جاتني ريان جارية قالت لي فطومة ما سمعتي الشمار 😳 قلت ليها اها بس جنك تلقطي الشمارات في شنو😒 قالت لي قبيل عمي بشرى قال لي ابوي دايرين بتك لي عمر ولدي🐸 قلت ليها يا لفاحة هو قاصد زينب ما انا😒 و انا اساسا عارفة و تاني ما تلفحي فاهمة😒 قالت لي كويس🙊 طلعت برة لقيت امي راقدة بتعاين للسما و زينب راقدة جمب رجلينا شايلة تلفونا قلت لي امي هووي 😙 قالت لي مالك😒 قلت ليها سرحانة وين انتي🐸 قالت لي بفكر بعد امتحاناتك دي نمشي لي خالاتك ديل طولنا منهم طول😅💞 قلت ليها وااااي انا ما ماشة غايتو 🙄قالت لي كيف يعني ما ماشة😾 قلت ليها عديل كدا والله ما بقدر استحملهم🥴 قالت لي كدي لمن نشوف 😾💔قلت ليها ما تشوفو اي شي😒 حمرت لي انا طوالي سكتت رقدت في السرير التاني🙊 غمضت عيوني بقيت ما بين صاحية و نايمة😴😴 امي صحتني قالت لي صلي المغرب اول و تاني نومي 🌞قمت صليت و تاني جيت رقدت نمت صحاني ابوي للعشا صليتو عين مفتحة و عين مغمضة😂😂 دايرة ارقد تاني ابوي قال لي تعالي اكلي جبت ليكم بيتزا🌞 قمت بنقنق اكلت كم لقمة كدا و تاني رجعت نمت😪 صحيت اليوم التاني من اذان الصبح صليتو حاضر و قعدت اقرا قران شوية و تاني قعدت اقرا مرت الايام عادي لحدي يوم السبت بليل كنت متوترة شوية 😷بدخل و اطلع كتير زي ام العروس 🐸💔 راجعت كويس نمت بدري من الساعة تسعة صحيت الساعة ستة لبست للمدرسة شربت الشاي قبل ما اطلع قلت لي امي من هسي بعدين ماف زول يسألني اشتغلتي كيف لاني لو اشتغلت كويس او لأ حاقول كويس 😐قالت لي كدي هسي امشي الله يوفقكم بس✨ قلت ليها امين يا رب💜 غشيت ناس عمتو غادة لقيت الاء بتقرا قلعت منها الكتاب قلت ليها حاتجوطي افكارك ساي ما تراجعي😚 قالت لي حاسة نفسي ما قارية اي شي 😭😭قلت ليها يلا دا السبب الحايفشلك شيلي الفكرة دي من راسك اعتبري روحك داخلة اختبار عادي المهم اشربي الشاي سريع عشان نطلع 😇شربت الشاي و طلعنا الشارع كلو نتونس🐸 لحد ما وصلنا المدرسة قعدنا في الساحة كملنا ونستنا و ضحكنا 😂😂لحد الساعة تمنية إلا خمسة دقايق دخلونا الحجر حقت الامتحان قعدت ادعي لحد ما الورقة وصلتني💜 اشتغلت كويس الحمد لله كان ساهل 🥀( نصيحة : لمن تكوني داخلة امتحان ما تراجعي و ما تساهري كتير الافكار بتاخد زمن عشان تترتب و العقل لازم ياخد الوقت الكافي من الراحة عشان تقدري تشتغلي و خليك واثقة من نفسك لانو الخوف بضيعك و بطير اي حاجة قريتيها من راسك💙✨ ) بعد الامتحان طلعنا طوالي لاقينا مصطفى في الشارع مشينا البيت سوا دخلت بيتنا و هم اي واحد مشا بيتهم دخلت كدا لاقتني امي قالت لي اها اشتغلتي كيف😍 قلت ليها امي انا الصباح قلت ليك شنو😑 قالت لي ما تتعاوري فيني😒 قلت ليها كويس والله 😇اخدت لي دش سريع و طلعت قلت لي امي جعانة😭 لقيتا اصلا مجهزة لي الاكل و معاهو عصير🤤 طبعا احلا حاجة في سنة تالتة الدلع الزول بطلع منها سمين عديل كدا😂😂😂 اثناء ما باكل جاتنا اسراء قالت لي اها الامتحان كيف🌚 قلت ليها كويس والله بسلم عليك قالت😚 لي اضحك ليك ولا شنو يعني😒 قلت ليها ما ضروري😪 قالت لي بالجد 😑قلت ليها والله ظابط اصلا هو قرآن💜 قالت لي ان شاء الله الباقيات كلهم يكونو كدا 😙قلت ليها ان شاء الله💜 قالت لي تاني عندكم بكرة ولا بعدو قلت ليها بكرة دراسات و بعديهو ما عندنا تاني لي يوم الاربع قالت لي ظابطة كدا😊 قلت ليها ااي😚 تاني قعدت تتونس مع امي و زينب انا دخلت ارتحت شوية و قمت راجعت الدراسات😷
