بعد الفطور قلت لي امي بمشي لي حبوبة مسافة ما مازن يمشي الصلاة و تاني بنجي نلف على اعمامي😸 قالت لي خلاص تمام طلعنا مازن قال لي عملتيها ظااهرة لكن🙄 قلت ليهو هنااي😅 يعني ضحك قال لي هناي يا كعبة😂 طول الطريق كنا بنتعاور سوا لحد ما وصلنا فجأة قلب للوش الجادي داك 🙄جريت السلك و دخلنا لقيت ابوي و اعمامي قاعدين😍 و معاهم اولاد اعمامي الكبار من ضمنهم عمر 💜مع حبوبة تحت الشجرة💜 قلت ليهم ملمومين في الحرم ان شاء الله 🥰سلمت عليهم كلهم حبوبة قالت لي مازن والله شلت مننا البت دي و قطعت راسنا😭😭💔 ضحك بس عمو بشرى قال ليهم اها كنا بنقول في شنو😅 ابوي قال ليهو العرس و ما العرس🐸 قلت لي راوية عرس منو🌚 قالت لي اسكتي دقيقة😒 عمو بشرى قال ليهو ااي الولد دا والله قال داير يتمو في نص الشهر الجاي دا 😚ابوي قال ليهو ما عندي مشكلة كلامك فوق راسي 🥰عمو بشرى قال ليهو الله يكرمك💜 المهم بقو ياخدو و يدو في الكلام لحد ما الاذان اذن قامو مشو الجامع قعدت اتونست مع حبوبة و راوية لحد ما جو رجعنا حلتنا دخلت بيوت اعمامي واحد واحد سلمت عليهم💜 لحد العصر كدا رجعت البيت شلت غيار و دخلت اخدت دش باارد و جيت نمت😪 صحتني امي قالت لي الغدا قلت ليها ما دايرة والله بس خلوني انوم🥱 قالت لي سمح مشت تاني رجعت نمت صحيت مع العشا كدا طلعت برا لقيتهم قاعدين في الحوش مفرشين السراير و الجو رهييب 🤤💜ابوي قال لي شنو من ما جيتي نمتي ما فهمنا ليك اي شي 😑قلت ليهو والله تعب ساي😅 امي قالت لي اخت ليك تاكلي ؟! قلت ليها لالا ما عايزة🐸 قالت لي اكلتي شنو قلت ليها والله ما نفسي بس😅 امي قالت لي مازن هناك برضو ما بتاكل ولا دايرة تتدلع لينا هنا🙄 قال ليها والله قعد تااكل😂😂 امي قالت لي يلا ماف زول حايحنسك متى ما تجوعي اكلي 😊قلت ليها سمح ابوي قال لي امي بشرى دا قال دايرين العرس يتم في نص الشهر 😁قالت ليهو معناها اسبوعين لي قدام😸 قال ليها ااي غايتو انا ختيت كلمتي قالت ليهو خلاص ما مشكلة زاتو نرتاح من البت دي😑🔪 قلت ليها حرام عليك يا امي 😂زينب قالت ليها امشي بيجاي يبقى ليكم وردي 😒قعدنا نشغلا ليها كدا
اليوم التاني صحيت بدري كالعادة طبعا اتسوكت و جينا شربنا الشاي مازن قال لي انا راجع🤧 بعد دا قلت ليهو شغال💔 ؟! قال لي ما شغال لكن عندي كم مشوار كدا قلت ليهو ايواا ما تنسى تشتاق لي😢💔 قال لي دا لو اتذكرتك اصلا 😙قلت ليهو حيوان 😒💔قال لي انا من هسي بديت اشتاق ليك لكن المشكلة انتي 😪💔ضحكت قال لي ابوي بعد دا انا اتوكل يا عمي ابوي قال ليهو مالك يا زول قال ليهو والله عندي مشاوير كدا😅 ابوي قال ليهو ايواا سلم على اهلك عليك الله💜 مازن قال ليهو يصل ان شاء الله💜 و قام امي قالت لي امشي قدمي لحد الباب😒 قمت معاهو قال لي ان شاء الله تغيري رايك و ترجعي البيت