دخلت جوة قعدت شوية كدا سمعت صوت اسراء و الاء 🐸💔طلعت قلت ليهم خلاص الليلة اليوم دا كلو حايكون نحس من شوفتكم ووبعلي من وش الصباح كدا نصبح بيكم😷💔 اسراء صوتا عالي طبعا و فيهو بحة كدا💜 قالت لي ما شغلتك جيت لي خالي و مرتو السمحة دي انتي مع شنو ☺️قلت ليها بيتنا و كمان بتقوي عينك 😒الاء قالت لي انتي طول اليوم معانا في زول بسألك؟ 🤨😒ابوي قال لينا يا بنات كدي روقو 😂جيبي الولد دا يا اسراء بقيتي ولا بتخلي يجينا😒 قالت ليهو والله طبعو بقا كعب براهو مابي الناس🐸💔 تاني قعدنا نتونس زي الما حصل شي و نضحك 😂😂جا مصطفى تاني صاري وشو سلم و قعد 🙂💔الاء قالت لي امسكو امسكو ما يقع 😂حمر ليها ساي🙄 قلت ليهو مالك😚 قال لي زهجان من القراية دي ياخي كرهتا عيشتي معاها😭😠💔 انا و الاء قلنا ليهو في نفس اللحظة شعور مشترك 😭💔ابوي طلع قال ماشي مشوار و امي زاتا مشت سوق الخدار قعدنا نتونس و جو اخواتي برضو❤️ قامت اسراء قالت لي اها قلتي شنو في موضوع امبارح 🐸بقينا نتوسوس برانا طبعا 🙂قلت ليها يا زولة خلاص اصلا ما ربطت قبل كدا انعيش الدور شوية 😂قالت لي تمام حاكلمو😉 قلت ليها لكن حايقول دي شنو الخفيفة دي 😔قالت لي ولا خفة ولا شي يا بت هاا 😒قلت ليها سمح لكن عايني من هسي اوريك انا ما بتكلم بي تلفون زينب بجيكم اتكلم بي تلفونك ☺️قالت لي طيب لكن ما بي رصيدي 🐸💔قلت ليها الجبارة دي بس دا كل همك😒 قالت لي انا كمان دايرة اتكلم مع ابو كرومي🙈❤️ قلت ليها صحي هو ما نازل قريب ؟🌞قالت لي ما اظن لكن لو امورو ظبطت برسل لينا انا و كريم🐸 قلت ليها اخير يا بت تغيرو جو من جو البلد العولاق دي👋 قالت لي مش كدا 😚قالت لي خلاص هسي ارسل ليهو اكلمو؟!🙂قلت ليها شفقانة خلاص انتي عندك مصلحة في الموضوع دا ولا شنو؟😑🔪قالت لي بري بس انتي ما عارفة هو زاني لي كيف دايرة اتخلص منو 😒قلت ليها امممم 🙂🙊مصطفى قال لينا انتو بتقولو في شنو😑 قلت ليهو كلام كبير عليك 😚لبعني لبعة في ضهري 😭😭💔قلت ليهو ما عافية ليك نهاي 😭😭قال لي انتي امي ولا ابوي؟ 😏قلت ليهو ببو تشرط بطنك 🤬قال لي نظام دعوتك دي وصلت السقف 🙄قلت ليهو قايلني زيك يا راجل سماح😏 قال لي مالا هسي سماح 😒قلت ليهو ما عارفة🙄 قال لي انا طاير هوي🥱 قلت ليهو عاين البليستيشن حقك فاتح؟🥺قال لي ااي قلت ليهو جيبو ارح نلعب سوا 😚 قال لي يا بت اقري ليك قراية تنفعك😒 اسراء قالت لي هسي انتو جادين انكم ممتحنين 😕؟؟قلت ليها على ما اعتقد🤔 تلفونا ضرب قالت لينا اسكتو اسكتو عمر ضرب🤫 قعدنا نكورك زيادة 😂😂طوالي شالت كرعينا و طلعت😂 مصطفى مشا بيتهم و الاء برضو🙂 اسراء بعد خلصت مكالمتا جات قالت لي فلان مرسل لي😉 قلت ليها ووب من فلان 🙄قالت لي حاكلمو😚 و فعلا كلمتو قال ليها لو جمبك مسكلي لي 😍مسكلت ليهو والله هو قفل الخط و رجع ليها 🙈💜(طبعا ديل اكتر ناس انا بحبهم في الدنيا 😂❤️) المهم اول ما ردت قال ليها الو بصوت هادي كدا 🤤✨قالت ليهو اهلين ☺️قال ليها كيفك؟! 🥰 قالت ليهو تمام الحمد لله و انت؟