لمن رجعت البيت لقيتهم قاعدين كلهم سوا💕 قعدت جمب ابوي قال لي بتي السمحة💜 قلت ليهو ابوها 😻قال لي انتي عارفة والله كنت مفكر نرحل نمشي الخرطوم عشان الجامعة تبقا ليك قريبة لكن بي موافقتك دي ممكن العرس يتم سرعة و تمشي تقري هناك🐸 قلت ليهو ايواا😸 امي كبت لي شاي شربتو و قعدت اتونست معاهم💕 تاني دخلت الغرفة لقيت الاء متصلة قلت ليها يا زق🐸 قالت لي مالك يا عارض😕 قلت ليها بتتذكري قبل الامتحانات بي فترة مش كان معانا راجل صاحب ابوي و ولدو لو متذكرة🐸 قالت لي ااااا ااي اتذكرتو الولد القرضة المكسرني 🤤🤤قلت ليها يلا ما تتكسري في راجلي يكسر ضلعك 😒قالت لي دقيقة دقيقة افهم انو الولد دا ياهوالاتقدم ليك😱 ؟! قلت ليها ييب😸 طوالي ضربت لي قالت لي كيف يعني 😱قلت ليها عديل كدا🐸 قالت ليهو القال ولا ابوك اختارك ليهو ولا الحنك شنو بالظبط 😦 قلت ليها غايتو على حسب كلام ابوي هو العايزني بي ارادتو 😶قالت لي واااي يا بت اللذين لقيتيها لكن😭😭 قلت ليها انا مالي هينة ولا هينة 😌قالت لي اقطعي وشك كملتي لي ميقابايتاتي 😒طوالي قفلت في وشها قلت ليها دخليني في القروب🌞 قالت لي اصبري طيب دخلتني قلت سلام الله عليكم 🐸ردت هي لكن مصطفى ما استلمها قعدنا نتونس في القروب خلينا الخاص عشان الخاص للرخاص🙄 بعد مسافة مصطفى دخل قال ما ممكن لكن الزول يقعد مع اصحابو شوية يي يلقا كمية الرسايل دي معاطات خلاص😾 قلت ليهو كيفطمام🙊 قال لي طمام 😺قلت ليهو مشتاقين يا ود مالك همشتنا كدا😿 قال لي انا فاضي ليكم 🌚قلت ليهو تافه 😒قال لي اخوان في الحتة دي🤝 قلت ليهو لا اخوان ولا بعرفك👏 قال لي الاء دي اختفت وين فجأة كدا🤨 قلت ليهو برري قعدنا نقول يا الاء ... الوية .... لولو ... لك وينك بعد مسافة شافتها و قالت لينا هيي الزول ما يخلط🙄 قلت ليها يخلط شنو اقول ليك😑 قالت توووفي مشتاغووون😻 قال ليها بالاكثرووون😻 قعدت اضحك ضحك اتونسنا عادي كأنو ما كان في شي💕 اليوم التاني بعد الشاي امي قالت لي اجهزي ماشين البيت حقنا🐸 قلت ليها ياتو بيت 🌞قالت لي بيت ناس حبوبتك يا متخلفة😒 قلت ليها ليشنو🙄 قالت لي كيف يعني ليشنو هناك في شنو😒 قلت ليها طيب استكيني يا عشة 😸اها بنجي متين🙃 قالت لي اول شي ما تناديني عشة قلت ليك😾 عشان ما اكفتك و تاني شي بنجي بعدين يعني حانجي متين 😠قلت ليها انتي يا امي منفعلة كدا مالك 😚فالت لي احسن ليك 😠ابوي قال لي بي اصبعو اسكتي اسكتي بتكتلك😂😂 ضحكت لكن بعد حمرت لي كتمتها قلت ليها البس طوالي ولا في حاجة 😸قالت لي ماف اي حاجة بس اجهزي😒 قلت ليها حاضر😘 مشيت و انا بتزهج قلت هسي بنات خالاتي يقعدو يعملو لي حركات انا الصراحة ما ناقصاهم😤 شلت هدومي الكانت عبارة عن بنطلون جينز👖 و فنيلة بيضاء👔 و مشيت استحميت سريع طلعت سرحت شعري🐸 لقيت زوبة و ريان جاهزين عملت ااي لاينر و ماسكرا و روج كبدي خفيف( اااي نظام بقيت بت جامعة و كدا 😚) و لبست عبايتي طلعت برة لقيت امي بتطنطن مع ابوي😂😂 قلت ليها انا خلاص جهزت😸 ابوي قال لي قمر بس🤤 قلت ليهو بتك يا خالد 😌💜 امي قالت ليهو اااي اقعد كبر ليها راسا كدا سمح🙄 قال ليها لكن الحق يقال يا ام احمد👏 قالت ليهو ارح امرقنا 