الاسبوع دا 😢💔قلت ليهو شكلا قعدتي حاتجر ما سمعت ابوي قال شنو العرس بعد اسبوعين 🤭قال لي بجي اسوقك يوم العرس😑🔪 قلت ليهو يعني حاخلي لي امي البيت جايط و امشي😒 قال لي بنتفاهم 😪قلت ليهو طيب خلي بالك في الطريق ما تسوق سريع💜 قال لي حاضر باسني في راسي💜 و طلع💔 دخلت جوة غسلت لي امي عدة الشاي و نضفت ليها البيت🙂 المسا كدا بعد ابوي جا من الشغل قال لي امي بكرة قالو جايبين الشيلة قالت ليهو ااي قبيل كلمتني مثاني😅 قال ليها بتحتاجو لي شي ؟! قالت ليهو نعمل عشا ولا شنو🤔 قلت ليها اعملو فواكه و كيك و عصير بس☺️ ابوي قال لي ااي فكرة برضو 🤗قلت ليهو بكرة بمشي معاك السوق قال لي خلاص بدري اليوم التاني من الصباح مشيت مع ابوي السوق جبنا فواكه و حاجات كيك جاتنا اسراء عملت معاي الكيك و قطعنا الفواكه بالعصر كدا و ختيناها في صحانة💜 ريان جابت لي تلفوني كان بضرب لقيتا دي خالتو اسماء💜 اول ما رديت قالت لي اللقا احبابو نسى اصحابو😂 ضحكت و قلت ليها مشتاقين عديل كدا 😍قالت لي والله كميات عدييل🙈💜 قلت ليهو اخباركم شنو و كيف صحتك💜 قالت لي بخير الحمدلله كيف انتي و ناس بيتكم💜 قلت ليها كويسين كلهم بسألو منكم 💜قالت لي تسأل منهم العافية 💜قلت ليها عن اذنك يا خالتو اسماء بس مشغولة شوية بنجهز لي الشيلة حقت اختي 😅تعالو لينا😁 قالت لي ماشاء الله ربنا يتم ليها على خير💜 لكن ما عندنا طريقة 😅قلت ليها امين يا رب 💜معذورين💜 قالت لي خلاص اقطعي وشك ما اعطلك😂 قلت ليها انا منذر دا ما عافية ليهو حرفك😂😂😸 قعدت تضحك قالت لي اليوم كلو يقول كلامو دا قدامي كيف ما اتعلمو 😂قلت ليها حرفيا😂💔 و قفلت منها اسراء قالت لي دي النسيبة ولا شنو 🐸قلت ليها اااي قالت لي يشهد الله نسيبتي اخر مرة اتكلمت معاها اظن لي في العيد😂😂 ضحكت و قلت ليها جافية قالت لي الغريبة لمن نتلاقى بنتونس عادي يعني 😁قلت ليها ما بتضرب تسأل من ولد ولدا قالت لي برري🐸👋 جهزنا الحاجات و فرشنا في الحوش غايتو البشوف التجهيزات يقول جايبن من برا السودان و هم في الحقيقة بينا و بينهم بيت بس😂😂 ما جو ناس كتار بس الاهل القريبين و الجيران و كم واحدة كدا صاحبات زوبة الموهم كان برنامج ظريف كدا💜 بعد الناس مشو قعدت معاي اسراء بس طبعا الاء ما جات عندها امتحانات رتبنا المكان و جينا فتحنا الحاجات قعدنا نكشف😸 صباح اليوم التاني امي ولعت لي زوبة الحفرة بعد الفطور كدا قعدت مع ابوي في الصالون كان شايل تلفوني قعد يلعب سبوي😂😂 قال لي هسي القروش دي ما بدوني ليها 🥱قلت ليها لالا😂😂 قال لي خلي عوض بتاع الدكان يديك ليها🙂 قعدت اضحك قلت ليهو ابوي عوض مالو و مالك😂 قال لي كان ادوني ليها والله تكفيني لي عرس اختك دا بي مزااج😢💔 ضحكت لمن بطني وجعتني قلت ليهو اديني تلفوني ماشة لي عمتي انا🐸 لبست توب و