ي َ صدفه ما جت ع بال الأيام كن العمر قبلك حظوظه قليله

Part:4

عبدالعزيز ضحك:ي بنت انتي بوعيك
ريم استوعبت:اسفه
عبدالعزيز:لا عادي بتجي دكتوره تجلس
معاك شوي وتسولف خليك طبيعيه
وقوليلها عن احاسيسك وكل شي صار معاك
ريم ناظرته:ليه اقولها
عبدالعزيز:م مليتي من الحياه الي عايشتها
انتي من يوم كنتي صغيره وانتي تحت
تعذيب اخوك كافي ي ريم انا بنقذك
من كل الي قاعده تعيشينه وعد بنسيك
كل ماضيك
ريم بسخريه:كيف تنسيني شوف شكلي
شوف جروحي شوف راسي الي مافيه
شعر؟ لا تدخل نفسك بمشاكل
منت قدها علي مريض ممكن يأذيك ويأذيني اكثر
عبدالعزيز:تمام برجعك له
ريم بتردد:يعني م بتحاول تقنعني اكثر؟
عبدالعزيز مسك ضحكته ع برائتها
تأمل ملامحها الذبلانه لكن كان
يشوفها جميله:الا بقنعك بس اول تاكلين
ريم:مالي نفس دايخه
عبدالعزيز:لا لا مو كيفك ي لله الحين
اجيب الاكل وتاكلين قدامي
ريم ناظرته وسكتت كانت جوعانه
بس مستحيه تقوله اساساً
عبدالعزيز طلع وهو ينادي احد
السسترات
ويسألها عن الاكل
-
فيصل فتح الشنطه وهو مذهول
من المبلغ م عمره شاف هالمبلغ
ام فيصل:وش ذي الشنطه
فيصل:يما ابقولك السالفه
جلس وهو يحكيلها
-
يوم جديد ع ابطالي
ببيت نوره كانو قاعدين ياكلون
نوره وابراهيم وتنوير(سعود)
ابراهيم خلص اكل
جوري صحت من النوم ونزلت ع الدرج
شافت اابراهيم وتراجعت بخوف
مشت بشويش وجلست
ع الكرسي الي بجانب امها
ابراهيم ضرب الطاوله:انا م قلت
مابي هالبنت تجلس ع مكان انا جالس فيه
نوره شالتها بخوف:حرام عليك
تجرح مشاعرها خليها تجلس ليه تعقد الامور؟
ابراهيم بغضب:قلتت لك
هذي خربت فرحتي كنت انتظر
ولد وجتني هذي م تجلس معي
ولا اشوف وجهها احسن فاهمه؟
نوره وهي تعبت من النقاش:طيب تمام
ابراهيم قام بغضب وتوجه لغرفته عشان يلبس ويطلع
نوره تنهدت التفتت ع بنتها ولقتها تبكي
سعود تقطع قلبه لكن م يقدر يقولها شي
نوره وهي ماسكه بكيتها :بسم لله عليك يروح ماما انتي لا تبكين لا تبكين
جوري:وش سويت ي ماما ليه بابا م يحبني
نوره نزلت دمعتها:الا يحبك بس قلت لك تعبان
ي لله حبيبتي خلينا نفطر
جوري مسحت دموعها:طيب ماما ابي كريب ونوتيلا
نوره ابتسمت ع برائه بنتها وتغييرها للموضوع بسرعه:ممنوع اول فطور صحي
تنوير:اذا ياكل اكل كويس راح
نروح جمعيه ونجيب حلويات
جوري ابتسمت بفرح:صدقق
تنوير:ايوه ايوه
ي لله Eat eggs and drink juice
جوري:ماما وش يقول
نوره ابتسمت:يقول اكلي البيض
واشربي عصير عشان نروح
جوري:تمام حطيلي ماما
سعود وقف واخذ الصحن وحطلها بحنيه
بيض وجبن والعصير قدامها
جوري:شكراً ي هندي
نوره:عيب يماما قولي شكراً بس
جوري:شكراً بس
نوره ضربت راسها وضحكت
تنوير هز راسه
-
ام فيصل :لا ي وليدي حرام عليك تسوي فيها كذا
فيصل:ي يما م سويت فيها شي بس اشتكيت عليها هي تعدت ع القاضي بالكلام وتعصب منها
وبعدين ذي ثروتها م تخلص لا تخافين عليها
ام فيصل بتردد:والله مدري ي وليدي
فيصل:بس ي يما ابوي اخذ ذهبك وم خلا معنا ولا شي من بكرا بدور لنا شقه اكبر
وم ناخذ ولا شي من هنا بعيشك ملكه ي يما
