طوالي شلت كرعيني و طلعت😞مشيت لقيت ريان مكرفسة لي ملايتي و طالعة فيها برجلينا 😤طاااااخ اديتا في ضهرا 😠هي كمان قليلة ادب مشت خلتا زي ما هي😊 عدت دقيقتين و جات رجعت لي الضربة😫 و هي ضربتا تعمل سكتة قلبية😭 قعدت اكورك يا ابوووووووي 😭نحن اوضتنا قريبة من الصالون بينا حيطة لكن الصالون فاتح في الاتجاه المعاكس المهم ابووي قال ليهم معليش يا جماعة عن اذنكم اشوف البنات ديل مالهم 😊غايتو بكتلوني انا😢 قالو ليهو لالا ياخ اتفضل عادي المشاكل بين الاخوان دي بتحصل😂 و قعدو يضحكو 😂
ابووي جانا وشو ما بتفسر 😠قال لي حالتك دي انتي الكبيرة البقول عليك واعية😠 قلت ليهو ابوي بتك العواليق دي ضربتني بدون سبب😥 ريان قال ليهو ابوي والله هي ضربتني اول 😭قلت ليهو ابوي انت ما شوفتها كانت طالعة لي في السرير كيف عاين وسخت الملاية😭 ابوي قال لي زينب جيبي لي الخرطوش من برة سريع 😠و هي ماشاء الله ما بتتوصى على الغتاتة جرري جابتو 🥴ابوي قال لينا فضحتوني مع الناس😡 وانتي كمان تلعلعي لي باعلى صوتك 😠قلت ليهو ابوي خلاص معليش والله تاني ما بكورك ليك كدا 😢و انا زاتي نسيت انو معاك ضيوف😢 كنت منزلة راسي في الارض ابوي دا فجأة بقا يضحك 🐸قال لينا يا معفنين لو بعمل ليكم كدا من زمان ما كان قليتو ادبكم علي 😂😂نحن بنعاين ليهو و بنعاين لي بعض قلت ليهو ابوي امشي لي ضيوفك ديل عليك الله🌚 قال لي عموما انا ماشي ما منتظرك تأذني لي 😏قلت ليهو سمح 😶
في الجهة التانية في الصالون مازن قال لي ابوهو والله يا ابوي بتو دي شكلها ظريفة 🤤ابوه قال ليهو ياتا الكبيرة؟🐸 قال ليهو ااي 😉ابوه قال ليهو لكن صغيرة يادوب ممتحنة تالتة 😕مازن قال ليهو ااي ظاهر عليها شافعة لكن مجنونة😂 ... ابوي جا داخل قال ليهو معليش يا جماعة والله البنات ديل اتشاكلو و قلبوها كافوتي 😂قعدو يضحكو عليهو ضحك😂
بعد مسافة كدا جهزنا ليهم العشا امي قال لي امشي نادي ابوك دا يجي يشيل الصينية🙂 قلت ليها رسلي زينب ولا ريان يا امي😫 قال لي امشي انتي انا قلت ليك اسمعي الكلام ما تعاكسي😠 قلت ليها طيب😐 مشيت وقفت جمب الباب ناديت ابوي قلت ليهو تعال😞 قال لي مالك😒 قلت ليهو ما تحي انت 🙂جا قال لي اها😒 قلت ليهو امي قالت ايك تعال شيل صينية العشا🙂 قال لي كويس امشي نادي احمد دا من ناس عمك😕 قلت ليهو عمي منو 🙂قال لي ناصر 😒قلت ليهو كويس مشيت ليهم قلت لقيت مصطفى واقف جمب الزير قلت ليهو امشي نادي لي احمد من جوة 🌚قال لي اقيفي اشرب😉 قلت ليهو تشرب السم 😠قال لي الله يبيدك 🙂قلت ليهو ابادة جماعية😒 رشاني بي باقي الموية الفي الكوز😡 قلت ليهو اصبر بس بختها ليك يا كلللب 😡ياخ دا شنو الحيوان دا 😡قعد يضحك قال لي ما بتحتاجي تستحمي بعد دا 😉قلت ليهو عندكم حبوب التهاب😢؟قال لي لالا ليشنو 🌚قلت ليهو امشي جيب لي من الصيدلية الجمب الظلط ديك 🙂عشان انا حايجيني التهاب بي سببك 😠قال لي مششششم انا امشي لحد الظلط عشانك😒 قلت ليهو عشان تاني تقل ادبك يا تافه يااخ امشي طير نادي الزفت دا 😠قال لي ابييييت 😝و هو ماشي بس طوالي فلقتو بالسفنجة جات في نص ضهرو😂😂 قال لي انتي بتقري في كلية حربية ؟