صباح الجمعة جاتني حنانة في بيت ناس حبوبة رسمت لي و لي اسراء 💜ضربت لي الاء قلت ليها جيبي لينا فطور😷 قالت لي كويس انا زاتي جاية البس هناك😴 قلت ليها خلاص اسرعي انا الجوع هرد مصاريني😭😭 قعدت تضحك 🙂💔قلت ليها صحي عايني عليك الله اللحمة عزلي لينا صافية ما تجيبي لينا عضام 😑عارفاني ما بريد اكد اللحمة😂 قالت لي طيب طيب يلا 😑قلت ليها اسرعي قفلت بعد الحنة نشفت اسراء قالت لي عهود " الميكب آرتست حقت العيلة " اتأخرت 😴قلت ليها لاحقين شنو خلي لمن الاء تجي نفطر حتى بعد داك اتمكيج🐸 قالت لي طبيعي انتي جعانة و اريتو كان ظاهر فيك🙂💔 قلت ليها ما دايرة يظهر 😒جات الاء داخلة شايلة عمود🤤 ( ما عمود كهربا العمود حق الاكل😂😂 ) و معاها عهود قلت ليها يا بت الجوع كتلنا😷 قالت لي نحن زاتنا ما فطرنا اصبري اختو في صينية 😒قلت ليها صينية شنو ياخ ارح بي الطاسات دي بناكل 😑قالت لي سمح😂😂 قعدنا اكلنا قمت اول واحدة الاء قالت لي البسمعك بتقولي جعانة يقول حاتكلي معاك العدة😂😂💔 ما قلت ليها شي🙂💔 بعد خلصو قلت لي اسراء اتمكيجو انتو اول😅 قالت لي سمح🙂 بعد صلاة الجمعة سامعين الزغاريد و الطلق عهود قالت عقدو😻😻 قعدو يزغردو 👌😚قالو مبروووك ربنا يهنيكم 😍❤️قلت ليها امين عقبالكم❤️ انتي و البايرة دي😂😂 الاء قالت لي البايرة دي مخطوبة قبليك😒 قلت ليها ما شديتي حيلك 🙊تلفوني ضرب لقيتو دا مازن ❤️مشيت منهم بعيييد قلت ليهو الو قال لي اللحظة المنتظرة 😻قلت ليهو مبروك علينا😅❤️ قال لي الله يبارك فيك ربنا يهنيني بيك❤️😚 و يقدرني على سعادتك🥰 قلت ليهو امين يا رب 💕قلت ليهو اقفل اقفل عشان اجهز 😸قال لي حاضر شوية كدا و حانجي نسوقك🐸 قلت ليهو طيب مشيت جوة لقيت عهود بدت تمكيج الاء و اسراء بتلبس شلت الفستان حق التوب مشيت استحميت و لبستو طبعا قصير تحت الركبة بي شوية 🙂و يدينو تلتاربع الاء بعد انتهت مشت لبست و قعدت اسراء انا شعري بس شقيتو بالجمبة و خليتو نازل على اكتافي و لبست الغوايش و حجل و سلسل و الدبلة و خاتم حقات دهب ❤️اسراء قالت لي ماشاء الله عيني باردة😍 تاني قعدت لي عهود مكيجتني قرت لي المعوذات لمن كانت بتقرا انا بحس بي ضيق 🙁ما عارفة ليه قمت لبست التوب الاحمر و اتصلت على مازن قلت ليهو جهزنا😴 بعد ربع ساعة كدا جو هو و منذر و معاهم احمد بي العربية حقت ابوي احمد و منذر باركو لي💕💕 و احمد ركبو معاهو ناس الاء و انا و مازن ركبنا مع منذر💕 كانت ماسك يدي و انا بحاول افكها منو🙄 عاين لي قال لي مالك ما رديت عليهو بس جريت يدي منو اول ما وصلنا منذر قعد يضرب في البوري و احمد برضو😸 جينا نازلين كان ماسكني بي يد و ببشر بي اليد التانية ما قدرت افك يدي منو😷 عهود قالت لي اياااك تبكي انا المكياج دا تعبت فيهو😑🔪 قلت ليها طيب😒 قعدنا في كنبة حقت جلوس امي جرتقتنا و قمت حضنتها بكيت 💜😭😭😭كنت بحاول امسك دموعي ما قدرت و هي تمت الناقصة و قعدت تبكي معاي😭😭😭💔 مازن فكانا من بعض اداني منديل مسحت دموعي بقو الناس يباركو لينا 💕و البنات بدقو بي الدلوكة 🤧العرس كان تقليدي شديد و حلو بعد العصر بي شوية كدا منذر قال لينا ابوي قال ليكم ارح اطلعو😸 قرو لينا يس اثناء ما ابوي بقرا لينا قعدت ابكي بكيت شديد 😭😭😭حاولو يهدوني و انا لسة ببكي بعد ابوي خلص قال لي مازن انا سلمتك بتي ما داير اوصيك عليها💕 مازن قال ليهو لالا ما تخاف نهااي 😸💕ابوي قال لي اها خلي بالك من بيتك و راجلك💕 باسني ف راسي تاني قعدت اودع في ناس زينب و ريان و الاء وباقي بنات اعمامي غايتو بكيت بكا التقول ميت لي زول😭😭😭💔 مازن قال لي يلا منذر دا منتظرنا طلعنا💔 انا طول الطريق ببكي قال لي يا بت انتي الدموع دي بتجيبيها من وين 🙂حمرت ليهو بس 😒منذر وصلنا جمب عمارة عالية كدا