كان بعاين لي و في يدو سكين😰 انا بقيت اصرخ و ابكي بي طريقة هيستيرية😱😱 الحمد الله دا كان مجرد حلم 🥴صحيت لقيت امي و ابوي و اخواني كلهم جمبي💕 و بحاولو يهدوني و انا جسمي كلو برجف و ماشي موية💔 بالرغم من انو المكيف شغال امي قالت لي مالك يا بت في شنو 😧بقيت بس ابكي و بشيل في نفسي بالجلالة 😭😭💔ابوي قال لي مالك يا بت في شنو بسم الله الرحمن الرحيم قعد جمبي و ضماني عليهو شدييد بقى يقرا لي💕 و انا زايدة في البكا 💔بعد مسافة هديت و نمت راجعة امي رقدت جمبي للصباح 💕صحيت بي حركتا قمت قالت لي مالك يا بتي في شنو😥 قلت ليها ما عارفة بس حلمت بي حاجة غريبة😔💔 قالت لي انا وريتك قلت ليك اتحصني قبل تنومي😑💔 قلت ليها حاضر قمت اتسوكت و اتوضيت و صليت جا احمد قال لي ياخ ركبتي فينا شريحة 😕سكتت بس كنت خايفة شديد 😔💔قعد جمبي و قال لي حلمتي بي شنو مسكت يدو شديد قلت ليهو زول كان عاوز يكتلني 😢ما قلت ليهو مازن ضماني عليهو قال لي ماف زول بكتلك بس انتي اتحصني و كتري من القرآن 💕قلت ليهو طيب💕 امي عملت الشاي و جابتو شربنا كلنا سوا💕 بعد ابوي و احمد طلعو امي قالت لي من امس انتي ما عاجباني في شنو😕 زينب نطت قالت ليها انا زاتي ملاحظة ليها اول امس مازن جاب ليها .... و حكت ليهم 💔امي عاينت لي و هزت راسا قالت لي حلمتي بي شنو💔 ختيت يديني في راسي و قلت ماف زول يتكلم معاي😠 عاينت لي بي استغراب قالت لي طيب طيب 🙁... راسك واجعك قلت ليها لالا😠 قمت من جمبهم رقدت كل ما اغمض عيوني بتجيني صورة مازن و هو بي المنظر المخيف داك قدامي💔 قمت تاني نضفت البيت بعد انتهيت امي قالت لي دايراك تظبطي لي ملاح الروب و انا بسوط العصيدة 🤤💜قلت ليها كويس 💜دخلنا المطبخ سوا كنا بنتونس و نعمل بعد انتهيت جات عمتو غادة بعد سلمت علينا و قالت لي امي امس بليل سامعة لي كواريك دي عندكم هنا🤨؟! امي قالت ليها والله فاطمة دي تهضرب ما عرفناها مالا 😔قالت لي مالك😕 قلت ليها بس مجرد كابوس💔 قالت لي اتحصني و نومي يا بتي💕 قلت ليها كويس 💕
اليوم مرا عادي لكن الليل كان غير💔 لمن نمت حلمت بي راجل كبير و لابس جلابية مشرطة و شعرو ابيض و كتير و وسخان قاعد في مكان وسخان 💔 و قدامو في نار و في كم مرا😕 في واحدة قبلت لكن ما لحقت اشوف وشها كويس💔 فجأة المشهد اتغير كنت راقدة في غرفة و مربطة😨 السقف فيهو مثلثات فيها عيون😧 و مازن كان لابس بنطلون ابيض و فنيلة بيضا عادي و مبتسم لي و واقف جمبي و بعاين لي ❤️✨فجأة ظهر واحد تاني مازن لكن بي الشكل المخيف و لابس اسود كنت بعاين ليهم قلت لي مازن فكني😭😭💔 جاني اللابس اسود قال لي لا خليك كدا اياك تطلعي🤬 و ظهرت ليهو اجنحة شال مازن اللابس ابيض و طار اختفى😱💔 و انا قمت مخلوعة بقيت اتعوذ من الشيطان😭💔 مشيت اشرب موية و انا طالعة لاقتني زينب داخلة قالت لي مالك 🤨قلت ليها ماشة اشرب موية 😕 كانت شايلة كباية قالت لي هاك اشربي ❤️شلت شربتا و اديتا الكباية رجعت رقدت قبل انوم زوبة قالت لي انتي مالك في حاجة😕 ؟! قلت لو حكيت ليها اكيد ما حاتصدق قلت ليها لالا💔 بس صحيت حسيت روحي عطشانة 😸مسكت تلفوني لقيت الساعة اطناشر شووكة فتحت الواتس لقيت رسايل من مازن و مكالمات فايتة رسلت ليهو كنت نايمة😁 بعد مسافة ردا لي قال لي اشتقت ليك❤️✨ قلت ليهو بالاكتر😅 قال لي كويسة انتي ❤️قلت ليهو الحمدلله😴 قال لي حاسيك ما طبيعية 😕قلت