😒طلعنا ابوي وصلنا بي عربيتو بيتهم كان بعيد مننا هم ساكنين في الرياض و نحن ضواحي بحري🐸 لمن وصلنا بيت حبوبتي المتوفية😿 لكن بيتها ساكن فيهو خالي الوحيد "الهادي"💕 بي مرتو و عندو بت واحدة عمرها تلاتة💕 و مرتو هسي حامل و بنجي نتلم هنا نحن و خالاتي الاربعة بي بناتهم و اولادهم😷😷 قلت لي امي احمد بجي من الجامعة هنا 🤨قالت لي ااي دخلنا سلمنا عليهم و قعدنا 🐸مرت خالي جابت لينا موية اتونسو و انا كنت بس ماسكة تلفوني شوية كدا و قالو دايرين يعملو الفطور مرت خالي قالت ليهم جاهز بس ارصو 😸امي قالت لي امشي رصي معاها 😒قمت ختيتو معاها هي الوحيدة الكويسة يعني انا بحبها و ما بحب خالاتي😷 ما تسألوني كيف لكن بالجد هي ظريفة و ديلك كريهات و متعجرفات😑 اتونسنا في المطبخ عملناهم صينتين واحدة للنسوان و واحدة لينا نحن🌞 وقت الاكل كنت ساكتة نهاي ما اتكلمت مع زول لأني ما بطيقهم😑 بت خالتي اسمها نسمة قالت لي فطومة مالك ما بتتونسي معانا😅 عاينت ليها قلت ليها ما نفسي😊 بي قلبي قلت احساس ما عارفاني بكرهم 🙄بعد خلصنا قامو يغسلو العدة انا حلفت كان اقوم معاهم😒 كنت راقدة براي في الاوضة جو خالاتي اتنين عزيزة و نهاد انا كنت مركبة السماعة لكن ما مشغلة حاجة بدندن براي😂😂 عزيزة قالت لي نهاد عايني ليها راقدة كيف زي الاميرة و البنات بغسلو في العدة و بعملو في الشاي😒 كنت سامعاهم نهاد قالت ليها قلت ليك ما تتهوري و تحجزيها لي مرتضى ولدك😕 عزيزة قالت ليها بررري منو دي ان بقت اخر بت ما بعرسا لي ولدي😠 قليلة الادب ام لسان طويل هالة ما عرفت ليها😒 انا صراحة الكلام حرقني شديد بس قمت من السرير كنت مدياهم ضهري جدعت السماعة في السرير و قلت ليهم والله انا سكتت ليكم كتير😠 اولا انا رقادي واجعك في شنو الفطور دا انا ما رصيتو براي مع تنزيل في واحدة من البنات قامت 😠و تانيا اصلا هريتيك روشان حقك دا ما دايرة😒 و لعلمك ما صاح البت يخطبا اكتر من نفر☺️ هم بعاينو لي و مصدومين عزيزة قالت لي انتي واحدة قليلة ادب كيف تردي علينا نحن خالاتك الاكبر من امك زاتا 🤬قلت ليها والله يا خالتي انا محترماكم لكن كمان الاحترام ليهو حدود و انتو اتخطيتو الحدود دي😊 نهاد قالت لي بالله اتخطيناها 🙊؟! قلت ليها ااي😒👏 و طلعت منهم و انا بطنطن اقول بالله قال ما دايراها لي ولدي ان بقت اخر واحدة شوف دي كمان هي لاقية🙄 و هي زاتا الداير ولدا منو عامل زي البرميل و جلحاتو لي نص راسو😠 رقدتا جمب امي و مسكت تلفوني بعد مسافة طلعو عزيزة جات قالت لي امي يخسي عليك يا هالة بتك يخطبوها و ما تكلمينا 🤨امي قالت ليها منو زوبة🐸 ؟! نهاد قالت ليها لأ فاطمة 😊امي عاينت لي و عاينت ليهم قالت ليها والله هو ما اتقدم رسمي لكن ختا كلمتو😕 قالت ليها ايوااا لأنها هسي لمن كانت بتتلامض معانا لمحت بي كدا😏 امي قالت ليها شنو بتتلامض كيف يعني😱 عزيزة ضحكت قالت ليها يعني ما عارفة لسان بتك😊 امي قالت لي قلتي ليهم شنو يا تافهة😠 قلت ليها أسأليهم هم اول كانو بقولو عني شنو 🙄امي قالت لي زفوووتة قعدت ليها في نص السرير و حكيت ليها من طقطق للسلام عليكم و لمحت ليها اكتر بالكلام القالو عني🤧 امي قالت ليهم