صحت م النوم كالعاده ع صراخ زوجها الي عمره فوق ال70
تنهدت بضيقه قامت بتعب
ابراهيم(زوجها):الساعه صارت سبع ونص وش هالنوم تبيني اكل من ايادي الخدم وانا ليه متزوجك
نوره ناظرته بكره:حاضر الحين اقوم
قامت وهي تحقر صراخه لأن تدري لو ردت عليه شبيصير فيها.
توجهت لغرفه بنتها وشافتها نايمه باست جبينها ونزلت صبحت ع الخدم وبدأت تسوي الفطور
نزلت دمعتها وهي تتذكر كيف اهلها تخلو عنها بس عشان فلوس وزوجوها لواحد م يعرف الرحمه واكبر من ابوها الي مفروض يكون اب لكنه ضالم
مسحت دمعتها لما سمعت صوت بنتها
دخلت بنتها جوري المطبخ وضمت امها
نوره:هلا ببنيتي هلا بدنيتي قبلت خدها وش حابه تفطرين
جوري ببراءه:اممم كريب نوتيلا وستروبري
نوره:امم لا ممنوع اول توست وجبن وحليب والظهر ابشري بأحلى كريب لأحلى بنوته
جوري:تمام ماما
اخذت الفطور لزوجها الي كان جالس ع الكنبه ويقرأ جريده
جوري كانت ماسكه ببجامه امها
ابراهيم ناظرها بكره:وش فيك خايفه مني
جوري ناظرت امها
نوره:ماما روحي المطبخ وانا جايه
ابراهيم بغضب:انا اقرر اذا تروح او لا
نوره :جوري ماما روحي ع بابا ي لله
جت بتقعد جنبه دفشها بكره
جوري بدأت تبكي
نوره بخوف رفعت جوري:وبعدينن معاكك انا اسكت ع كل شي الا دمعت بنتي م اسمحلك
ابراهيم قام عليها ومسك كتفها:انتي تتكلمين معي كذا ي ام البنات
نوره تنهدت بضيقه:جوري ماما روحي المطبخ وخلي ميري توكلك مشت جوري وهي تمسح دموعها
ابراهيم مسك زندها ودفشها وجا راسها بطرف الطاوله:قلت لك من اول ابي ولد واحاول فيك اعالجك وكل دكتوره نروح لها تقول م فيك شي م ادري وش قايله لهم ومتفقه معاهم
نوره قامت متجاهله الدم الي ينزل من راسها وصعدت للغرفه ببكى
تتذكر يوم ولاده بنتها
كيف قعد يهارشها قدام السسترات لأنها جابت بنت والحين يلومها
عقمت جرحها وحطت شاش وهي مطنشه الدوخه الي جايتها بسبب قله الاكل والتعب الجسدي والنفسي
-
ريم فتحت عيونها بسبب ضوء الشمس وتوجهت للحمام تفصخت وبدأت تبكي وهي تشوف علامات الضرب ع كامل جسدها والالم محتويها
تذكرت ليله امس وكيف ضربها اخوها بس لأن الاكل م عجبه
نزلت دمعتها وتمنت ان في احد يقدر يوقف اخوها عند حده
طبعاً
ريم واخوها علي يتامه
توفو اهلهم بحادث وكان عمر ريم وقتها ١١سنه
وعمر علي كان ١٨ والعذاب من يومها للأن عمر ريم ٢٠سنه
اخذت شور بارد لعل الالم يخف شوي تغطت بمنشفه وتوجهت للمخزن وهي تاخذ ملابسها الي بدأت تهتري من قدمها
لبستهم ورغم كل شي جمالها كان طاغي وشعرها كان يوصل لتحت ضهرها وكانت تحبه حيل وتهتم فيه مشطت شعرها وربطته ولبست طاقيه عشان اخوها م يشوف شعرها ويقصه
