الاء قالت لينا انتو هسي ما بتحبو بعض🐸 ؟! انا سكتت ساي و قلبي بقا شغال دلوكة بس😭 مصطفى قال ليها ههه انا احب فاطمة دي 😏؟! يحبو ليها شنو دي زاتا💔 قلت ليهو هيييي انا زاتي ما عندي ليك النبقة😾 و ان بقيت اخر ولد ما بعاين ليك شوف الفرحان دا 😒💔كنت زعلانة زعل الاء قالت لي هوي هووي استكينو😅 انقذتني زينب في اللحظة الصاح و كوركت لي بالحيطة قالت لي امي بتناديك طوالي مشيت زي الساعة تمنية كدا اتصل على مصطفى مكالمة واتساب ما ردبت اول مرة 💔تاني رديت قلت ليهو عايز شنو 😒💔قال لي صراحة كدا يا فاطمة انا كنت عايز اقول ليك اني بحبك قبيل بس ما عارف انا قلت كدا كيف لكن في الحقيقة انا بحبك♥️ و عايز اعرف اذا انتي بتحبيني ولا لأ♥️ للحظة انا جسمي كلو برد ما عرفت اقول شنو😻 قال لي سامعاني ؟! قلت ليهو ااي قال لي اها ااي ولا لأ 😖قلت ليهو ااي😶 قال لي بتحبيني😍 ؟! قلت ليهو ااي🙈♥️ فجأة سمعت صوت الاء قالت لي واااااا كان مقلب بس💔 و بقو يضحكو فصلت الخط في وشهم بلكتهم و طلعت من القروب حقنا💔 عندنا قروب فيهو نحن التلاتة بس و قفلت التلفون و اتغطيت اخدت الليل داك كلو بكا بكيت لمن نمت 💔اليوم التاني صحتني ريان قالت لي قومي ابوي دايرك قمت اتسوكت و غسلت وشي لانو حالتو كانت صعبة قال لي شيلي القميص دا اكوي لي شلتو من سكات و كويتو ليهو💔 جاني في الغرفة قال لي عايني بعد تنتهي جيبي لي في الصالون انا دايرك في موضوع😸 قلت ليهو طيب 😊وديتو ليهو قال لي اسمعي بتعرفي مختار صاحبي الجانا قبل فترة داك 🤨؟! قلت ليهو ااي عرفتو🙄 قال لي ولدو قال دايرك والله الناس ديل انا بعرفهم معرفة شخصية و ما فيهم كلام اها انتي رايك شنو و كان على قراية قال ما عندو مشكلة نهاي☺️ سكتت مسافة قال لي اها قلتي شنو🤨 قلت ليهو والله يا ابوي الراي عندك و اكيد انت بتعرف مصلحتي وين😸 قال لي انا وريتهم قلت ليهم على حسب راي البت و انا غايتو ما شايف فيهم كلام لكن كمان انتي رايك مهم😅 قلت ليهو لمن افكر قال لي يعني لي بعدين المسا كفاية🐸 ؟! قلت ليهو ااي 😊قال لي خلاص فكري بي عقل و انا عارفك واعية و فاهمة ❤️ابتسمت ليهو و طلعت زي الساعة تسعة كدا الاء جاتنا لقتني بكنس في الحوش قالت لي فطوم 😸عاينت ليها بس قالت لي انتي يعني بالجد بتحبيهو😅 ؟! قلت ليها لأ ما بحبو و ما عندي ليهو حاجة بس ما حبيت احرجو😊 و كنت بعد فترة حاخليهو 😊قالت لي بالجد💔 قلت ليها ااي و على العموم ابوي قبل شوية كان بتكلم معاي قال لي انو في واحد اتقدم لي ☺️قالت لي و وافقتي 😱؟! قلت ليها ااي الولد ما فيهو كلام 😊قالت لي والله كويس قالت لي طيب انتي زعلانة مننا😖 ؟! قلت ليها والله ما اكضب عليك انتو صراحة حركتكم بالجد بايخة💔 سكتت ما قالت لي شي و انا تابعت قشي قعدت في السرير و بقت تعتزر 😭قلت ليها انا اصلا مسامحاكم و ما شايلة ليكم حاجة في قلبي بس زعلت