قمت الصبح على صراخ امي تناديني "عواششش يلا قومي كل حد تحت يترياج" قمت من نومتي و حسيت انه حر امي اكيد بندت المكيف علي رحت اغسل ويهي و بدلت لبست جلابيت بيت و ربطت شعري و نزلت تحت شفتهم كلهم متيمعين يتريقون.
رحت صوب ابويه و بست راسه و قال
"هلا بشيختنا"
و ضحكت عقب بست راس امايا و قالت
"ما بغيتي تقومين"
و يلسن عالكرسي الي عدال عبدالله و كلينا و سولفنا
قالت امي
"عواش ترا اليوم في عزيمه فبيت يدج حمد (ابو ابوي)
و قلت "ماماه ليش ما خبرتيني امس كان جهزت ملابسي"
قالت امي "هيه نسيت عاد خبرت ميري تكوي مخورج انتي و اختج"
قلت "مشكوره يالغاليه"
و قمت على طول و رحت غرفتي فتحت فوني و شفت بنت عمي شيخه مطرشتلي مسج عالانستا كاتبه
'يويلج اذا ما يتي بيت يدوه اليوم"
و كتبت لها 'ما عليج بيي'
و تذكرت اني بشوف ولد عمي الي هو حمد و توترت لاني ما شفته من زمان، دخلت تويتر و غردت
"متى ترجع ليالينا، وسوالفنا وأغانينا ؟"
سكرت فوني و قمت تسبحت و طلعت و سويت شعري ويفي من تحت، شعري يوصل لين نص ضهري.
نزلت عند امي و شفتها تسوي كوكيز حق العزيمه و قررت اساعدها، بعت تقريبا خمس دقايق دخل سلوم المطبخ يغني و راح عند امي و حب راسها و قال
"شو تسون ريحت الاكل حلوه"
رديت عليه "نسوي كوكيز حق العزيمه" قال
"الله ابا اساعدكم"
و امي ردت عله و قالت
"سلوم اطلع لا تحرق علينا المطبخ"
ضحكت عليه و طلع، تميت اسولف ويا امي لين ما دخل ابوي و قال "يلا بنسير بيت ابوي بدري اليوم تجهزو"
قلت "باباه ليششش ما بنلحق نتكشخ"
قال ابويه "راشد (ابو خالد) يبانا هناك عنده موضوع ضروري"
انا حسيت بالخوف لانه عمي راشد مستحيل يقول لابوي نيي بدري عشان موضوع بدون سبب يخوف،
ابوي لاحض علي التوتر و قال
"عواشه ما عليج ما بيستوي شي"
و ضحك ويا امي لاني خفت امي نادت البشكارة عشان تخلص الكوكيز و راحت تتجهز قمت من على طاولت المطبخ و رحت غرقت الكوي اييب مخورتي و شفت حمده تشل مخورها الازرق قلتلها "الازرق وايد حلو عليج حمدو"
ابتسمت لي و قالت "عيونج الحلوه عواش"
دخل عبدالله يدور على كندورته و غترتا و صارخ يقول
"ماريا وين كندورتي"
اكيد ما بتسمعا دامها فالمطبخ و قلت
"اكي جدام عيونك يا حمار"
شل الكندوره و قال "احترمي نفسج يالياهل" و طلع و ضحكت علي حمدوه و قالت "دواج" و شليت شيلتي و المخور لونها وردي و رحت غرفتي ابدل، بدلت و حطيت ايلاينر و مسكره و كنسيلر و بلشر و روج لانه مب حلو علي الميكب وايد، فتحت شعري و تعطرت و نزلت عند امي شفتها تبخر اخواني و شليت عنهم البخور و بخوت شعري لاني توني مسويه شعري و قال هزاع
"بلاج تاخذينه عنه" قلت له "والله بس شوي ريحت شعري ستريتنر" و شلاه عن ايدي.