وبوديك احسن المستشفيات بس اول بستثمر الفلوس
ام فيصل ابتسمت بحنيه :الله يرزقك بنت الحلال الي تسر خاطرك ي يما
فيصل ضحك:بتزوج والله وبجيب ١٠ بزور ورا بعض اصبري علي شوي
ام فيصل ضحكت:زوجتك مو ارنب ترا م يتحملون مثل جيلنا حدكم ٤
فيصل ضحك:ان شاءلله
-
وصلت لباب المدرسه وراح السايق
وقفت بأنتظار احمد الي دقايق ووصل
ديالا دخلت السياره
وقبلت خده:صباح الخير ي كل الخير لحياتي
احمد ابتسم:صباح النور يحياتي
ديالا :ي لله وين بتاخذني
احمد:مكان من زمان م رحتي له
ديالا:قولي وينن
احمد:مافي لا تحاولين عشان م اعصب
ديالا:احمدوشش تكفى
احمد خزها وهو يمثل العصبيه
ديالا بخوف :خلاص خلاص عيونك لا يطلعون انتبه
احمد ضحك
بعد اقل من ١٥دقيقه وصلو المكان
ديالا كانت تلعب بتلفونها
احمد :وصلنا يقلبي
ديالا التفتت للمكان ثواني وبان ع وجهها ملامح الصدمه
هجمت عليه وحضنته بحب:الللهههه احمدددد احببككك
احمد ابتسم:اعشقك يروح وعيون احمد
ديالا نزلت بحماس:مدينهه الملاهييي من متى بخاطري اروح بس محد راد علي ي لله تعال ي لله
احمد ابتسم:ي لله
نزلو وهو ماسكين ايد بعض
-
طلع ابراهيم ع شغله وكالعاده الخدم ارتاحو
ومنهم نوره الي حست بحمل انزاح عن صدرها
سعود دخل بشخصيه تنوير طبعاً:ماما ي لله بابا راح
نوره بعدم فهم:طيب وش يعني؟
سعود:عشان نروح سوبر ماركت
نوره :لا لا م عمري طلعت بدون اذنه مالي خلق مشاكل ولو كلمته م بيرضى
سعود:ماما بيبي جوجو مره طفشان صح
جوري بفرح:اي ماما ي لله تكفين والله طفشانههه
نوره وهي متردده:مدري
سعود:ي لله ماما راح يشغل سياره سرعه سرعه
طلع متجاهل كلامها
نوره طالعت ع بنتها الي فرحانه وتسولف وش بتشتري
وصعدت لغرفتها وغيرت ملابسها ولبست جينز اسود ع بلوزه كحليه اكتفت بتدخيلها داخل الجينز ربطت شعرها لفوق(تسريحه البنات المعروفه)
نزلت بعد م لبست بنتها تنوره قصيره سوده وبلوزه عليها احد اميرات ديزني الي جوري تحبها حيل(الاميره بيلا)
سعود كان يلعب بجواله
ودخلو السياره
وطبعاً جلسو ورا
جوري: ماما ابي اجلس قدام
نوره:لا يماما خليك جنبي
سعود:خليه ماما no problem
جوري نطت وجلست قدام:شرايك بملابسي انا احب الاميره بيلا
سعود ابتسم:wow Nice
جوري:ماما وش يقول
نوره:ماما يقولك انك جميله
جوري ابتسمت
سعود عدل المرايا وناظر نوره تأمل عيونها لثواني
نوره بأستغراب:ي الله امشي
سعود استوعب ومشى
-
بدر صحى من النوم بتعب ونزل من غرفه
عشان يفطر مع اهله
قبل راس امه:وين ابوي
ام بدر:راح ع الشركه من زمان مدري وش صاير من مشكله
بدر:اقول يما شسم زوجتي نسيت اسمها
ام بدر ضحكت:زوجتك مره وحده؟
بدر:ايوه مو بتزوجها
ام بدر:هم صح ان شاءلله تتزوجها اسمها ديالا
بدر :امم اي حلو اسمها
ايامم يوم امها حامل ويوم ولدتها اذكر
خليتيني بالبيت مع ابوي وانا ابكي ابي اروح
وتقوليلي انت كبير
ام بدر ضحكت:اي كافي عمرك كان ١٢ رجال
بدر ضحك:م حسيت اني كبير الا يوم حسبت السنين الي بيننا
انا وزوجتي
ام بدر ضحكت للحين تقول زوجتي قول الله يكتبها لي
