عيال خالد

_البارت 5

قاعد نيار وهو يهز رجله ويردد ورا الشيلة
جاه فارس وهو يركض
نيار ينزل رجله :هات وش عرفت
فارس :اسمه ريان
نيار: ايه
فارس: وقاعد بعمارة ابو سلطان الي بعد عمارة ابو علي
نيار: ايه عرفته
فارس :وبرضوو هو من المدينة
نيار وهو يضرب رجله بيده:توقعتت والله
بعدها ناظر لفارس :كفو والله خليك كذا دوم
فارس :كفوك طييب
نيار يطلع من جيبه :خذ تستاهل والله
اخذ فارس الفلوس ومشى ونيار قعد وهو يفكر.
وهو يقول: هاذا الرجال في شي غريب كنه وراه حاجة الا ما اعرفها بعدين بس هيين حسابه عندي لو شفته عند عتبة باب بيتنااا والله له ضربة مني

اندق الباب وجلنار الي كانت تغسل الارض ورافعة جلابيتها راحت تفتحه
لبست طرحتها :ميننن
:افتحي الباب نحن عماتتس
جلنار مسكت قلبها: يويليي صدقق جوو يمه يا يمهه كيف عرفتي بيجونن
اندق الباب مرة ثاني
جلنار فتحته بسرعة: اهلين في عماتي اهليين وسهليين يا مرحبا فيكم
سامية وهي تدخل :اهلين فيتس
و وراها صيته وحميدة
جلنار تسلم عليهم حبة حبة :اهلين فيتس نورتو البيت زادتنا البركة والله
صيته تبوسها:اهلين فيكك وينها امتس ما نشوفها
جلنار:موجودة موجودة، ادخلو لداخل هناك هي تفضلو نورتو بيتنااا
سامية تطالع الارض :وشو ذابحين ذبيحة
جلنار: ايه
راحت وهي تقول:مشاءالله مشاءالله
لأنه معروف عن خالد دوم يتصدق وبين فترة وفترة يذبح ويوزع و ولا احد من الحارة وصل لمثله الي ما قد حد طلبه و رده
دخلو لداخل ومنيرة رحبت فيهم ترحيب غير شكل وهي دوم كذا لا جوها ضيوف سواء تحبهم ولا لا تضيفهم احسن استضيافة
منيرة تنادي جلنار:يمه تعالي سوي قهوةة
جلنار:يمه انا اغسل الحوش ما تشوفينه كيف منظرها
منيرة:طيب روحي غسلي بقول لجيلان
راحت تقول لجيلان ورجعت للمجلس لا يجلسون الضيوف لوحدهم
وجيلان اصلا ما تدري كيف تسوي لقهوة ولا تعرف مكان الاغراض حطت الموية تغلي وهي تدور البن والهيل بس عييت تلقاهم
جت منيرة للمطبخ :يمه جيلان جيبي من الحلويات الي ابوك جابهم امس طيب والتمر الطازج الي جبتوهم من المزرعة
جيلان وهي توقفها: يمه طييب وين البن والهيل
منيرة نزلتهم من الرف الي تحت :هاذا هم
جيلان تضحك على غباءها: حسبته سكر
منيرة حطت الهبل بسرعة؛ لا يا قلبي، هيا بسرعة لا يقولون بعدين انه بنت منيرة يدها ثقييلة
جيلان ابتسمت: انشاءالله
جهزت القهوة والحلويات بالصحن وهي ترتبهم وتشوف خمس مرات لو مافي شي ناقص وهي ناسية. التمر اصلآ
راحت واخذت القهوة معها وهي تضيفهم حبة حبة
صيتة:اهلين في جيلانن منزمان عنكك
جيلان ابتسمت: اهلين فيتس
حميدة تاخذ الفنجال:اخبارتس
جيلان بعد ما ضيفت قعدت :الحمدلله بخير وانتي كيفس عساك طيب
حميدة وهي تناظرها من فووق لتحت :بخير بخير
منيرة تناظر لجيلان وهي مبتسمة:وانتو بعد منزمان عنكم ليه وقفتو تزورونا
سامية :والله انا قايلة لهم من يومين بس هم مشغولين
حميدة وهي ترمي كلام لمنيرة بس تسوي نفسها تكلم اختها:والله تعرفيين يا قلبيي ابوي تعبان من يوم تزوج خالد مشغولين معه ما نتركه لوحده
منيرة عارفة وش قصدهم بس قالت؛ عساه بخير الحين ومافيه شي
حميدة :الحمدلله بخير
جيلان الحين فهمت شقصد جلنار يوم انها تكرههم وتقول يقطون كلام وامهم مو فاهمة
قامت منيرة عشان تجيب لهم التمر الي نسته جيلان لانه المفروض تجيبهم جيلان بس هي فاهية جت وجلست معهم وناسية ام التمر
سامية :وانتي كيفك بنتيي عساك بخير وكيفه اخوي خالد
جيلان:الحممدلله بخير وابوي بعد بخيرر مافي اسعد منه بذا الدنيا وهو عنده زوجة مثل يمه منيرة وعيال مثلنا
حميدة صدت وجهها وهي دارية انها قاعدة ترد عليهم بس بشكل غير مباشر وهي معروف عنها تكبر الامور بشكلل كبير
وسامية سكتت
دخلت منيرة بذا اللحظة وحطت قدامهم التمر
قامت حميدة :انا اعتذر منكم رايحة بيتيي
منيرة انفجعت: توو الناس توك جيتي حتى فنجان القهوة ما خلصتيهاا
حميدة وهي تضرب يد بيد :خلي نروح الواضح في ناس مو مستقبليننا
منيرة ناظرت لجيلان لأنه مافي بالغرفة حد غيرها :السموحة لو جيلان قالت لك شي
حميدة راحت وهي تسوي نفسها يعني يعني زعلت وتمد بوزها
ومنيرة. تنهدت وهي تدري الحين بتقول لكل الحارة عن السالفة وتحط بهارات من عندها
قامت جيلان بذي اللحظة وراها
جلنار توها تشطف الحوش وهي تشم لو باقي في ريحة ولا لا عشان ترجع تغسله ولا امها ما بتتركها بحالها
شافت حميدة طالعة واستغربت خاصة حميدة ذيي تقعد لين العشا وبعدين تروح بيتها
جلنار :عمة وين رايحة تو الناس
حميدة :بعدي من قدامي وانتي مسوية حبيبة وانتي وياها نفسكم بعديي. بنات امهم
وطلعت و وراها جيلان جت قفلت الباب
جلنار:شبلاها ذي وش تهبد
جيلان: ولا شيء طقو فيوزاتها
جلنار تضحك: وش سويتي فيها يا مجنونة
جيلان بلا مبالاة :ولا شيء بس قلتلها قد ايه ابوي يحب امي وهي انقهرت
جلنار فطست ضحك : هههههه تستاااهل
جيلات قعدت بالكرسي
ومنيرة حالفة لا عاد تقعدها مع الضيوف ومتحلفة فيها