عبدالعزيز:لا تخافين م بسويلك شي
ريم :مو خايفه
عبدالعزيز ضحك:الا خايفه
ريم بعناد:ي لله ادخل ادهن لي
عبدالعزيز دخل للغرفه:وش رايك بالغرفه
اذا ناقصك شي خبريني
ريم:لا مشكور جابت المرهم ولفت ضهرها
عبدالعزيز توتر بس م بين لها رفع بلوزتها وهو
يطالع الكدمات الي بضهرها تنهد بزعل
عليها وبدأ يمسح المرهم ع ضهرها
ريم خافت من انفاسه بس ثبتت
بمكانها عشان م يفكرها خايفه
عبدالعزيز خلص:خلصت خذي المرهم
واهتمي بنفسك عدل دلكي فروت راسك ب الزيت
قبل تنامي
ريم :طيب
عبدالعزيز:تصبحين ع خير
ريم هزت راسها بأبتسامه خفيفه
طلع من الغرفه وهو قاعد يحس
بتأنيب كل يوم اكثر
مشى متوجه لغرفته الي بجانب
غرفه ريم بتعب
بعد م تأكد انه امن كل البيت وبعد
م ارهق نفسه بهاليومين م ارتاح ابد
-
ديالا رجعت مع اهلها وكان
الصمت سيد الموقف
دخلت البيت بدون م تتكلم
مع احد وصعدت غرفتها قفلت الباب
وهي تبكي وتشاهق:يرب صحيني من
هالحلم وش الي غيره ليه فجأه
قالي م ابيك ي الله لا تختبرني
بأحمد كيف بعيش بدونه يقول
لقى غيري كذابببب كذابب والوعودد
والكلامم وين راح وييننن
انسدحت ع الارض ولمت نفسها
وهي ترجف وتبكي ومو مصدقه
ان حبيب قلبها نفسه الي قالها ذا الكلام
-
عند بدر الي صحى يصلي الفجر
خلص صلاه ودعى انها تكون خير له
بدأ يسويله قهوه ويشغل شموع
موسيقى كلاسيك وكتاب
جلس وفتح الكتاب وبدأ يقرأ بتمعن
اندمج مع كتاب
(ما معنى ان تكون وحيداً)للكاتب فهد العوده
ابتسم بحب :ي لله وش كثر احب هالكاتب
دخلت امه:صباح الخير ي روح امك
بدر ابتسم :صباح النور
امه:يحبك لذي الكتب
بدر:اموت ع القراءه تدرين قريت كتاب
جديد لفهد عوده
يقول "لا اعلم تماماً هل اخطأ ابي حين
سماني "فهد" هل يجب عليه ان يسميني "فقد "
فقد العوده نعم؟فقدت العوده الى من احببت
ام بدر ابتسم:الله واضح انه مبدع
بدر:مبدع وبس الابداع كلمه قليله
بحقه حتى لو مافيني شي يحسسني
اني مشتاق لأحد وانا م عندي م عند جدتي
ام بدر ضحكت:طيب اهم شي صليت؟
بدر ابتسم:اي
ام بدر:تقبل الله
بدر:منا ومنك
ان بدر تثاوبت بنعس:ي لله تصبح ع خير نام نام
بدر:ابشري شوي بس
قفلت الباب وكمل شرب قهوه ويقرأ
-
فيصل ابس دشداشته وامه
قرأت المعوذات عليه
اخذ سياره من صاحب
العماره(عمه تركي)
وكلم صاحبه الصحفي
عشان ينشر الخبر
بطلتي ليلى طلعت من
البيت بدون م تاخذ شي
بس بطاقتها وشهايدها
ركبت سيارتها وناظرت البيت نظره وداعيه
بكت ع ذكرياتها مع ابوها بهالبيت
-
بدأت تلفلف بالمدينه وهي
م تعرف وش بيصير معاها
جلست عند احد الطرق
وفتحت جوالها وانصدمت بالاخبار
الناس كلها انها
احد النشارات الاخباريه
ليلى بنت احد اكبر التجار
في الشرق الاوسط تعلن قبل يومين عن
بيع شركتها بعد تعرضها للأفلاس
