عيال خالد

البارت 18

حطت الغدا وقعدو كلهم بالسفرة معاد جلنار تحط الغدا لنيار وابوها ومسفر بياكلون بالحوش
حطت كل شيء بالصينية ومشيت للحوش
ونادت لنيار عشان يجي يشيلهم منها
جلنار:نياار يا نيارر تعال خذذ
جا نيار: شكررآ لك
جلنار: عفوآ
ولفت تبي تمشي بس وقفها صوته مرة ثانية
نيار:جلنارر
جلنار لفت له: هلا
نيار :لحظة بس
راح حط صينية الاكل فوق الفرشة الي فارشينها ورجع وهو بيده كيس ومده لجلنار
جلنار بإستغراب: وشهو ذا
نيار: خذي شوفي
جلنار اخذته منه وفتحت الكيس وانصدمت انه نفسس القماش نفس اللون ونفس كل شي جابه لها والي صدمها اكثر انه كيف عرف بالسالفة تجمع الدموع بعيونها :تكفى
نيار: تستاهلين يقلبي
جلنار ضمته :شكررآ لك وقسم فرحتني مرةة
نيار ابتسم لها :متاكد انه امي مب قاصدة
جلنار تحس نفسها فرحانة نيار الي تتهاوش معه دوم طيب بخاطرها :يخي احبك والله
نيار طبطب لها:يالله رايح اتغدا
جلنار:عوافيي
وراحت وهي تحس نفسها مبسووطة حطت الكيس بغرفتها ونزلت تتغدا معهم وهي البسمة محلي وجهها
هديل :والله يا خالة طبخك يجنن وما ذقت مثله ابدد ايه والله امي امي الي فناننة ما قد ذقت من يدها زي كذا
منيرة:بالعافية يقلبي
هديل :الله يعافيك
منيرة:يمه حطيتي الغدا لهم
جلنار مبتسمة :ايه حطيت

بعد ما تغدو وخلصو سميرة طلعت لانها طفشت بالبيت وابو فرح نزل يتمشى بالحارة
وام هديل نزلت تحت فبيتها بعد ما خلصت من الأشغال
بقت جيلان لوحدها وشافتها فرصة عشان تسوي الي براسها
تسللت لغرفتهم وراحت عند الدولاب وفتحته وهي تدور لو في شيء غالي لها والواضح انها تحبه بس ما لقت شيء توجهت للتسريحة وفتحت اول درج وابتسمت ابتسامة شيطانية يوم شافت علبة واضح داخلها سلسلة غالية
فتحت العلبة وفعلآ شافت سلسال يلمع وشكله واضح غاليي اخذته وحطته بجيبها
وابتسمت وهي تقول بداخلها خلي يكون لك درس عشان تعرفي تعاملي الناس كالبشر
وطلعت من الغرفة
وهي ما تدري انه باللحظة الي كانت تاخذه ابو فرح دخل وشافها واستغرب وش تسوي عند درج سميرة وشافها خرجت من الغرفة. ورجعت غرفتها
راح للغرفة وفتح الدرج وهو يدعي الي شافه مو صدق
فتح اول علبة اكسسورات قدامه وانصدم انها فاضية
حس بالصدمة معقولة بنت اختي سراقة
لا مستحيل اكيد سميرة لابسته ولا شيء
وقفل الدرج وقعد فقو السرير وهو يقنع نفسه انه مو صح

وجيلان بغرفتها تدور وين تخبيه ققرت ما تخبيه داخل البيت مسكت جوالها ونزلت تحت وهي مقررة تدفنه تحت التراب راحت حفرت حفرة صغيرة وحطته ودفنته وقامت وهي تحس مسوية انجاز وقامت تبي ترجع فوق
وانفجعت يوم شافت ريان قدامها
جيلان مسكت قلبها :بسم اللله
ريان بشك:وش تسوين هنا
جيلان لسه ماسكة قلبها :وش دخلكك بعدين لا جيت عند شخص لوحده طلع صوت قبل مو تفجعه كذا
ريان:والله حنا بعز الصبح يعني ليه تخافين مدري والله اعترفي وش كنتي تسويين
جيلان :وش اسوي يعني كنت اشم هوا
ريان:ماشاءالله كنتي تشمين هوا وانتي تحفري بالارض
جيلان سكتت واضح من كلامه انه شافها تحفر وتحط شيء
ريان ناظرها بشك ونزل يحفر بالمكان الي حفرت فيه وانصدم يوم شاف سلسال ومسكه وهو يقوم و يوريه لجيلان :ماشاءالله تدفنين كنز
جيلان :بلا مزحك الثقيل
ريان :هاذا لسميرة وش يسوي عندك
جيلان عرفت مافي مجال تخبي :مو نيتي اني اسرقه بس والله عشان انقهرت منهاا ما تعامل خالة عبير معاملة البشر وقاسية مرة
ريان :وعشان تعلمينها درس رحتي سرقتي سلسالها
جيلان :ما سرقتت
ريان؛ بس يتسمى سرقة مو
جيلان سكتت
جت سيارة سميرة بهاللحظة وريان حط السلسال بجيبه بسرعة
جت وقفت السيارة قدام العمارة ونزلت سميرة وهي تقول :جيلان حبيبتي وش تسوين هنا
جيلان تبتسم :نزلت اشم هوا
سميرة ابتسمت بتسليك وطلعت لفوق
وريان طلع السلسال من جيبها وحطه بيد جيلان :رجعيه مكانه واعقلي
جيلان؛ طيب
ريان صحيح انه يمزح وكنه بزر بس بالمواقف الي زي كذا يعرف الصح من الغلط وينهي عن الغلط
راحت جيلان وهي مو ناوية ترجعه