بقيت كل يوم اتكلم معاها الصراحة ما عاجلني و ما حسيت بي حاجه اتجاهو ما عارفة ليه 😐كنت مركزة مع قرايتي اكتر من اي حاجة تانية و الامتحانات فضل ليها اسبوع بس😥💔 انا بحل امتحانات اكتر شي بقيت ما بفتح الكتب خالص الا حاجة تغلبني🥱
اليوم كان السبت العصر كدا مشيت ناس عمتو غادة اتونست معاهم كدا 🙃بعد شوية ضرب عبد العظيم لاسراء اتكلمت معاه شوية كدا😶 تاني قلت ليهو عاين يا ود الحلال انا عايزة افصل🙄 قال لي كيف يعني😣 قلت ليهو صراحة انا ما فاضية و اصلا ما بحب علاقات و الحركات دي😪 قال لي هنت عليك بالبساطة دي؟! 😢مسحت وشي بيدي قلت ليهو معليش بس اعمل شنو الموضوع ما في يدي🙁 قال لي يد منو ؟! 😢قلت ليهو من الاخر كدا انا ما عايزة اكمل معاك😕 قال لي طيب انا ما حاضغط عليك بس في اي وقت حسيتي نفسك محتاجة لي او اشتقتي لي اتصلي انا😖 حانتظرك كل يوم😓 قفلت منو الخط و اترميت في السرير بقيت افكر في كلامو دا بقيت متناقضة شديد بين اني جرحتو رغم انو ظاهر عليهو بحبني 😓💔و ما بين انا ما عندي ليهو حاجة 😩و هو صراحة وهمي شديد قمت اديت اسراء تلفونا و مشيت البيت ما قلت ليهم اي حاجة حتى هم استغربو 😬
مشيت البيت قفلت باب الغرفة علي و رقدت😥 بقيت افكر فيهو كلامو الصراحة اثرني شديد حسيت اني اتسرعت😐 شوية كدا الباب ضرب لقيتا الاء قالت لي مالك 🤨قلت ليها تعالي ادخلي دخلت و قفلت وراها الباب حكيت ليها الحصل😔 قلت ليها انا اتسرعت شديد يا الاء ما عارفة هسي اعمل شنو حاساهو اتكسر شديد 😥💔و بقيت ابكي😭 الاء قالت لي لا انتي عملتي الصاح😙 انتي اساسا ما عندك ليهو حاجة احسن تخليهو من ما تكذبي عليهو😊 اصلا العلاقات اهم شي فيها الثقة و الصدق😊 سكتت ما رديت عليها قالت لي ما تشتغلي بي الموضوع كتير خليك في قرايتك يا بت😚 قلت ليها سمح 🙂قالت لي انا طايرة والله قلقتينا عليك امي و اسراء قالو لي امشي شوفيها مالا😑 قلت ليها قولي ليهم مافي حاجة بس الموضوع ما خطير بس انا صراحة حسيت بالذنب اتجاهو 😓قالت لي بالله انتي بتحسي🙄 قلت ليها مالي ما بشر؟! 😒قالت لي ما اعتقد🙃 قلت ليها حيوانة خلاص😒 قالت لي اخوات في الحتة دي 🥱قلت ليها خوخة 😒قالت لي البشوف التأثر و الدراما الهسي دي ما يشوف لماضتك دي🤭 قلت ليها شوكرن 😒قالت لي العفو🙃 قلت ليها امشي بيتكم😒 قالت لي هييي حبيبة انا زاتي ما قاعدة ليك يلا شوف دي كمان حسنتي القلت اشوفك مالك😒 قلت ليها طلبت منك؟ 😒قالت لي فاطمة قومي لفي😒 قلت ليها و بعد داك🙃 مشت خلتني طوالي 😂😂طلعت بعد ما هي مشت بي مسافة قلت لي امي هلولتي😚 قالت لي احكي 😊قلت ليها بحبك 😍قالت لي دايرة حاجة؟!