عيال خالد

البارت 14

منيرة :مييين على البااب
وطلت للحوش وشافت فرح وجت مسرع تحسبها مريضة
منيرة:يمه فرح فيتس شيء انتي بخير؟؟
فرح:ايه بخير يمه، ممكن اعيش عندكم
منيرة سكتت وهي تتوقع وشصاير عندهم وبعدها قالت :طبعآ تقدرين يا قلبيي هاذا بيتس بس وشصايرر
فرح ضمتها :مابيهم ابي اعيش عندكم انتم
منيرة بادلتها الحضن وهي تفكر وشصاير
جت جلنار توها نازلة :يمه وين حطيتي ال
وسكتت يوم شافت فرح
منيرة اشرت لها بأنها ما تسال عن شيء
منيرة:تعالي ندخل لداخل يقلبي
دخلو لداخل
وجلنار تأشر لنيار بمعنى وشسالفة
نيار رفع كتوفه بمعنى علمي علمتس والله
ما سألو فرح ابد انه وشسالفة و وش صاير
اكتفو بأنهم يرحبون عليها افضل ترحيب وما يحسسونها بشيء يضايقها او يحسسونها انهم ما يبونها عندهم

وجلنار فرشت لها فرشة بالارض عشان هي بتنام بالارض وفرح فوق السرير
راحت فتحت الشباك شووية وهي تسرق النظر لو مسفر طلع ينام ولا باقي شافته توه يطلع سريره
سمعت كنه احد جاي وقفلت الشباك على طول وهي خايفة يكون نيار ذا
بس كانت فرح ودخلت وهي ساكتة
جلنار تناظر فيها لسه لابسة فستانها :تبين اعطيس ملابس؟
فرح تناظر فستانها :اعطيني بيجامتي الي تركتها المرة الماضي لأنه  ملابسك طويلة علي
جلنار: طيب
راحت عند الدولاب وعطتها بيجامتها الي نستها المرة الماضية :خذي
اخذته فرح و طلعت راحت تبدل وهي عيونها ذبلاانة
وجلنار لفت للشباك مرة ثانية وشافته يشرب شاي
وقفلت الشباك مرة ثانية بسرعة قبل لا تجي فرح وراحت بمكانها وما مرت دقايق وجت فرح وشافت جلنار مفرشة لها بالارض مخلية لها السرير
فرح:انتي قومي نامي بالسرير انا بنام بالارض
جلنار :لا عادي انتي نامي بالسرير انا انام بالارض مافيها شيء
فرح :ما يصير انتي قومي نامي للسرير
جلنار :انا بنام بالارض لا تصرين
فرح ابتسمت: طيب
وراحت للسرير وعيون جلنار تلاحقها والفضول يلعب فيها وشصار عشان جت عندنا مرة ثانية
فرح ناظرت في جلنار وبداخلها تقول حظها عاشت كل حياتها مع اب مثل خالدد الكل يشهد له اخ بسس ليه انا الي رحت عندهمم
وبعدها قالت بهدوء :بسألك سؤال
جلنار: تفضلي
فرح :انتي فرحانة بحياتك هنا؟ ما جاك فضول بأنه تتعرفين على اهلك الحقيقية وتشوفين كيف عايشين 
جلنار انصدمت من سؤالها :لا ولا بفكر وانا فرحانة بحياتي هنا وش ابي اكثر من اب مثل ابوي وام مثل امي
فرح سكتت وهي بداخلها تقول صح كلامها ما الومها
جلنار:بس ليه سألتي وش مناسبة هالسؤال؟
فرح ابتسمت : كذا بدون سبب سألت
جلنار سكتت
وفرح تسطحت وهي تقول:تصبحين على خير
جلنار:وانتي من اهله
لفت للجهة الثاني ودموعها بخدها وتمسك فمها عشان ما تفضح نفسها عند جلنار  ما توقعت ابدد من ابوها شي زي كذا تحس بحرارة بوجهها من الضيق تتمنى لو انها ما صارت الخطأ كانت الحين عاشت هنا وكبرت بين اهلها الحقيقية ما اضطرت تعيش كل ذا
جا لهم صوت لحن من عند مسفر تحت
وجلنار قامت تفتح الشباك شويية عشان تسمع الصوت زي الناس  وهي تطالع لو فرح نامت ولا لا شافتها ما تحركت فتوقعت انها نامت
بس بالحقيقية هي صاحية كانت تبكي بصمتت تمسك فمها عشان ما ينسمع صوتها تكتم صرخات بداخلها تصرخ من الآلم
بدأ صوت مسفر يجيهم مثل كل يوم وهو يغني
بس هالمرة ما كانت الاغنية مقصودة لجلنار هالمرة مسفر يعبر  عن شعور بداخله لشخص فقده من زمن طويل