الولد كان لابس بنطلون اسود و بلوفر اصفر شعرو كتير و مفلفل و لابس فريم🤤 جا داخل ابوهو قال ليهو ديل نسابة اخوك و اشر علي قال ليهو دي مرتو🙈💜 قلع الفريم و قال والله الولد دا طلع بعرف يختار قاطعة عديييل كدا😍 ابتسمت ليهو ابوه قال ليهو اخوك دا وين قبل ما يرد مازن جا داخل انا طوالي نزلت راسي🙈 جا سلم علينا امو قالت لينا دا نسيبكم اخوهو ضربو قال ليهو والله يا مازن لقيتك بتعرف تختار 😏انا اتمنيت الارض تتشق و تبلعني😷 امو قال لينا امشو اقعدو في الحديقة اتعرفو على بعض عاينت ليها كدااا😨 مازن قال لي ارح 😺قمت معاهو الصراحة احرجوني احراج🤧 طبعا لمن اتوتر بقعد اصلح طرحتي بدون سبب 😕قعدنا في كراسي كدا تحت شجرة كبيييرة كنت ساكتة و بعاين للارض استغربت زاتي حسي و لساني الطويل داك مشا وين😂😂 قال لي احم احم عاينت ليهو قال لي خبرك و رفع لي حاجبو 🤨قلت ليهو بخير الحمدلله... و انت😸 قال لي كويس و شديد كمان😍 ابتسمت ليهو قال لي امتحنتي كيف 😅قلت ليهو كويس والله 🐸قال لي ربنا يوفقك 💕قلت ليهو امين يا رب💜 قال لي رغبتك تدخلي شنو قلت ليهو قانون💕 قال لي اووو حلو يلا صوتو خشن كدا و فيهو بحة كدا عجيبة و عندو لحية لا اله الا الله تجنن😭😭💜 ولا القميص الكان لابسو رمادي سادة مع قوامو لكن ما طويل مربوع كدا 💕قعد يتونس معاي شوية كدا ظريف شديد تاني قلت ليهو ارح جوة 😸قال لي مالك قلت ليهو ساي بس🙃 قال لي طيب ارح دخلنا اخوهو غمز لينا مازن حمر ليهو و قعد😒 ابوي قال نحن بعد كدا نستأذن عمو مختار قال ليهو يا زوول الغدا بعد دا وقتو جا لو ما اتغديتو من هنا ما بتطلعو😑 ابوي قال ليهو المسا.. 😺قاطعو قال ليهو يا زول والله ما تطلعو كان ما اتغديتو اها انا حلفت 🐸ابوي قال ليهو خلاص يا زول🙃 قعدنا شوية كدا الجرس ضرب مشا منذر اخو مازن فتحو جات معاهو بت قصيرونة كدا حلبية ضربا في راسا قال ليها ادخلي🐸 قالت ليهو منذر ياخ اقعد ساي متخلف دا 😒قال ليها نينينينيني حمرت ليهو و دخلت لقتنا قالت السلام عليكم ☺️ردينا ليها السلام خالتو اسماء قالت ليها تعالي يا منن سلمي على نسابة اخوك🐸 قالت ليها هيي بالله ديل هم 😍😍جات سلمت علينا قالت العروس وينا كلهم اشرو ليها علي قلت ليها انا 😸قالت لي حلاتك صغيرة قلت ليها امم😸 بي قلبي قلت ليها انتي ما عارفة البنات المعرسات في حلتنا قدر شنو😂 قالت خلاص اغير و اجيكم 🐸تلفوني دقا دا احمد رديت عليهو و قمت قلت ليهو الوو قال لي مالك بتتكلمي براحة كدا😑 قلت ليهو داير شنو انت😒 قال لي انتو وين🌞 قلت ليهو مشينا لي صاحب ابوي محتار🐸 قال لي ايواا ما تقولي صاحب ابوي بعد دا قولي نسيبي😉 قلت ليهو متخلف 😒و قفلت الخط في وشو قعدت تاني ضرب لي قلت ليهو مالك ياخي😾 قال لي قافلة الخط في وشي مالك 😑قلت ليهو داير شنو انت 😠قال لي اديني امي اديتا قلت ليها دا ولدك هاك 😒قالت ليهو الو كيفك .. تمام الحمد لله💕... ااي طلعنا منهم بدري ابوك غشانا ناس مختار .. ااي خلاص تمام💕 .. لالا ارجع البيت سريع ... بس انا قلت ليك امشي البيت اسمع الكلام لي بعدين 😾... خلاص يلا💜 ادتني التلفون الخط فاتح قال لي الحجة دي مالا الليلة 🤨قلت ليهو ارجع البيت بس انت بعدين بحكي ليك 🙄قال لي خلاص ظابط كان مازن بعاين لي كل ما ارفع عيني بلقاهو بعاين لي 🌞احرجني عديل قدام الناس😷 قعدنا نتونس انا و زوبة برانا كدا و نعلق😂😂 قالت لي مازن دا مالو بعاين ليك كدا😉 قلت ليها ما عارفة انا زاتي احرجني عديل🤧 قالت لي بكون واقع في حبك🤤 جريت ليها نور قلت ليها بعرفني من وين 😒قالت لي من لمن جونا داك😏 قلت ليها افصليها قبلت منها و مسكت تلفوني جات منن قعدت جمبنا قالت لي ما اتعرفنا😉 قلت ليها هسي نتعرف المافي شنو🐸 قالت لي انا مثاني اخت مازن اصغر واحدة برلومة هندسة كهربا 😸قلت ليها انا فاطمة اكبر واحدة في البنات اكبر مني احمد بس امتحنت تالت ادبية😚 قالت لي دايرة تدخلي شنو في الجامعة