عيال خالد

البارت 15

جلنار قاعدة معهم بس فكرها وبالها عند مسفر الي مسيطر على  افكارها من يوم اخر موقف لهم
ونظراته الي مو قادرة تنسااه ابدد
وكلامه الي لسه يتردد في مسامعها.
منيرة: هاه شقلتي يا جلنار
جلنار صحت: هاه
منيرة :لا انتي مب صاحية قاعدة معنا وبالتس مو معنا اشفييتس
جلنار تضحك:لا مافيني شيء
فرح لاحظت سرحانها وقالتلها:الي ماخذ فكرتس يتهنى
ابتسمت جلنار لها
ومنيرة ابتسمت يوم شافت انهم علاقتهم كنه بدت تتحسن وهي وش تبي اكثر من كذا :احط لتس شاي يا جلنار؟
جلنار:لا كافيني شربت واجد
منيرة تعطيها الدلة :يمه قومي شوفي مسفر لو يبي شاي ولا لا حطي له ولابوه بعد
جلنار قبل لا تقوم قاطعتها فرح وهي تقول:انتي اقعدي انا بقوم
جلنار استغربت منها وبعدها قالت: طيب
قامت فرح وعيون جلنار تلحقها وهي بداخلها تقول شبلاها ذي تبي تاخذ الشاي لمسفر
ما قدرت تقعد وقامت وهي تقول :بروح اشوفها ما تعرف المكان لا تضييع
منيرة ابتسمت: طيب يقلبي
قامت جلنار وراها لفرح شافتها راحت عند مسفر ومسفر يوم شافها لف وجهه وهو متلثم
مسفر :هلا بغيتي شيء اختي؟
فرح تصب الشاي وتمد له :تفضل جبت لك شاي
مسفر :حطيه هنا شكرآ لك تعبتي نفستس
فرح:العفو ما سويت شيء، ا شسمه ذا ابوك يبغى شاي؟
مسفر:لا ابوي ما يشرب شاي ما يحبه
فرح تمشي: طيب
وجلنار كانت تراقب من بعيد وهي تشوفه ماا لمس يدها ولاا ناظر فيها حتى ابتسمت لا إراديآ وهي بدت ب ذي اللحظة تنعجب فيه من اول وجديد تجددت مشاعر الي نساها الزمن لها
بعد ما راحت فرح مسفر قعد مكانه مرة ثانية ورفع راسه لمح جلنار من بعيد وابتسم كنه فهم الي ببالها وليه جت تراقب
ولفت جلنار بسرعة راجعة مرة ثانية وهي الابتسامة مو مفارقة وجهها وتلمس شامتها وتتذكر الي قاله لها
"المبتسم الي عليه من الطرف شامه"
مستحييل تنساها
وراحت قعد معهم الي فرح بعد كانت موجودة ولاحظو كلهم يوم قامت كيف كان وجهها ويوم رجعت كيف صارت
بس محد سألها وش السبب اكتفو يسولفون ويضحكون
والجو مرة يجنن وكل نسمة هوا تجي تبتسم جلنار وتتذكر الشال الي طار لوجهه وبدت هاذي الحكاية

رجعت سميرة للبيت ونزلت وهي تحس مستحيل تطلع من الديرة الحين
لقاء واحد مع ولدها غير ذا الشيء بداخلها
دخلت البيت و رمت الشنطة فوق الكنبة وتوجهت للغرفة
شافت ابو فرح متسطح بالسرير
سميرة تقرب منه :خالد
خالد لاف وجهه عنها :امم
سميرة :ابي اكلمك بموضوع قم
ابو فرح لف وجهه لها بكسل :وش؟
سميرة :انت كنت صادق وقت قلت انه تؤام؟
ابو فرح رجع لف وجهه وهو يضحك بإستفزاز
سميرة :تكلمم
ابو فرح:ليه هو يمزح بشيء زي كذا عشان امزح معكَ؟
سميرة قعدت فوق الكنبة :شفته اليوم
ابو فرح :مين نيار؟
سميرة :اسمه نيار
ابو فرح :ليه رحتي عنده؟
سميرة؛ ولدي حرام اروح عنده يعني؟
ابو فرح :ما قلنا حرام بس انصدمت انتيي رحتي تشوفينه؟ صحي فيك احساس الامومة الي مات منزمان
سميرة: مو وقت مزحاتك الثقيلة
ابو فرح لف وجهه وهو يضحك ببرود..
سميرة :ابغى ناخذ عيالنا منهم مثل ما هم اخذو فرح
ابو فرح :لو مستوعبة ومتذكرة انه فرح راحت لهم بنفسها مو من حقنا ناخذهم منهم بعدين هم مو بزران عشان نروح نسحبهم من يدهم ونجيبهم عندنا
هم كباار وهم الي يختارون وين يقعدون منقدر نجبرهمم فاهمة ولا لا للأسف تأخرنا لين ما استوعبنا انه الي سويناه قبل سنين كان غلط والحين ما عاد ينفع شيء
سميرة:بس همم عيالنااا ومن حقناا نشوفهم وبأي وقت نبغى
ابو فرح :واذا هم ما يبغون؟
سميرة :ما يبغون مرة مرتين بعدين اكيد يتقبلونا
ابو فرح رجع غطا نفسه بالبطانية :طيب يصير خير
وسميرة تنهدت وسكتت