عيال خالد

البارت 9

وصلو الزواج وجلنار ومنيرة  وجيلان نزلو وهم يسلمون ويباركون لاهل العريس والعروسة والاصوات عالية مع صوت الطقاقة والبزارين هنا وهناك ويوزعون حلويات
بعد ما سلمو قعدو جلنار وجيلان  جنب بعض ولحقتهم مريم الي منتظرتهم يقعدون عشان تروح عندهم
مريم تجلس جنب جلنار:الله شهالزيين كنه انتي العروسةة
جلنار استحت :تسلمين يا قلبي وانتي بعد تهبليين القمر يقولتس بنزل واقعدي مكاني
مريم ضحكت:يختي انتي عسلل والله
جلنار تذكرت :اقولتس بنت
مريم: هلا
جلنار:اليوم صار في شيء غريب ببيتنا
مريم: يمه وشهو؟؟
جلنار تقرب منها :في حد جا ببيتنا وما كان من الديرة واضح علييه  وقعد يصارخ ويقول لابوي وينها بنتيي اكيد جت هنا وينادي بأسم فررح
مريم: يويلي منهي ذا
جلنار ترفع اكتفاها :علمي علمتس والله وبعدها ابوي اخذ مفتاح سيارته وطلع هو ومسفر يدورون معه لبنته
مريم؛ طيب عمي ما قالكم مين هي؟؟
جلنار:لا ما قال اصلآ يوم رجع حسيته كذا حزيين ويبغى يبكي وامي بعدد كانت مرةة خايفة وكل ما سألتها تغير الموضوع وتبين لي انه مافي شيء و من وقتها وانا قلبي يرقصص ابغى اعرف اشفيي
مريم :الموضوع غريب صدق
جلنار سكتت وهي تفكر: صح كلامتس

دخلو الحارة هو مع بنته وجنبه ريان كلهم جايين يحضرون الزواج
سعود اول ما شاف ابو فرح قام له وهو يسلم
سعود:هلا والله هلاا وغلا فييك نورت
ابو فرح يبتسم :اهلين فييك والله منور بوجودك
وخالد كان يراقبهم من يوم جو
ابو فرح :وين مكان الحريم عشان بنتي تروح عندهم
سعود : بعد البيت ذا والي بعده هناك
فرح مشيت لهناك وهي عارفة بتنسى ف لفت له وهي تقول :وصلني لهناك احس اني  بضيع
سعود مشى معها عشان يدلها
وبهاللحظة فز خالد
وناظر لمسفر الي جنبه وهو يهمس له :روح وصل البنت لا تخلي سعود يوصلها
لانه هو ما يحب سعود ابدد قبل لا يخطب جلنار حتى
مسفر قام عشان خالد طلب منه ولا هو ما يبي
وتلثم
وراح سريع وراهم وهو يبعد سعود :انت روح انا بوصلها
سعود يناظره بنص عين  :وانت شدخلك؟؟
مسفر طلع عيونه عليه وهو يصر بسنونه :امشي ولا يمين الله ما يصير خيير تفهم ولا لااا
مشى سعود وهو يقول مشكلجي من يومه
وابتسمت فرح لأنها شافت مسفر مرتين وهاذي ثالث مرة
مسفر مشى وهو غاض بصره عنها ما قد لمحها الا بالغلط
يحس لو التفت لحد فهو خاين  لجلنار معنه الشعور الي يحسه بينه وبين نفسه بس هو حريص وحبه لجلنار كبير لدرجة انه ما يناظر لحد غيرها واذا ناظر ولو بالغلط يحس انه خاين
وصلها للبيت
وفرح لفت له وهي تقول: شكرآ لك ما قصرت
مسفر لاف وجهه :العفو هاذا واجبي
وبغى يمشي بس وقفه صوتها مرة ثانية
فرح:انت شسمك؟
مسفر وقف وهو معطيها ظهره ومتعجب من جرأتها :مسفر
ومشى
وفرح عيونها تلحقه لين اختفى وهي تقول :حتى اسمه حلو يا لبيييه
صحيت على نفسها  وضحكت وبعدها دخلت لداخل وكانت الزواج زي ما تخليته بعقلها بزبط طقاقة تغني والحريم ملابسهم مرة تجنن غيير مرة عن باقي الملابس وفي الي بعضهم لابسين نقاب  كل شيء كل شيء عجبها
واول ما دخلت توجهت الانظار عليها بحكم إنها جديدة. ومحد يعرفها هنا ولبسها وكل شيء فيها ما تشبه للبنات الديرة عرفو إنها نفس البنت الي سمعو عنها بالصبح انها دخلت على الرجال وهي مكشوفة الراس الاغلب سمع فيها والاغلب لا