انا ما عرفت اربي😨 ؟! و بتي ان بقت اخر بت ما بتخطبيها لي ولدك 😱؟! خلاص معناها ارتاحي بتي اساسا ما بتتشرف تكون مرت واحد امو ما دايراها 😠و زي ما قالت ليكم البت ما صاح يخطبا اكتر من زول😠 طبعا هم اتصدمو متوقعنها تقيف معاهم و تغلطني لكن امي عجبتني شديد حبيتا حب في اللحظة ديك😍 امي زعلة ساي قالت لي امشي قولي لي ابوك ارح نمشي😠 انا خلاص بطني طمت😷 قلت ليها طيب مشيت لي ابوي لقيتو قاعد مع خالي و هو بتكلم بالتلفون سلمت على خالي اتونست معاهو💕 لمن ابوي انتهى قلت ليهو امي قالت ليك ارح ماشين البيت 😕قال لي مش قالت بعدين 🤔؟ قلت ليهو عارف مرتك بتغير رايا في كسر من الثانية😂😂 ضحك و قال لي خلاص امشي ناديهم 😂مشيت ناديتها و ناديت اخواتي و طلعنا ابوي قال ليها مالك طوالي كدا 😸قالت ليهو اخواتي ديل كلامهم بقا كتير مع فاطمة و انا كل مرة بطلعها هي الغلطانة 😠لكن لقيت انو هم الغلطانين و الليلة اخر ما اتوصلو ليهو طلعوني ما بعرف اربي😠 عشان بتي بتدافع عن نفسها بي نفسها و ما بتخلي زول يحقر بيها يطلعوها قليلة ادب و ما مربية 🤬سكتن و بقت تبكي ابوي قال ليها خلاص ما تزعلي روحك انتي احسن ام و تربيتك احسن تربية و فاطمة بتي انا عارفها شنو و ما بتغلط على زول لو ما غلط عليها 😸💕امي قالت لي يا بتي اعفي لي كل مرة كنت بشاكلك عشانهم 😿قلت ليها امي كيف يعني اعفي ليك انا اصلا ما بزعل منك و لو دايراني ما ازعل بالجد بطلي بكا و ما تقولي لي كدا تاني انا المحتاجة لي عفوك ما انتي💕 ابوي قال لي بالمناسبة هسي كنت بتكلم مع مختار قلت ليهو قريبين منكم قال لي تعالو لينا نمشي ليهم ولا نخلي 🐸؟! امي قالت ليهو انت قلت ليهو بنجي ولا لأ😕 ؟! قال ليها قلت ليهو بنجيكم لكن ممكن اعتزر ليهو😸 قالت ليهو لالا ما ظريفة ارح نغشاهم😊 فعلا ابوي ضرب لي عمو مختار قال ليهو جايين عليكم ابوي طبعا عارف البيت بي وين لمن وصلنا امي قالت ماشاء الله تبارك الله بيتهم الصراحة فظيع تاني قعدت تضحك قالت لي قال مرتضى قال😂😂 انا زاتي بقيت اضحك ضربنا الجرس فتحت لينا الحبشية قالت ليها اتفدلو اتفدلو 😂😂دخلنا الحديقة التقول قاسمنها من الجنة حاجة كدا فظييعة😍 دخلنا الصالة جوة قعدنا في كراسي الجلوس جا عمو مختار و جات معاهو مرا غايتو وشها بشوش سلمو علينا💕 عمو مختار قال لينا دي اسماء نسيبتك يا بتي😂 ابتسمت ليهو🤧 اتونسنا الحبشية جابت لينا عصير فراولة باللبن طبيعي شربنا و كانو بتكلمو عن العرس و ما العرس😷 عمو مختار قال لي ابوي والله مازن لو قلت ليهو اعقد بكرة بقول ليك اقعد الليلة مستعجل شديد😂😂 ابوي ضحك و قال ليهو غريبة مع انو اولاد الزمن دا ما ناس عرس نهااي😸 خالتو اسماء قالت ليهو ااي والله لكن مازن دا شكلو دايرا ليهو زمن🐸 ابوي قعد يعاين لي😑 قلت ليهو لالا والله ما بعرفو😨 قعدو يضحكو ابوي قال لي هسي انا سألتك😂😂 ؟! ما عرفت اودي وشي وين تاني ابوي قال لي عمو مختار نحن بعد دا نمشي🐸 عمو مختار قال ليهو لالا يا زول كيف الكلام دا الولد دا جاي بعد دا بكون قرب انتظرو🌞 ابوي قال ليهو مالك قطعتا ليهو شغلو كان تخلي مرة تانية😸 قبل ما يتم كلامو الباب فتح .....
#يتبع ....