احد مخاوفها ينقص شعرها الي امها كانت دايماً تحذرها انها تقصه وكانت تقول حلاوه البنت بشعرها الطويل ورثه من امها العيون الواسعه والشعر الناعم والرموش الكثيفه والشفايف المليانه نوعاً ما
فتحت الثلاجه وهي تدور شي تاكله وكالعاده كانت شبه فاضيه
تقدمت للجدر الي طبخت فيه لأخوها امس حطت صحن وبدأت تاكل وهي تبكي ع حالها
-
ليلى نزلت من الدرج بغرورها كالعاده طبعاً امها تخلت عنها وابوها توفى قبل سنتين وكل الاملاك صارت لها طبعاً م اهتمت لا بشغل ابوها ولا بشي بس اهم مشي تجيب الماركات الي مو اي احد يقدر يجيبهم والشركه كانت اسهمها تنزل شوي شوي
جلست ع الكنبه واحد الخدم تسويلها بدكير
ليلى م كانت تثبت وكل شوي تلتفت ع التلفون
جرحت اصبعها الخادمه
ليلى دفشتها وطاحت لورا
تكلمت بغضب ليلى:عمى م تشوفينن
الخادمه:انا اسف م يشوف
ليلى اسفك وفريه لمي اغراضك وانقلعي للمكتب ناقصني حمير
تنهدت الخدامه وبترجي:بليز ماما م يبي يروح
ليلى:قلت لك اذلفيي باقي تسولفينن
دخلت الخدامه لجوا وهي تبكي
-
ديالا يوم جديد بالمدرسه وكالعاده جالسه مع صاحباتها
ويسولفون
دخلت الاستاذه:السلام عليكم عدلو جلستهم
وبدأت الحصه
الاستاذه:الي مو حاله واجب النحو توقف
ديالا:يربيي ناسيهه احله
ديما:عرفت انك بتنسين طلعت ورقه:هذي كتبت لك الواجب بس اكتبي اسمك وسلميه
الاستاذه:غريبه ديالا م وقفتي
ديالا:افا عليك استاذتي قررت اتغير
الاستاذه:برافو عليك ي ديالا ي لله الي م حلوه بينقص منهم ثلاث درجات
ديالا تنهدت وابتسمت لديما اقرب صديقاتها
خلصت الحصه وطلعو للساحه استراحه
ديما:اقولك كيف حبيب القلب احمد
ديالا ابتسمت:بخير دامني بحياته
ديما:اوله يالثقه
ديالا ضحكت:حيوان مرهه احبه بس مشكلته غيوررر تخيلي يغار من فهد
امس كان يرسل وكنت قاعده مع فهد وغار
ديما:هذا مرض
ديالا ضحكت بحب:بس فديته بس
-
عند اهل ديالا
ابو فهد:ابشر عند وعدي ان شاءلله ونتشرف فيكم انا وبنتي
قفل منه
ام فهد:خير ي طير مين ذا
ابو فهد:تذكرين صديقي من ايام المدرسه رجع السعوديه ويبي ديالا لولده بدر
ام فهد شهقت:وش فيك ي رجال البنت عمرها ١٧ وينها ووين الزواج م تعرف تغلي بيضه
ابو فهد:ابو بدر قالي انه م يبيها تطبخ ولا شي بس يبي صله القرابه تقوى وبتعيش بعزودلال عندهم ثروته تغطينا كلنا
ام فهد:مدري البنت مو حاطه ببالها ولا تبي وكلنا ندري انها تحب ولد اختي لا نفرقهم ي رجال
ابو فهد بغضب:وش حبه انا قلت كلمه وكلمتي م تصير اثنين خبريها وانا من اول مو راضي عن علاقتهم
ام فهد تنهدت:ي رجال اذكر ربك حرام عليك
ابو فهد بغضب:وش قلت انا
ام فهد سكتت
-
عند نوره الي جالسه مع بنتها بالحديقه تلعبها
وهي دايماً تحاول تبين لبنتها ان في امل بالحياه
بدأت تركض معاها وبضحكات ملت البيت سعاده
انسدحو ع العشب بتعب