مشيت قلت لي اسراء الاء ما جات لسة🐸 قالت لي بعد دا بتجي قعدت مسافة كدا الاء جات قالت لي واااي انا انتهيت 😭😭😭💔شلت الفرشة حقت الشعر نظام مايك قلت ليها دخلتي الطب ليشنو 🙂قالت لي بوبار😭 قلت ليها شنو 🤭قالت لي بوباااار😭😭 قلت ليها و بقا ليك شنو 🐸قالت لي بقا لي حااااااااااااار حاااار😭😭😭🔥 قعدت اضحك قلت ليها زمااان وريتك قلت ليك الطب دا سكتو عطش احسن تدخلي ادبي و الكلام منتهي😌 قالت لي ما بفيد الندم بعد دا قلت ليها انا ماشة بعد دا اسراء قالت لي اقعدي شوية قلت ليها لالا دايرة انوم قالت لي خلاص طيري مشيت البيت ما قدرت انوم ضربت لي مازن اتونستا معاهو كتيير و قفلت منو مشيت قعدت مع ناس امي لقيتهم تاني قعدو زوبة بعد انتهت امي قالت لي اقعدي انتي برضو قلت ليها لالا ما دايرة قالت لي اسمعي الكلام زوبة قالت لي اقعدي ساي سمح والله قلت ليها بلا خجلة يابت ما تتقلي شوية قعدت تضحك ساي
يوم التلات القبل العرس كانت حنة عمر اصحابو عملو ليهو حفلة في الميدان الجمبنا كانت ظابطة و يوم الاربع حنة زوبة عاملين حفلة بي قونة كانت اظبط من حقت عمر بعد الحفلة قلت لي امي انا حامشي بيتي لاني ما جبت حاجة البسا للعرس حاجي بكرة من الصباح قالت لي تعالي المسا اقعدي في بيتك ارتاحي اصلا ماف حاجة قلت ليها بشوف يلا مع السلامه مشيت مع مازن كانو معانا خالتو اسماء و منن وصلناهم بيتهم و مشينا بيتنا مازن قال لي والله اشتقت ليك شوق قلت ليهو ما بتفوتني يلا قال لي ما عارف انا زمان كنت عايش كيف قبل ما اعرفك سكتت مسافة و قلت ليهو " عشقتك حتى امنت بان ما مضى من العمر قبلك كان مجرد انتظار لك " قعد يعاين لي بي المراية و يتبسم لمن وصلنا لاقتنا مروة و اولادا نازلين سلمت عليها قالت لي وين انتي يا بت قلت ليها عندي عرس اختي بعد بكرة كنت معاهم جيت اشيل حاجاتي و راجعة بكرة قالت لي اهاا مبروك ليها ربنا يتم ليها على خير قلت ليها تسلمي ان شاء الله خلاص ما اعطلك قالت لي تمام اليوم التاني من الصباح جهزت هدوم الفطور و الهدوم الحامشي بيها الصالة و جهزت لي مازن هدومو برضو و مشيت الكوفير اتحننت و كويت شعري و نضفت وشي و حواجبي الصراحة روحي عجبتني رجعت البيت بالعصر كدا ضربت لي مازن قال لي قريب خليك جاهزة و فعلا جهزت و قعدت انتظرتو جا داخل قال لي ايه الجمال ده قلت ليهو من يومي سمحة قال لي كدي استحما و اجيك انتي دايرة ليك قعدة عديييل قلت ليهو قعدة ف عينك سريع اتأخرنا قعد يضحك مشا استحمى سريع و جا لابس بنطلون اسود و تيشيرت كبدي كم طويل طول الطريق يشاغل فيني وصلنا الشارع كان ملان و مركبين الصيوانات دخلت النسوان كانو شغالين و البنات بدقو بالدلوكة دخلت حاجاتي و جيت قعدت معاهم طوالي شلت تلفوني ضربت لي حازم عشان اعزمو للعرس قال لي