وغضب المساهمين وسحب اموالهم
من الشركه والان يظهر
لنا دخول صاحب الشركه الجديد
طلع من السياره بهيبه
وكل الكاميرات بدأت تصور فيه
ابتسم ع نجاح الخطه وبدأت الاسئله
المذيعه1:عرفنا عن نفسك
فيصل:انا فيصل اكتفي بفيصل م يهم
الاسم كامل وان شاءلله اكون قد
الثقه الي بيعطوني اياها المساهمين
مو مثل صاحبه الشركه القديمه
استهترت وخسرت كل شي اثقو فيني
وان شاءلله بكون قد ثقتكم من اليوم
الباب مفتوح لأي شخص حاب
يشتغل وعنده خبره
كل الفيد كان تحت انظار
ليلى :وش قاعدد يقولل ذااا كيف يتجرأ
التفتت وشافت شهايدها:والله
لاخذ كل حقي منك والله
-
جا الصباح ع بطلتي ديالا الي نامت
بدون م تحس
امها دقت الباب ودخلت شافت
بنتها نايمه ع الارض
نزلت لعندها:ديالا بنتي قومي
ديالا فتحت عيونها
وبأمل:يما قوليلي ان احمد م
تركني تكفين قوليلي انه كان كابوس
ام فهد تنهدت وبقلبها"والله م
تركك يبنتي بس ابوك جابره":الا تركك واليوم
في ناس جايين يشوفونك شوفه شرعيه
ديالا ضحك :يما تكفين شهالفيلم
الهندي وش شوفته ومين ذا
ام فهد:ولد صاحب ابوك اتمنى
م تعاندين تعرفين ابوك عنيد
وخلاص قال كلمته
ديالا بصراخ:يمااا لا تجننونييي
م راح اوافق عليههه سوو الي تسوونه
دخل ابو فهد ع صراخها وهو اساساً
كان عند الباب يتسمع من قال بكيفك
الموضوع بتوافقين طرق عن
خشمك النصيب الزين م يجي كل
مره والله ثم والله ان م وافقتي لدفنك بمكانك
ديالا نزلت دمعتها:تكفى يبا انا مابي
ابو فهد :قلت الي عندي وانتي
كيفك الرجال بيجي صوب المغرب
عشان الشوفه ي يويلك تفشليني ي ديالا
طلع ووراه ام فهد
ديالا جلست ع الارض وهي تبكي:ي لله وش ذي
المصايب انا للحين مو مستوعبه ولا شي
-
ريم قعدت من النوم وهي تلفت
للمكان سمعت صوت علي يناديها
شهقت بخوف وبدأت تبكي
قامت من النوم مفزوعه
عليي ابعد عنييي ابعدددد
عبدالعزيز ركض للغرفه بخوف شافها
تصارخ ومافي احد حولها تقدم لها
وحضنها بدأت تبكي وهي
منهاره:لا تخليه ياخذني تكفىى
والله معاد اعصبك بس لا ياخذني له
عبدالعزيز :بس بس مافي
احد انا هنا جنبك محد ياخذك مني
ريم بدأت تشاهق بخوف
-
فيصل دخل للشركه
وهو يتلفت بفرح :والله وتغيرت
حياتك ي فيصل والله وصرت
صاحب شركه ي فيصل مين قدك
طبعاً جهز الشركه بأكملها بباقي
الفلوس الي من عمه
رمن اول ساعه بدأو المستثمرين
القديمين نفسهم رجعو له
-
عند ام احمد كانت خايفه
ع ولدها اتصلت
بأبو فهد
ابو فهد رد بغضب:وش تبون بعد
ام احمد:الولد مختفي من امس
ومدري وينه تكفى ي اخوي
هذا وحيدي م اتحمل اخسره-
ابو فهد:لا تخافين م راح تخسرينه ابنك
بالسجن وعشان م يخرب
ع بنتي فرحتها بعد العرس بطلعه
ام احمد برجفه:وين ولدي وش صاير
ان فهد:ابنك انسجن بعد
م تعدى ع شخص بالضرب
