بدر:افتحيه
ديالا:واذا م فتحته
بدر:قلت لك افتحيه؟
ديالا بعناد وكره ازداد:ماني بفاتحه
بدر ضحك بأستخزاء:انتي لك عين تسولفين بعد
ديالا عقدت حواجبها بغضب:ليه لا يكون مسويه
شي وصخ
بدر:شخليتي للوصاخه
ديالا كانت بتصفقه كف
بدر مسك يدها وضغط عليها حيل
ديالا تألمت:ايدي بعد
بدر اخذ منها الجوال:من اليوم ورايح جوال مافيي
وطلعه من البيت مافي لين اشوفك تأدبتي
ديالا بصراخ:مو بكيفك
بدر ضحك:ترا مو قويه اذا عليتي صوتك
بكيف مين ابوك الي كان ناوي يذبحك
احمدي ربك اني اخاف ع زعل ابوي وعمي
ولا كان طلقتك من زمان بتنزلين الحين
وتاكلين معانا ولا كأن صاير شي واتمنى
اهلي يحسون بشي عشان ادفنك بمكانك
ديالا سكتت ومشت معاه
-
نقلو عبدالعزيز لغرفته الخاصه
ام عبدالعزيز كانت تصلي المغرب
وعهود نايمه ع الكنبه
وريم جالسه عند راس عبدالعزيز
وتبكي بصمت
م كانت تتمنى تشوفه بهالحاله
هي بعدت عنه عشان
م يتاذى عهود صحت
من الغفوه :ها م صحى للحين
ريم التفتت لها وهزت راسها بمعنى لا
عهود فتحت جوالها وهي مصدومه:ريمممم
ريم :وش
عهود :صرتي مشهورهه
ريم بعدم فهم:م فهمت
عهود لفت لجوال لأمها الي خلصت
صلاه وقامت
وحق ريم كان في شخص مصورها
وهي جالسه تنقذ عبدالعزيز
ريم وهي تستوعب الاحداث وتربطهم
مع بعض قفلت فمها:الي انقذته امس
عبدالعزيز!!! كيف م عرفته كيفففف
ام عبدالعزيز وهي مو قادره تحط عينها بعين
ريم اصلاً:مدري كيف اشكرك والله ي بنتي معروفك
مستحيل انساه واتمنى تسامحيني
ريم ضمتها بحب:انتي بمثابه امي
يخالتي صدق امي م عاشت معي كثير لكن الحين
انا اشوفك فيها
ام عبدالعزيز بكت وضمتها اكثر
ريم بعدت عنها وبأبتسامه:اقدر اناديك يما يعني
ام عبدالعزيز هزت راسها بمعنى اي
ريم :انا انحرمت من حنان امي امي كانت ملاك
كانت طيبه جداً
وتسامح الكل وحنونه وانا الحين اشبهها بكل شي ي يما
عهود ابتسمت بسخريه:هي هي ترا اغار
هذي امي بعد
ريم ابتسمت
عبدالعزيز صحى بألم وناظرهم
ريم التفتت له وشافته مفتح عينه تقدمت
له وبدأت تقبل ايده
وهي مو مصدقه انه صحى:الحمدلله انك
بخير الحمدلله
عهود ركضت ونادت الدكتور وام عبدالعزيز
مسكت يده من الجهه الثانيه وهي
مبتسمه وتشكر ربها
ام عبدالعزيز:بروح حق اللحام
واوزع 100 كيلو لحم
للفقراء ع سلامتك
تركوهم بروحهم
عبدالعزيز تمسك بيدها اكثر:اوعديني م تتركيني
مره ثانيه
ريم سكتت
عبدالعزيز بصوت مبحوح وتعبان:وش جابرك تتركيني
بوش زعلتك
ريم نزلت دمعتها:والله م زعلتني بشي والله
ان السعاده م شفتها غير معك من بعد موت
اهلي بس مقدر مقدر اخاف والله اخاف
عبدالعزيز:من وش
ريم:من علي اخاف يأذيك م اتحمل
اشوفك تنأذي