جوري :ماما بابا ليه م يحبني بالحضانه كل احد ياخذ بنته ويبوسها وبابا دايم يطقني
نوره طالعت بنتها وهي م تعرف وش تقول
تكلمت ببتسامه:البابا يحبك دايمم يقولي انه يحبك بس بابا تعبان شوي
جوري بلغه الاطفال: تهبان ليه م يروح دكتول
نوره ابتسمت ع براءتها:بيروح اليوم
العامله:ماما الكريب والستروبري جاهز
نوره:والحليب؟
العامله:جاهز
نوره قامت عن العشب ي لله قومي جوريتي
قامت ودخلو غسلو ايدهم وهم يطالعون كرتون ويضحكون
-
عند ريم الي خلصت اكل بس بس كانت
تتألم بسبب ضرب امس
قامت من الكنبه بألم وفتحت الدرايش وبدأت تنضف
الغبار والوصاخه قبل يجي علي(اخوها) ويعصب عليها
خلصت تنضيف بتعب والم بضهرها تذكرت ذكرياتها مع امها وكيف كانت سعيده ومرتاحه
وكيف الحين اخوها خلص كل ثروتهم ع القمار والشرب
وحالتهم الماديه تعبانه وع اخوها ديون وفوق كل هذا علي مدلل نفسه من طلعات وشرب وفوق كل هذا يحاسبها لو رجع وم لقى اكل حتى لو شبعان يضربها لين ينغمى عليها من الضرب
تنهدت وجلست بزاويه الغرفه وهي تبكي انسدحت من شده المها ونامت
-
عند ليلى جالسه تتغدا
جت احد العملات:ماما مدير شركه يدق يبيك ضروري
ليلى:خليني اكل
العامله:يقول موضوع واجد ضروري
ليلى بعصبيه اخذت الجوال الارضي:وش
المدير:استاذه ليلى اسهم الشركه جالسه تنزل بطريقه ممكن تأدي لأفلاسها لازم تقللين مصارفك بس بهاليومين صارفه ١٠٠الف
ليلى:وانت الحين تقرر انا كم اصرف من حلالي
المدير:لا لك الحريه بس اذا م تبين تفلسين
ليلى قفلت بوجهه بعدم اهتمام:ثروه ابوي م تخلص غباء لازم اغير هالمدير م يعرف يتصرف
-
ديالا خلصت المدرسه وجاها احمد ياخذها(ولد خالتها) هي واخته
دخلو السياره واخته جلست ورا وديالا قدام ابتسمت بحب:كيفك
احمد بحب :بخير يقلبي كيف الدراسه معك
ديالا:يعني يوم عادي بس مرهه تعبب
لينا اخت احمد:هي هي وانا حيط م عمرك سألتني
احمد ضحك:انتي نعم اتكلم مع زوجتي انا
لينا ضحكت:حركاتك ي احمدوه
ديالا ابتسمت بحب
لينا:ي لله ودينا ناخذ عصير
احمد:ابشرو
شغل اغنيه(ضحكلي الحظ)
بدأ يغني هو ولينا :احبك لي متى تدري لأخر يوم في عمريي
وديالا استحت وطقته ع كفته
ضحكو كلهم
وديالا بقلبها ربي يديمك لي يروح ديالا ونبضها
-
وصل ابراهيم وهو يعرج ع عصايته
جلس ع الكنبه بتعب صرخ بتعب:نورهه وصمخ وينكك
نوره الفتت:ي لله جايه اسمعي جوريتي خليك هني بسوف بابا واجي
راحت له بغضب:ها
ابراهيم:اضربيني كف
نوره ك:وش تبي يرجال غصب تسوي مشاكل
ابراهيم:عندك موعد بكرا الصباح عند دكتوره نساء جديده خلينا نشوف وش بلاك
نوره تنهد:وكيف بروح دامك طردت اخر سايق بس لأنه كان نايم
ابراهيم:بيجي سايق جديد بكرا
نوره :اوك
ابراهيم اسأليني جوعان شبعان تغذيت لا ليه انتي ناقصه عقل
