لمن وصلت البيت لقيت العربية حقت صاحب ابوي لسة قاعدة قلت ديل المقعدهم لي هسي شنو🤨 اول ما دخلت لقيت في وشي مازن ما اتكلمت معاه دخلت طوالي قال لي و عليكم السلام😉 عاينت ليهو بطرف عيني😒 و مشيت اصلا انا الليلة فرحانة قلت ما بخرب يومي عشانو 🌚☄️المهم دخلت لقيت امي سلمت عليها الا بالاحضان😂😂 لمن هي استغربت قالت لي الليلة مالك كمان🤨 قلت ليها فرحانة😍 قالت لي المفرحك شنو ان شاءالله 😒قلت ليها اتشاكلت مع استاذة.... 😶قبل ما اكمل كلامي قالت لي سجمي منووو 😱وااي منك لازم كل يوم تطلعي لي بمصيبة 😡💔قلت ليها امي استكيني اوريك هي منو اساسا🙂 قالت لي منو😡 قلت ليها استاذة عوضية🐸💔 امي دي طوالي ملامح وشها اتغيرت قعدت تضحك😂😂 قالت لي مالك معاها حكيت ليها من طقطق للسلام عليكم 🐸امي دي ماتت بالضحك قالت لي غايتو انتي اقدر عليك الله 😂😂قلت ليها الغدا بي شنو قالت لي ملاح فاصوليا 🤢قلت ليها ما دايرة بمشي ناس عمتي اشوفا عاملة شنو 🐸💔قالت لي امشي اول شي امشي غيري هدومك دي😒 قلت ليها طيب مشيت غيرت هدومي و رقدت شوية تاني مشيت ناس عمتي ❤️✨دخلت توووشك اصلا هم عندهم سلك برة😂😂 مشيت المظلة لقيت عمتو غادة و معاها اسراء 🙂والاء بتاكل قلت ليهم سلام الله عليكم 🙂و قبل ما يردو علي لقوني مدخلة يدي مع الاء في الصحن باكل😂 اسراء قالت لي بسسسم الله متين هو جيتي😳😗 قلت ليها اصلا جيت عشان اكل 🐸💔بتكلم و اللقمة في خشمي عمتي قالت لي بتشرقي براحة😂 قلت لي الاء العيش وين يابت🐸 قالت لي تعيشي مشردة😒 قمت مشيت المطبخ جبت كيس العيش😂😂 و جيت اسراء قالت لي امها غايتو الليلة عيشك يحلو الله😑 عمتي قالت ليها ما يغلى على فطومتي😍❤️ يلا انا هنا كنت دايرة اشرق بالجد 😂😳 الاء دي ضحكت ضحك قالت ليها يا حجة براحة براحة😂 قلت ليها انتي واجعك وين 😏قالت لي اسكتي 😒قلت ليها يا حسووودة موتي كي😏😚 (شكرا للناس اللحنو😂💔) اسراء دخلت الغرفة قالت لي بعد تنتهي تعالي🐸 قلت ليها خير مشت خلتني ما ردت🙂💔 طبعا انا خلاص هرمون الشمار ارتفع عندي 😂اكلت سرعة سرعة شربت موية و جريت ليها جري 😂🐸الاء قالت لي بس جنك شمارات عفنة خلاص 😒قلت ليها ما مجال اختصاصك 😇و مشيت لي اسراء قلت ليها اها مالك 🤨قالت لي الشمارات دي بتحبيها زي عيونك😂😂 قلت ليها حاتقولي ولا اتخارج😒 قالت لي طيب طيب انتي بتعرفي عبد العظيم ود ناس بتول داك؟ 🐸قلت ليها ااي مالو مش اخو هداية 🙂 قالت لي بسس يلا قال دايرك🌚❤️ عاينت ليها كداا و رفعت ليها حاجبي🤨 قالت لي والله جد 😚قلت ليها و انتي القال ليك منو 🤨قالت لي اصلا هو صديقي في الفيس طوالي بتكلم معاي🙂🐸 قلت ليها حاساهو وهمي وهمي الولد دا🙂 قالت لي وهمية انتي هسي عبد العظيم دا بترفض؟😠 شوفي السماحة دي يابت 😶قلت ليها كدي لمن افكر 😐قالت لي و كمان بتتعززي😒 قلت ليها مالي ما بتعزز😌 قالت لي سمح تاني بقيت اشاغل في كرم ولدا و هو نايم 😍قالت لي الله يازاك خلي الود لو صحا تاني حايعذبني🤬 قلت ليها و ما يصحا انتي شغلتك شنو غيرو😏 و فعلا صحا انا بشاغل فيهو قلت ليهو و حلااتشيي عسل دا يا ناس🥰😍 الولد ولا عبرني قبل على امو و مسك فيها 😶💔قلت ليهو هااااااا عان القبيح اب جلحات تشبه امك كدا يخسي😒🤬 اسراء قالت لي اححي انا هسي ما قلنا و حلااتشيي عسل دا 😏بتحاكي صوتي قلت ليها ما شغلتك انا ماشة زاتي 😒قالت لي قشة ما تعتر ليك 😚عاينت ليها بي طرف عيني و مرقت