ام احمد:وشش وينن بأي مركز بضبط
ابو فهد:بعد العرس بطلعه بكفاله عشان م يسبب لنا مشاكل
ام احمد انهارت بكى:تكفى ي اخوي طلبتك طلعه والله م يسويلكم شي والله
ابو فهد:ذا كلامي ولا تجربين تكلمين احد يطلعه
لأني متفق مع المركز م يطلع لين ادفع كفالته
قفلت وهي تصارخ وتبكي:يمماا ابننييي وش
ورطكك معاهمم وشش
-
يوم عادي كالعاده لنوره
طلع ابراهيم لشغله
نوره نزلت لتحت وهي تدور ع تنوير(سعود)
بدأت تتلفت بالبيت وهي تنادي
وصلت لبرا وشافته جالس ع الكرسي
وواضح عليه الزعل
نوره تقدمت له:امم تنوير
سعود قام:ها ماما
نوره طلعت الفلوس من شنطتها:خذ هذي لعلاج ابوك
سعود عقد جواجبه:لا ماما انا م يبي غير تعب مال انا
نوره:اعتبره دين خلاص بس خذ
سعود بتردد اخذهم:شكراً
نوره:اي شي تبيه تعال ولا تتردد لحظه وطمني ع ابوك ع طول
سعود ابتسم ع لطافتها
نوره:ي لله من امس م تغديت صح؟
سعود هز راسه
نوره:ي لله بضبط فطور وتعال افطر اوكيه؟
سعود هز راسه بمعنى تمام
-
ريم هدت ونزلت تفطر
عبدالعزيز:م تعرفين اماكن كان يروح عليها علي قبل
ريم :لا م عمره قال لي
عبدالعزيز :طيب ي لله افطري عشان نطلع نغير جو
ريم ابتسمت :صدقق
عبدالعزيز:اي صدق افطري وتروشي وادهني جسمك
عشان نطلع
ريم اكلت بسرعه وقامت:طيب
عبدالعزيز ضحك:بعد م تخلصين ناديني ادهن ضهرك
ريم ابتسمت بخجل :طيب
طلعت لفوق بفرحه كيف م تفرح وهي لها ٩سنين
م شافت العالم عدل
-
ليلى دخلت للشركه وهي تتلفت
لمحت فيصل واقف مع العمال
تقدمت له
فيصل ناظرها:هلا والله بليلى
ليلى بتمثيل:ابشتغل بالشركه
فيصل انصدم :طيب عندك خبره بهالمجال
ليلى:ايوه ابوي علمني قبل يموت
فيصل ضحك:لو علمك م كان اخذتها انا الحين
ع العموم اعطي اوراقكك للسكرتيره الجديده مع باقي اوراق الموضفين واذا بقبلك بيدقون عليك
ليلى ناظرته بكره ونطقت بصوت خافت وقح
فيصل:عفواً؟
ليلى:سلامتك
فيصل:ي لله عن اذنك عندي شغل
-
عند علي الي تلثم وطلع يدور ع اخته بالمستشفيات
وصل لأحد المستشفيات وسأل عنها
السستر:اي كان هنا قبل يومين تقريباً طلعت
علي:طيب وينها
السستر بخوف:وش تبي انت منها
علي دفش السستر وطلع السكين وهو يهددها:وينها قلت
السستر بخوف:اخذها رجال اسمه عبدالعزيز معاه
علي دفش السستر وطلع من المستشفى بغضب
السستر ركضت واتصلت بالشرطه وقالت لهم الي صار
علي صعد بسياره خويه متجهين لبيت عبدالعزيز
فتح درج السياره وطلع مسدسه وحطه فجيبه
-
ريم وعبدالعزيز وقتها كانو طالعين اساساً
ريم لبست سروال فضفاض شوي لونه اسود
ع بلوزه بيضه عليها بعض الرسوم
وعبدالعزيز اكتفى بثوبه
ريم كانت تتلفت لجمال الاشياء الي حولها:كل شي تغير ومو مثل زمان
عبدالعزيز :ليت يرجع كل شي نفس زمان كانت الدنيا بخير