نوره :طيب جوعان شبعان تغديت ولا
ابراهيم بغضب مسك شعرها :لا تطقطقين ترا افهم عليك انا
نوره بألم:طيب شيل ايدك
ابراهيم ترك:انقلعي حطي الغدا
نوره: مشت وهي متمالكه دموعها الي الفجر ينزلون كلهم بعد يوم كله مشاكل وطق
-
جا الليل ع بطلتنا ريم الي صحت من النوم مفزوعه وهي تسمع القفل يفتح وقفت برجفه وهي تدري انه اخوها وهي م طبخت شي لأن البيت حرفياً مافيه ولا شي بس تدري ان اللوم بيقع عليها
دخل كالعاده دايخ وشارب ناظرها بقذاره:تعالي
ريم بخوف تقدمت له وهي متقرفه من ريحته
علي:الاكل جاهز
ريم بتأتأه:البيت ما مافيه اكل
دفشها ع الارض بغضب:وليه م قلتي
ريم بكت وهي بالارض:والله قلت لك والله
علي كان بيسجبها من شعرها طاحت الطاقيه
انصدم من طول شعرها:عشان كذا مغطيه شعرك طول الوقت
ريم ببكى:تكفى الا شعري اضربني نزل مني الدم بس الا شعري تكفى ي علي تكفى ي اخوي تكفى
علي ضحك مسكها من شعرها وبدأ يسحب فيها اخذها للحمام واخذ المقص متجاهل صرخاتها وبكيها وترجيها له
ريم بأنهيار :تكفى ي عليي امي كانت تحب شعري تكفى لا
وبدأ يقص بشعرها وهو يضحك التفت للمكينه وكمل يحلق شعرها
التفت للمكينه وكمل يحلق شعرها
-
ديالا طبعاً وصلت البيت من العصر
ونامت من التعب
صحت ع اتصال احمد
ديالا ابتسمت بحب وردت:هلا حياتي
احمد:للحين سنفورتي نايمه
ديالا بتعب:كان يومي متعب وامس
م نمت عدل ف رديت بدلت ونمت ع طولل
احمد بعصبيه:حلوو يعني للحينك ع لقمه الفطور
ديالا:امم م فطرت اصلاً شربت قهوه
وبعد العصير الي عزمتني عليه
احمد تكلم بحده
ونبره صوته تغيرت:الان تنزلين تاكلين
وتصوريلي اكلك
ولا والله تعرفيني وش اسوي
ديالا رقع قلبها بخوف من نبره
صوته الي م تحبها:طيب
احمد:ي لله قومي
ديالا:تمام ي لله احبك
احمد:لا م برد عليك لين تاكلين باي
قفل الخط
ديالا حز بخاطرها انه م قال اعشقك
بس نزلت عشان م يعصب ويزعل
كانت امها جالسه تتابع مسلسل
ديالا جتها من ورا وغطت عيونها
ام فهد ابتسمت:ديالا وحركاتها
ديالا باست راسها:وش مسويين غدا
ام فهد:كبسه وسلطه وفي ورق عنب
ديالا:طيب باكل وكذا واقول
للخدامه تجهز لنا الشاي بنعناع
وفشار نقعد سوا وبسولف لك شصار معاي اليوم
ام فهد ابتسمت:تمام بعد انا بقولك شي
ديالا بفضول:طيب خليني اكل واجيك
م بطول لا تنسينن السالفه
ام فهد ابتسمت بضيقه
مشت بنتها:كيف بقولك عن فعايل ابوك
كيف بقولك انه يبي يزوجك الحين وانتي توك ١٧
تنهدت بضيقه وهي تفكر كيف تفاتحها بهدوء
-
نوره بعد م تأكدت ان بنتها نامت
باستها بلطف وتوجهت لغرفتها
وهي تتمنى انه يكون نايم
فتحت الباب
ناظرها:ي لله تعالي
نوره بقرف تقدمت له بهدوء وبدون مشاكل
مسكت دمعتها وهي تحسه غريب
