ي َ صدفه ما جت ع بال الأيام كن العمر قبلك حظوظه قليله

Part:34

احد الجماعه:وعليكم السلام
سعود:عفواً بس مين انتو
احد الجماعه :احنا عندنا محل حق
فساتين اعراس
ونبي نعلن عندكم توصلت مع الرقم
الي كان بلبايو
وعطانا العنوان
سعود ابتسم وبداخله اخ منك
ي سلطان ليه م قلت ع الاقل
جهزت نفسي
احد الجماعه:اذا جينا بوقت
غلط نعتذر منك
سعود :لا ابد حياكم
دخلوهم ورحبو
فيهم نوره وسعود الي كانت
اشكالهم غلط
دخلو المطبخ وطالعو بعض لثواني وضحكو
سعود:شوفي شعري
نوره:شوف ملابسي بس
سعود:ي لله م عليه شافونا ماله
داعي نبدل
اكدي ع العاملات يجهزون القهوه
والشاي والحقيني انتي وجوري
وطلع سعود لهم وبدأو يفهمونه
شغلهم ووش يبون من سعود
دخلت نوره بعد م ضبطت شكل
جوري ع الاقل جلسو وكملو
سوالفهم عن الي يبونه
(مليتو من احد الجماعه😭؟
راح اسميه محمد)
محمد:انا ي استاذ سعود
عايزينك بس توقف جنب المودل
بتاعت المحل بتاعنا وتلبس زي المعرس
وهي هتمثل دور العروس
نوره طالعة سعود بأنزعاج:عفواً بس م ينفع كذا
محمد:مين حضرتك
نوره سكتت وهي م تعرف وش تقول
سعود مسك ضحكته:زوجتي المستقبليه
محمد:اهلاً فيكي بس ليه مينفعش
نوره سكتت
محمد ناظر جوري:ودي الاموره
الي بتطلع معك بلفيديوهات مين
سعود ابتسم:بنتي
محمد ابتسم: ربنا يحفظها
سعود ابتسم
محمد:طيب ي استاذ سعود هنعمل
ايه خطرت بباله فكره بما ان
نوره تماطل بموضوع
الزواج:خلاص راح احدد
معاكم وقت بهلأسبوع نتزوج انا
وحبيبتي ونكون وجه اعلاني لمحلكم
نوره طالعته بتوتر:وش
محمد:خلاص كدا كويس ي استاذ سعود
انا هحول نص المبلغ والنص
الباقي من المبلغ
الي متفق عليه معاك ع التلفون
سعود هز راسه وهو م يعرف
كم المبلغ اساساً
لأن الي مكلمهم سلطان مب هو
قامو ي لله عن اذنكم
سعود:خليكم القهوه جهزت
محمد:هتشربوها عندنا ان شاءلله
سعود ابتسم ومشى معاهم لبرا
ورجع لنوره
نوره:وش قلت انت يسعود
سعود:وش قلت شفتك غرتي
من المودل
وقلت لهم نتزوج انا وانتي وخلاص
ي اجمل عاروس
جوري:ماما انتي راح تصيري عاروسه
سعود:ايوه ماما وبابا راح يتزوجونن
جوري:وانا ابي اصير عاروسه
سعود:ابشري تصيرين عاروسه
جوري بفرح حضنته
نوره ناظرته وهي مب عارفه
كيف تتصرف
-
الساعه 2:00
خلص دوام ديالا بلمدرسه
وكان بدر ناطرها وهو يمثل الزعل
دخلت بتعب:السلام عليكم
بدر م رد شغل السياره ومشى
ديالا ناظرته:زعلان يعني
بدر م رد
ديالا مسكت يده
بدر شال يده
ديالا عدلت جلستها
وهي تناظره وتفكر كيف تراضيه
-
بعد اربع ايام
عند ريم الي كانت جالسه
بحضن عبدالعزيز
ب الصاله ويسولفون
اندق الباب ربم قامت من
حضنه وجلست جنبه
والعامله فتحت الباب
دخلت عهود والحيى باين
ع ملامحها
وصوتها:السلام عليكم
عبدالعزيز:واف وش ذا الادب
عهود ناظرته:اسكت ريم ابيك ضروري
ريم:عسى م شر علي فيه شي
عهود:لا لا تعالي المطبخ او فوق اي مكان
خذتها وارحو المطبخ
ريم:انطقي خوفتيني
عهود:ام احمد كلمت امي
ريم:مين الي عزمتنا قبل فتره
عهود:ايوه
ريم:طيب وش تبي
عهود:تبيني لولدها
ريم :وانتي تبين ولا لا
عهود سكتت
ريم:ها وش
عهود:شوفي م اكذب عليك انا حبيته
من كان مريض كنت مره
احب اجلس معاه
واساعده لين بدأ يتحسن
وبعد م تشافى وطلع
طول الوقت افكر فيه
بس في شي داخلي يقولي انه م يبيني
ريم:اقول كيف م يبيك
وامك تطلبه لك اكيد
م بيجبروه يعني
بعدين واضح من نظراته ذاك اليوم
لما كنا بنطلع انه معجب
عهود:يعني يحبني
ريم:ايوه
عهود ابتسمت وسكتت
ريم:عن الدلع
عهود:يعني اوافق
ريم:ايوه
عهود ابتسمت ونزلت راسها بحيى
ريم:م عرفتك هلحين جاك الدور
كنتي تحرجيني دوري
عهود ضربتها على كتفها:وجع
