قمت الساعه 7 من ازعاج التلفون حد كان يدق علي ما شفت منو و رديت
قلت: نعم حد يدق الساعه 7
حمد: ما كان قصدي اوعيج بس تكلمي وياي عدل لا اصمج كف
انا: حموددد والله ما كنت ادري انه انت و تخسي تعطيني كف
حمد: هيه اتحسب
انا: انزين ليش موعني من الصبح
حمد: قلتلج بوديج عند يدوه
انا: هيه اوكيه بس امي و ابوي راقدين
حمد: كلمتهم امس و قلتلهم بمرج الصبح
انا: خلاص اوكي بس متى
حمد: البسي انا الحين بطلع
انا: حمود ليش ما قلتلي من زمااننن
حمد: انتي البسي بس
انا: خلاص يلا باي
حمد: انزين ماشي صباح الخير حبيبي ماشي انتبه على نفسك
انا: لا ماشي انت احمد ربك انا اقولك باي اصلا
حمد: خلاص اوكي
و سكر فويهي يوم كنت بقوله باي ضحكت و رحت الحمام بدلت و لبس لقنقز و تي شرت و حطيت مسكره و تنت على خدودي و شفايفي دق علي حمد
حمد: انزلي
انا: ما خلصتتت
حمد: ما بترياج اكثر من 5 دقايق ولا بروح عليج
انا: حموددد يلا عاااادد
حمد تم ساكت و حسيت على نفسي و سكتت
حمد: خلاص اوكي بترياج بس خلصي بسرعة
انا: مشكور
سكرت و و لبست جوتيي ابيض و لبست عباتي و شيلتي و تعطرت
نزلت و انا اسكر العباه
ما لبست الشيله عدل بس طلعت قصتي دخلت السياره
حمد: البسي شيلتج عدل
انا: ماشي السلام عليكم
حمد: السلام عليكم
انا: وعليكم السلام
حمد: ليش كاشخه
انا: هاي تسميها كشخه وين الكشخه
حمد: مدريبج
تمينا نسولف فالسياره كان لابس كندوره بيضه ويا شال
انا: حمود
حمد: عيوني
انا: ابا اشبك
حمد: اشبكي محد ميودنج
انا: ليش اسلوبك خايس وياي
حمد بس طالعني و ضحك علي
انا: ليش تضحك يا حمار
حمد: اذا ها اسلوب خايس يعني ما شفتي شي
انا: لا والله اذا اسلوبك اخس عن جيه خلاص انا ما بكلمك نعممم
حمد: اسولف وياج انتي بس حساسه
انا: هيهههه منو الحساسه
حمد ضحك علي
حمد: عواش اشبكي خلاص
انا: هيه غصبن عنك
حمد: شدخل
انا بس شبكت و حطيت اغاني لين ما وصلنا المستشفى طلعت و ما ركزت انا عباتي انفتحت
حمد طالعني و كان شكله معصب
حمد: انتي بتسكرين عباتج ولا طراق
انا: قول سكري عباتج ليش تقول بعطيج طراق انا اصلا ما كنت ادري
و سكرت عباتي و مشيت قبله و هو كان وراي رحنا عند الرسبشن
انا: ( hi excuse me where is aysha al... room)
الي مناك: (she's in room number 25 ma'am )
انا: (thank you)
حمد بس كان وراي و انا رايحه عند الغرفة
حمد: عواش
انا: نعم
حمد: صدق زعلتي
انا: شو تحس
حمد: ترا ما كان قصدي اكلمج بهالاسلوب
انا: انزين
حمد: والله اسف ترا ما يهون علي زعلج عواش والله خلاص اخر مره
انا: خلاص اوكي
حمد: شو اوكي
انا: اوكي يعني اوكي
حمد: يعني رضيتي
انا:هيه
حمد: فديتج والله بسرعه ترضين
وصلنا عرفت يدوه كنت يايبه دلت جاي وياي
دخلنا الغرفه
حمد: هلا بيدوه هلا بالغاليه هلا بدلوعتنا
يدوه: دلوعه فعينك
انا: شحالج يدوههه تولهت عليش وايد
يدوه: توج امس شفتيني كيف تولهتي علي
انا: منو ما يتوله على هالويه
بستها على خدها
يدوه: يبت عواش وياك بروحكم
حمد: هيه سالت عمي قال عادي
يدوه: اها
و ابتسمت و غمزت لحمود
انا: ليش تغمزيله شو وراكم
حمود باحراج: ولا شي
صبيت حق يدوه جاي و قلت حق حمد ييب اكل من تحت
يدوه: عواش شحالج شحال المدرسه وياج متى تخلصين
انا: والله انا بخير و المدرسه الحمدلله مشيه عمري و ليش كل حد يسالني متى بخلص المدرسه
يدوه: عشان اباج تعرسين
انا: ويننن يدوه وايد بدري على الزواج
يدوه: شو بدري ترا في حد يباج
انا بصدمه: نعم يمه منو
يدوه: لا تخافين ترا عادي
انا: شو لا تخافين منو انزين
يدوه: ما يخصج
انا: انزين انا الي بيخطبوني كيف ما يخصني
و ضحكت عليها
يا حمود ويا ريوق و تريقنا ويا يدوه و تمينا نسولف ويا يدوه و نضحك وياها لين ما حد دق على حمد
حمد: يدوه يلا بنروح
يدوه: ليش خلكم وياي
حمد: ابوي بييج عقب ساعه انتي ارتاحي انا لازم اروح
كان مستعيل
انا: خلاص. يدوه بييج باجر انشالله
يدوه: حمود انتبه عليها و لا تسرع فالطريج
بست يدوه على راسها
انا: يدوه انتبهي على عمرج
طلعنا انا و حمد من. الغرفه و وصلنا السياره
انا: منو دق عليك
حمد: واحد من الربع
انا: انزين ليش مستعيل ربيعك ما قام يقدر يصبر
حمد: عواش خلاص شو اسوي انزين
انا: ترا ما شبعت من يدوه
حمد: خلاص باجر بتينها
انا: افففف منك
حمد: تبين تاكلين
انا: لا والله شبعانه
حمد شبك و حط اغاني لين ما وصلت بيتنا و طلعت من الساره و سكرت الباب فتح الدريشه حمد
حمد: كسرتي الباب شو فيج
انا: والله بالغلط
حمد: والله لو حد سوا جيه فسيارتي جان كفختا بس لانه منج انا بسكت
انا: هيه غصبن عنك اصلا ههههههه
ركضت البيت و دق علي و رديت عليه
انا: هاييي
حمد: شو قلتي
انا: شو قلت
حمد: قبل ما تركضين شو قلتي
انا: ما قلت شي بس كان باي
حمد: هيهه اتحرا
انا: انتبه على نفسك حمود
حمد: من عيوني فديتج
انا: فديتهم
من التوتر سكرت قبل ما يرد، امي و ابوي و اخواني كانو فالصاله سلمت عليهم و رحت غرفتي ابدل و تسبحت و صليت و نزلت
طالعنا التلفزيون مليت و تميت على التلفون و شفت حمد حاط ستوري و هو فكوفي كتبت له
"انزين ليش ما وديتني وياك"
"ويا ربيعي شو ما وديتني"
"انزين ترا انا اولا"
"هيه انتي اولا "
"انزين متى بتوديني كوفي"
"بوديج انشالله"
"انشالله"
سكرت التلفون و رحت غرفتي
