني، ما تقولي يا ملاك وتخلصينا
ملاك:انا اللي اتفقت مع المديرة متقولش عشان رد فعل ماسة في الإذاعة يبقى بيور كده
مصطفى: يا خساره هيفوتني
ملاك همستله:انت ممكن احكيلك عادي
ماسة: ده ظلم وطلعت برا
مصطفى سند على ملاك: والله انتوا مجانين انا مش عارف بابا وماما ايه اللي مصبرهم عليكم
ملاك ضحكت:شكلها جينات يا صاصا والله
مصطفى: امشي يابت روحي ذاكري انت هتهزري معايا كمان
ملاك زقت ايده:غور انت بره دي اوضتي!
مصطفى: والله ظلم اللي رايح واللي جاي يلطش فيا
ملاك حدفت عليه القلم:امشي
مصطفى طلع برا وهو بيضحك ودخل اوضته
--------- تاني يوم الصبح في الجامعة ----------------
مازن مد ايده لنور بورق:دي اخر محاضرة خلاص، دلوقتي محتاجة تذاكري كل اللي ادتهولك الامتحانات الاسبوع الجاي خلاص
نور: اوه تعبتك يا مازن مش عارفه اشكرك ازاي على تعبك ده
مازن ابتسم:ولا تعب ولا حاجة كفاية تعبتك معايا يوم المستشفى
نور: ده واجبي يا مازن مش احنا صحاب
مازن ابتسم:هو بصراحة كده احنا مش صحاب، انا حاولت افكر في طريقة اقولك بيها بس يعني انا مبعرفش اجيب طرق للحاجات اللي زي دي، انا بحبك يا نور
نور اتوترت : احم.. بص يا مازن يعني انت صدمتني شوبه يعني مكنتش اعرف وكده ويعني دماغي مش مستوعبه ف ممكن نتكلم بعد الاختبارات
مازن اتنحنح بخجل:اه اكيد طبعا فاهم، طب تحبي اوصلك؟
نور: امم شكرا بس حابه اروح لوحدي علشان افكر في كلامك
مازن:اكيد طبعا على راحتك، نتقابل في أول امتحان بقى
نور:سلام
مازن راجع البيت بيتنهد كل ١٠ ثواني دخل الاوضه لقى مصطفى نايم على السرير ورافع رجله على الحيطه وبيلعب
مازن رمى شنطته على السرير:انت بتعمل ايه
مصطفى: بلعب جيم تلعب معايا؟
مازن قعد:لا كمل انت انا هغير هدومي واقعد اذاكر شوية
مصطفى لف وشه عليه : مالك
مازن هز كتفه:مالي انا كويس اهو
مصطفى: الكداب بيروح النار خد بالك
مازن ضحك قام وهو بيقلع التيشيرت:كمل لعب يا مصطفى وسيبني
مصطفى: هيييي انت بتقلع قدامي عايز تخدش حيائي ولا ايهانت بتخدش قيم الأسرة خد بالك هبلغ عليك
مازن رمى عليه مخدة:يبقى اطلع بره واخرس
مصطفى: الحقوني يا ناس الحقوني
مازن لبس تيشيرت بيجامته بسرعة ومسكه وهو بيضحك:انت شكلك عايز تضرب النهاردة
مصطفى وهو بيضحك : لا يا ماما الحقيني
مازن فضل يخبطه بالمخدة:محدش هينجدك مني
مصطفى وهو بيحاول يقوم : اغيثونااا يا عاللمم انا لما اقوم هقطعك
مازن مكمل ضرب:مش هتعرف تفلت بقولك
مالك ومليكه دخلوا الاوضه:
مالك: هو مازن بيقتل مصطفى؟
مليكة بخوف :شكله كده تعالى نقول لماما بسرعه
مليكة جريت على سهيلة:ماما ماما الحقي مصطفى
سهيلة اتخضت :في ايه
مالك: دخلنا على مازن ومصطفى لقينا مازن بيضرب مصطفى وبيموته
سهيلة ضحكت:تلاقيهم بيهزروا مع بعض يا ولاد هو في اخ بيموت اخوه!
مازن نزل وهو بيجري:متبقاش قفوش يا مصطفى بقى مكانتش عركة صغيرة
مصطفى وهو بينزل وراه : صغيره اييه تعالى هناا
سهيلة ضحكت ونزلت لمستوى مالك ومليكة:الأهبل اللي بيجري ده؟
مالك: بس بس كان بيموته بالمخده صح يا مليكة
مليكة: ايوا يا ماما كان ماسك المخده وبيضربه بيها
سهيلة قربتهم منها وهي بتضحك:حبايبي الضرب بين الأخوات بيبقى هزار، عنيف شوية بس بيبقى القصد هزار متخافوش من اي حاجة كده
مصطفى جه جري واستخبى وراها: الحقيني يا ماما مازن عايز يضربني
مازن:بتتحامى في امك يامصطفى؟ تعالى هنا
سهيلة:بس بس ايه انا قاعدة في روضة أطفال!
مازن: مهو مهو
سهيلة : مهو ايه يا كبير يا عاقل وشدته من ودنه هو ومصطفى عاجبك كده يا قدوة منك ليه
مصطفى: يا ماما سيبي وداني حرام عليكي
سهيلة:وانت يا هادي قعدتك مع مازن بوظتك
مازن: ايه الكلام ده يا ماما وبعدين وداني هتطلع في ايددكك
سهيلة سابتهم:مش عايزة وجع دماغ روحوا اعملوا حاجة مفيدة
مازن: اول مره اعرف ان ايد ماما تقيله كده
مصطفى: كله بسببك
مازن: هضربك
مصطفى طلع جري على الاوضه
مازن بص عليه واتنهد بابتسامة
سهيلة ابتسمت:مبسوطة انك فرفشت شوية
مازن اتخض ولف عليها: انت مخابرات؟
سهيلة ضحكت وخبطته في كتفه:اللي خلف مماتش ياواد
مازن: مقولكيش ماما بقى اقولك معلمة سهيلة
سهيلة ضربت: اتلم بدل ما اشدك من ودانك تاني
مازن ابتسم:خلاص حاضر، عموما انا كويس تقريبا يعني..ورايا امتحانات الاسبوع الجاي ورا بعض ادعيلي
سهيلة : بدعي لك دايما يا حبيبي وحضنته
-------
مازن ماسك القلم وباصص في الورق وهو بينفخ بتوتر، بيكتب ثواني ويقف
الدكتور دخل اللجنة يشوف الوضع ايه بص على مازن اللي اصلا هو في دماغه من الاول وراح عنده: ايه مش عاجبك الاختبار؟......يتبع
تفتكروا هيحصل ايه🫣❤️
طبعا مش محتاجه اقولكم اتاخرت ليه بس انا في اجازة دلوقتي و يا انا يا القصه دي😂❤️ في برضو قصه تانيه بكتب فيها ف علشان كده بتاخر شويه ده غير الخواطر في صبركم عليا❤️😂😂
أنت تقرأ
تدمير أجيال
Romanceلا تدمروا الاجيال ب افكاركم الغير منطقية التي تعود للعادات والتقاليد لا تدمروا الاجيال وتقمعوا حريتهم في فعل شيء مباح لأسباب غريبه لا منطق لها لا تدمروا الاجيال بالخرافات والزواج المبكر والكثير من الأشياء التي يجب أن تدفن لا تدمروا الاجيال بل طورهم...
