-يا زفت تعال هنا😠💔
=مالك هايجة كدا استكيني🙂✨
-عاين يازول لو ما عايز تنجز معانا ولا بنحنسك ولا شي كلها عاملا لينا حوامة و قعاد في الشارع😊
=عايني انتي يعني الزول يكون طول اليوم بقرا ولا كيف ما لازم كمان يكون في وقت راحة و تغيير جو 😢💔
-المهم يا مصطفى انا كلمتك داير تكون انسان ناجح التزم بالمخطط ولو ما داير كمان راحتك مهمة 😌
=انتي ما زاتك هدي حايمة كنتي لافة تلفي بلا كرعين🌚😢💔
-مشيت الدكان انا +جمعا🌚🐸
=فطومة طيري من وشي😒
-اصلا طايرة تطير ما ترك شاحدة الله 💦😙
=جيتيني من وين زي القدر كدا😒
........ مشيت خليتو بتكلم براهو🐸
يلا دا مصطفى ود عمي ممتحنين شهادة سودانية او بالاحرى منتحرين😢💔 عاملين جدول للقراية انا و هو و آلاء بت عمتي وهو ما بلتزم نهااي 💔 انا ادبية😌 و هم علميين 🥱نحن اصحاب شديد من كنا صغار حافظين اسرار بعض ماف بينا ااي حواجز✨💜ساكنين كولنا في الجيلي (بالنسبة للناس الما بعرفو الجيلي دي وين ... الجيلي دي في اطراف بحري🐸) اكلمكم عن نفسي شوية زي ما قلت ليكم ساكنين في الجيلي مع اهل ابوي🤤✨ انا على عكس الناس تماماً بحب اهل ابوي موووت و اهل امي علاقتي معاهم سطحية واصلا ما بريدهم 😪💔عندي اخو اكبر مني اسمو احمد و بتين اصغر مني زينب و ريان و امي هالة و ابوي خالد يلا امي و ابوي اولاد عم 😇 طبعا كولنا ساكنين في بيت واحد مع اعمامي عندي ٥ اعمام لكن ماشاء الله اقل واحد فيهم بكون والد نص دستة 😂😂💔 و عمتين❤
طبعا الامتحانات باقي ليها اقل من شهر بس و مزنوقين زنقة موبالغة 😢و اكتر شي بنركز على مصطفى لانو عااااايد🌚 وكمان علمي هندسية و الاء علمي احياء 😷
لمن رجعت البيت لقيت امي معاها مرت عمي ناصر اسمها ماريا دي ام مصطفى 🌚 امي قالت لي مالك اتأخرتي كدا قلت ليها لقيت الولد العارض دا في الشارع 🤧عمتو ماريا فهمتني قعدت تضحك قالت لي مصطفي مش😂قلت ليها اصلا ماف عارض غيرو في البلد دي 🙄قالت لي غايتو انتو 😂😂 دخلت الغرفة لقيت زوبة شايلة تلفوني (اصلا ابوي اداهو ليها عشان انا ممتحنة و كدا و هي مركبة فيهو شريحتا 💔😭😭بس الجانب الايجابي انو بعد اخلص امتحانات حايجيبو لي تلفون جديد🤩✨)قلت ليها زوبة كدي اديني التلفون شوية عليك الله قالت 😭لي يا بت امشي اقري قرايتك 😒 (طبعا زينب دي مسييخة و ردها في طرف لسانا ) قلت ليها قر ينفخك و ضربتها 😠قعدت تكورك يااا اوووومي مسكتها من خشمها عضتني في يدي بقيت اكورك امي جات قالت لينا يا بنات في شنو 😑زوبة قالت ليها دي بتك دي ضربتني قلت ليها امي هي عضتني😭 امي قالت لينا انا لو ما شليتوني انتو تاني ما بتشلا 😠 مسكت كتابي و قعدت قلت ليها امي ابوي وين قالت ليك يعني حايكون وين مثلا
قلت ليها هسي انتي منفعلة مالك 😙سفهتني سفهة طلعت ولا قالت لي بتقولي في شنو 😂😂💔قلت لي زينب اصبري لي انتي كلو شهر بس و تاني تقعدي تتمردغي لي عشان اديك التلون حقي 😏قالت لي ان شاء الله تتهني بيهو و بعدين اتمردغ ليك ليشنو دا كفاية مش برسل و بكلمني تاني دايرة شنو😒 فتحت كتابي و قعدت اقرا بي صوت عالي 😇اتغاطت مني شديد قالت لي خلاص ياخ عرفناك حفارة ممكن تقري براحة 😠ولا اشتغلت بيها عليت صوتي زيادة 😂💔فلعتني بالمخدة رفعت شبشبي من الواطة و فلعتها بيهو🌞قلت ليها البادي اظلم 😏قالت لي حاتجاوزك😒