خليني اخسرك ي عبدالعزيز
ولا اشوفك تتألم
انت م تدري وش جرالي انت
م تدري عن شي
بس خوفتني عليك انت كنت
راح تموت
بعدت عنه وهي تبكي:مقدر انا اسفه مقدر
عبدالعزيز:المهم جربي تبعدين
عني والله لأذي نفسي
بكيفك ي ريم وترى زعلان منك لا تكلميني
ريم سكتت وتقدمت له مسكت يده
وبصوت مخنوق من كثر البكي:انا اسفه
عبدالعزيز سكت
ريم:تبيني اوعدك م ابعد صح
عبدالعزير م تكلم
ريم:طيب م ببعد عنك
مره ثانيه
عبدالعزيز ابتسم:طيب للحين م رديتي علي
تحبيني ولا لا
ريم سكتت
عبدالعزيز تألم
دخل الدكتور ومعاه سسترات:بعد اذنكم اطلعو برا
ريم انا م بروح
الدكتور:لو سمحتي ي بنتي لازم تطلعين
ريم ناظرت عبدالعزيز
و طلعت وخلتهم
-
خلص الدوام
وليلى صعدت مع فيصل الي كان
يناظرها بأعجاب
وبداخله(احس اني زودتها مره
وهي تعلمت
من غلطها اكيد بعد م خسرت كل شي)
ليلى التفتت له وهي تمثل البراءه ابتسمت
فيصل بعد عيونه وابتسم:ي لله النظره
الي م اتحملها
ليلى بخبث داخلها"عمى هلعيون بس
خطتي بدأت تنجح م بقى شي
ي فيصل وارجعك للزباله الي كنت
فيها استانس الحين بحياه الترفيه"
-
نوره بدأت حالتها وكانت ناطره
المحامي الي كلمته يوصل
وكان تنوير يلعب مع جوري
جوري كانت تضحك ومستانسه
نوره ابتسمت وبقلبها"بنتي م عمري
شفتها تضحك هالضحكه
جوري: عمي متى نروح حق جدي
نوره استغربت وناظرت تنوير الي
بانت عليه ملامح التوتر
دخل المحامي
وتنوير اخذ جوري وطلع
المحامي بدأ يتكلم لها عن القضيه :زوجك اقوى حكم
بياخذه 6 سنين سجن وهو اساساً
رافع عليك قضيه طلاق وموقع بس باقي توقيعك
وهو الحين يبي يطلقك ف تربيه
بنتك بتصعب عليك
تقدرين ترفعين عليه قضيه عشان حضانه
البنت بينجبر يدفع لها فلوس شهرياً
نوره تنهدت:مابيه يدفع ولا هلله لبنتي
بس خليه يكفينا شره مابي شي منه
المحامي:مع احترامي لحضرتك بس انتي
مو دارسه كيف بتعيشي بنتك
نوره تنهدت:الله يدبرها بس ابيه يختفي من حياتي
المحامي:طيب بعطيك اوراق وقعي عليهم
حابه تفكرين شوي؟
نوره وهي مصره ع قرارها:لا بوقع الحين
وقعت ع الاوراق اللازمه
المحامي:من الحين تعتبرين مطلقه قانونياً
قام:خطاك السوء
مشى نوره جلست ع الارض وهي تسجد بدأت
تضحك وتبكي
بنفس الوقت م عرفت توصف شعورها
حست نفسها طير عاش سنينه كلها بقفص
مافيه نور وفجأه صحى ولقى القفص مختفي
-
طلع الدكتور وهو يطمنهم:حالته استقرت
بس اتمنى منكم م تزعجونه بهالفتره لأن
ضغطه مو قاعد ينتظم والسكري نازل
ف اي شي يزعجه ممكن يدهور صحته اكثر
ام فهد حمدت ربها
فهد:مشكور يدكتور نقدر مطلع
الدكتور:اي نعم بس خذو الادويه الي
بوصفها من الصيدليه
وم يشوف شر الوالد
فهد هز راسه وابتسم
-
