عيال خالد

البارت 16

مسفر راح واخذه ومحد شافه ولا سأله
واخذ الفستان للبيت دق الباب عشان تجي وتاخذه من الباب ويمشي هو تأخر كثير لشغله مو فاضي يروح من الباب الي ورا ويقعد يناديها لين يجون
فقال يالله ارحم لي
دق الباب مرة ثانية بقوة ومستعجل وهو يقول الله يسامحك يا بنت خالد أخرتيني كثير عن شغليي
جت جلنار تركض :جايية جايية، مييين
مسفر ابتسم :انا مسفر
جلنار سكتت وهي تقول بداخلها اكيد جاب فستانهاا
فتحت الباب وقالت: هلا تفضل
مسفر :لا شكرآ بس جبت فستان فرح
جلنار مدت يدها :هات اجل
مسفر مده لها وهو بداخله يقول اكيد متضايقة وغارت علي يلهويي تحبني تحبني والله تحبني يا نااس:اا انا رايح بغيتي شيء مني
جلنار بحدة :سلامتكك
وقفلت الباب وراحت داخلة وهي تقول بصوت عالي :جاب لك فستاانتس
جت فرح تركض يوم سمعتها :صدقق يمهه شكرآ له والله ما عرفت كييف اجيبهاا
جلنار شمقت ومشت لفوق
وفرح اخذت فستانها وراحت توريه لمنيرة: يمه يمه شوفيي بلبس ذا شراييك
منيرة:تهبببل واذا لبستيها تصير احلى زيادةة
فرح:والله انتي الي تهبلين عشان انتاجك طلع يهبل
منيرة ضحكت :قومي تجهزيي ترا بعيد بيتهم شوي هشان كذا بنمشي بعد شوي
فرح تروح:هاه يالله طالعة البس
منيرة تقوم: وانا بعد بس وينه ابوتس
فرح:مدري والله يمكن هو بعد يتجهز
منيرة: يمكن
وراحت فرح تتجهز ومنيرة بعد
وتجهزت بسرعة ما حطت الا شوية مكياج خفييف وخلت شعرها الي يوصل لين كتفها مفتوح ولبست فستانها الوردي الي زادها جمال
حطت اخر لمسة وقامت وهي تلقي اخر نظرة لشكلها
وجلنار قاعدة بالجوال وبالها مو بالجوال تسوي نفسها مشغولة وبس
فرح اخذت عبايتها وطلعت
واول ما طلعت جلنار حطت الجوال وتنهدت
سمعتهم سكرو الباب حق الحوش يعني طلعو
طلعت برا الغرفة بهدوء وراحت عند الشباك الي تطل للباب الحوش عشان تشوفهم وهم ماشين
سندت نفسها بالجدار شافت فرح تضحك مع منيرةوخالد معهم بعد يضحكون كلهم مو ناقصهم شيء عائلة متكاملة نزلت دمعتها الي ماسكتهاا من ايام ومسحتها بسرعة واخذت نفس
و راحت لغرفتها شالت عبايتها ولبسته وهي بداخلها معصبة من كثير اشياء بس ملامحها ما تبين هالشيء قالت بداخلها هم يشوفون بنتهم عادي وتجي تعيش معنا بعد بس انا يحرم علي اشوف اهلي الحقيقية واتعرف عليهم من حقيي اروح اشوفهم واتقرب منهم مثل ما فرح سوت وجت تقربت من اهلي
لبست النقاب وراحت لغرفة جيلان وهي مستعجلة وتقول: جيلان انا طالعة مشوار وراجعة
جيلان ما رفعت راسها من الجوال حتى:طيب
نزلت لتحت وطلعت من البيت وهي تدري انها ما تعرف وين ساكنين ف عشان كذا توجهت لدكان مسفر وهي تقول ان شاءالله ما يرفض يقولي وين بيتهمم
دخلت الدكان وشافت مسفر ينظف الغبرة ويغني ورايق
جلنار :مسفر
مسفر لف لها لانه حافظ هالصوت زييين: جلنارر؟؟؟ وش جابكك هناا وبذا الوقت صايير شيء
جلنار :لا ما صاير شيء بس طلبتك
مسفر:طلبتس حاضر قبل تقولينه
جلنار:قولي وين بيت ابوي"وقفت شوي وبعدها قالت" بيت ابوي الحقيقي
مسفر فهم عليها بدون ما تقول ابوي الحقيقي حتى :ليه؟
جلنار:انت قول ومعليك
مسفر :بس ما بقولتس قبل تقولين ليه ادري صاير شيء
جلنار لفت عشان تمشي :شكلي جيت عند الشخص الغلط
مسفر يوقفها :لاا خلاص بقولتس بس بشرط انا اخذس مقدر اخليتس لوحدس
جلنار :طيب
اخذ مسفر مفاتيحه وطلع وراها وهو عارف ذي راسها يابس واذا حطت شيء براسها سوته يعني سوته الاحسن يروح معها ويرجعها للبيت مرة ثانية وباليل يقول السالفة لخالد
مسفر يركض معها لانها تمشي سريعع ومن مشيتها واضح صاير شيء ومعصبة توقع كثير عشان وجود فرح
وصلو اخيرآ لعمارة
جلنار :اي طابق؟