بي كرامتي😐💔 الاء قالت لي امها الليلة بت اخوك شاكلت عوضية 😂عمتو غادة قعدت تضحك قالت لي كضاابة تعالي كدي احكي لي 😂😂حكيت ليها من الالف للياء قالت لي و يعرفوك كيف عمتك راوية😂😂 قلت ليها مش كدا 😌💪(طبعا عمتي راوية دي برضو مشكلجية كدا و ما بتريد الحقارة نهاي💪) والله انا المرة دي ساكتة ليها كتير لكن ما قدرت اسكت اكتر من كدا 😠😠الاء قالت لي انا عارفاك ممكن تروحي فيها 😂😂قلت ليها بالجد🙂💔.. يلا هوي انا ماشة البيت 🐸عمتي قالت لي ما بدري 😙قلت ليها ماشة انوم نعسانة والله 🥱الاء قالت لي انتي متين ما كنتي نعسانة😒 قلت ليها قبيل ☺️قالت لي ظريفة شديد امشي عليك الله😑 قلت ليها ماشة اساسا بدون ما تقولي لي ☺️مشيت خليتا مشيت البيت و فعلا نممممممت 😴لحد الساعة ستة كدا صحيت🌞💔 صليت المغرب و دعيت كدا كان الله ينجحني🤧 تاني قعدت مسكت كتاب الجغرافيا😷 بديت من الاول قريت لحد الصفحة العاشرة لمن غلبني قعد اجعر بكيت قدرتي😫😭😭😭 بعد مسافة كدا قشقشت دموعي و قريت لحد الصفحة السبعطاشر جدعت الكتاب😤 و رقدت بقيت اعاين في السقف و بتخيل اني نحجت و زاعوني😍 و عملنا التخريج و بقيت اتخيل قلت هييع يلا نبدا🤠 تاني راجعت الفات دا و تاني شالتني الهاشمية جريتو لمن كملت الباب😂😂 العشا اذن صليتو و مشيت اخدت لي لفة كدا في البيت🙂 لقيتهم مفرشين السراير في الحوش و الجو رهيب و بتونسو😍 قعدت معاهم كدا اخدت لي خشمين تلاتة 🙂تاني رجعت لي كتابي و قريت كدااا 😐💔قلت هيي يا فاطمة الله ما امر بالهلاك💪🌞 طوالي قفلتو و فصلت تلفوني او تلفون زوبة من الشاحن و دخلت صفحتي في الفيس اتصفحت😙 جاتني زوبة عاينت لي ما قالت اي حاجة😶 مشت لي امي قالت ليها تعالي شوفي بتك القلتي خلوها تقرا😒 جات امي بقت تعاين لي من فوق لي تحت 😒قالت لي امشي المطبخ بتلقي عدة في الحوض غسليها سريع و بدون كلام كتير 😠طبعا امي بعد ظرافتا دي كلها كلمتا ما بتكررا مرتين 😭💔قمت بي كل زوق و شلت معاي التلفون طبعا😙 ختيتو في جيبي و شغلت اغاني اغسل لي كبايتين و اقوم ارقص بالمفراكة 😂😂تاني اغسل لي صحن صحنين و اقوم ارقص لحد ما انتهيت انا بالطريقة دي 💅
فتحت الفيس رديت على رسايلي❤️ ضميري انبني ختيت التلفون و فتحت كتابي قريت لحد ما نمت🙂💔 صحيت بدري شربت الشاي و قعدت اتونس مع ابوي قلت ليهو خلودي 🥰قال لي عيونو 😍امي دي جرت لي نور😒 قعدنا نضحك قلت ليهو شكلو في زول بغير 🌚ابوي قال لي اجر لينا في الانوار سااي😂 امي قالت لينا مششششم هسي انت يغيرو عليك في شنو🙄 ابوي قال لي انا يا بتي داير اعرس عوضية الاستاذة ديك🐸 انا فقعت ضحكة من الاعماق 😂😂امي قالت ليهو سجمي من نسوان حواء ديل كلهن ما لقيت الا الفقر دي 😳😒قال ليها يعني انتي ما عندك مشكلة اعرس عادي؟ 🐸قالت ليهو هناي لالا 🙈❤️قالتا بي طريقة حلوة انا بقيت ادردق من الضحك 😂😂قلت ليها هسي ما قلنا ما بنغير 😏قالت لي زفوتة طيري اقري ليك قراية تنفعك😒 قلت ليها انا كرهت القراية دي كرهتهااااا😭😭 جا احمد من حيث لا ادري قال لي انتي بتريدي شنو؟ 😒قلت ليها بريد خلودي و هلول😍 قال لي امممم سمح 🙄قلت ليهو قاشر كدا ماشي وين 🤨قال لي انا قعد امشي وين غير الجامعة يعني 😒قلت ليهو الليلة قاشر لكن ما من عادتك🤧 قال لي نلقط الجكس الطبي يا بت😌💪 قلت ليهو اقعد للزي دا بس😂😂 امي قالت ليهو بلا خجلة كمان 😒قال ليها اخجل من منو يا حجة🐸❤️.....
#يتبع....✨
