عيال خالد

البارت 10

بعد ما شربت القسط الهندي راح الآلم بعد ساعة وغفيت على طول لانها كانت موجوعة مررة وكان مانعها الآلم انها تنام
ومنيرة لسه فوق راسها تمسح على شعرها وهي تقرا عليها وتسمي عليها وتدعي ربي يحمي بنتها من كل شر ومرض
دخل خالد بذي اللحظة وهو يهمس يوم شافها نايمة: نامت؟
منيرة بحزن :ايه حبيبة قلبي نامت بعد كل الوجع
خالد قعد بطرف السرير وهو سرحان فيها ويبتسم من شكلها النايم :هاذي بنتنا يا منيرة رجعت لنا بعد ما فقدنا الامل في انها ترجع لناا
منيرة ابتسمت وهي الدمعة بعينها: صح كلامك يوم انك قلت لا شفتيها ما تقولين الي قلتيه جعل لساني انقطع ولا قلت الي قلته هاذي ضناي كيف نخليهاا هاذي قطعة من روحناا
خالد حط يده فوق يدها بحنية:خلاص الي فات مات لا تدعين على نفستس
منيرة رجعت نظرها لفرح الي كانت نايمة مثل كنها طفلة بكت وبكت وبعدها غفت

قعد خالد للحظات وبعدها خرج وهو يقول لابو فرح: هي بخير والحين نايمة لا تشيل هم
ابو فرح ارتاح باله واخيرآ :طمنتني.
خالد لنيار :قم جيب لحاف ومخدة لابو فرح خله ينام تأخر الوقت
ابو فرح:لا ماله داعي انا بمشي
خالد: عادي اقعد البيت بيتك
ابو فرح :لا انا رايح
خالد تذكر كلام مسفر:بكرى غداك عندنا لا تنسى
استغرب ابو فرح: عندكم؟
خالد:ايه
ابو فرح:تم جاي
وخرج ابو فرح للخارج وخالد وصله لين الباب
و ودعه

بالسطح جلنار لسه قاعدة هناك الجو يجنن باليل خاصة الحين الجو قاعد يعتدل وموسم الامطار قربت تحس استرجعت نفسها شوي وطردت افكار السلبية وهي تعطي لنفسها اعذار عشان تهدي نفسها
شافت الطوب الي كانت تركب فوقه عشان تقدر تشوف احمد الزفت ضحكت بخفة وراحت ركبت فوق الطوب وهي تطالع بيتهم كل الانوار مقفلة. محد صاحي بذا الوقت الا هم صاحيين
وتقول بداخلها معقولة نايم ومرتاح
وانت مزعل قلب بريئ ذنبه انه حبك؟؟
نزلت واخذت الطوب من مكانه وراحت حطته بعيد

مسفر طلع السرير للحوش لأنه الجو يجنن وهو يعشق النومة الي تكون بالسطح او الحوش يحس فيها جوو غيير طلعه للخارج والسرير اصلآ خفيف وجاب مخدته من الداخل وتسطح فوق السرير وهو يناظر القمر غمض عيونه وجت بباله شكل جلنار بالزواج كيف كانت طالعة تجنن، يعشق اليل لانه يقدر يحلم في جلنار برااحته ويفكر فيها بدون لا احد يزعجه هو والقمر وجلنار سوا
وقال وهو مغمض عيونه
"ما يشبهك في طلتك غير القمر
اما البشر فذمتي مالك شبيه"
جلنار بعد ما طفشت قامت تبي تمشي والشيلة الي براسها انفتح وطارت لفت على طول تبي تمسكه بس طاح تحت بسبب الهوا ركبت فوق الطوب تبي تشوف وين طاح
شافت مسفر متسطح تحت ومغمض عيونه والشيلة بزبط راحت وطاحت في وجهه وسحبت راسها على طوول لا يشوفهاا وهي منحرجةة بس خلاص شافها ومشي الحال وقالت بفشلة وهي مغمضة عيونها :شافنيي والله شافنييي وذا الشييلة ما شافت تتطيييح الا في وجهه وش ذا الغبنةة ما عرف ينفتح الا واناا بالسطحح الحين شيعرفه اني مب قاصدةة يحسبنيي قاصدة. وابي اصيده يا ربيي شذا البلاا
اما مسفر كان مغمض عيونه في امان الله ما بفتح عيونه والا في شيلة طايحة في وجهه قام بسرعة وهو يطالع بالسطح لمحها يوم سحبت نفسهاا بسرعة وابتسم وهو يعرف طاحت بالغلط
قال اخخ يا نسمة الهوا عرفت تطيرها بالوقت المناسبب
ورجع تسطح وهوو يسوي نفسه ما صار شيء و فرحاان ومرووق والشيلة بيده وضامها بيده يخاف نفس النسمة الي جابته له يرجع ياخذها
وجلنار فوق تضرب راسها وهي متفشلةة
يعني ما يصير مواقف تفشل الا معهه لييه افف الحين يحسبني خفيفة واصيده اساسآ طايحة من عينه من زمان والحين طحت زيادةة
نزلت تحت وهي تتحلطم وتقول طلعت السطح اغير جو وحتى ذي كانت غلطةة