😊 قال ليها بعد الخبر دا كيف ما ابقا تمام 🤤✨ضحكت و قالت ليهو هاك هي زاتا جنبي 😂😂ادتني التلفون صراحة كنت متوترة شوية😕 قلت ليهو براااحة الو😶 قال لي اهلين 😇قلت ليهو كيفك😊 قال لي كويس بعد سماع صوتك😍 طبعا ما عرفت اقول شنو 🙈قلت ليهو شكرا ❤️✨قال لي العفو ولو 🥰تاني سكتنا مسافة قلت ليهو احم انا عندي مزاكرة برجع ليك بعد اخلص🙂 قال تمام بالتوفيق☺️ و قفلنا على كدا اسراء قالت لي لقيتيها يا معولقة 😂😂لكن مالك ما بتعرفي تتكلمي التقول لسانك اتبلع 😂قلت ليها شكرا 😒قالت لي عايني اتصرفي معاه عادي و اتكلمي بي طبيعتك😚 قلت ليها اوكي 🙂قالت لي انا ماشة 👋قلت ليها كويس🙂 قالت لي يخخخسي ولا في اقعدي ولا دا 😒💔قلت ليها ما انتي قلتي ماشة اعمل ليك شنو يعني 🙄قالت لي خلاص اسكتي مني 😒قلت ليها ابيييييييت 😝😝 قالت لي تشرط حلقك😒 قلت ليها سمح 🙂💔ما قالت لي بتقولي شنو و قامت طالعة 😂😂قعدت افكر فيهو سوية كدا و في صوتو 🤤تاني قلت هيي يا فاطمة بطلي البتعملي فيهو دا و ركزي في قرايتك احسن 😕قمت قريت شوية كدا امي جات عملت معاها الفطور ابوي قال قريب انتظرناهو لحد ما جا❤️ تاني قريت باقي اليوم لحد المغرب كدا كملت الجغرافيا 🙂💔و حليت امتحانات بعد المغرب مشيت ناس عمتو غادة😙 (طبعا بحبهم اكتر شي❤️✨) لقيتهم مفرشين سرايرهم و بتونسو😍 قعدت معاهم مسافة كدا اسراء غمزت لي😉 هزيت ليها راسي بعني كويس😊 عمتو غادة قالت لينا انتو بتتكلمو بي عيونكم كدا في شنو😑 قربت من اضانا همست ليها قلت ليها دايرة اخلط بي تلفونا 🙊قالت لي امممم طلعتي ما هينة يا بت خالد 😂قلت ليها والله الولد باكي فيني عديل 😂😂قالت لي منو🤨 قلت ليها عبد العظيم ود ناس بتول 🙈قالت لي كضااابة الولد لكن سمح سماحة يسوي كدي😍👋قلت ليها شايفاك انتي زاتك منبرشة 😂😂قالت لي عاد الود سمح يا بتي🤤 قلت ليها بكلم ليك راجلك هووي🙊😂 قالت لي قليلة ادب امشي اتكلمي اتلقي راجيك الولد😕 قعدت اضحك قلت ليها سمح 😂😂مشيت لي اسراء في الاوضة ضربت ليهو و عمل نفس الحركة فصل و رجع ليها 🤤❤️شلت منها التلفون قلت ليها ما تطلعي خليك معاي🙂 قالت لي اججي البقعدني شنو🤨 قلت ليها خلاص خلاص امشي😒 قالت لي ما تطولي 😉قلت ليها كويس رديت عليهو قال لي هلا هلا😍 قلت ليهو اهلين ☺️قال لي امورك يا السمحة 🥰قلت ليهو كويسة الحمد لله😇❤️ اتونسنا كدااا غالبا انا البتكلم و بحكي لمن خشمي و جعني 😭هو شغال لي والله ماشاء الله كويس والله انا لمن زهجت قلت ليهو يا زول مع السلامة لي بكرة🙂 قال لي تصبحي على خير طيب ❤️قلت ليهو و انت من اهلو ❤️و فصل على كدا طلعت الحوش كدا قعدو يشغلوها لي الاء و اسراء و عمتي زاتا🙊😂😂 اخوانا يا حليلهم ما فاهمين شي😙 (طبعا اسراء اكبر واحدة عمرها عشرين سنة و بعدها الاء و تاني ولدين حمادة و امجد و بت صغيرة اسمها ولاء ) قلت ليهم والله ما عجبني الزول دا 🙄الاء قالت لي انتي ولا بعجبك العجب ولا الصيام في رجب 😒قلت ليها ياخ انا الزمن دا كلو بتكلم هو بس شغال لي امم ايواا بالله ماشاء الله كويس والله حكيت ليهو قصة حياتي كلها تقريبا 😕و هو ولاااا بالغلط ياخ انا زي دا ما بنفع معاي🙄 عمتي قالت لي انتي دايرة زول نضااام زيك كدا😂😂 قلت ليها بالضبط كدا 🤝الاء قالت لي غايتو عبدو سمح النصيحة 🙂❤️قلت ليها عايني الاولاد السمحين ديل يا اما الواحد يكون نسونجي ☺️او يكون طيرة و دلوكة زي عبدو دا🥱 قالت لي مشششششم غايتوووو 😒.......
#يتبع✨