😑 قلت ليها غايتو شعب نهاي ما بتنفع معاهو الحسنة ياخ زول يقول ليك كلام سمح تقولي ليهو داير شنو 😡 قالت لي انا زاتي بحبك 😍قعدت اضحك قلت ليها ايوا خليك كدا😘 زينب قالت لينا مشششششششم غايتو الاتنين ما عندكم موضوع😒 (قلت ليكم البت دي حامضة 😷) قعدت اغني المحروق الانحرق نحنا تاني ما بنفترق😌 ولااا كلفت روحا تععاين لي ولا تقول لي بتقولي في شنو😢 امي قالت ليها انتي هسي زعلانة مالك 😊قالت ليها البزعلني شنو 🤨امي قالت ليها مسيخة خلاص قلت ليها زي خالاتا😒 امي قعدت تحمر لي ساي 😂عارفاني ما بريدهم لكن دي الحقيقة ما بتقدر تنكر🤗قلت لي امي معليش خلاص 😋قالت لي سمح😒 قلت ليها امي زعلتي مني ؟😟 قالت لي لالا امشي من جمبي😒 قلت ليها انتي زعلانة يا امي لكن اعمل شنو دي الحقيقة😖 قالت لي فاطمة طيري من وشي يكون احسن🤬 قلت ليها خلاص خلاص😧 قمت من جمبها بسرعة سبعة كيلومتر في الساعة عشان حايجيني شبشب ثلاثي الابعاد يكسر لي عمود نخرتي 😂😂
قعدت اقرا شوية كدا صراحة ما قدرت اشيلو من بالي😥💔 كنت راقدة و سرحانة بعاين في السقف جات زوبة قالت لي هووي 😙قمت قلت ليها مالك في شنو😑 قالت لي سرحانة وين انتي 😏قلت ليها ما شغلتك انتي دايرة شنو احكي😒 قالت لي ابدا ليك من وين ولا من وين😫 قلت ليها الله يجازيك شحتفتيني في شنو 😨قالت لي قبيل لمن مشيت لي مثاني لقيتا مافي و انا طالعة كدا لاقيت عمر😍 (مثاني و عمر ديل اولاد عمو بشرى عندهم اخوان تاني بنتعرف عليهم فيما بعد🙂) قال لي زوبة😊 لمن قال لي كدا انا قلبي عمل شححح🤤 قلت ليها ايوا 🙃قال لي داير اتكلم معاك دقيقة بس ممكن😥 قلت ليهو اتفضل اها دا شنو الليلة الذوق دا😂😂 ضحك والله ضحكتو ترد الروح 😍🤤المهم قال لي والله يا زوبة انا بريدك و دايرك 🙂❤انا بقيت اعاين ليهو و انا ساكتة و بحاول استوعب في الكلام😳😳 يعني انا عمر المكرشة عليهو من سنة سادس طلع بحبني😲 واااي المهم انا مشيت و خليتو واقف في مكانو اتلخبطت شديد ما عرفت اقول ليهو شنو😞 عشان كدا قلت الانسحاب افضل لي 😩قلت ليها دقيقة دقيقة يعني هو بحبك؟ 😳 قالت لي ااي🙈❤ قلت ليها وانتي بتحبيهو؟😯 قالت لي ااي 🥰قلت ليها واعترف ليك؟ 🙂 قالت لي يااخ انا كنت بقول ليك في شنو 😡قلت ليها لا انا بحاول استوعب بس يعني😳 عمر دا اتوقعتك اخر واحدة يعاين ليها😷 قالت لي بالله 😒قلت ليها لا انا جادة ولا تصرفاتو ولا كلامو معاك ماف اي شي بدل على كدا😯 قالت لي حتى انا مستغربة 😶فجأة سمعنا صوت احمد بقول ليها ما تستغربي يا السمحة 😏قمنا مخلوعين احمد كان سامع كلامنا كلو قالت ليهو ااااحمد؟ 