بدر خلص اكل:الله يكتبها لي ويحفظها زوجتي
ام بدر ضربت راسها
بدر ضحك قبل راسها
ي لله يما ابروح المستشفى دوامي بيبدأ
ام بدر:الله يوفقك ي روح امك
(بدو طبعاً دكتور بأحد مستشفيات المملكه)
-
ليلى اتصل عليها محاسب الشركه
ليلى:هلا
المحاسب:استاذه ليلى تم سحب مبالغ هائله في الفتره الاخيره
وانتي من يوم توفى ابوك المرحوم م جيتي للشركه وتاركه كل الاشغال والعاملين فيها يجون يلعبون ويمشون
ليلى:الا في مدير
المحاسب:وين المدير من قالك انه يداوم اساساً
ليلى بغضب:يعني وش تقصد
المحاسب:يعني الشركات الي والدك كان يحاول لسنين التعامل معاهم ونجح بهالشي الحين يطالبون بحقهم والفلوس الي باقيه م تكفي
ليلى بعدم فهم:كيف م تكفي ثروه ابوي الكل يتمناها
المحاسب:قبل سنتين مو الحين اهمالك للاموال وصرفهم بشكل هستيري وصلك لذا الحال وجا اخر الشهر والعمايل يطالبون بحقهم
ليلى :وش تقول انت يعني كيف
المحاسب:احسن م يرفعون عليك قضيه انصحك ببيع البيت والي فيه والشركه حالاً وارجاع المساهمين اموالهم واعطاء كل شخص حقه ومنهم انا
ليلى :كيفف وين اروح وين اعيشش
المحاسب:مفروض مفكره بكل هالاشياء قبل تصرفينهم
ليلى :انت كيف تكلمني كذا
المحاسب ضحك بسخريه:الاموال الي كانت عازتك انسه ليلى
ليلى قفلت الخط ببكى:لا يرب وين اروح وين اعيش م عندي احد
-
عند ديالا واحمد
طلعو من الملاهي
ديالا بفرح:مستحيل انسى هاليومم ابداً
التفف لأحمد وقبلت خده احبك
احمد بحب:لا تخليني اتهور
ديالا استحت
احمد:كلمت امي انا اول م تتخرجين باخذك ووقتها ببوسك براحتي
ديالا سكتت بحيى
احمد كمل سواقه متجه للمدرسه عشان ياخذ اخته
-
طلعو من الجمعيه وسعود كان شايل جوري
لأنها تعبت
دخلو السياره
جوري:انت احلى سايق بالعالم
سعود التفت عليها وابتسم
قامت من مكانها وقبلت خده
نوره ابتسمت ع بساطه بنتها وبرائتها
سعود:اسمعي كلام ماما عشان ياخذ انتي دايماً
جوري:خلاص تمام اتفقنا
سعود: Give me five🙏🏻
(اضربي كفي فهمتو صح😭😭)
جوري ضربت كفه
مشى متوجه للبيت وهو مشغل لها
اغاني اطفال ويغني معاها
متجاهل نظرات نوره الي قليل تشوف
بنتها سعيده لهلدرجه
-
عند ليلى
مسحت دمعتها:استاهل الي يصير
فيني ضيعت الفلوس ع تفاهه لازم اتحمل
افعالي لو اعيش بالشارع ولا اروح السجن
قامت وعدلت شكلها وهي
تصور سناب:السلام عليكم قررت اعرض البيت
والشركه للبيع لأسباب خاصه الي
جاد يكلمني ع هالرقم
نزلتها م فيها دقايق ورن
جوالها التفتت بفرح:هلا اخويي
شخصاً ما:اختي عارضه البيت للبيع؟
ليلى:ايوه
شخصاً ما:انا بشتريه
ليلى ابتسمت "نفعتني شهرتي":تمام بدز اللوكيشن
وتعال نتفق ع السعر
بعد نص ساعه تقريباً عند فيصل كان
يفكر كيف يستثمر فلوسه
التفت ع الجوال وهو يقلب بالتيك توك
وقف عند احد الفيديوهات بأستغرب
وهو يشوف الكلام الي طالع وان
المستشثمرين غاضبين ويبون حقهم
بحث عن اكاونتها بالسناب عشان يتأكد طلع الكلام صدق
اخذ الرقم بتفكير ودق
ولحسن حظه قررت ترد ليلى بعد اتصالات كثير وناس تستعبط وتسألها وتقفل
فيصل:السلام عليك
