سرت انا و ابوي المول عشان اشتري اغراض المدرسه خذيت المريول و الدفاتر و الاقلام و الشنطه
رديت البيت و كويت ملابس المدرسه و بخوت عباتي بماانه اول يوم دوام و سوت شعرها ستريت عشانه اول يوم و كنت ابا اتكشخ.
كنت تعبانه من الطلعه هاي انسدحت عالسرير و فتحت تويتر و ما حصلت تغريده ولا مسج يديد من حمد ف قلت خلاص بنم.
امي: عوااش انا كم مره وعيتج خلاص قومي بتتاخرين على ابوج يبا يروح الدوام قلت:خلاص ماماه قمتتت سرت الحمام سويت ال "سكن كير" و طلعت لبست المريول و فتحت شعري. و سويته فير عالسريع و سكرته شوي من ورا بال"hair clip"
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مثل جيه^ و حطيت شوي مسكره و مشطت حواجبي و قلوس شفاف صح هو ممنوع بس اول يوم ابا اتكشخ
لبست عباتي و لبست شنطتي و تعطرت و نزلت تحت شافني هزاع و قال : امااا عواش حاطه مكياج و هي رايحه المدرسه راح يضحك امي قالت: عواش انا كم مره اقولج خلاص بسج قلت:ماما عادي كلهم يحطون انتي ما تجوفين البنات كيف يحطون رموش و عدسات و ايلاينر انا ارحم قالت: ال منج خلاص اتريقي و اطلعي ويا ابوج
رحت يلست اتريقت ويا اخواني و ابوي و امي و سولفنا و طلعت ويا ابوي السياره
اول ما دخلنا تلفون ابوي دق، حط المكالمه سبيكر لانه يبا يحرك السياره و قال ابوي: السلام عليكم رد عليه عمي راشد: وعليكم السلام، ادري. اني داق الصبح ابا اسالك يوم الجمعه بتروح عند امي قال ابوي:هيه اكيد ليش لا قال عمي: خلاص تمام فمان الله
انا تحمست لاني بشوف حمد.
وصلت المدرسه بست راس ابوي قلت: يلا باباه باي قال: استودعتج الله حبيبي
دخلت من صوب الاداره و قالت الي فالرسبشن: عايشه انتي دوم متاخره قلت: هيه شفتي كيف و ضحكت و رحت صوب الصفوف ادور على اسمي و حصلته و دخلت فصخت العبا و فتحت الشيله و يت ربيعتي 'العنود' حضنتها قلت: الشوق لج موت عنوديييي قالت: والله انا اكثررر ما اصدق انها اخر سنه لنا فالمدرسه ضحكت و مسكت ايدها و مشينا فالساحه شفنا ربعنا كلهم و سلمنا عليهم و استوينا شله و كامله نمشي ويا بعض هم "روضه، ساره، فاطمه و العنود و انا و مهره و لطيفه"