حتى بعد كل هالسنين
بكل مره يقرب فيها عليها تحس انها
قذره وتكره فكره انه شريكه حياتها لأن م عمره حسسها بلأمان
-
علي طلع من الحمام وهو يضحك:مافيك انوثه
ابداً بشعر ولا بدون تفل عليها وطلع
وهو يغني ويرقص بالشقه
ريم كانت ترجف بأنهيار بدأت تصارخ
وتطق نفسها وهي منهاره من شعرها
الي مملي الحمام
قالت بصراخ :شععريييي شعرييي
كانت منهاره لدرجه انها كانت ضامه نفسها
وترجف بطريقه مرعبه
علي توجه لغرفته وانسدح :مسك جواله
وكلم عبدالعزيز(خويه)تعال بكرا عازمك ع الغدا
قفل الجوال ونام
-
ديالا اكلت وصورت لحبيبها
وجلست مع امها
وتتكلم بطفوليه:تخيلي يما م حليت
الواجب وصديقتي ديما عرفت
اني راح انسى وسوتلي الواجب هي
ام فهد ابتسمت:الله يديم صحبتكم كيف
حال امها ان شاءلله طيبه
ديالا:مادري م سألتها اي صح يما
وش كنتي بتقولين
ام فهد بتوتر:كنت بقول
دخل فهد البيت بتعب:السلام عليكم
ام فهد وديالا بصوت:وعليكم السلام
ام فهد:كيف يومك يوليدي
فهد:متعب بس الحمدلله رئيس
القسم مستانس علي وقالي راح يرقيني
لو تميت ع هالمستوى (فهد شرطي)
ام فهد ابتسمت:الله يوفقك يرب
والقالك بنت الحلال الي تسر خاطرك
فهد ضحك:يما تعرفين اني م بتزوج ولا حاط ببالي
ديالا ضحكت:فهد امي لو تدخل مسابقه ربط مواضيع
بتفوز بالمركز الاول
فهد ضحك:صدقتي
ام فهد:كذا تطقطقون علي ماشي لا تكلموني
فهد وديالا حضنوها:افااا افااا تزعلينن مننا
ام فهد ضحكت:جملتكم الشهيرره
تجلطوني يوم تقولونها بنفس اللحضه
-
عند ريم الي كانت مسدوحه ع الكنبه
ووجهها مورم من البكي
كان شكلها بدون شعر يقشعر.
صلعاء تماماً وكأن ملامح وجهها سرقت
صحت وهي تتمنى الي صار يكون
حلم لمست راسها وحست
بملمس الصلع بكت يربيي
قامت وهي تحس بدوخه قاومتها
وتوجهت للحمام واخذت بقايه شعرها
وحطتهم بكيس
نزلت دموعها:اسفه يما كنتي تحبين شعري
-
ليلى وصلت السوق وهي تشتري ملابس
جديده من اغلى الماركات
دخلت احد المحلات وبدأت تشتري
جت الموضفه:بوض اقدر اساعدك
ليلى:طلبت منك مساعده لا صح خلاص توكلي
الموضفه تنرفزت بس سكتت عشان م تنطرد
ليلى نادتها:هي تعالي
الموضفه عقدت حواجبها:اسلوبك ي مدام
ليلى ضحكت:ليه اكلم منو تراك موضفه ملابس تعالي ابي الفستان الزيتي القصير الي نزلتوه بالانستا امس الجديد
الموضفه هزت راسها:كم مقاسك
ليلى:xs
الموضفه تمام
راحت وجابته:تفضلي
ليلى ابتسمت:طيب حطيه بكيس
الموضفه عطته حق ليلى:روحي قسم المحاسبه وحاسبي عليه مو شغلي هذا مدام
ليلى:تعرفين مين تكلمين انتي انا ليلى بنت عبدالرحمن
الموضفه عرفتها:اعتذر بس م يهمني مشت ترحب بالزباين الي دخلو
ليلى بغضب:وقحه انا اعلمك
توجهت للمحاسبه:عطيني رقم المدير
المحاسبه:ليه وش فيه حبيبتي
