ابوي: الحمدلله على السلامه يا حبيبت ابوج
و حبني على راسي
انا: الله يسلمك ابويه
عبدالله: البيت بدونج فاضي والله
انا: هيه الحين حسيتو بقيمتي ههههه
هزاع: لا مب جيه عاد
انا: الله الله هزاع يايبلي وردددد
امي: هزاع اكثر واحد خاف علج كله ياي و يسال عنج
انا: هيههه طلعت تخاف علي
يا صوبي و حبني على راسي
هزاع بصوت واطي: اذا ما خفت عليج منو بيخاف عليج
انا: يا عمرييي
حضنته و ورديت انسدح
هزاع ما يحب يعبر عن مشاعره وايد عادي يبن للشخص انه هو عادي بس يعرف يكتم مشاعره.
تمينا نضحك و نسولف لين ما يا عمي
ابو خالد: هلا والله عواششش الحمدلله على السلامه
انا: اهليننن الله يسلمك عمي
ابو خالد: لبسي شيلتج حبيبتي العيال كلهم يايين
كنا حاجزين عرفه vip ف كانت صوب حق الي ييلسون و صوب حق السرير
دخلو العيال و سلمو علي و سولفو بس حمد كان طول الوقت يطالعني و يطالع سلوم و سلوم بس معصب يطالع حمد
ابو خالد شوي معصب: بلاكم حمود و سلوم متضاربين ولا شو شو فيكمم
حمد: ماشي ابوي مب متضاربين
سالم: عمي هي مستوي شي
ابو خالد: لا شي مستوي انا اعرفكم تعالو برع ابا اكلمكم
قامو و طلعو و انا توترتتتت ليكون سالم بيخبر عمي لانه سالم اذا عصب ما يقدر يمسك عمره
انا: بابا ابا اجوف يدوه وينها
ابوي: باجر الصبح قالت تبا تمرج ما تبا زحمه تبا تكلمج في شي ضروري
انا: اوههه كلمت ضروري تخوفنييي ههههه
ابوي: عادي عادي هههه
ردو العيال و يحمد كان معصببب و عمي معصب و سالم معصب
ابوي: خير شو فيكم
ابو خالد : هب مستوي شي بكلمك عقب
ابوي: انزين
تمينا نسولف و نضحك بس مب عمي و سالم و حمد تمو ساكتين
ابوي: راشد تعال برع
قامو و انا بديت ارجففف خفت خوف مب طبيعي يالله والله اني ميته خوف
تمو يسولفون و امي طالعتني و يت عندي
امي بصوت واطي: عواش عادي انا بكلم ابوج لا تخافين مب زين عليج
انا: مشكوره امي
ردو و ابوي تم يطالعني معصب
ابو خالد: يلا سرينااا
طلعو كلهم بقو اخواني و ابوي و امي
ابوي: عواش انا متاكده انج تعرفين شو كان يكلمني عمج
انا: هاه عن شو
البوي: عواش لا تستهبلين انا ربيتج جيه تسودين ويهي قدام عمج و ولده شو بيقولون اذا عرفو الناس نحنا وثقنا فيكم انكم بس تكلمون بعض قدامنا مب من ورانا انا ما ربيتج على جيه
عبدالله: شو مستوي شو سوت عواش
ابوي: شو ما سوت!!!!!
سالم: بخبرك عقب
انا:....
امي:محمد ترا انا اعرف السالفه كلها
ابوي: ما خبرتيني!!!
امي: خلني اكمل و عواش خبرتني كل شي و على فكرا كلمتها و ما صارت تكلمه و انا اشل فونها بين فتره و فتره و اعرف كل شي تسويه و انا تصرفت
ابوي: ليش قالها حبيبي يوم كانت تكلمه
امي: اكيد قالها لا اراديا
عبدالله: بتقولولي شو مستوي ولا لا
سالم: والله انا شفت اختك تكلم حمود اخوي ربيعي كل شي بالنسبه لي اخر شي يكلم اختي و ترا مره خبرني حمدان و استوت سالفه بس قصو علي انهم ما يكلمون بعض
عبدالله: اهااا