😱قال ليها لا جنو ما شايفاني يعني؟ 😒قلت ليهو داير شنو 😕قال لي ما جيتك انتي اساسا😒 ( يا جماعة الاسرة دي كلها مسيخة🤧💔) سكتت سااي قال لي زينب اجابتك واضحة معناها😉 قالت ليهو ااا اا اجابة شنو😰 قال ليها يعني انتي موافقة عليهو؟ 🙂 قالت ليهو مم منو هو😰 قال ليها هسي انتي خايفة كدا مالك انا بتكلم معاك كلام عادي قبيل عمر فاتحني انا و ابوي في الموضوع دا☺️ و انا هسي جيت اشوف رايك شنو لكن واضح انك موافقة😊 طبعا بقينا فاتحين خشومنا اربعة امتار😯 بقت تعاين لي و اعاين ليها😱 قالت ليهو كيف يعني اتكلم معاكم 😨قال ليها الزول جادي قال دايرك لاخر مرة انتي موافقة صاح؟🥱 قالت ليهو اا ااي 🙊❤قعد يضحك قال ليها ااي بلا خجلة 😂😂
قلت ليهو احمد انا مافي زول دايرني؟ 😥💔 قال لي انتي دايراك امتحانات الشهادة الاسبوع الجاي💃💃 قلت ليهو كريه خلاص مقلب علي المواجع مالك😭😭 قال لي شغلي😌 تلفونو ضرب قعد يتبسم و طلع 🙂💔زينب بقت تصرخ قالت لي وااااي دايرني😭😭 الولد اتقدم لي يا فاطمه 😭❤️انا ما قادرة اصدق ❤️😭😭جات امي جارية قالت ليها يا بت مالك 😱طوالي زينب قعدت بكل احترام و قالت ليها ماف حاجة🤗 قالت ليها مششششششم دا كلو في عمر تعالي انتي يا بت اللذينة كنتي بتحبيهو من وراي يعني😑؟ و طابخين الحكاية 😠قالت ليها لالا يا امي والله 😥هو يادوب كلمني قبيل🥺 امي قالت ليها و انتي يا الخفيفة اللفيفة وافقتي😒 زوبة غطت وشها بيدينا و قالت ليها ااي 🙈❤️قعدنا نضحك كدا 😂😂و امي طلعت زينب قالت لي دقيقة انتي قبيل لمن الاء جات كنتي بتبكي ليشنو😕 حكيت ليها🙂( بعد مشاكلنا دي كلها مع بعض برضو ما بندس من بعض حاجة 🙂❤️) قالت لي يا سبحان من زرع في فاطمة قلب😂😂😂 قلت ليها هيي مالي ولا مالي🤨😒 قالت لي لالا ماف شي 🤗قلت ليها انا ما حاوافق على عرسك قبلي🙄 قالت لي هو على كيفك يعني 😒قلت ليها ااي اهم شي الاخت الكبيرة توافق يعني انا لازم اكون راضية بي عرسك دا 😌قالت لي اكبر مني شنو كلها سنة واحدة 😊و بعدين ااي زول يشوفنا بقول انا اكبر منك يا عصعوصة😏 قلت ليها ان شاء الله اكبر منك بيوم المهم اكبر منك😒 خلي سنة كاملة 🙄قالت لي سمح 🙂قلت ليها اطلعي مني انا دايرة اقرا😒 قالت لي بالتوفيق حبيبي 😚عاينت ليها بي طرف عيني 😒و مشت
طبعا هي اطول مني و صحتها كويسة🙄 انا ما قصيرة لكن معاها بتشاف قصيرة 😕💔و انا ضعيفة اي زول بقول لينا هي اكبر 🙊و بنقول ليهم ااي هي اكبر بس متأخرة في القراية عشان ما يطقوها عين و هيك يعني 🙂
بعد شوية جاتني ريان جارية قالت لي فطومة ما سمعتي الشمار😳........
#يتبع✨