ريم بحزن ع اهلها:ليت اهلي م ماتو م كان وصلت لذي الحاله
عبدالعزيز بتغيير للموضوع افتحي الدرج
ريم وينه
عبدالعزيز قدامك
ريم فتحته وطلعت علبه:وش ذي
عبدالعزيز :افتحيها
ريم فتحت الغلاف :جوالللل
عبدالعزيز ابتسم:ايوه جوال حطيتلك شريحه وجهزتلك كل شي وعليك بالعافيه
ريم ابتسمت:شكراً
عبدالعزيز ابتسم:م بيننا طبعاً اول رقم مسجل عندك رقمي
ريم:م عندي احد اسجل رقمه اساساً
عبدالعزيز:خل يتعدل وضعك شوي افتحلك بزنس صغير
وانتي محبوبه اساساً بسرعه راح تنجحين وتنحبين
بدأت تفرفر بالبرامج وتتعلم عليهم وبما انها انسانه ذكيه
بسرعه فهمت عليهم
-
جا المغرب
وبدر وابوه وصلو البيت بأستقبال ابو فهد
وفهد الي م قدر ع كلمه ابوه
بدأو يسلمون ع بعض
ودخلو للديوانيه الي خارج البيت
عند ديالا الي لبست فستان ازرق طويل نوعاً ما وغطت عيونها المنتفخه بالمكياج حاولت تقاوم البكي وهي م كانت متخيله هاللحضه غير مع احمد الي تفكره الحين يحب غيرها وتخلى عنها
ممكن ذا الشي الوحيد الي خلاها ترضى
بالامر الواقع ان احمد مايبيها
ام فهد دخلت الغرفه ونزلت دمعتها:سامحيني يبنتي والله مب بأيدي
ديالا وهي تحاول تبين لأمها انها تخطت:عادي يما الولد شكله زين وابوي اكيد م يبيلي الا الزين
ام فهد:اضحكي ع الكل وقوليلهم كذا الا امك وللحينك تبين احمد
ديالا مسكت ايد امها:بس يما انا تعبت وابي ابدأ حياه جديده
ومثل م هو تخلى عني بهالسهوله عشان وحده انا بتخلى عنه وبنساه
ام فهد ابتسمت وهي تدري ام احمد م تخلى عنها وكل هذا بسبب ابوها ضمتها بحنيه
نزلت مع امها واستقبلو ام بدر
ام بدر:ماشاءلله تبارك الرحمن يحفظك ربي من عين كل حاسد
ديالا سكتت بخجل
بعد تقريباً نص ساعه
ابو فهد رن ع ام فهد
ام فهد:ي هلا
ابو فهد:ي لله بدر قام خل البنت تتعدل وتطلع له
ام فهد:ان شاءلله قفلت ي لله يبنتي قومي عدلي شكلك شوي
اخذتها فوق
ام بدر للحينها تتأمل ملامحها البريئه الممزوجه ببعض الحده
وصلت لغرفه ديالا ولقت فهد بوجهها
فهد :يما خلينا بروحنا
ام فهد طلعت
فهد مسك كتف ديالا:اسمعي ي بنت اذا م تبينه قولي بلحضه اخفيه عن الكون ومحد يدري عنه ادري انك تحبين احمد
بس ابوي معند راسه مدري وش فيه نسى حنيته وطيبته
ديالا ابتسمت:لا خلاص يخوي انا مرتاحه له وابي ابدأ حياه جديده
فهد استغرب:بهالسهوله تخليتي
ديالا:انا م تخليت هو الي تخلى مشى بلحضه بدون وداع ويقولي لقى غيري الله يوفقه
فهد انصدم وبقلبه"مستحيلل م يسويها احمد"
فهد :طيب ي لله الرجال بغرفه الضيوف تحت
ابوي وابوه برا بس اوصلك بس م يطول عشر دقايق
ديالا قلبها عورها وهي للحين مو مستوعبه:طيب
ضمها لصدره:كيف هالنتفه بتتزوج
ديالا مسكت دموعها:وجع قاعده ع قلبك
فهد:شف هم تغلط ي بنت اعلقك جنب اللمبه
ديالا ضحكت ومشت معه