😂قلت ليهو الله اكبببر امشي ياخ 😫... طار نادا احمد قلت لي احمد انت اصلك ما بتقعد في البيت كريه خلاص😤 قال لي ما مجال اختصاصك اقعد ولا ما اقعد😒 قلت ليهو امشي امشي ابوي بناديك 🌚مشينا سوا انا لفيت مشيت الاوضة و هو مشا الصالون مشيت لي امي قلت ليها انتي الناس ديل حايبيتو؟🙂قالت لي ابوك ما بخليهم يمشو في الليل دا😶 قلت ليها خلاص انا دايرة انوم🥱 قالت لي طيب امشي مشيت رقدت كدا طواالي نمت 😴
صباح اليوم التاني صحيت بدري عشان امشي المدرسة😷 اصلا يوم بمشي و يوم لأ بقرا في البيت عشان نحن أساسا خلصنا المقررات 😶المهم جهزت و شربت الشاي قلت لي امي اديني قروش 😐انا ما بمشي لي ابوي بي هناك😐 قالت لي والله دي حاجة بترجع ليك😒 قلت ليها امي كيف يعني ما بتديني يعني انا امشي لي ابوي بي هناك اقول ليهو دايرة قروش؟ 😭قالت لي خلاص في قروش في الحافلة جوة الكبابي المخططات ديك امشي شيلي منهم😒 اوووعك تشيليها كولها😡 قلت ليها طيب🙂 لقيتا كلها ٤٠٠ 😂شلت منها ٢٠٠ و خليت ليها ٢٠٠ قلت هسي المرة دي لو ادتني ليها كلها كان حصل ليها شنو😢 اتحركت كدا وقفت جمب الباب الفاصل بين بيتنا و الصالون قلت ياربي امشي بي هنا ولا اعمل شنو الناس ديل قاعدين😥 تاني اتحركت شوية كدا سمعت اصوات اعمامي😭 قلت واااي انا كمان اعمامي قاعدين معاهم دي مشكلة دي 😭😭و انا واقفة و محتارة اتحرك خطوة و ارجع تاني طلع مازن عاين لي من عاين لي انا طوالي مشيت 😷مشيت بي سرعة ٣ كيلو متر في الثانيه 😂اتخطيتو و مشيت على الباب وصلت الشارع انا مهبطة عديل😭 دا شنو الاحراج الانا فيهو دا😭
مشيت لي ناس عمتي غادة ام الاء قلت لي الاء ارح يا زفت انتي😠 عمتي قالت لي بسسم الله مالك مكشرة من وش الصباح 😂قلت ليها البخليني ما اكشر شنو بس😭 قالت لي كرر علي 💔قلت لي الاء ياخ ما تمرقي انتي نحن ما ماشين عرس 😠
اسراء اخت الاء قالت لي بس من ما تجي تلعلعي دي شنو دي😠 قلت ليها اسراء نومي نومك 😒قالت لي و كمان معاها لماضة و قلة ادب 😒قلت لي الاء ياخ ما تمرقي تمرق روحك 😑جات الاء قالت لي غياظة خلاص و اخلاقك ضيقة😠 قلت ليها ما اضيق من بنطلونك دا🙂 قالت لي ما شغلتك😒
قلت ليها ارح ارح 🐸طلعنا كدا قالت لي اها قالو لي معاكم ضيف وولدو😍 قلت ليها و بعداك 😒قالت لي الولد سمح؟😢 قلت ليها شاااضيض🌚 قالت لي واااي😭
قلت ايها امشي اتراشقي 😑قالت لي اسكتي مني ياخي😭 قلت ليها اصلا ما عندي اخلاق اتكلم معاك☺️ قالت لي سممح💦😗
ما تمت دقيقة قالت لي اها وصفي لي الولد😭 قلت ليها ما قلنا ما دايرين كلام😏 قالت لي فاطمة بطلي سغالة😭 قلت ليها سمح سماااحة يعمل النفسيات 😍والله الولد انضف من سمعتي🤤
لمن سلمت عليهو لمن خجلت من نفسي يدو ناعمة بي طريقة 😭قالت لي واااي و كمان سلمتي عليهو يا معفنة😢💔 قلت ليها الاء😱 قالت لي مالك في شنو قلت ليها عايني داك منو 😱😱.......
#يتبع✨
