قلت ليها عايني داك منو 😱 ااقصد داك شنو 😱
قالت لي واااي لا 😭😭قلت ليها نكتح ؟! قالت لي راجية شنو ارح 😨جرينا جري غيرنا الشارع كمان خليناهو يهوهو براهو 🌚عرفتوهو منو بعد دا صااح😂😂😂😂💔 ااي كلب 😂😂
لفينا بالشارع التاني انا كنت مهبطة عديل 😭و هي نفسا بتشيلو بالجلالة 😭 قالت لي الله يازاهو المعفن وااي ياخ قطع قلبي 😭💔 قلت ليها ارح الزمن فات قالت لي ااي والله لاقدمنا خطوتين بس ما اكتر عينك ما تشوف الا النور شفنا عامر حبيب الاء 😱 ودا اخير منو الكلب 🙂💔لانو منظرنا كان بيييش الجزم مكتحة و الطرح مكلوجة و حالتنا بالبلا 😶
مسكتني من يدي قالت لي الليلة ووب 😳انا اصلا ما هاميني منظري قدامو قعدت اضضضحك 😂قالت لي قلبك الميت دا ياخي 😭 هو بعاين لينا سااي 😂 اصلو عينو ما شالا و المشكلة انو عشان نتجاوزو الا نطير طيران 🙂💔 قلت ليها عايني ارح ما تتكبكبي لينا خلي يقول الداير يقول شنو يعني زول سكاهو كلب حايكون شكلو كيف 😒 صلحت طرحتا و قالت لي ااي والله ما علينا ارح 🐸 قلت ليها شوفتي اووووعك تقيفي لي معاهو والله بحرجك عديل بس عشان نكون واضحين🌚كفاية التأخير الاخرتينا ليهو قبيل 😠 قالت لي يااخ اسكتي دي شنو الكريهة دي خلاص فهمتا 😒 جينا مارين بي عندو انا مشيت عدييل كنت ماسكاها عشان ما تمشي ليهو 🙂اصلا لمن نكون ماشين سوا بنشبك يدينا زي العرسان 😂😂💔قال ليها شنو يعني ولا سلام ولا كلام 😏 قالت ليهو والله مستعجلة كيفك😙 قال ليها تمام الحمدلله شوق بس😍 انا ولا كضبت قلت ليهو لو سمحت ياخ نحن مستعجلين 😒 قال لي لالا ما مشكلة 🙃 جريتا و مشينا قالت لي يا سنجل يا حقودة 😭 هسي لو خليتيني اتكلم مالو كريهة خلاص😭💔 قلت ليها انتي ما عندك شغلة غيرو يا بت انا كل ما اجيكم انتي بتتكلمي معاهو 😑و كمان في الشارع ما دايرة تخليهو😒
قالت لي قلت ليك انتي حااااغدة😭💔 قلت ليها سمح 🙂
وصلنا المدرسة لقينا الحصة قربت تبدأ اصلا مافي طابور 🌚 قلت ليها شوفتي كنتي حاتورطينا😒 اصلا هم شايلنها معاي عشان ما بجي كل يوم 😒 قالت لي المهم هسي وصلنا و طيري فصلك 🙃 مشيت خليتا لانو الجرس ضرب دخلت الفصل لقيت صاحباتي بتونسو سااي من ما شافوني شغالين لي ياا تافهة يا خاينة😠 هم (سجود و مريم و علياء و تنزيل 💜) ديل اكتر ناس بحبهم في الفصل الباقين كلللهم بكرهم المهم تنزيل قالت لي حماتشي السمحة 😚 قلت ليها مرت اخووي 😍وعاينت للباقين كدا 😏 سلمت عليها اول واحدة 😂😂 الباقين يحمرو لي سااي 😂😂💔 لكن ولا عبرتهم علياء قالت ليهم عاينوويا جماعة عموما نحن اربعة و الراجل بحلو ليهو اربعة 😚 عشان ما نختلف 🙂 تنزيل عاينت ليها كداا😒 قالت ليها بالله 😒 يعني الاولاد انقرضو فضل احمد بس 😠 مريم قالت ليها هسي انتي هايجة كدا مالك اصلا انا عرسي عيد الضحية ما دايرة احمدك دا 😏 انا بس ميتة بالضحك 😂😂💔 سجود قالت ليها عموما فطومة حاتخطب لي مصطفى ود عمها داك مش🙈❤️ قلت ليهم انتو لا عندكم اولاد عم يا كافي البلا ولا اولاد خالات دا شنو متدردقين فينا كدا 😇 علياء قالت لي النصيحة اولادكم سمحين نعمل شنو 😭 قلت ليها انتي بس اقعدي اتدردقي كدا 😂😂💔
المرة العارض جات 🤢 حصة تااااريخ بعد سلمت مباشرة قالت لي انتي يا فاطمة خالد غيابك بقا كتير مالك 🤨 قلت ليها سااي بس 🌚 قالت لي كيف يعني ساي بس 😒 قلت ليها بغيب سااي يعني بقرا في البيت 🙂 قالت لي و المدرسة دي سووها عشان تقري في البيت😒 قلت ليها استاذة انا اصلا ما بستفيد كتير لمن اجي 🐸قاطعتني قالت لي كيف يعني ما بتستفيدي نحن ننبح طول اليوم عشان تجي تقولي ما بستفيد 😠(المرة هاجت هيجة قلت ليكم شايلاها معاي 😂😂💔) قلت ليها يا استاذة انا في حاجات بكون عارفاها و انتو بتراجعوها 🐸بما انو في الزمن دا انا ممكن اقرا حاجة تانية ما حافظاها او كدا 🙂 (و انا اعجبكم برد ليها بالواااضح و بكل ثقة 😌) قالت لي ما حافظة والامتحان فضل ليهو اسبوعين بس السنة كلها بتعملي في شنو 🤨 قلت براحة كدا استغفرك يا مالك الروح واااي انا دي اللماني بيها شنو 😭 قلت ليها استاذة طيب معليش تاني ما بغيب 😭 قالت لي اساسا انا ما بهمني انتي جيتي ولا لأ حبيبتي 😒 قعدت و لا قلت ليها بتقولي في شنو 😂 يلا شوفو الهيجة الهاجتا فيني انااا قلت ليك اقعدي؟!