ديما كانت جالسه مع اهلها ويسولفون
ابتسمت بينها وبين نفسها وهي تتذكر شكل فهد
طبعاً هي تدري انه اخو ديالا بس هو م يدري
انها صديقه اخته
كانت تقلب بصوره الي بالانستا الي اخذته
من المضافين الي عند ديالا
حطت لايك بلغلط توترت وهي تشيله
فهد وصله الاشعار وم يدري ليه تليقف
ودخل حسابها
م كان فيه شي مميز الحساب اضافاته
قليله وصوره
الحساب صوره مو لها
تجاهل حسابها وكمل سواقته متوجه للبيت
وهو وده يقول حق امه بس متردد
-
بنص الاكل ابو بدر حب
يلطف الاجواء:ي عرسان ترا احنا شوي وبنطلع
بنروح بيت اخوي كم يوم
بدر ابتسم:م يحتاج تطلعون بعدين
وش نسوي بدونكم
انتو شمعه البيت هنا البيت بدونكم مو حلو
ام فهد ابتسم:الله يرضى عليك يوليدي
لا وعدناهم وجهزو لما غرفتنا اصلاً
بدر ابتسم:الي يريحكم
ديالا كانت تطالع الاكل
وهي تعيد المشهد ببالها
وصلت لكف ابوها وشهقت بخوف
ام بدر قامت وتوجهت لها
مسحت ع راسها:بسم لله عليك ي بنيتي
ديالا ماسكه دموعها:عن اذنكم
طلعت لفوق وخلتهم
ام بدر:وش صاير بينكم ووش صار
العصر ليه هلتعامل ي بدر
بدر:يما انتو م تعرفون شي
ابو بدر بغضب:م نبي نعرف
شي قوم طيب خاطرها
بدر تنهد:حاضر طلع وراها
ام بدر:الله يهديهم
-
الدكتور مافيك الا العافيه مجرد
رضوض بالارأس والكتف والقدم
والحديده الي سببت بنزيف قدرنا نعقم
بطنك ونخيطها حالياً انت م تحس بألم بسبب التخدير لكن لازم م تتحرك واجد
عبدالعزيز:ابشر
الدكتور:بتقعد بالمستشفى هالاسبوع لين
نتأكد ان جرحك تلملم
بعدها تطلع
عبدالعزيز كان بيتكلم
ريم حطت يدها ع فمه(عارفه انه بيقول م يبي يقعد بالمستشفى):تمام دكتور
عبدالعزيز قبل ايدها بدون محد يلاحظ
ريم شالت ايدها بتوتر وناظرته
عبدالعزيز ابتسم
مشى الدكتور
عبدالعزيز:يما انتو روحو البيت ريم موجوده
عهود ابتسمت لريم وطلعو
ريم جلست ع الكرسي بتعب
عبدالعزيز بألم بدأ يزاد بعد م بدأ يروح تأثير المخدر
ريم قامت: م عليه تحمل شوي
عبدالعزيز ابتسم:ادري انك م نمتي روحي نامي
ريم:لا مابي
عبدالعزيز يأشر ع جنبه اليمين:تعالي هنا
ريم ناظرته بتردد:اخاف اعورك
عبدالعزيز ابتسم:انفخ عليك تطيرين وش تعوريني
بعدين انا متعود ترا
ريم بغيره:متعود ع وشو
عبدالعزيز ابتسم:متعود ع الالم
ريم :اي افكر
تقدمت وانسدحت حطت
راسها ع صدره وتغطت
عبدالعزيز مبتسم و قلبه رقع:ليتني من زمان
سويت حادث
ريم:تسكت ولا اقوم
عبدالعزيز ضحك:تهدد النتفه
ريم ابتسمت بالخفى وهي تمثل العصبيه
دقايق واثنينهم نامو
-
صعد للغرفه ولقاها متغطيه
بدر:نظام الزعل ذا انا م ابيه م تقومين
عن الاكل بالطريق هذي
اهلي بدأو يحسون ان في شي بيننا
ديالا كانت تمثل النوم وهي كارهته