ليلى حست انها تعرف الصوت
لكن م اهتمت:اذا بتسأل عن اشياء مالك دخل
فيها خليني اقفل
فيصل:لا لا بس كنت بسأل عارضه
الشركه للبيع
ليلى(م تعرف انه نفسه فيصل):ايوه جاد بكلامك؟
فيصل:ايوه
ليلى:طيب مليون سعر الشركه
فيصل :لا صعبه 700 اخر شي
ليلى :انت تدري شركه مين ذي
فيصل:ايوه الشركه الي افلست م بشتري
اسمكم ولا سمعتكم ابشتري الشركه والي فيها
ليلى سكتت
فيصل:كيفك ي اختي اذا تبين اخر شي 700
ليلى:تمام متى تجي عشان تعطيني ونخلص
فيصل: المغرب كذا
قفل منها
راح لأمه وقال لها السالفه
ام فيصل:ي امي البنت افلست بسبب مين
فيصل بغضب:يما خلاص افلست بسبب
اهمالها وش دخلنا
ام فيصل:طيب الحين كم عندك
فيصل:500 الف
ام فيصل يعني تحتاج كم
فيصل:200الف
ام فيصل:صعبه شوي ي وليدي
فيصل:لا سهله م عليك بكلم صاحب
العماره عمي تركي وافهمه هالقصه
واحاول اتسلف منه م بيقصر كل هالسنين
مراعينا بحق الشقه وم شاءلله شققه واجد وان شاءلله م يردني
ام فيصل تنهدت:ان شاءلله يوليدي
فيصل اتصال ع صاحب العماره
العم تركي:ي هلا بوليدي وين هالغيبه
من زمان م رنيت
فيصل:ضروف ي عم ابيك بموضوع
العم تركي:خير عسى م شر
فيصل:خير خير بس لازم وجه لوجه
العم تركي:ابشر انا قريب من العماره
شويات واكون عندكم
فيصل:طيب حياك الله
-
وصلو البيت
نوره نزلت واخذت جوري
مشت متوجهه لمدخل البيت
سعود نزل من السياره وهو مبتسم
ع ابتسامه جوري
التفتت نوره له وابتسمت له بمعنى الشكر
سعود رد الابتسامه
راح للصندوق وبدأ ينزل الاغراض
وهو يتعوذ من الشيطان
ويتكلم مع نفسه :بس ي رجال
الحرمه متزوجه وش هالاحاسيس
اهم شي الحين صحه ابوك اشتغل ع هالنمط
-
وصل العم تركي للشقه ودخل
فيصل جلس جنبه وفتح الشنطه
العم تركي بذهول:من وين لك ي ولدي
فيصل ابتسم سالفه طويله
العم :وانا فاضي اسمعها
فيصل قاله السالفه كلها
العم تركي ابتسم:ربي ناظرلك اخيراً
فيصل:الحمدلله المهم ي عم محتاج
منك سلف 300 الف ميتين الف عشان اكمل المبلغ و ١٠٠عشان نواقص الشركه
وصدقني ي عم بردهم لك
العم تركي بابتسامه:ي ولدي انا
ربي م كتبلي اتزوج واهلي متوفيين
ومن يوم ابوك اختفى اعتبرك ولدي
ولا مت اساساً حلالي كله بيروحلك انا اشتغل من الملل ولا احب البساطه ي ولدي ابشر بالي يرضيك 500 الف تكون عندك كنت اقدر اعطيك قبل
اولاً م كنت ابي احسسك بالعجز ثانياً كنت ابيك تعتمد ع نفسك اكثر
فيصل قبل راسه:عرفت انك م بتردني
العم تركي ابتسم له
-
ليلى تكلم نفسها:شركه ابوي الي
تسوى ملايين ابيعها بهالمبلغ نكون
صريحين ي ليلى الشركه افلست واغلى
شي فيها صار حديدها
هالمبلغ م يتطوف ابد
دخل شاري البيت بعد م فتحت له الخدامه
تلفت له بأنعجاب:البيت دخل مخي كم سعره شي
ليلى:مليونين و500
الرجال:وانا حاضر باخذه بثلاث ملايين
لكن اباخذه بلي فيه يعني انتي تطلعين
كذا وكل شي داخله بيكون لي ابسويه
متحف ع هيئه بيت ابوك كان انسان
طيب والكل يحبه والكل بيتحمس يدخل بيته
ليلى مسكت دمعتها:طيب بس شويه اغراض
الرجال:اذا ع كلامي الحين احولك المبلغ م تاخذين غرض واحد اكنسل كل الاتفاقيه
