تاني يوم صحيت بدري عشان متعودة لقيت امي لسة نايمة اتسوكت و صليت و عملت الشاي كان مزاجي رايق 😌عملت كيكة😋 صحا احمد قال لي مالك صاحبة بدري كدا🤨 قلت ليهو التعويدة صعبة🙂 قال لي يحليلك كبي لي الشاي انا طالع قلت ليهو مالك ماشي بدري كدا قال لي عندي محاضرة الساعة سبعة😷 قلت ليهو سمح كبيتو شربنا سوا قلت ليهو التافه داك وين🐸 قال لي خليتو ناايم😂😂 قلت ليهو امس خليتو متصل و نمت قال لي ااي ساهر قلت ليهو الليلة ماشة لي حبوبة بقعد معاها كم يوم و بجي طولت منها🐸 قال لي احسن شي عشان نرتاح من وشك دا🌚 قلت ليهو انا زاتي ارتاح من خلقكم دي 😒قال لي هسي خلقنا دي برتاحو منها قلت ليهو اسكت ها الفرحان دا قال لي ما بتعرفي تعملي الشاي سمح زي حق امي 😏قلت ليهو ما تشرب بس🙂 قال لي لو ما بصدع ما كان شربتو🌚 قلت ليهو شوف اي ست شاي اشرب معاها عادي الموضوع ما خطير قال لي ما شغلتك قلت ليهو نننننننن كمل شاييهو و هو طالع قلت ليهو احمد احمد 😟قال لي مالك😒 قلت ليهو اشتري لي معاك حاجة شوكلاتة ولا شيبس 😟قال لي شافعة بس و ابيييت😝😝 قلت ليهو ببو يا بعيد تووووف😭😭 قال لي مااااااااف ليك قلت ليهو بس بتعرف تشتري لي بنات الناس انا اختك ما بتشتري لي ما دايرة زاتو 😭😭مشا بعد ما ضربني في ضهري 😭ركبت سماعتي و شغلت غنية و مسكت مقشاشتي نضفت البيت كلو المسافة دي امي و ابوي و ريان صحو امي سخنت الشاي و ختتو ليهم شربو من اصبحت امي تشكر فيني🙈💜 عاد يا يمة بت السرور ما زي البقرة النايمة ديك😂😂 رشيت الحوش و كنستو من بدايتو لي نهايتو قلت لي ريان امسحي البيت جوة بعد قلة ادب و نهرتين من امي رضت تمسح مسحها زاتو ما سمح لكن بس مشينا حالنا🥱 الساعة عشرة الست هانم زينب قامت جات قالت لي امي الله النضف منو امي قالت ليها لا بالله لسة ما نمتي😒 قالت ليها امي ياخي انتي عارفاني كنت مساهرة عشان كدا😷 امي قالت ليها مع عمر صااح سكتت ساي مشت اتسوكت و جات تشرب الشاي امي قالت ليها في هدوم وسخانة غسليها😒 عاينت لي امي مساااافة و قالت ليها كويس 😔 امي قالت ليها كان تقولي لأ ما ردت جيت انا طالعة من الحمام قلت لي امي انا ماشة لي حبوبتي قالت لي خلاص قيلي معاها و تعالي قلت ليها لالا ماشة اقعد معاهم كم يوم 🐸عاينت لي زينب و قالت لي البنضف لي من الصباح كدا و ما بعاكسني منو لكن 😭😭قلت ليها كلها يومين تلاتة و بجي🤗 قالت لي خلاص امشي😢 مشيت كوركت لي اسراء بي الحيطة جات قالت لي ما صدقنا ارتحنا منك ايام المدرسة هسي دايرة شنو 😑قلت ليها ما ماشة؟! 