عند بدر الي يهز رجله بتوتر ويفرك ايده
دخلت ديالا وفهد
ديالا جلست ع الكنبه الي بعيده عنه شوي
بدر تعجب من جمالها واكتفى بالسكوت
فهد:ي لله بخليكم بروحكم شوي
طلع وخلاهم
بدر:كم عمرك
ديالا:17 واخر سنه لي بالثانويه ومقرره اكمل دراستي
واتوضف
بدر ابتسم:اكيد بتكملينها وبتتوضفين
ديالا ناظرته بقهر واضح بعيونها
بدر حس ع نظراتها ان فيها شي:اذا م تبيني عادي قولي
اطلع اقول م عجبتيني
ديالا عقدت حواجبها:وش الي م عجبتك مين انت عشان اعجبك
بدر ضحك:ي بنت لسانك عيب
ديالا:لساني جزء فيني انا اقرر متى المه ومتى اخليه
بدر بتعجب:ايي م تبين تعرفين شي عني
ديالا ناظرته:لا
بدر:طيب انا بدر عمري 29سنه وحيد اهلي
متخرج من كليه الطب لي اربع سنوات
ديالا سكتت
بدر كمل تأمل فيها لعله يقدر يرسمها لا رجع البيت:تدرين م عمرها بنت جذبتني طول هالسنين بس انتي
ديالا:انا وشو
بدر "بس خلك ثقيل":م جذبتيني
ديالا بغضب بان ع ملامحها:الحمدلله الشعور متبادل
بدر ضحك ع اسلوبها
وكان الصمت سيد الموقف لدقائق معدوده
وبدر قام:عن اذنك
ديالا سكتت بدر التفت وناظرها وطلع ولقى فهد بوجهه ومشو متوجهين للديوانيه
-
عند نوره خلصو فطور:ي لله روح مستشفى وادفع علاج حق بابا
سعود هز راسه :شكراً مره ثانيه
نوره ابتسمت
سعود طلع من البيت وهو للحين مصدوم طيبتها الي م عمره شافها ولا توقع انه بيشوفها توجه للمستشفى بفرح وكأن هم وانزاح عن صدره
-
طبعاً ليلى وصل لها مسج انها انقبلت
وبتبدأ بعد يومين دوامها
ابتسمت بأنتصار وبدأت ترسم خطه فبالها
-
عند عبدالعزيز رجعو البيت بعد م فرفرو كل الاماكن وتعشو برا واكلو شعر بنات انفتح الكراج ودخلت السياره
عبدالعزيز:انتي انزلي وانا لاحقك
ريم ابتسمت ونزلت فتحت الباب متوجهه لغرفتها
طبعاً علي كان داخل البيت من الباب الخلفي وخويه ناطر اشارته عشان يشغل السياره
كانت بتصعد ع الدرج م تعدت خطوتها الدرجه الثانيه
سحبها من ياقتها وسكر فمها وهو يحاول يمنع صرخاتها
عضت ايده وصرخت صرخه رجت المكان:عبدالعزيززز
سمع صرختها وترك سيارته وركض متجه للبيت بخوف عليها
والخدم نزلو من غرفهم
علي ضربها بطرف بالمسدس ع راسها مما ادى لفقدانها للوعي
شالها وتوجه لسياره خويهه متجاهل الاضويه البيت
الي بدأت تشتغل
دخل يركض للبيت متوجه لغرفتها وهو يدورها
صرخ بخوف عليها:رييممم
أنت تقرأ
ي َ صدفه ما جت ع بال الأيام كن العمر قبلك حظوظه قليله
Fantasyريم التي عاشت اسوء حياه مع شقيقها بعد ان توفو اهلها بحادث سير شقيقها المتعاطي ينفعل عليها بالضرب كل ليله حتى انهُ ازال شعر راسها بالكامل ينقذها صديق شقيقها عبدالعزيز وتعيش بمنزله وتنعجب به لكن بعد فتره تكتشف ان اهل عبدالعزيز كانو السبب بموت اهلها...
