عيال خالد

_البارت 4

يا خفيييف الدمم والطينةة

طييفك الي امسس شحليلهه

زاارني والشووق فيي عيينه

وعقبب ذا مااا نمت لي ليلةة

وقف يغني وهو قلبه فز بذي المكان وهو يقول :اخخ يا زايد لو تدري بس حتى طيفها محروم منه والمشكلةة مب هنا المشكلة انها حلالي
يطالع النجوم وهو يشوف بالسماء وجه جيلان
ويروح للماضي يوم انه كانو صغار ويمسك يدها لا تضييع
ويمشون للدكان يشتري لها بفلوسه هي كانت تحببه تموت فيه وقتها زمان كانو عايشين بالمزرعة وبعد ما بنو بيتهم ذا نقلو هنا ولأن خالد فتح دكان هنا
تتضايق خاطره يوم تذكر انه اهل الحارة هم السبب قالو لخالد انه ما يصيير بنت الناس قاعدة معك بعد موت امها وابوها موجود رفض خالد يرجعها لابوها بس برضو ما استسلمو راحو لحد بيت ابوها وعبو راسه وخلوه ياخذها غصب عن خالد قعدت ثلاث سنين عايشة عند ابوها وزوجته لين ما نيار صار عمره 16 سنة وقال لابوه اتزوجها واجيبها لانه مافي حل غيره
وفعلآ زوجوها لنيار ويوم رجعت ما كانت جيلان القديمة ابد تغيرت كثير صارت تحب تقعد لوحدها وتحب الهدوء بعد رجوعها ما صار شيء مثل قبل الا حب نيار لها
حتى انها صار السرقة والكذب عادة عندها تغيرتت واجدد
نيار يوم يقارن بين زمان والحين قلبه يعوره انه جيلان ذات العمر ال10 ما عادت السنوات قدمتها كثير
راحت وهي طفلة تحب الحياة واجتماعية رجعت وحدة ثانية رغم كل ذا ما فقد الامل انها من الممكن بيوم ترجع جيلان القديمة وتحبه رغم معاملته الزينة لها وحبه الا انها مو راضية تطلع من الي هي فيه
غفي وهو يفكر فيها ويقارن بين الماضي والحاضر ويتمنى لو ابوها ما اخذها وما وصلو لهالمواصيل