😠 قلت ليها لالا🙂 قالت لي و كمان بتقلي ادبك 😠😠 قلت ليها لكن انا ما قليت ادبي يا استاذة انا بس قعدت فيها حاجة؟🤨
قالت لي تعالي طالعة سريع يا بت هالة 😠 طلععت بكل ادب وقفت جمبها هي طوبلة و عالية انا بالنسبة ليها حشرة 😂😂 رفعت يدها عشان تضربني رجعت لي ورا جرتني من طرحتي قالت لي ماشة وين تعالي هنا 😠 مسكت يدها قلت ليها اولا يا استاذة انا ما قليت ادبي انا رديت ليك قدر سؤالك😊 ثانيا انا ابووي ما رفع علي يدو ما حاخليك تضربيني ☺️ مسكتني تاني اصلا انا جمبها ولا بسوا 😂 يلا انا خلاص فاض بي سكت كتير قلت ليها انتي اصلا وقت ما مجال اختصاصك اني اغيب ولا لأ 😠مالك معاي شنو من الصباح بتستجوبيني😠 ياخ ان شاء الله السنة كلها ما اجي دي ما شغلتك خليك في حدودك درسي حصتك و اطلعي بالله 😠 و يدك دي ما ترفعيها علي 😡انا ساكتة ليك السنة كلها و محترماك لكن خلاص الاحترام الكتير زاتو ما كويس 😡 قالت لي انتي قليلة ادب امك ما عرفت تربيك لكن اصبري بأدبك انا 😠 قلت ليها اسمعي يا استاذة ما عشان ابوي ما عرسك و عرس امي انتي تعمليني موضوع ما عرستو انا تمام 🌚😏 طبعا الفصل كلو بعاين لي لمن قلت ليها كدا اي واحدة بقت فاتحة خشما مترين 😂😂💔 غلبا البتقولو قالت لي اصبري بس انادي ليك المديرة 😠 و هي عيونا زي الشرار 😂😂😂💔 قلت ليها طيب لو دايرة اضربي لي ابوي برضو يجي 🐸 قالت لي و كمان بتتلامضي و تقلي ادبك 😠 مشيت قعدت في مكاني خليتا مشت تنادي المدير 😏 المديرة من جاتوعاينت لي عرفت انو اصلا الاستاذة دي عندها مشكلة معاي 😂 من ما استاذة عوضية بدت تحكي ليها من الاول المديرة وقفتا لمن قالت ليها غياب و ما غياب قالت ليها استاذة عوضية انتي تدرسي حصتك و بس ما عليك بيها تغييب تموت ما شغلتك😒😒 و انتي يا فاطمة خالد تجيني في الفسحة 😒 قلت ليها طيب 🙂 المديرة و هي طالعة قالت عليك الله جايباني من المكتب و قطعتي لي شغلي عشان تقولي لي كدا 😒
انا بقيت ماسكة الضحكة بالجلالة 😂😂😂💔
بعاين ليها جوووة عيونا حاساها دايرة تاكلني عديل 😂😂 قالت طلعو كراساتكم في اختبار 😡 ولا هاميني اساسا انا التاريخ دا حافظاهو عن ظهر قلب 😍 كتبت الاختبار في السبورة نحن بنكتب و نحل طوالي انا جمعت ليها اول واحدة 🐸 عاينت لي من فوق لي تحت و شالت الكراس 🌚 رجعت مكاني و رقدت في الدرج صاحباتي يسألوني من حاجة اوريهم زي العجب 😂😂💔
في فسحة الفطور مشيت للمديرة قلت ليها استاذة انتي قبيل قلتي لي تعالي 🙂قعدت تضحك قالت لي والله دايرة اقول ليك عفيت منك بس 😂😂انا ملاحظة لي استاذة عوضية دي شايلاها معاك من سنة اولى ☺️قعدت اضحك قلت ليها مقابلاني انا بس 🐸😂😂💔المديرة قالت لي اتفضلي فطور 😂😂 المديرة زاتا ما جادة في حياتا 😂 قلت ليها طيب اغسل يدي و اجي 😂 مشيت غسلت يدي و جيت اكلت معاها اكل 😂😂😂 فطرت بي شية وانا حاشية بي فول قلت دي فرصة لا تعوض 😂😂😂💔 بعد شبعت قلت ليها شوكرن ليك يا استاذة😂😂 قالت لي العفو 😂 مشيت الفصل وانا بتبسم من الضرس للضرس البنات كلهم اتلمو فيني قالو لي اها قالت ليك شنو قلت ليهم ما قالت لي ااي حاجة 🙂قالو لي طيب اتأخرتي كدا مالك 🐸 قلت ليهم كنت بفطر معاها 🌚.......
#يتبع✨