ركبنا الطابق الثاني😍 منذر دخل الشنط و مازن كان ماسكني منذر قال يلا يا جماعة تصبحو على حير💕 قلنا ليهو و انت من اهلو💕 بعد مشا مازن وصلني غرفة كدا قال لي ارتاحي لحدي ما اجيب ليك موية😻 قعدت في طرف السرير منتظراه جاب لي موية مدا لي الكباية الموية لونا كان احمر غااامق شديد و تقيلة 🤢عاينت للكباية و عاينت ل مازن قلت ليهو دا شنو😱 قال لي موية 😶قلت ليهو ما دايرة مويتك البتقول عليها دي😒💔 رفع لي حاجبو و قال لي كيف يعني مالا🤨🤨 ختا الكباية و قعد جمبي مسك يدي جريت يدي منو و قمت 😣💔قال لي مالك كنت برجع لي ورا و بقول ليهو ما تقرب مني ايااك خليك بعيد بس😠😠 قال لي طيب انا بقيف بعيد بس وريني مالك🤨 قلت ليهو مش في غرفة تانية 😠؟! قال لي ااي🌞 قلت ليهو خلاص انا ما حاقعد هنا و ما تجيني نهااي فاهم اياك 😠😠🔪قال لي فهميني في شنو 😨جريت شنطتي و مرقت و قفلت الباب شديد😭😭💔 مشيت الغرفة التانية كانت ملاصقة لي الغرفة دي طلعت توبي و دخلت الحمام استحميت و لبست بجامة عادية جيت اسرح شعري كنت واقفة قدام المراية شفت مازن "المخيف" 😨😨💔واقف وراي و بقرب علي في الانعكاس قبلت وراي ما شفت اي زول😰 خفت شديد بقيت اتلفت طفيت النور و بقيت اتقلب طبعا متعودة على سريري😭😭💔 و زيادة عليهو الخوف الاتملكني دا 😭😭طلعت من الغرفة مشيت على غرفة مازن فتحت الباب لقيتو طالع من الحمام و لافي البشكير في نصو🙊 طوالي طلعت و قفلت الباب وراي💔 قلت انا الجابني شنو زاتي كان ما غبية 🙁💔و انا داخل على غرفتي مسكني من يدي قلت ليهو فكني🙄 و ما قبلت عليهو خالص و هو لسة ماسكني و انا بقول فكني ياخي😠😠 قبلت لقيتو قريب مني شديد و كان بالشكل المخيف قعدت اكورك😭😭 مازن جا طالع قال لي مالك مالك😰 بقيت اتلفت قلت ليهو هسي كان هنا والله جد كان واقف هنا و ماسكني😭😭😭💔 و انا ببكي شديد قال لي روقي منو هو ماف زول🤨😧 قلت ليهو والله كان هنا 😭😭ضماني عليهو و قال لي اهدي فهميني في شنو براحة انا كنت ببكي بس 😭😭لمن بتنهد قلت ليهو مازن انا بكرهو ما داير يخليني في حالي😭😭 كل يوم بجيني يا مازن انا خلاص تعبت😭😭 قال لي منو هو🤨💔 بعدت منو و مسحت دموعي قلت ليهو انت🤧💔 عاين لي قال لي انا 😧؟! قلت ليهو ااي انت لكن ما بي شكلك دا 😭😭😭قال لي تعالي وريني🤨 و انا ماشة معاهو كدا شفت مازن "المخيف" واقف جمب الدولاب و بأشر لي نظام ما اتكلم😭😭😭 مسكت في يد مازن شديد 💔قال لي مالك قلت ليهو م ماف شي 💔قعدني في السرير و قال لي يلا احكي لي دا منو و بتشوفيهو متين 💔قلت ليهو ولا زول و ماف حاجة انا دايرة انوم 🤧قال لي كيف يعني ماف شي وريني انتي قبل شوية كنتي بتقولي بجيك كل يوم دا منو هو😱 قلت ليهو مازن انا تعبانة ممكن تسكت 😤قال لي طيب😔💔 قمت قال لي ماشة وين🤨 قلت ليهو الغرفة التانية😒 قال لي ليشنو🤧 قلت ليهو خليني ف حالي😠 بي نهرة كدا عاين لي بس طلعت منو و مشيت رقدت كنت بتقلب مسافة حتى قدرت انوم 💔صحيت الصباح مصدعة💔 عملت الروتين اليومي و طلعت اجهز الشاي عملتو مازن جا طالع قال لي صباح الخير💕 قلت ليهو صباح النور🙁 قال لي اصبحتي كيف 😍قلت ليهو بخير الحمدلله💜 و انت قال لي انا من الصباح صحيت بي وشك متوقعة شنو يعني😍 ابتسمت ليهو بس قلت ليهو الشاي😒 قعد شربناهو سوا كنت ساكتة و هو بعاين لي بس بعد خلصت لميت الحاجات غسلت العدة اصلا البيت نظيف ما محتاج قعدت فتحت التلفزيون قعد جمبي قال لي حانفضل كدا كتير💔 ؟! سكتت بس بقيت اطقطق اصابعي قال لي ممكن تثقي فيني و تحكي لي في شنو😒 كنت عايزة اتكلم كدا ما عاينت وراهو شفت الشبح و بهز لي راسو بي معنى لأ😥 غمضت عيوني مسافة و شلت نفس😤 قلت ليهو ماف شي🙄 قال بالجد 😑قلت ليهو غير الموضوع دا🙄 قال لي انتي تأمري😍 .........
#يتبع ...