ليلى:عندكم موضفه وقحه
المحاسبه:تقصدين شهد واشرت هناك
ليلى التفتت:اي ذيك
المحاسبه بكذب:اعتذر منك ي سيده المدير مسافر
ليلى :طيب حاسبي ع ذا
المحاسبه :ابشري
حطته بكيس وعطته لليلى:نتشرف بقدومك مره اخرى
ليلى:بأحلامكم اذا ذا تعاملكم مع الزباين
مشت متجهه للموضفه ودفتها شوي
الموضفه تنهدت وسكتت
طلعت وهي مبتسمه وطيحت حرمه كبيره بالعمر شوي
ليلى بوقاحه:عمى
فيصل تقدم لأمه بخوف عليها:بسم لله عليك يما فيك شي
ليلى:امك لا تطلعها برا البيت مره ثانيع
فيصل:عفواً بس مين انتي عشان تتكلمين كذا معنا
ليلى ضحكت بسخريه:مضعين هذا المحل للطبقه العايله واضح انكم ارخص شي بالمجمع كامل
فيصل بغضب كان بيتكلم
ليلى مشت وخلته
الموضفه شافت الي صار تقدمت لفيصل وامه
كل شي تسجل ع الكاميرات اذا بتشتكي عليها
فيصل ابتسم عطيني ومشكوره
الموضفه ابتسمت بأنتصار وعطته التسجيلات
فيصل:انا اعرف كيف اتعامل مع اشكالك
الموضفه:هذي بنت عبدالرحمن صاحب اكبر شركات العقارات بالسعوديه وتوفى قبل م يربي بنته تحترم الي حولها
فيصل:المحاكم هي بتعلمها كيف تحترم خلق الله وخصوصاً امي
الموضفه:الله يخليها لك حابين تشترون شي من المحل
فيصل:ايوه عندكم اشياء يناسب عمر امي
الموضفه:للأسف اخوي ملابسنا م تناسب امك الله يحفظها في محل بالمجمع الثاني فيه كل م يخص الحجيات خذها وبتستانس انا اخذ امي دايماً
فيصل:تمام مشكوره اختي
الموضفه ابتسمت بأعجاب:ولو
-
ديالا يوم جديد بالمدرسه
بوقت الحصه
ديالا تسولف مع ديما
احد البنات:استاذه شوفي ديالا مو مركزه معك بسببها
استاذه العربي:ديالا اسكتي ولا اطردك من حصتي
ديالا بقهر سكتت وهي متوعده للبنت
خلصت الحصه
استاذه العربي:اتمنى ي طالباتي انكم استفدتو من الدرس الواجب بيكون الي فهمتوه من السبع دروس الي اخذناهم بهالشهر اتمنى الكل يجي حاله ومابي الاقي اجابتين متشابهتين
طلعت
ديالا:هي انتي ليه قلتي للاستاذه عني
الطالبه:هي بعينك انا ابفهم شرح الاستاذه مابي اسمع سوالفك ديالا دفشتها احترمي نفسك
الطالبه:ايدك لا اكسرها لك
ديالا ي لله اكسري اكسري دفشت الطالبه وطاحت ع الارض
الطالبه بألم:اااهخ ايدييي ايدييي
ديالا بخوف ارتعشت
دخلو الابلات ع صراخها وقوموها بسرعه
احد الابلات:مين ضرب البنت
ديالا بجراءه:انا ضربتها
الاستاذه:ولك عين؟
أنت تقرأ
ي َ صدفه ما جت ع بال الأيام كن العمر قبلك حظوظه قليله
Fantasyريم التي عاشت اسوء حياه مع شقيقها بعد ان توفو اهلها بحادث سير شقيقها المتعاطي ينفعل عليها بالضرب كل ليله حتى انهُ ازال شعر راسها بالكامل ينقذها صديق شقيقها عبدالعزيز وتعيش بمنزله وتنعجب به لكن بعد فتره تكتشف ان اهل عبدالعزيز كانو السبب بموت اهلها...