بدر:بطلع اتوقع مشو اهلي العاملات
موجودين اذا محتاجه شي برا البيت مافي
جوال مافي فاهمه ادري تسمعيني
بدل ملابسه وطلع وخلاها
ديالا بدأت تبكي وهي كارهه
نفسها صدق:الحياه الورديه الي رسمتها كلها
تدمرت ي رب تموت وارتاح منك ي بدر
بدر كان عند الباب ويسمع كلامها:تنهد وهو متضايق
بسبب كلامها
واسلوبها (ليتني م رضيت فيك وش ورطني
مع وحده تتمعشق من وراي)
طلع وهو متضايق ومو عارف وش يسوي
-
ام احمد كانت منهاره ع ولدها توجهت لبيت
ابو فهد وبدأت تدق الباب بشكل افزعهم
العامله فتحت الباب
ام احمد دخلت ولينا تحاول تهديها
ام احمد ببكى :حسبيي الله ونعم الوكيل عليكم
ي جعلكم م تتهنون بحياتكم مثل م دمرتو مستقبل وليديي
لينا كانت تبكي :يما خلينا نروح
فهد:بسم لله عليك يخاله اجلسي هدي شوي
ام احمد بعدت يده عنها:ابعد يدكك انت ي فهد
يجعلك تذوق دبل الي مر فيه وليدي
يجعلك تنبلى يجعلك م تشوف العافيه
ام فهد عقدت حواجبها وهي متفهمه
وضع اختها بس مو لدرجه
انها تدعي ع ولدها:يخيتي هدي شوي ابنك طلع
الحين ومافيه شي
ليه ذا الكلام وش انبلى فيه
عشان تتكلمين كذا
ام احمد بدأت تصارخ:ابنييي جته عقددهه ابني بسببكم
مد يده عليي ابني صار مريضضض بسببكم
ابننييي تأذى بسبب بنتكم
وينها الحيين عايشه حياتها وتزوجت
الله ياخذكممم اللله يقطع رزقكمم
مثل م حرمتونيي من وليديي
ابو فهد وهو بدأ يتحول
لشخص عديم احساس:اقولل اطلعي بأحترامك
احسن م اطردك من هنا ومن بيتي الي معيشكم فيه
ام احمد بعصبيه ازادات:اكيد كيف م تطردنا
وانت سارق حلال زوجي
الله يرحمه وتتكلم
ابو فهد بغضب:انقلعيي براا مالك شي عندنا
ام فهد:من اليوم ورايح مابيكم بحياتي
حتى لو شفتوني بلغلط لا تسلمون علي
فهد طلعها وهو يهدي فيها
وهي منهاره بكي
ابو فهد جلس ع الكنبه بتعب
ام فهد بدأت تبكي ان اختها الكبيره
قطعت علاقتها فيها وامهم موصيتهم قبل تموت م يتزاعلون
-
بشقه فيصل
ليلى قفلت الباب ع غرفه ام فيصل
وفتحت باب غرفه فيصل الي كانت جنب غرفتها
وشغلت اغنيه وبدأت تتميل وتهز
فيصل صحى ع صوت الاغاني وطلع بأنزعاج
وهو يدور ع مصدر الصوت
ناظرها بأعجاب واندمج مع رقصها
ليلى التفتت له وهي تمثل الصدمه قفلت الاغاني
فيصل بلع ريقه وهو يحاول يتمالك نفسه
أنت تقرأ
ي َ صدفه ما جت ع بال الأيام كن العمر قبلك حظوظه قليله
Fantasiaريم التي عاشت اسوء حياه مع شقيقها بعد ان توفو اهلها بحادث سير شقيقها المتعاطي ينفعل عليها بالضرب كل ليله حتى انهُ ازال شعر راسها بالكامل ينقذها صديق شقيقها عبدالعزيز وتعيش بمنزله وتنعجب به لكن بعد فتره تكتشف ان اهل عبدالعزيز كانو السبب بموت اهلها...
