عيال خالد

البارت 23

بعد الغدا ابو جابر وعياله مشو لبيوتهم
ما بقى بالمجلس غير مسفر وخالد.
ونيار طلع لغرفته لانه من واضح من نظرة ابوه انه ما يبي يشوفه
مسفر قرب من خالد وهو يقول :ابغى اكلمك  بموضوع يا عم
خالد يعدل جلسته  :تفضل
مسفر :ادري مو وقته بس موضوع ضروري والله
خالد :لا تفضل يولدي
مسفر يناظر ليده  :ابغى اشتري بيت هنا قريب من الحارة او داخل الحارة نفسه
خالد فرح له  :ايه
مسفر:وبحكم اني ما لي زمان بالحارة معرف اذا تعرف احد يبغى يبيع بيت قريب من هنا
خالد :طبعآ اعرف بس والله مدري اذا انباعو ولا باقي بس ابشر اكلمهم واشوف
مسفر ابتسم :شكرآ لك يا عم
خالد حط يده بكتف مسفر :اشتري البيت وبعدها تزوج الي بعمرك الحين متزوجين وعندهم عيال
مسفر ابتسم :ان شاءالله ارتب اموري وبعدين اخطب بنت الحلال
خالد ابتسم وهو بداخله يقول ان شاءالله تخطب جلنار وما تقصر معها بشيء وتحبها مثل حبي لها وزيادة

مر اليوم كله ونيار وخالد ما يكلمو بعض وخالد هالمرة اخذ بخاطره كثير من نيار اول مرة يزعل عليه زي كذا ما يطالع بوجهه حتى
قاعدين خلود وجلنار ب غرفتها المفروض الحين نايمين بس هم طقوها سوالف
خلود تأملت في ضحكة جلنار :جلنار
جلنار:هلا عيون جلنار
خلود :احستس تحبين
جلنار مستغربة من اصرارها :ليه ذا السؤال من الصبح
خلود :احس كذا
جلنار ابتسمت وسكتت
خلود :اعرفتسمن  وانتي بزر وعارفتس وفاهمتس اشوفتس تضحكين على كل شيء والبسمة ما تفارق وجهتس ومافي شي يخرب مزاجتس ترا افهم بالمحبين
جلنار ضحكت :صدمتيني
خلود تضحك معها :اعجبتس؟؟
قاطعهم صوت عزف جاي من الحوش
ولفو اثنينهم للشباك
وجلنار اتسعت عيونها بالفرحة من العزف
خلود من بسمة ولهفة جلنار استوعبت انه لا يكون مسفر  :لا مستحيييل  مسفرر؟؟
جلنار ضحكت :اييه
خلود :اياا بنت الذيين عرفتي تختاريين والله
جلنار تروح عند الشباك وتفتحه شوي :احبه اموت فييه يا خلوود
خلود راحت هي بعد تخطف نظرة لمسفر :يدنن يا بنت والله يدنن
جلنار تمسك قلبها :فديته بس
خلود لفت لجلنار :عزفه حلوو بعدد كامل مكمل هالادمي
جلنار :مو بس عزفه حلو و يألف قصايد تذبحتسس من حلاوتها يا خلود
خلود :تكفين يكتب لتس قصايد بعد ورييني
جلنار راحت حطت الكرسي وطلعت مجموعة اوراق من فوق الدولاب
خلود تاخذهم منها :هاتي اشوف بس
جلنار اعطت لها وراحت هي عند الشباك
خلود قعدت تقرا وهي مبهورة :تكفين جلنار هو كاتب هذول
جلنار تبتسم :ايه
خلود :اخ ان شاءالله احضر زواجكم يا رب واشوف عيالكمم
جلنار من كل قلبها :امييين يا رب الله يسمع منتس هو قال بيشتري بيت وبعدين يجي يخطبني احس مبسوطة يا خلودد اكثر انسانة سعيدة بالدنيا هي اناا
خلود :حلو اهمشي انه يخطبتس ويبيتس بالحلال ولا كل ذا ما ينفع يكون مستقبلتس ولا ماضيتس صح ولا لا؟
جلنار:صح كلامتس والله
وخلود كملت تقرا قصيدة ولفت لجلنار مرة ثانية :هاذا يحبتس انتي ولا يحب شامتس ما عرفت والله يتغزل في شامتس اكثر منتس
جلنار فطست ضحك :لا مو كذاا بس يقول انه الشامة ذي محليتني
خلود تقرا المكتوب بالورق :الشامة الي محلية مبسمتس ما هي الا نقطة سودا كانت تبغى وصف جمالك و تجمدت من حلاوتس
جلنار ضحكت:خلاص رجعيهم لا تجي امي الحين تشوفنا نمنا ولا باقي وتهبدني اذا شافتنا صاحيين
خلود :ايه والله انتس محظوظة فيه
جلنار تسطحت :اخ ما اصدق متى يجي ويخطبني
خلود ترجع الرسايل لمكانها وابتسمت لجلنار :يا حلوكم يا قلبي
جلنار قربت منها :تكفين ادعي معي انه ربي يجمع بيننا بالحلال لا تنسيني من دعائتس والله اني ابيه ماضيي ومستقبلي وحاضري
خلود:والله انك على البال والقلب وابشري ادعيلتس وما بنساتس في سجودي
جلنار ابتسمت لخالتها.
وكل وحدة بعدها بمكانها عشان ينامون