شوية لكن ما مشكلة يا بت 😸مصطفى ضرب ليها قالت ليهو تعال في بيتهم جا وقف جمبي قال لي والله والله والله انا كنت جادي لمن قلت ليك بحبك❤️ و انا بالجد بحبك يا فاطمة❤️ ااي صاح انا في البداية اتفقت مع الاء على انو مقلب لكن لمن لقيت انك بتحبيني برضو كنت عايز اوقف الاء لكن هي اتكلمت😭💔 عاينت ليهو و ابتسمت قلت ليهو كويس انك وريتني انو دا مقلب لاني انا اصلا ما بحبك 😊بس قلت ليك كدا عشان ما اجرح ليك مشاعرك و كنت حاشوف لي اقل سبب و اخليك بعد فترة اصلا 🙄بقا يعاين لي في عيوني بس قال لي اديني فرصة بس😥💔 قلت ليهو كان ممكن اديك لكن راحت عليك انا اتقدم لي واحد و انا وافقت عليهو و انا شخصيا ما عندي مشكلة انسى الحصل دا و لا كأنك ما قلت لي كلمة و نكون زي ما كنا اصحاب و واولاد عم عادي😊 طوالي طلع ما قال لي اي شي عاينت لي الاء لقيتا بتبكي💔 قلت ليها مالك🤨 قالت لي انا السبب في دا كلو و انا عارفه و متأكدة من انك بتحبيهو بس بتكابري انا السبب في دا كلو 😭😭💔قلت ليها لأ انتي ما السبب ولا شي انا وريتك اصلا ما عندي ليهو حاجة💔 مسحت ليها دموعا قلت ليها ما تبكي عليك الله😭💔 قالت لي انا ماشة البيت قلت ليها اقعدي شوية قالت لي لالا عندي غسيل قلت ليها اااااا لالا تمام ☺️مشت و انا دموعي الحابساها ديك كلها طلعت اكنس و دموعي بتنقط في الارض😭😭 انتهيت كيف زاتؤ ما عارفة جات امي من السوق لقتني يادوب انتهيت مسحت دموعي سرعة عشان ما تلاحظ لي و دخلت استخرت بس لأني كنت بالجد ما عارفة اعمل شنو من ناحية الولد الاتقدم لي دا و بي جهة تانية المشكلة الحصلت دي 😭😭راسي ضرب عديل ما عارفة اواقف على منو قطعت لي سرحتي ديك امي قالت لي يا بت🐸 قمت مخلوعة قلت ليها ايوا 😦قالت لي مالك بسسم الله 🤨قلت ليها لالا ماف حاجة😅 قالت لي قبيل ابوك كلمني اها رايك شنو قلت ليها موافقة 😪قالت لي متأكدة من رايك دا🙄 ؟! قلت ليها ااي متأكدة😪 قالت لي غايتو ابوك قال كويسين و بالذات الولد دا هو اتعامل معاهو معاملة شخصية زول محترم و كويس🌞❤️ قلت ليها اي قال لي😸 قالت لي قومي افطري قلت ليها ما دايرة😅 قالت لي شربتي الشاي متأخرة صاح 😒؟! قلت ليها ااي 😊مشت و انا نمت صحيت بي صوت احمد قال لي هووي يا بت قومي كفاك نايمة النهار كلو قمت قلت ليهو في شنو😠 قال لي قومي اتغدي قلت ليهو متين هو قال لي شنو المتين قومي الغدا🙄 قلت ليهو ما دايرة ما جعانة 😒قال لي خلاص وفرتي😏 و مشا جاتني امي قالت لي يا بت كيف ما دايرة انتي فطور ما فطرتي😠 قلت ليها ما جعانة يا امي نفسي مقفولة🙄 قالت لي دا كلام دا كيف يعني نفسك مقفولة دا دلع جديد كمان 😡قلت ليها ما دلع ولا شي بس انا ما دايرة😕 قالت لي طيب قمت صليت الضهر و العصر سوا بعد انتهو امي قالت لي تعالي غسلي العدة دي و اعملي لينا شاي 😤قلت ليها طيب 😶قمت غسلت العدة و عملت ليهم الشاي ابوي قال لي