بجيكم في الصالة بس قلت ليهو كويس بعد شوية قال لي بضرب ليك من امس تلفونك مقفول قلت ليهو ااي ما كان شاحن قال لي النتيجة طلعت قلت ليهو واااي اها قال لي مبروووك يا اولى الدفعة وقفت على حيلي و بقيت شغالة ليهو احلف كضاااب قال لي والله جد قلت ليهو يعني فتك يااااي قال لي خلاص بطلي تنمر قلت ليهو بالجد ما قادرة اصدق كنت شايفاها حاحة صعبة اني افوتك يا اب نظارات قال لي افصل ولا كيف قلت ليهو لالا خلاص خلاص المهم بكرة لازم القاك مع الحضور قال لي قداام هو انا لاقي لي حفلة قلت ليهو يلا خلاص اقطع وشك قال لي مع السلامه
اليوم التاني من الصباح بدينا نرص في الفطور اصلا مجهزنو من بدري و نوزع في الصواني بعد الناس كلهم فطرو انا حشيت عيشة بي سلطة اسود مع صلاة الجمعة عقدو زغردت لمن حلقي اتقرش بعد العقد طوالي بدينا نجهز عشان نمشي الصالة انا لبست توب منقاوي بي اسود و طقمتو بالاسود و لبست بس راسطة لكن السكسك حقها كبير و معاها ساعة سودا اساسا ما بحب الاكسسوارات الكتيرة قريب العصر كدا اتحركنا على الصالة الحفلة كانت راابة اثناء ما بنرقص كدا حسيت بي الواطة دي بتدور بي مسكت في يد خالتي كانت جمبي قالت لي مالك قلت ليها حاسة راسي لافي ساقتني قعدتني في الكرسي ختيت راسي في الطاولة قالت لي شكلك حامل قلت ليها ماف اي حمل بكون ارهاق بس قالت لي اكلتي ؟! قلت ليها لالا قالت لي خلاص انتظري اجيب ليك اكل قلت ليها لالا ما دايرة بطني طامة قالت لي اخير ليك قلت ليها لالا قالت لي خلاص انادي ليك امك تتصرف معاك غابت زي خمسة دقايق كدا و جات مع امي امي قالت لي مالك حاسة بي شنو قلت ليها ارح معاي الحمام مشينا الحمام سريع استفرغت و غسلت وشي طلعنا برة ادتني سفن اب قالت لي تعبتي الايام الفاتت دي كنت خاتة راسي في الطاولة بس لحد ما جا مازن قال لي بتقدري تقومي ؟! قلت ليهو وين قال لي حانمشي الدكتور يعني دايراني اخليك بي حالتك دي قلت ليهو خلي بعد ما الحفلة تخلص قال لي لالا قومي قمت و كنت متكلة في يدو طلعنا مع دخول العرسان زوبة قالت لي مالك مازن قال ليها تعبت شوية وصلني العربية و مشينا اقرب مستشفى عملنا الفحوصات و قعدنا منتظرين النتيجة كل شوية امي بتضرب تسأل مني لحد نهدو اسمي مشينا انا و مازن الدكتور قال ليهو المدام حامل من تلاتة اسابيع لكن فاقدة شكلها ما كانت بتهتم بصحتها مازن كان مبسوط شديد بعد سمع الكلام الدكتور اداني فيتامينات قلت لي مازن اضرب لي امي وريها ضرب ليها و كلما قالت ليهو كنت حاسة والله مبرووك و يتربى في عزكم يا رب قال ليها امين كنا ماشين على اتجاه بيتنا قلت ليهو مازن رجعني الصالة قال لي كيف يعني ترجعي بي حالتك دي قلت ليهو ياخ عليك الله قال لي لالا امك زاتا قالت لي رجعا البيت ........
#يتبع ...
