بعد مشو طلعت لقيت عماتي و امي بتونسو قلت ليهم دقيقة انتو الاسبوع الجاي عرسي😱😱 لالا ما دايرة😰 راوية قالت لي حاتعرسي حبيب القلب😏💜 عاينت ليها من فوق لي تحت بس 😪قالت لي اها انكري😏 قلت ليها اااه امي قالت لي بكرة حابدا معاك الدخان😑 قلت ليها لاااااااا ما دايرة😨 قالت لي اججي دا شنو الدلع دا😒 قلت ليها اول شي الزمن ضيق تاني شي ما دايرة 🙄عمتو غادة قالت ليها ااي الزمن ضيق😅 قلت ليها بعدين انا لوني دا عايني ليهو سمح كيف ما بحتاج شي😌 قلت ليها امي انا ما دايرة حفلة و زفاف و جوطة بس عقد و خلاص 😕قعدو يعاينو لي بعض و عاينو لي😳 قالت لي شنو شنو شنو 😳قلت ليها والله جد ماف داعي انا ما نفسي🙄 بس عقد و الموضوع انتهى ماف داعي للجوطة😐 امي نقنقت مساااافة قالت لي اول عرس في بيتنا دا و تقولي ما دايرة حفلة دايرين نفرح بيك😠 قلت ليها احمد في و زوبة و ريان ما بقت علي انا 🙄صرت لي و سكتت عمتو غادة قالت ليها خليها على راحتها قالت لي انتي اتفقتي مع راجلك على كدا ؟! قلت ليها ااي 😶حتى هو قال لي ماف داعي للحفلة و الزفاف فطور و يجي العصر يسوقني بس🙂 امي قالت لي خلاص لكن نعمل ليك جرتق و حنة😤 قلت ليها سمح😸 راوية قالت لي عايني بكرة من الصباح بنمشي بيتنا 😪قلت ليها ليشنو 😕قالت لي كيف يعني انتي بيتكم حايكون ملان ناس😒 قلت ليها دايرة اقعد برضو 😔💔امي قالت لي اججي يا الدايرة اقعد بكرة امشي مع عمتك اسراء حاتجيك هناك تقعد معاك😒 قلت ليها طيب هي وينا زاتا عمتو غادة قالت لي في البيت مشت لي ولدا ببكي😪 قلت ليها ايواا جا ابوي داخل سلم علينا قال لي امي اديني شي اكلو🙂 قالت ليهو طيب😒 مشت تعمل ليهو الاكل قال لي مالا صارة وشها كدا 😂😂قلت ليهو قلت ليها ما دايرة البس زفاف و حفلة و موضوع😕 قال لي هسي كلامك دا ما سمح😸 عمتو غادة قالت ليهو عرس بتها الكبيرة اكيد بتكون دايرة تفرح بيهو 🙂قال ليها والله يا غادة احسن القروش حقت الحفلة دي يستفيدو منها لي قدام بتنفعهم😕 قالت ليهو ااي هم بكونو متفاهمين😸 ... اها انا بعد كدا امشي😺 ابوي قال ليها اتعشيتي 🌞؟! قالت ليهو ااي الحمدلله💕 قال ليها خلاص تصبحي على خير امشي ارتاحي 💕
امي جابت ليهو اكل قال لينا اكلو امي قالت ما عندها نفس😒💔 و عمتو راوية قالت شبعانة مشت تنوم بتها الصغيرة جوة قال لي امي هلول😻 عاينت ليهو بي طرف عينا😒 قلت ليها ما تحرجي لي ابوي دا يا هالة😐 قالت لي انتي مالك طيري اقضي ليك شغلة 😒ابوي قال ليها لالا فهميني انتي زعلانة كدا مالك 😂كان دايرة حفلة والله احمد دا عندو سماعات كباار خلي يشغلهم ليكم من بكرة 😁ما ردت ليهو قلت ليهو الله يعينك يا ابوي😅 و مشيت سرعة قبل ما تفلقني بي شي دخلت لقيت راوية ماسكة تلفونا قالت لي عايني اديني شي البسو😶 قلت ليها والله انتي سمينة هدومي ما قدرك😂😂 قالت لي انا ما سمينة لكن انتي ضعيفة شديد😒 قلت ليها الاستايل يا بيبي😌 قالت لي ببو يشرطك امشي جيبي لي شي البسو من امك😒 قلت ليها هووي هالة دي زهجانة هسي بتلحقني جدي العوض🙄 قالت لي تريحنا منك زاتو😒 قلت ليها طيب دقايق🙂 مشيت لي امي غايتو اتشهدت و مشيت🙂💔 