ريم ضحكت
عبدالعزيز دخل المطبخ:عسى م شر
ريم:اقول ولا
عهود :لا بس اروح قولي
عبدالعزيز:خير
عهود:ايوه خيرين
ي لله مع السلامه
طلعت بسرعه
عبدالعزيز وش قولي لي
ريم قالت له
عبدالعزيز ابتسم :هلنتفه تحب
ريم:وجع شتبي منها
عبدالعزيز ضحك:مابي شي بس للحينها ورعه
انا اشوف ابوي يدق بس م فضيت اكلمه
ريم:ايوه وانت شرايك
عبدالعزيز:اهم شي عندي
اختي تبي ولا لا
ريم:تحبه اقولك
عبدالعزيز:اي خلاص
الله يكتب لهم الي فيه الخير
واحمد خويي من قبل
-
عند ديالا الي للحين تحاول تراضي بدر
بس جالس يتغلى عليها
خطرت ببالها فكره وهي ماسكه الجوال
جهزت الورق وكتبت فيهم وتجهزت
طلعت وهي تدور عليه
شافت احد العاملات
ديالا:ميري وين بابا بدر
العامله:بابا بدر Drawing room
ديالا:طيب توجهت لغرفة الرسم
وهي تتمنى انه هلمره يرضى
دقت الباب
بدر:تفضل
ديالا دخلت
بدر:خير
ديالا:شسمه ابلعب معك لعبه
بدر:مابي اطلعي
ديالا:تكفى عاد
بدر وهو تعب من التمثيل:وش لعبته
ديالا:اختار بين كل ورقتين والي تختاره
لازم نسويه
بدون م تشوف وش مكتوب
بدر هز راسه بمعنى اوك قربت الورقتين
الورقه الاولى:نضبط جو بلغرفه ونطالع فيلم
الورقه الثانيه:نطلع نتمشى بلمول
بدر سحب الثانيه طالع فيها
ديالا كانت مستانسه ركضت عشان
تعدل شكلها لأنها اساسا كانت
متأكده انه راح يختار الي تحت
بدر ابتسم وتنهد ترك اللوحه
وهو للحين م خلصها وقام غسل
وتجهز وهو م يعرف وش بيسوون هناك
-
عند احمد الي مب عارف وش يسوي
مب فاهم وش شعوره ولا عارف
كيف يتصرف مع امه
لكن كان متطمن لأن للحين
اهل عهود م ردو خبر
وغالباً بيرفضونه
يسوق السياره بعدم وكل المحامي
وبدأ المحامي
شغله عشان يشوف هل ابوه ترك
لهم شي بعد وفاته عند ابو فهد
ومتوجه للمول عشان ناقصه ملابس
-
عند فيصل وليلى الي كانو
ناطرين نتائج التحليل
بعد م شك فيصل وامه انها حامل
فيصل يهز رجله
ليلى ابتسمت:وش فيك
فيصل:متوترر
ليلى مسكت يده:مابيك تتأمل
وتزعل مني
فيصل ابتسم:م بزعل منك وبعدين
تو لاحقين ع البزران صدق ابي بس
حتى لو مو حامل عادي
ليلى ابتسم
طلعت السستر:ليلى ***
فيصل وقف معاها
السستر:تفضلي داخل
فيصل مشى معاها
السستر:لا يباشا مينفعش تدخل
فيصل :ذي زوجتي
السستر:وانا عرفه بس مينفعش
فيصل رجع جلس
ليلى دخلت معاها لجوا
-
وصلو للمول وكانت تحاول تفتح
معاه مواضيع
لكنه كان يمثل عدم الاهتمام عشان يأدبها
طلعت ورقتين ثانيين
الورقه الاولى:نروح سينما
الورقه الثانيه:نحلي بكوفي
سحب الثانيه
ديالا ابتسمت له وهي بدأت
تحس بكسربسبب تجاهله
بدر بمزح:اقول فليتيها خل نرجع
البيت
ديالا خزته والدموع بدأو يتجمعون
بعيونها
دفشته:انقلع ماني براجعه معاك
م بقى شي م سويته لك وباقي
تعاملني كذا مشت وخلته وهي تبكي
احمد طلع من احد المحلات
وضربت بكتفه
تكلمت بغصه:اسفه اسفه شالت
معه الاكياس
بدون م تشوف وجهه هو تجمد
لما سمع صوتها عرفها
م عرف كيف يعبر عن شعوره
عطته الاكياس وناظرت بوجهه
تراجعت بخوف بان ع ملامحها :احمد
احمد:زين م نسيتي اسم
م كمل جملته الا وهي ماشيه بسرعه
م تعرف ليه خافت خافت من
الشخص الي كانت بيوم تحبه الي
كانت تعتبره امانها من هلكون
وهذا يدل ع ان قلبها صدق م يبيه
بدر لمحها وكان يمشي وراها
وهو يحاول يكلمها
بس م كانت ترد عليه
احمد كان يمشي وراهم م يدري
ليه ووش راح يستفيد
مسك يدها وسحبها لأحد زوايا
المحلات وضمها
ديالا كان بالها مع الي شافته ضمته
بخوف وبدأت تبكي بدر وهو مب
فاهم شي:وش دعوه كل هلبكي
امزح معك يخبله
احمد طلع من المحل ومسح الدمعه
الي نزلت منه بدون م يحس
وهو حاس بكسر
وهو يقول بداخله:كيف كيف قدرتي
تنسيني كيففف