😒قالت لي نمشي هسي طوالي ؟! قلت ليها عندك شي ؟! قالت لي لالا قلت ليها خلاص ارح طوالي قالت لي تمام لكن انا الشاي ما شربتو قلت ليها تشربي السم النايمة ليها شنو لحد الساعة عشرة 😒قالت لي وراي شنو😌 قلت ليها امشي امشي مدت لي لسانا و مشت😝 قلت ليها خلاص تعالي غاشياني قالت لي سمح مشيت علقت عبايتي و ختيت لي بجامتين في الشنطة حقتي و معاهم الشاحن و السماعة و رقدت مسكت تلفوني لقيت الاء اونلاين رسلت ليها يا بت 🐸قالت لي مالك😷 قلت ليها ما ماشة معانا انتي🙂 ؟! قالت لي يهناية انتي عارفة حبوبتك دي شايلاها معاي كيف😤 قلت ليها ياخ ارح ما تشتغلي بيها قالت لي كدي اشوف امي قلت ليها اصلا ما حاتقول ليك شي ارح ساي 😑قالت لي كويس بعد نص ساعة جو داخلين اسراء من الباب صوتا بتسمع تلعلع مع كريم 😂😂جو داخلين قالت لي مالك لي هسي ما لبستي قلت ليها ما عندي شي غير عبايتي دي 🌚قالت لي خلاص قومي عشان نلحق نفطر معاهم انتي عارفة عمتك دي بتخت ليهم الفطور بدري كيف😷 قلت ليها ارح قالت لي امك ماف ولا شنو 🤨قلت ليها قاعدة بتكون في الحمام لبست عبايتي و مرقنا خلينا زوبة بتشر في جزء من الهدوم اسراء ليها بتغسلي الدستة بي كم يا ميري😂😂😂 حمرت ليها بس انا قلت ليها غسلي نضيف يلا 😏قالت لينا ياخ طيرو بلا ياخدكم😠 جرينا الشارع كلو نتونس لحد ما وصلنا بعد بيت ناس حبوبتي بي مسافة كدا في عمود جمبو حجار كبار قاعد فيها ولد بتكلم بالتلفون ظاهر انو بخلط 😂قلت ليهم يشههههد الله دا عبدو😠 اسراء قالت لي عبد العظيم😶؟! قلت ليها ااي ياهو زااتو الما بغباني 😠قلت ليكم انا الولد دا كان ماسك بي زمن ساي😠😠 الاء قالت لي شوف عليك الله ود ال****🤬 قلت ليها ود **** ساي اسراء قالت لينا ادخلو كدي 🤐جرت السلك و دخلنا لقينا عمتي راوية ساكة ايهم ولدا بالخرطوش في الحوش و بتكورك تعال يا رمة اصبر لي لمن شافتنا وقفت و هي بتشيل في نفسا😂😂 اسراء قالت ليها مالك بتتجاري قالت ليها التافه دا ضرب اخو من الصباح مشاكل 😠قلت ليها كدي سلمي علينا اول 😂😂سلمنا عليها قلت ليها فطرتو 😕؟! قالت لي لالا يادوب ماشة ارصو 🙄الاء قالت ليها غريبة😂 راوية قالت ليها حبوبتك كانت عند الجيران يادوب جات قلت ليها وينا قالت لي دخلت هسي كانت هنا تحت شجرتا دي اسراء قالت ليها اي انا زاتي استغربت لانو كل ما نجي هي هنا مهما كان الوقت 😂😂راوية قالت لينا شكلكم ما ناوين ترجعو بيتكم الليلة 😪قلت ليها صابنها 😸✌️دخلنا الراكوبة لقينا حبوبة طالعة قالت لي هييا بنيتي انقطعتي مننا كدا وين😻 قلت ليها والله الامتحانات يا حبوبة كيف انتي🐸 قالت لي كويسة احمد الله ما عندي عوجة 💜عِللا جدك دا مرات يطش شبكة و مرات يجي 😷قلت ليها يحليلو وينو😢 قالت لي بي غادي في الصالون اسراء قالت ليها احم احم نحن هنا يعني🙄 خبوبة قالت ليها اهليين كيفكم😅 قالت ليها عملتيها ظاهرة لكن😑 حبوبة قالت ليها عاد بت ولدي الزيها منو كيفن ما بعملا ظاهرة 😌بقيت اعاين لي الاء و اسراء و هم محروقين 😂😂الاء قالت ليها ما تسلمي علينا زاتو😐 حبوبة قالت