قلت ليها امي راوية قالت ليك اديني شي البسو قالت لي طيب ☺️قامت تجيب ليها غيار كانت رايقة قلت لي ابوي قلت ليها شنو🤨 قال لي سر المهن يا بت😎 قلت ليهو اممم سمح😂😂 رقدت جمبو قال لي حاتمشي تخلي لينا البيت فااضي😞💔 انا طوالي العبرة خنقتني قعدت ابكي 😭😭قال لي يا بت انتي دموعك دي بتجيبيها من وين قاعدة على الهبشة كدا😨 طوالي قمت من جمبو مشيت الاوضة مسحت دموعي و قبلت على الحيطة💔 امي قالت لي مالك🤨 قلت ليها ماف شي خليني دايرة انوم😔💔 قالت لي ابوك قال ليك حاجة 🤨؟! قلت ليها بس خليني 😭😭طلعت مشت سألت ابوي قال ليها والله بس قلت ليها حاتجلي لينا البيت فاضي قعدت تبكي😐💔 قالت ليهو انت عارفا متحايلة 😒قال ليها ما جريتيها انتي دي بالدموع الفي طرف العين دي 🙄
مازن ضرب لي مسحت دموعي و رديت عليهو قال لي مساء الخير 😻قلت ليهو مساء النور😪 قال لي مالو صوتك متغير🤨 قلت ليهو ولا شي😐💔 قال لي بالجد كنتي بتبكي 🤨؟! قلت ليهو حاتعمل لي شنو مثلا😒 قال لي الزعلك منو🤨 قفلت الخط رسل لي رسالة محتواها ما تبكي مهما كان السبب دموعك دي غالية 💕قفلت التلفون نهااي و نمت 💔حسيت بي السرير بلف بي زي اللعبة حقت الفناجين الفي المنتزهات ديك😵 فتحت عيوني لقيت قدامي مازن قال لي تفصلي في وشي 🤬؟! انا حاخليك تبكي دم بدل الدموع دي😈 بقا ماشي علي و انا بعاين ليهو في عيونو😰 ابتسم لي بي خباثة و مرر يدو في شعري😭😭 صرخت بصوت عالي و تاني ختا يدو في خشمي💔 قال لي اسكتي بقيت اعاين ليهو وانا ببكي بدون صوت💔 مسح لي دموعي و وراني ليها كانت دم😰💔 أنا تاني بقيت ابكي و اصرخ بي هستيرية😱 لحد ما اغمى علي صحيت بي زول كان برش فيني موية😥 فتحت لقيت امي و ناس البيت كلهم قدامي😭 حضنت امي و بقيت ابكي شديد 😭هي زاتا بقت تبكي قالت لي مالك يا بتي الحاصل شنو 😭انا من البكا ما كنت قادرة اتكلم بس ببكي😭💔 لمن نمت نامت معاي للصباح صحيت مصدعة شديد 🤕امي قالت لي مالك يا بتي انتي 😟قلت ليها ما عارفة بس كوابيس💔 قالت لي ما بتتحصني💔 قلت ليها انا مصدعة شديد يا امي 🤕ادتني بندول قوي بلعتو و قمت اتسوكت و شربنا الشاي💕 راوية قالت لي امي دي اول مرة تعمل كدا 🤨؟! امي قالت ليها لالا قبل كدا عملت لينا الحركة دي😔 راوية قالت ليها اتلقي عين 😕امي ما قالت ليها شي انا بعد شربت الشاي قمت رقدت تاني نمت 😴صحاني احمد للفطور امي كانت عاملة قراصة بي دمعة🤤 اكلنا بعد الفطور راوية قالت لي ارح بعد دا 🌞قلت ليها ارح 😷شلت حاجاتي المهمة جاتنا اسراء و غشينا حبوبة كانت مع ناس عمتو ماريا و مشينا بيتهم💕 حبوبة قالت لي انتي يا دايرة ليك شغل شديد😐 قلت ليها شغل شنو 🤨قالت لي عايني لي روحك ضعيفة كيف بشتغل معاك مدايد بس 😺قلت ليها لالا ولا تشتغلي معاي ولا يحزنون 🙄قالت لي اججي دا كلام شنو راجلك يجي يسوقك بي ضعفتك دي 😒🤨قلت ليها ااي خلوني كدا دا بس 😪قالت لي غايتو انتي البقولو ليها الاء ديك غايتو استغفر الله بس😕 قلت ليها والله يا حبوبة لمن تكوني ضعيفة بتلبسي اي شي 😸عاينت لي بي طرف عينا بس 😒