مسفر: مدري والله
جلنار ناظرت فيه :جيت تاخذ الفستان من عندهمم وما عرفت بأي طابقق قاعدين مااشااءالله
مسفر جاه ضحكة من نظرتها وكلامها بس مسك نفسه :اتوقع الطابق الثاني لأنه الطابع الثالث فاضي والاول مافيه ناس
جلنار دخلت لداخل بدون تتكلم
هو عارفها لا عصبت ما شافت احد قدامها
راحت جلنار للدور الثاني وشافت وحدة من الشقق في قدام الباب حذيان وانتو بكرامه عرفت ذا هي الشقة
راحت وقفت قباله وهي تفسخ نقابها وتاخذ نفس
دقت الباب مرتين متتالية ورجعت مكانها
جاها صوت يقول :ميين
جلنار:انا
فتحت الباب وشافت وحدة كبيرة بالعمر شوي ما عرفتها
ام هديل رفعت حاجبها لانها ما تعرفها مين هي :تفضلي
جلنار توترت  :ااا هاذا بيت خالد؟
ام هديل: ايه بيته تفضلي
قبل تدخل جلنار طلع ابو فرح من غرفته وهو يظن الي بالباب هي فرح بس تفاجئ انها جلنار وارتسمت الابتسامة بوجهه على طول وهو يقول: جلنارر؟؟؟ بنتيي
جلنار ابتسمت وهي جديدة عليها كلمة بنتي من شخص غير خالد ومنيرة
راح ابو فرح عندها وهو يقول:تفضلي تفضليي ليه واقفةة يقلبيي
دخلت جلنار لداخل
وابو فرح حضنها وهو يقول: نورتي بيتك يا قلبي
جلنار :منورة بوجودك
ابو فرح مو مصدق انه جلنار قدامه وجت عنده بنفسهاا يحس نفسه بحلم مسح على وجهه بتوتر وهو يقول: مو مصدقق ان بنتي جلنار عندنا
عيونه كانت توصف الفرحة الي يحسه قبل كلامه
وجلنار هنا عرفت ما غلطت بجيتها وهي من حقها تشوف اهلها وتتعرف عليهم اكتفت انها تبتسم
ابو فرح لأم هديل :جيبي عصير لبنتي بسرعة
ام هديل تمشي:من عيوني
وراحت المطبخ
بهاللحظة. طلعت سميرة من الحمام وانتو بكرامة وهي توها متروشة والمنشفة براسها  وتفاجئت بوجود جلنار و وجهت نظرها لابو فرح وهي تاشرله مين ذي لانها ما تعرفها وما حصل فرصة وشافو بعض
اما جلنار عرفتها اول ما شافتها مستحيل تنسى الملامح ذي الملامح الي شافت فيه كل القسوة
ابو فرح ضحك بخفة وقال :بنتنا جلنار جت عشان تشوفنا
سميرة انصدمتت و وجهت نظرها لجلنار الي كانت تناظر فيها منتظرة ردة فعلها كيف بتكون
كانت تظن ردة فعل عنيف او قاسي لانه بملامحها الي شافتها فيه اول مرة خلاص وكلام فرح عنها حطت ببالها مالها غير الملامح هذيك وهي ما تدري انه سميرة ام صحيح تقسى بس ترجع تحن
دمعو عيون سميرة وراحت ضمتها تحت استغراب جلنار الي انصدمت من ردة فعلها وتحت انظار ابو فرح المبتسمة لحركة ام فرح
لحظة صمت بين الموجودين
جت ام هديل حطت العصير فوق الطاولة وهي تشوف سميرة كيف حاضنة جلنار وتبكي
واخيرآ بعدت سميرة عن جلنار وهي عيونها دمووع
وبهاللحظة تغيرت نظرة جلنارر ونست كل شيء وهي تقول بداخلها هاذي امي الحقيقية الحضن الي حضنتها كانت كفيلة بأنه يخليها تعرف
سميرة بعدت عنها وهي دموعها شلال وتناظر في تفاصيل وجه جلنار وشكلها ايقنت انه هاذي بنتها شبهها وشكلها كل شيء فيها يدل بانه هي بنتهاا
الفرحة كانت واضحة بعيون سميرة وابو فرح لجلنار وحبهم لها
سميرة قعدت وقعدت جلنار معها وصارت تمسح على شعرها وهي تتأملها بعيون مدمعة اخيرآ نطقت وقالت :كيفك يا بنتي
جلنار ابتسمت: الحمدلله بخير وانتي كيفتس اخبارتس عساتس طيبة
سميرة تمسح دمعتها :بخير دامني شفتك
ابو فرح الارض مو شايلهته من الفرحة قال بفرحة :وينه نيار ما جا معك؟
جلنار اختفت ابتسامتها وقالت ب كذب :هو مشغول بالدكان قال بيجي ب وقت ثاني
ابو فرح: معليه نشوفه ب وقت ثاني الحين اهمشي انك جيتي وشفناكك
جلنار ابتسمت صحيح انها في شعور بداخلها يقولها انهم اهلك الحقيقية وتعرف هالشيء هي بعد بس مهما كان اول مرة تجي عندهم وتحس نفسها غريبة بينهم