عيال خالد

البارت 27

في صباح يوم الثاني
قامت فرح من النوم وهي تناظر جانب الثاني من السرير وتنهدت من الحالة ذي ودخل الشك بقلبها وتسأل نفسها اشبه مسفر ليه ينام في صالة حتى انه ما يناظر في وجهي ليه تزوجني دامه بيعاملني كذا يا ربي وش ذنبي عشان اتزوج شخص كذا
قامت من مكانها وفتحت دولابها وطاحت عينها على الشيلة الي بجيب الثوب شالته من مكانها وهي تشوفه وتتأكد انه هاذا مو لها لمين ذا وكيف جا في جيب مسفر
مسفر دخل عشان يبدل ويطلع للدكان وشافها واقفة عند الدولاب ناظر ليدها وشاف الشيلة بيدها
فرح كانت تناظره وهي تقول بعيونها تكفى لا مو الي فبالي
مسفر راح عندها وشاله من يدها بهدوء بدون اي كلمة
فرح نطقت اخيرآ وهي تقول :لمين هاذي؟
مسفر ما تكلم ولف للدولاب وهو يرجع الشيلة بمكانها
فرح دمعو عيونها  :عشان كذا تنام في الصالة مو
مسفر لف لها وهو ياخذ نفس وقال بجدية  :اسمعيني زين يا فرح......مابيتس تبنين اي حلم معي او تحطيني مكان فارس احلامتس وانا ادري اني مو لتس فعشان كذا بكون صريح معتس من البداية انا احب وحدة غيرتس ومستحيل احب غيرها طيب؟
فرح مسحت دموعها:طيب ليه تزوجتني دامك تحب غيري ومستحيل تحب غيرهاا لييه
مسفر ما تكلم وطلع برا
وفرح قعدت فوق السرير وهي تبكي اخر شيء كانت بتظنه هو انه هو يحب غيرها ويبقي السؤال الي يدور ببالها ليه تزوجنيي طيب
شدت بيدها على اللحاف الي جنبها وهي تبكي وتقول ليتني سمعت من امي ولا وافقت

طلعت هديل من بيتهم وهي بيدها المفتاح وتدعي انه نيار موجود برا وفعلآ شافته قاعد بمكانه المعتاد
راحت عنده وهي تقول : تكفى خذني الجامعة ابوي رجله يعوره وما ادري كيف ارووح تكفى تكفى
نيار مستغرب منها :طيب عادي باخذتس ليه تقولين تكفى تكفى.
هديل:مدري عنك ما توافق ب ولا شيء  اطلبه
يقوم نيار:وين المفتاح طيب
هديل تمده له :تفضل  وانا شويي وجاية رايحة اجيب شنطتي
نيار:لا تتأخرين والله يا جلنار لو تاخرتي ما عاد اخذتس
وقفت هديل بمكانها وهي مستغربة انه قالها جلنار؟
نيار وقف بمكانه وهو يستوعب انه قالها جلنار وابتسم :اقصد ياا هديل
هديل راحت وهي تقول شكله مشتاق لاخته يحليله بس ليت عندي اخ
راح لسيارة وقعد وهو يقول اخخ اشتقت لهم صح حبيت المكان هنا بس ابيهم موجودين معي بدونهم مو حلوو
ناظر للباب وهو قول وهاذيي وينهاا للحين
وتذكر يوم جلنار تتاخر دوم كذا وضحك وقعدت ساكت وهو ينتظرها
طلعت اخيرآ وجت وهي تركض ودخلت السيارة
نيار:اخييرآ هاذا وقلتي شويي بس
هديل:جمعت كتبي والله لاني نسيت اجمعهم امس
نيار يحرك :يالله حصل خير

نزلت جلنار وما لقت ابوها موجود اكثر شيء يحزنها من الموضوع بكبره انه اكثر شخص كانت تحبه بحياتها هو الي كان سبب جرحها ومشكلتها انه تشتاق له ومتقدر تكلمه ولو يوم واحد تحس لا ليلها ليل ولا نهارها نهار
نزلت الصالة وقعدت جنب امها وحطت راسها بحضنها
وابتسمت منيرة ومسحت براسها بحنية
قالت جلنار:وينه يبه
منيرة ناظرت لخلود وقالت:طلع للدكان
ما كملت كلمتها والا يندق الباب
منيرة :هاه اكيد ابوتس ذا جا
جيلان قامت:انا رايحة افتح
وخلود قامت :انا طالعة فوق
وطلعت عشان خالد يجي ويقعد هنا
دخل خالد وابتسم يوم شاف جلنار :السلام وعليكم
الكل :وعليكم السلام
جا خالد وقعد جنب منيرة
ومنيرة سألت : وشصار بالدكان
خالد:حاله مثل ما هو والله
منيرة :الحمدلله جت بالمال ولا جت بالعيال
خالد :الحمدلله
هنا جلنار تذكرت انه شافت شخص بالدكان كانت ناسيية مع كل ذا المواضيع
قامت وقعدت وهي تقول : ترا الحريق احد سواه مقصود
منيرة وخالد ناظرون فيها و قال خالد :لا مو مقصود يا يبه  الدكان كان مسكر مين الي يسويها يعني
جلنار:لا والله اذكرر انا خليت الباب مفتوح ودخلت وجا شخص متلثم مو باين من وجهه شيء ورش بنزين بالدكان وشعله والله شفتته وهو شافني بعدد وقفل الباب علي قاصدد
انصدم خالد وعدل بقعدته وهو يقول  :انتي متأكدة يا يبه ؟؟يعني هو شافتس وهو حرق الدكاان؟؟
جلنار:والله متأكدة يا يبه
خالد مصدوم: مين الي يسوي كذاا يعني
جلنار:ما اعرف بس والله متأكدة من كل كلامي
خالد اول شخص جا بباله هو ابو فرح بدون اي كلام
منيرة :مين ما كان ذا حسبي الله عليه يوم انه قطع في رزقنا
قام خالد وطلع
منيرة  مسحت براس جلنار: الحمدلله بنتي ما صارلها شيء الحمدلله
جيلان تناظر لجلنار:انتي متأكدة هو شافتس وقصد يقفل الباب عليتس
جلنار:والله انه شافني وشعل الحريق وقفل الباب علي عشان ما اخرج
جيلان قعدت تفكر :مين ذا يعني ما عرفتيه..
جلنار:والله مدري كان متلثم واصلآ كان ظلام ما قدرت اشوف زين