ليلى تنهدت:بجهز اوراق الملكيه بكرا
الصباح تعال سلمني المبلغ واسلمك البيت
طلع
ليلى جلست ع الارض وبكت
بأنهيار:استاهل كل شي جاني
قامت وهي تمسح دموعها
وتحط اللوم بفيصل تكلمت
بحقد:والله لخليك تندم
-
عند ريم الي طول يومها كانت نايمه
دخلت الدكتوره النفسيه
عبدالعزيز قام وهو يرحب فيها
عبدالعزيز توجه لريم وهو يصحيها
ريم صحت مفزوعه وهي تتلفت:مين انا وينن
عبدالعزيز بخوف عليها:بس هدي انتي عندي
ريم ناظرته وحست انها بأكثر مكان
ممكن تكون بخير فيه
الدكتوره:ي لله استاذ عبدالعزيز اطلع وخليني اتكلم معاها ع انفراد
ريم مسكت يده
عبدالعزيز ابتسم:بس خليك
صريحها معاها انا عند الباب
اذا خفتي ناديني اتفقنا
ريم هزت راسها ببكى
طلع وجلس ع الكرسي
بأنتظار الدكتوره تخلص
الدكتوره:كيف حالك ريم
ريم سكتت لثواني:امم بخير
الدكتوره ابتسمت كويس:متى اخر مره
طلعتي من البيت
ريم:هذي اول مره بعد م اهلي توفو
الدكتوره:متى توفو اهلك
ريم :م ادري بس توفو من سنين بعيده
الدكتوره:طيب لأي صف وصلتي بالمدرسه
ريم:سادس ابتدائي
الدكتوره:حلو يعني درستي
ريم:بعد م توفو اهلي وقفت
الدكتوره:طيب بوريك كم صوره
وابيك تقوليلي وش تشوفين
ريم هزت راسها
الدكتوره بدأت تطلع صور:وش تشوفين
ريم نزلت دمعتها:اشوف بنت
وحيده تبكي بليل بسبب اللام جسدها وشوقها لأهلها
الدكتوره طيب وذي الصوره
ريم:اشوف بنت تنضرب من قبل اخوها المتعاطي
الدكتوره عقدت حواجبها وهي مصدومه طيب وذي
ريم رجفت ببكي :عبدالعزيززز مابييي
مابيييي شيليهاا
عبدالعزيز دخل ع صراخها وهو يحاول يهديها
ريم:علي جاي جاي جاي راح ياخذني
راح يضربني راح يحاول يعتدي علي تعبت
ابي اميي ابي ابويي بعدهم عني بعدهم
عبدالعزيز لمها لصدره:اشششش بس خلاص
الدكتوره انا انتظرك برا
عبدالعزيز هز راسه:ي لله نامي شوي
ريم انسدحت وهي ترجف
عبدالعزيز طلع :ها يدكتوره
الدكتوره:البنت متعذبه كثير بحياتها
قبل تقول اول مره تطلع اساساً واهلها
متوفيين مدري من سنتين كذا م حددت
عبدالعزيز غمض لثواني وهو يتذكر
هذاك اليوم لا من تسع سنوات
الدكتوره:انت وش تصير للمريضه
عبدالعزيز سكت
الدكتوره:م علينا اتمنى محد يضغط
عليها انا بعطي افادتي للشرطه
عبدالعزيز هز راسه ودخل لقاها نايمه
عبدالعزيز نزلت دمعته ع حالها:كله بسببك ي يما كله بسببك
-
العم تركي مشى
ووعد فيصل الفلوس بتوصله قبل المغرب
بشوي مع السايق
فيصل ابتسم وهو متحمس للي بيصير
دخل البيت ونضفه لأن م قدر ينضفه
بسبب المحاكم واللويات
بدأ يغني وهو مستانس ع حياه الرفاهيه
الي بيعيشها بدايه من بكرا لازم يكون
قد المسؤليه صج ويشتغل ع الشركه لين ينجح
-
احمد دخل البيت هو ولينا اخته
وبعد م وصل ديالا لبيتها
احمد بصوت مرتفع:يما جينا صبي الغدا
ميتت جوعع
ام احمد جت:تعال ليه م ترد ع جوالك
احمد عقد حواجبه:م انتبهت انه
رن ليه وش فيه
ام احمد زوج اختي بغرفه
الضيوف (ابو ديالا) شكله جاي يفاتحك
بالموضوع ي وليدي خليك مستعدد
احمد ابتسم بفرح ومو م يدري وش
الي بيسمعه بعد دقايق بضبط