تعالي مشيت كانو قاعدين هو و امي قال لي امك دي قالت لي وافقتي 🤨قلت ليهو ااي😅 قال لي يعني انا بعد دا اخت كلمتي ما حاتغيري رايك دا❤️ ؟! قلت ليهو ااي 😊قال لي خلاص تمام و الفيها خير ربنا يكتبا 😚قلت ليهو ان شاء الله ❤️و مشيت احمد ناداني قلت ليهو داير شنو😕 قال لي دي الشوكولاته القلتي دايراها😒 ابتسمت ليهو و قلت ليهو شكرا😊 رفع لي حاجبو قال لي انتي مالك الليلة🤨 قلت ليهو ماف حاجة🙄 هزا لي راسو و مشيت ختيتا في دولابي و فتحت تلفوني رفعت الحظر من مصطفى و الاء😪
مرو يومين و ماف جديد بس في اكتئابي داك ولا اتكلمت مع الاء ولا مصطفى ولا هم اتكلمو معاي 💔فكرت قلت ليشنو دا كلو و ازعل ليشنو اصلا دا حيكون حب مراهقة و بس و عادي تاني حانساهو و بعدين الاء ما ليها دخل في الموضوع ماف داعي اعمل فجوة بينا❤️ بالعصرية قمت لبست توبي و مشيت بيت ناس عمتو غادة لقيت اسراء و امها في الحوش بتونسو ❤️سلمت عليهم عمتو غادة قالت لي مالك مقاطعانا ليك يومين🐸 سكتت بس ما رديت ليها اسراء قالت ليها حاتكون متشاكلة مع الاء 😒قلت ليها هي وين🌚 قالت لي جوة ليها يومين ما اكلت ولا اتونست معانا مالا ما عرفناها😥 دخلت ليها في الغرفة لقيتا مغطية وشها بالمخدة و بتبكي قعدت جمبها قلت ليها الوية 😍زحيت المخدة من وشها قالت لي خليني😭😭 قلت ليها مالك انتي ما ردت علي قلت ليها معقولة يعني عشان هظار بايخ نحن صداقتنا تنتهي بالبساطة دي🐸 قالت لي انا السبب في دا كلو😭 قلت ليها لأ انتي ما السبب ولا شي بعدين دا حيكون مجرد حب مراهقة و عادي بكرة انساهو و ينساني و نكون اصحاب بس😸 + انا هسي بورتي فكت بدل ما تقيفي معاي القاك بالحالة دي 😑كانت بس ساكتة ضربتها في كتفها و قلت ليها خلي العوارة غسلي وشك دا و قومي ناكل لينا حاجة انا جعانة😑 في البيت ما عندنا عيش و انتي زاتك قالو لي ليك يومين ما اكلتي شي🤨 قالت لي طيب و مصطفى عارفة الحاصل عليهو شنو😭 ؟! قلت ليها سألت منو احمد و قال لي كويس ما عندو اي حاجة 🐸عايني اصلا هو طول اليوم مشغول و وقتو ملان ف ما حايكون عندو زمن يفكر فيني اساسا ❤️قالت لي اوك❤️ قلت ليها يلا قومي ناكل عاملة لي وشك المورم دا 😂😂قالت لي مورم وشك يا بعيدة😑 و طلعت عمتو غادة قالت لي مالا 😕قلت ليها قليلة ادب ساي و ما عندها موضوع دايرة تعمل فيها الرقية الحساسة ديك بس عشان اتناقشنا انا و هي في موضوع كدا😂😂 قالت لي غايتو لكن 😒قلت ليها عاملة شنو الليلة انا جعانة ما عندنا عيش 😥قالت لي نحن برضو ما عندنا عيش لكن فركت لي بامية بي القراصة قلت ليها يا سلااام 🤤جات الاء طالعة اكلنا اكل اسراء قالت لي الاء التقول كنتي في مجاعة قالت ليها يومين ما اكلت شي🌚 قلت ليها زايد واحد 😷اسراء قالت لي انتي برضو كنتي منفسنة زبها كدا 😒قلت ليها عااي 😸قالت لينا مشششششم ما عندكم شغلة بس دا الفراغ🙄 .........
#يتبع