قريت لحد بعد المغرب كدا جاتني آلاء قالت زهجت من القراية 😭😭💔قلت ليها انا برضو زهجت ارح نجبجب🙃قالت لي ريان جيبي غطاية الحفاظة 😂😂بقينا ندق و نغني جونا بنات اعمامي❤️ بعد شوية قلبناها قعدة بتاعة شااي مغرب كدا🤤💜اتلمينا في بيتنا و جو عماتي و نسوان اعمامي و ونستنا جرت لحد الساعة ١٠ تاني ااي زول مشا بيتو
صحيت صباح اليوم التاني مبسووطة💜نضفت البيت و شربنا الشاي كلنا سوا واتونسنا امي قالت لي الليلة مالك فرحانة كدا 😏قلت ليها لوجه الله تعالى 😌قالت لي ايوااا قلت ليها غايتو الزول يفرح وووب و يزعل وووبين😑ابوي قال لي هسي انتي منفعلة مالك ما من عوايدك تصحي من النوم مبتهجة كدا امك مالا غلطت في شنو😠قعدت اضحك قلت اووووو محامي الدفاع ظهر😂😂💔اظي قالت لي قليلة ادب 😒قلت ليها مالي هسي😂😂💔طلعت الشبشب جدعتني بيه قمت مفحطة بي نمرة خمسة😂💔
تاني قمت اذاكر شوية بعد مسافة كدا جا ابووي قلت ليهو ابووووي😭😭قال لي مالك 🐸قلت ليهو انا فاض بي خلاااص زهجت من القراية دي😭😭💔قال لي خليها و نعرس ايك و خلاس الموضوع ما خطير😌قلت ليها طوااالي بس جيب لي عريس😢قال لي شوف التافهة دي بالله يا بت هووي اقري قرايتك😒😒بقيت عاملة كدا😩😩 بعد الفطور قلت لي امي انا ماشة ناس عمو ناصر قالت لي ليشنو قلت ليها دايرة اشرب معاهم الجبنة قالت لي عليك الله دي حالة زول نازل امتحان شهادة مشششششششم غايتو الله يعوضك يا هالة 🙁قلت ليها يلا ما بتأخر 😙و طلعتوانا طالعة من بيتنا كدا اتلاقيت مع مصطفى جمب الباب قال لي طايرة وين😑 قلت ليهو بيتكم 🐸قال لي خير جايانا مالك😒 قلت ليهو ما جاياك انت زاتو ماشة اشرب معاهم الجبنة بس طوالي حاشر نفسك 😌قال لي يحشروك مع فرعون شاحد الله 🌞قلت ليهو زح كدا ولا كدا عليك الله دا شنو الوهم دا😒قال لي سمح مشا خلاني واقفة في حتتي التافه مشيت انا زاتي لكن شميتو بي طريقة قعدت اتونست مع ناس خالتو ماريا زيين و انا قاعدة كدا نادتني امي بالحيطة قالت لي تعالي ابوك دا جايب معاهو ضيوف قلت ليها طيب هسسي بجي مشيت قالت لي شوفي الصالون دا لو فيهو حاجة غلط صلحيها قلت ليها انتي يا امي بناتك ديل بسوو في شنو😩 قالت لي هم برضو ممسكاهم شغلة و طيري من سكات😠قلت ليها طيب روقي المنقة يا عشوش 😙💜و قمت جارية لقيت في ملاية مكرفسة صلحتها و انا بنبذ في احمد لانو ماف زول غيرو بكرفس الملايات و يخليها مكرفسة😠 كنت بحهز مع امي في الغدا و العصير و كدا بعد تلت ساعة ناس ابوي وصلو 🌚ابوي قال لينا تعالو سلمو على مختار صاحبي دا وولدو قلت ليهو ضروري يا ابوي؟😢قال لي يا بت بطلي قلة الادب البتعملي فيها دي 😠قلت ليهو طيب طيب جاية اتخمخمت بي توب وكنا ماشين انا و امي و اخواتي سوا امي قالت لي امشي كدي اطفي النار و تعالي سريع انا نسيتا😱بقت لي حيلة زاتا طوالي مشيت ولا كضبت طفيت البتوجاز و شربت لي موية حتى تاني مشيت لقيت ناس امي طالعين من الصالون دخلت كدا قلت السلام عليكم قال عمو مختار سلم علي قال لي كيفك يا بتي قلت ليهو كويسة الحمدلله 😩وانتو براكم عارفين السلام كيف القصة الحزينة بتاعة صحتك و القراية و كدا😫 معاهو ولد كدا سمح سماحة اللون يسوي كدي👋 ولا الشعر الرافعو لي فوق 😻والعجب اللحية🤤 واااي يحردو ليهو السكسوكة انا انبرشت عديل 😭😭
مديت ليهو يدي عاين لي و ابتسم قال لي كيفك قلت ليهو تمام الحمدلله و طوااي جريت يدي منو عمو مختار قال لي دا مازن ولدي الكبير 🐸قلت ايهو ايواا ابوي قال ليهو دي فاطمة مجنونة البيت 😂😂طبعا دخلني في فتيل وهم قعدو يضحكو 😭 واااي من الاحراج الاحرجني ليهو😭😭💔
#يتبع✨