قلت ليها قانون💕 قالت لي واااو حلو قلت ليها حلوة عيونك 💕قعدنا نتونس كدا البت عسل شديد جات الحبشية نادتنا للغدا طبعا في بيتنا الغدا بنختو في صينية في تربيزة عادية و بنخت السراير قصاد بعض و ناكل 😂😂لكن هنا في صفرة زينب غمزت لي قالت لي لقيتيها يا صاحبتي 😂😂قلت ليها لازم يا بت😌 بعد الغدا جابو لينا العصير شوية كدا ابوي قال ليهم يلا انت حلفت لينا نتغدا و اتغدينا بعد دا نمشي عشان مسافتنا بعيدة 😸عمو مختار قال ليهو خلاص يا زول شرفتونا والله بيتنا نور عديل بي زيارتكم دي😍 لمن طالعين مازن قال لي الرقم 😑سجلت ليهو رقمي ضرب لي عشان احفظ رقمو💕
بعد اسبوع جو خطوبة عديل💕 و جابو حاجات كدا بسيطة و حددو العرس بعد اسبوعين من النتيجة 🐸
مرت الايام و بقيت متواصلة مع مازن على طول لو ما اتكلمت معاهو بحس يومي ناقص🙈💜 يوم النتيجة انا كنت عاملة زي ام العروس داخلة و مارقة بدون سبب مسكني وجع بطن عديل كدا 😭😭ما قعدت ولا ثانية لمن المؤتمر بدا كنا قاعدين كلنا سوا مع عماتي و اعمامي في بيت ناس عمتو غادة انا و الاء و مصطفى رسلنا رقم الجلوس و قاعدين منتظرين 😿قبل ما يزيعو الاوائل جاتني رسالة لكن ما اتوقعتها النتيجة كنت قايلاها من ناس سوداني سااي 🙄عاينت للتلفون و قعدت اصرخ و جدعتو كلهم بقو يسألوني في شنو انا بس قعدت ابكي😭😭 ما عرفتها من الفرح ولا من شنو😭 اسراء فتحت التلفون شافت الرسالة و بقت تزغرد 👌😚قالت ليهم 93,8 😍و قعدو يباركو لي جا ابوي و اعمامي قالو لينا اها كم😨 امي قالت لي ابوي 93,8💜 قال لي رفعتي راسي و انا كنت متأكد من انك حاتجيبي نسبة كبيرة و ضماني باسني في راسي 💕شوية كدا الاء قعدت تعاين في تلفونا و بدون مقدمات قالت 93,5 😳قعدنا نعاين ليها قلنا ليها نسبتك 😍؟! قالت ااي و هي مصدومة كدا 😳تاني الزغاريد بدت عمتو ماريا قالت حقت مصطفى ما ظهرت للآن ليشنو😨 قبل ما تتم كلاما جا احمد شايل مصطفى في كتفو و الاولاد وراهم بصفرو😍 عمتو ماريا قالت ليهو كم كم قال ليها 89😍 والله انجز هو السنة الفاتت جاب 60 احلا حاجة في اليوم دا الغمتات و قروش زي القروش🤑🤑 لكن الجانب الكعب كترة السلام و المباركات 😿
اليوم التاني جونا خالاتي اتعاملت معاهم عادي🙄 جابو معاهم بيبسي كمان خالتي كبت لي في كباية و جابتو لي كنت مصدعة🤕 و في نفس اليوم المسا جونا ناس عمو مختار كلهم🙈💕 مازن كان لابس بنطلون اسود و قميص بيجي مخطط بالاسود 💜كانت معاي اسراء بعد شوية كدا ضرب لي مازن رديت قال لي ممكن تجي برا اشوفك 🐸قلت ليهو دي شنو الجوطة دي 😣قال لي جوطة شنو 🤨قلت ليهو سامعة صوت غريب😕 اضاني وجعتني قفلت الخط تاني ضرب و سامعة نفس الصوت صوت صرير باب كدا😭 قلت ليهو انا ما قادرة استحمل الصوت دا ياخي😭😭 قال لي صوت شنو انا في الشارع تعالي😑 قفلت الخط و لبست توبي و طلعت كان واقف جمب العربية💕 سلمت عليهو شميت فيهو ريحة غريبة😷 لكن ما قلت ليهو شي قال لي صوت شنو الكنتي سامعاهو في التلفون 🤨قلت ليهو صوت كدا مزعج 😕قال لي خلينا من الصوت هسي فتح العربية طلع كيس احمر كدا و اداني ليهو قال لي افتحي بعدين💕 قلت ليهو طيب شكرا ليك💕 قال لي العفو تستاهلي اكتر من كدا ياخي💕 قلت ليهو انا حادخل🐸 قال لي متين هو جيتي 😿قلت ليهو ما ظريفة اخلي اختك براها جوة🤧 قال لي عارفك عايزة تتهربي لكن خلاص ما مشكلة🙄 ابتسمت ليهو و مشيت الصراحة الريحة طممت لي بطني شديد🤢 ختيت الهدية في غرفتي و طلعت🐸 اسراء غمزت لي😉 قلت ليها مالك😑 قالت لي مالي😏 قلت ليها الاء وين 🐸قالت لي ديك واحدة منفسنة ساي خليها 🙄قلت ليها مالا🤨 قالت لي قلت ليها ارح معاي ابت🙄 قلت ليها الجن ولا النفسيات😂 منن قالت لي حرام عليكم ما تقطعو في البت 🐸قلت ليها انا في وشها بقول ليها كدا😂😂 قعدت تضحك قالت لي يحليلا قلت ليها يحليلا شنو 😂
بعد مشو رتبت البيت و دخلت الغرفة لقيت الكيس مجدوع في السرير😸 فتحتو لقيت فيهو ....
#يتبع