ليها الداير يسلم عليك منو زاتو ارتاحي😒 انا كنت ماسكة الضحكة بالجلالة 🤭🤭بعد نقاش كدا قلت لي راوية فطوركم بي شنو انا جعانة 😪قالت لي عصيدة بي ملاح روب🙄 قلت ليها الله انا نوهبك😻😻 قالت لي دا كلو عشان روب 😒قلت ليها ااي والله 😻✌️قلت لي الاء ارح يا بت نرص الفطور قالت لي ارح انا زاتي جعانة😪 اي حاجة كانت جاهزة بس ختينا في صحانة و جبنا و كبينا فيهو سمن بي فوق حاجة موبالقة🤤 جينا اكلنا اكل صاح اثناء ما بناكل جدي قال لي راوية ديل بنات منو🤔 قالت ليهو اججي يا ابوي دي فاطمة بت خالد و ديل بنات غادة 🤨🤨قال ليها ايوااا والله ماشاء الله سمحات😚 حبوبة قالت ليهو عينك الطايرة دي 😒قال ليها انتي اسكتي عينك بالشرط🙄 قالت ليهو امشي الخرفان دا قال ليها في زول بخرف في شبابو 😏؟! قالت ليهو هو وينو الشباب🥱 قال ليها شيب الشقاوة الاقلب راسك حواشة قطن😒😒 قالت ليهو اكتر من كدا يمش وين 🙄قال ليها انتي زاتك سلبطك فيني عمي العوض😠 قالت ليهو برااااك كنت راقد لي انكر 😏😏قال ليها اريتني كان ما رقدت رقدت و سفيت التراب😒 قالت ليهو مالي ولا مالي😌 و نحن ميتين بالضحك😂😂 راوية قالت نحن كل يوم في الحالة دي😂😂😂 اسراء قالت ليها والله مموضعين قلت ليها ااي والله راوية قالت لي بس توم و جيري ما بتفقو لكن طول اليوم مع بعض تحت الشجرة دي 😂😂بعد ما انتهينا اسراء عملت لينا الشاي شربنا و اتونسنا و الجو زاتو كان رهيب بداية الخريف ديك تاني دخلنا انا و الاء جوة في الراكوبة قعدت تغسل العدة و انا واقفة جمبها جات راوية قالت لينا مالكم عاملين زي الحلقة الاخيرة كدا🌚 قعدنا نضحك ضحك😂😂 مسيييخة شديد عندها ردود كدا بتجيها من وين ما عارفة و المشكلة انها بتقول الكلام و ما بتضحك خالص 😂😂بعد خلصنا طلعنا ليهم برة الاء كانت بتلعب بي دبلتا ( ما يفوتكم اللخت مخطوبة🐸 ) كدا و الدبلة وقعت جمب كراع راوية ف قامت الاء قالت ليها ارفعيها لي راوية قالت ليها انتي مالك بالعة عود😒 ؟ ياخ مساخة كدا و رد في طرف اللسان ما لاقاني الا عندها 😂😂اسراء قالت ليها واااي منك فظيعة
قعدنا يومين و رجعنا حلتنا كانو كلهم ضحك😂✌️ يوم رجعنا بالعصر كدا كنا انا و الاء في بيتهم و بنسمع في الغنية حقت ايمان الشريف💜 و طه سليمان حقت بنحب بعض بتقول " حنبدا سنة بنريد بعض😻
انتي و انا بنحب بعض 💜
مافي زول ابا لينا و اعترض💜😚
حانبدا سنة بنحب 🎶
بعض اطناشر شهر ... بنحب بعض♥️🎤
الريد ظهر ... بنحب بعض💜
حب ازدهر ... بنحب بعض 🎶💜
و فتح زهر ... بنحب بعض 🐸💜
حب من قلبي انفرض ... حانبدا سنة بنريد بعض😻 .....
جا مصطفى داخل توووشك قلع من الاء السماعة و بقينا نغني مع الغنية انا بقول نقطع ايمان و هو مقطع طه بعد الغنية انتهت جدع لي السماعة الاء قالت لينا انتو هسي ما بتحبو بعض 🌚؟! ........
#يتبع