ليهو مافيني شي بس نعسانة🙄 قال لي طيب كملي نومك حبيبي❤️ قريتا و قفلت التلفون و نمت اليوم التاني امي قالت لي ضربت لي اسماء و قالت دايرين يشترو الشيلة اها تمشي معاهم😍 قلت ليها لالا ما قادرة🙄💔 خلي الاء تمشي اصلا مقاسنا واحد😅 قالت لي اججي يا بتي كيف يعني😧 قلت ليها امي انا م نفسي امشي السوق😑 قالت لي اها و اكان الحاجات ما عجبتك 🤨قلت ليها بتعجبني ان شاء الله😕 قالت لي محن غايتو اها بعد الفطور بنمشي انا و الاء و زينب🙄 قلت ليها طيب انا و ريان حانمشي ناس عمتو غادة قالت لي طيب 💕بعد فطرنا امي و زينب لبسو عباياتهم و طلعنا سوا مشينا ناس عمتو غادة سلمنا عليهم 💕 الاء قالت لي مالك ما ماشة 🤨قلت ليها مزاج بس😒 قالت لي مزااج لكن🙄 بعد طلعو انا و اسراء دخلنا مسكت تلفوني و تاني ختيتو و بقيت اعاين للسقف و ساكتة💔 اسراء قالت لي هووي 😑قلت ليها اها 😅قالت لي شنو سرحانة كدا 🤨قلت ليها انا بحلم احلام غريبة و قعدت احكي ليها💔 قالت لي يا بت ها ما تفكري في الموضوع شديد عادي يعني بتكون كوابيس ساي ☺️ما تشتغلي بالموضوع انتي زاتك بتحضري افلام رعب كتير طبيعي انك تهلوسي😅❤️ قلت ليها امم احتمال 💔قالت لي ارح نظبط لينا شاي بي نعناع 🤤قلت ليها ارح والله نفسي فيهو😴 قمنا عملنا الشاي ريان قالت لي اسراء تعالي افتحي لي تلفزيونكم دا😑 اسراء مشت فتحتو ليها و انا شلت الحاجات ومشيت قعدت جمب عمتي 💕كانت بتتكلم بالتلفون من الكلام عرفتها دي راوية 😸بعد انتهت و اسراء جات و شايلة كرومي شلتو منها بقيت اشاغل فيهو ❤️اسراء قالت لي قربتي بعد دا 😏قلت ليها قربت لي شنو🤨 قالت لي تعرسي و تلدي😏 قلت ليها نننننن😒 قالت لي بنشووف😏 قلت ليها سمح 😒اثناء ما بنتونس الكلام جاب كلام حكيت ليهم بي مشكلة خالاتي 🙄اسراء قالت لي شايفاهن يوم داك يتظارفن سااي 😕قلت ليها ااي لكن ما عندي ليهن النبقة😒💔 عمتي قالت لي من زماااان امك دي قاعدة معانا و تعاملا معانا سمح لكن اخواتا ديل نهااي ولا كانو بجونا ولا بسألو يخخسي😷 قلت ليها لمن مشينا لي اهل مازن بيتهم سمح سماحة امي دي ضحكت قدرتا و قالت لي قال مرتضى قال😂😂😂 قعدو يضحكو قالت لي موووش مرتضى شنو هي قايلاهو سمح يعني لمن يجرو وراه 😂😂
بعد ناس امي رجعو من السوق قلت ليها اها جبتو شنو قالت لي تياب و فساتين حلوة و ملابس بيت و هدوم للجامعة كمان 💕قلت ليها والله كويس معناها انا اموري وضحت🤤💕 الاء قالت لي قالو يوم الخميس بجيبوها بعد يزينوها و كدا و قالت عندها اختها في الهند رسلت ليها الارياح😍 اسراء قالت لي بختك يا بت خالد 😍قلت ليها اححم 😌❤️قالت لي خايفاك تفتري علينا 💔قلت ليها اججي كمان دي دايرة ليها اتنين تلاتة 😏الاء ضربتني قالت لي تافهة😂 قلت ليها معقولة بس انا افتري عليكم😁
كل يوم انا بحلم بالاحلام دي بقيت ما بحكي لي زول عشان عارفة ماحيصدقوني 😔💔يوم الخميس جابو الشيلة💕 امو و اخواتا اتنين و تاني كم مرا و منن و معاها بنات كدا 💕 و انا كنت بس في الغرفة حقتنا ماسكة تلفوني و راقدة😪 جات الاء و معاها منن سلمو علي 💕منن قالت لي مرت اخوووي😻 قلت ليها حماتشييي😻 اتونسنا جات زوبة قالت ليها يلا العشا😸 منن قالت ليها جيبي لينا انا و فطومة دي💕 زوبة قالت ليها طيب جابت لينا طقينا🤤 كنا عاملنو كوكتيل بس💕 شوية كدا و جات خالتو اسماء سلمت علي 💜✨و قالت لي منن يلا بعد دا ماشين💔 .....
#يتبع ...