بالصبح
الكل صحى بدري وافطرو وقعدو باالحوش معاد نيار راح يفتح الدكان بيفتحه لين صلاة الجمعة وبعدها اليوم كله ما يفتحه دايم كذا يوم الجمعة
واليوم اصلا بعد صلاة الجمعة يروحون المزرعة متعود كل جمعة يروح المزرعة هو وجلنار وجيلان ومرات كلهم يروحون بس اغلب شي هم الثلاثة يروحون لأنه يوم الجمعة اغلب الشيبان يروحون بيوت بعض وكذا بعد صلاة الجمعة
فما يقدر خالد يروح ومنيرة بعد تقعد تسوي الشاي والقهوة لهم
جلنار متسطحة وحاطة راسها بحضن ابوها وهي تطالع شجرة الرمان الي فوقها بزبط :يبه
خالد :عيووون يبه
جلنار :قولي القصة هذيك
خالد :اي قصة؟
جلنار :قصتك انت واميي
خالد ناظر لمنيرة وقعدو يضحكون
جيلان قاعدة جنبهم بس مو معهم ابد
خالد بدأ وهو يفرح يوم يقعد يتكلم عن قد ايش حارب عشان تزوج منيرة وقد ايش حارب عشان يكون عنده هاذا العايلة الي حوله ومو مستعد ابد يخسرهم
خالد :يا طويلةة العمرر كنت ناييم مرة في امان الله وكان يوم الجمعة مثل اليوم بزبطط جا ابوي بالخيزران هذيك افف الله يكفيك خيرها وشرها ضربة وحدة منها تنسيك حياتي، وضربني ضربة اخخ للحين اتذكرها قالي قم يا طعس قم شوف المجلس كله رجال وشيبان وانت نايم هنا ومب داري عن الدنياا
جلنار قعدت تضحك :طعس ههههه
خالد يضحك :ايه والله طعس
جلنار:ايه كمل
خالد: قلي روح انقلع جيب تمر من النخلة و نخلة كانت جنب بيتنا ابوي زارعها وفي جنب النخلة شجرة رمان كانت لجيراننا و وقتها موسمها وبدل ان اطلع للنخلة اجيب تمر طلعت بشجرة الرمان كان يطل لحوش الجيران وانا اخطف رمانة وفاهيي للحيين شفت شيء احلى من الرمان يا جلناار
منيرة استحت وهي تضحك على تعليقه
جلنار:كملل
خالد : سرحت فيهاا وبجمالها كانت تنشر الغسيل بالسطح وقتها يا اني من زود اعجابي حلفت ما تكون الا من نصيبي وكنت قد حلفي الحمدلله والحمدلله انه كنت نعسان وطلعت شجرة الرمان
جلنار ماتت ضحك :كفو ابوي
خالد؛ كفووك ططيب
جلنار :طيب الحين قولي يوم ولدت يعني انا ونيار
خالد ابتسم :وش اقولتسس جيتو بعد انتظار ست سنين و ولادتكم كانت فرحة عمر اول ما ولدتي بعد نيار قالولي بنت ما تعرفي قد ايش فرحت
جلنار:فرحتك فيني كانت غير عن فرحتك لنيار موو؟؟
خالد :هههههههه اكيد
جلنار وهي فرحانة :محظوظة لأني بنتكم والله
وضمت ابوها
هنا خالد ما يدري ليه تذكر انه حياته بذي اللحظة مجرد كذبة منيرة لاحظت له
نظرتهم لبعض ذكرتهم ب الي صار قبل عشرين سنة الي يذكرهم انه في شخص سرق منهم فرحة العمر
جلنار بعدت عنه وهي تقاطع نظرتهم لبعض :طيب ليه سميتني جلنار يعني قولي واخترع قصة وكذا
ضحك خالد :لأنه اسم حلو
جلنار؛ لا اكيد في سبب اصلآ اسم غريب وما قد سمعت فيه
خالد :بقولتس معنااه وانتي تفهمين
جلنار: قول
خالد :معناها يا فرحة العمرر يعني زهرة الرماان
ضحكت جلنار: صدق؟
منيرة تطالع لخالد وهي توها تدري عن معناه :صدق يعني زهرة الرمان يا خاالد؟
خالد :اييه وقلت اول بنت لي بسميها جلنار من يوم عرفت المعنى لذي الاسم
جلنار :حبيته لاسمي اكثر والله هههههه
خالد مسك خدودها بخفة
بهاللحظة
دخل نيار جا قعد معهم
نيار ياخذ ويشرب فنجان الشاي حق جلنار:ايه وش تتكلمون
جلنار يوم شافته شرب الشاي حقها: يمه شوفيي ولدس شرب الشاي حقيي
منيرة تحط بالفنجان الثاني:هاه حطيت لك هاذا حقكك
جلنار:حطيته عشان يبرد شويي وجا شربه ذا الطعس
خالد ضحك على كلمة طعس وضربه لنيار بخفة :لا عااد تاخذ شاي حق بنتيي يا طعسس
نيار يضحك لانه هو متقصد عشان يزعج جلنار:وش ذا طعسس اول مرة اسمع فييه
منيرة :جدك كان ينادي ابوك طعس هههههه
نيار؛ بس تكفى يبه وش معناها ذيي
خالد؛ والله مدري وانا ابووك
منيرة :طيب يلا قومو تجهزو عشان تروحو المسجد
خالد يقوم :يالله لا نتأخر
قامو تجهزو وجلنار راحت الغرفة عشان تجهز اغراضها يروحون للمزرعة