في الكم يوم القعدتهم مع ناس حبوبة دي ما كنت بحلم بي حاجة 💕و كنت بتكلم مع مازن عادي💕 يوم الخميس كانو عاملين لي قعدة حنة بسسطة كدا بنات اعمامي و بنات خالاتي بي دلوكة و خلاص☺️💕 جيت بي توب رصاصي فيهو لمعة بسيطة كدا😺 الاء قالت لي فاطمة انتي ما جادة ولا شنو انتي البتقولي لي انا عرسي حاعملو في صالة و حاعمل حفلة و حانرقص سلو انا و راجلي تجي هسي تقولي حفلة ما دايرة😳😳 قلت ليها والله يهناية جات كدا 😕قالت لي انا اتصدمت غايتو 🙁
اثناء ما البنات بغنو كدا كنت قاعدة عاينت في الحيطة ظهر لي مازن " المخيف" و كان بلوح لي بي يدو😰 غمضت عيوني شديد و مسكت يد اسراء شديد😣😣 قالت لي مالك🤨 قلت ليها لالا ماف حاجة😔💔 طبعا قالو لي الا ارقص رقيص عروس😴 رقصت شوية بعد مسافة مشيت لي امي قلت ليها والله يا هالة مشتاقين😻 قالت لي الشوق بحر والله😻 قلت ليها ماشاء الله شايفاك بقيتي تردي على الكلام السمح 😂😂قالت لي تافهة😂 قلت ليها ياخ هنا انتو مموضعين هناك ما عندي موضوع غير اسراء و تلفوني😕💔 قالت لي البقعدك معانا شنو🙂 قلت ليها حرام عليك💔 عموما انا عندي حاجات دايراها🙄 قالت لي ادخلي قلت ليها جوة في منو😕 قالت لي بنات ناس عبير قلت ليها ايواا دخلت سلمت عليهم 😸و جدعت التوب في السرير ختيت الحاجات الدايراها في الشنطة 😴اسراء قالت لي اطلعي ارح 🙂قلت ليها انا بالتوب دا ما بمشي بلبس عباية 😕قالت لي طيب سريع عشان احمد حايوصلنا 😴قلت ليها طيب طيب لبست عبايتي و سفنجة😸 و جيت مارقة لمن طلعنا قلت لي احمد انا دايرة اندومي😥 اسراء قالت لي شافعة بس😒 قلت ليها الاندومي دا مكتوب فيهو للشفع 😒؟! احمد قال لي ااي انا زاتي داير والله ما اتغديت🌞 اسراء قالت ليهو انت زاتك بتاكل القرف دا 🤢قال ليها ما قرف والله🌚 قلت ليهو خلاص امشي الدكان داك سريع بنقيف ليك هنا 😪مشا جابو وجا مشينا عملتو اثاء ما انا في المطبخ سمعت تلفوني دقا و فصل تاني سمعت اسراء بتقول هي بكرة حاتبقا مرتك تاني الكلام ليكم شنو😂 .... بتزهج منها اصبر بس😂 مشيت لقيتا بتتكلم بي تلفوني قلت ليها انتي بتردي ساي 😑احمد قال لي انتي زعلانة كدا مالك😂 قلت ليهو انت مالك😒 اسراء ادتني التلفون قلت ليهو الو😸 قال لي اقول ليك مرتي ولا انتظر لي بكرة 🙂💕ضحكت و قلت ليهو استكين😂😂 قال لي ياخ داير يوم بكرة دا يجي سرييع😣 قلت ليهو اصلا حايجي حايجي🤧 قال لي شنو من قبيل ما بتردي 😑قلت ليهو كانت الحنة و تلفوني خليتو هنا في بيت حبوبتي😸 قال لي اهاا🙄 قلت ليهو خلاص امشي نوم انا دايرة اكل🙂 قال لي ليه كدا 🙂💔قلت ليهو اقطع وشك😂 قال لي بحبك بحبك بحبك بحبك💕 قلت ليهو بحبك 🙊💕و قفلت الخط طوالي
كبيت الاندومي في الصحن و قعدنا ناكل انا و احمد🙂 قال لي يا سلااام من بكرة تاني حانرتاح من وشك دا 🤤قلت ليهو خلي زوبة تظبط ليك الاندومي كدا😒 قال لي انا بعرف بالمناسبة😸 قلت ليهو سمح 🤧... حاتبيت هنا ولا ماشي البيت🙄 قال لي ماشي والله عشان نضبح من هسي 😴شايف النسوان بدو يجهزو في الفطور 🌚قلت ليهو ااي بدو🙂 بعد انتهينا و بقا طالع قال لي خلي بالك من بيتك و نفسك و اسمعي كلام راجلك ما تعاكسي و خليك واعية💕 قلت ليهو طيب 💕و مشا 💔
صباااح الجمعة ......
