قمت الساعه 8 الصبح تريقت و بدلت و دق علي حمد حمد: انا بييج قريب البسي انا: اوكي يلا
تكشخت صدق هالمره من الملل حطيت مكياج و لبست درس ابيض وكعب و شنطه و عبا فيها وايد فصوص تعطرت و نزلت اتريا حمد فالصاله
دق علي حمد انا: الووووو حمد: يلا انا برع بسرعه
سكرت و طلعت دخلت سيارته حمد: شو رايحه عرس ولا مستشفى انا: ما يخصك حمد: شو ما يخصك تراج طالعه وياي انا: اف خلاص حرك حمد: اتكلمي وياي عدل انا: شو فيك معصب من الصبح و انته مودك خايس ترا محد غاصبنك تتطلع وياي حمد: لا والله مب معصب بس مابا اتاخر عالدوام انا: انزين ليش توديني الحين اذا عندك دوام حمد: لا الدوام الساعه 12 ما عليج انا: انزين شو فيككك لا تعصب حمد: مب معصب والله انا: اف اوكي حمد: انزين انتي ليش زعلتي هههههههه انا: وين ليش ازعل
سمعت تلفونه يرن و لا ارتدين شفت منو و ما كان عليه اسم بس حرف "🤍R" حمد شل الفون بسرعه و طالعني و سكر الفون و طول الطريق و انا افكر و الصراحه احس بظيج مب طبيعي يعني هو ضايف وايد بنات اكيد بيكلم بنات انا ليش كنت اتحراه صدق يحبني و حمد كل شوي يلتفت يطالعني
حمد: عواش انا:....
و بس تم يطالعني مابا اروح مكان ويا ابا ارد البيت
انا: حمد ردني البيت حمد: ليش انا: بس جيه ابا ارد البيت حمد: اممم اوكي
هو يعرف اني جفت منو دق عليه التفت عشان اجوفه و شكله عادي جنه مب هامنه شي يعني هو قص علي يوم قالي انه يحبني
وصلنا بيتنا و على طول طلعت من السياره مابا اجوفه ولا اسمع صوته ولا اكلمه
حمد: عواش
ما عطيته ويه و سكرت الباب و رديت غرفتي و انهرتتتت من الصياح حاولت اني اشغل نفسي و انا امسح الميكاب بس ما قدرت اوقف دموعي اول مرا احس بهالاحساس تعبت وايد بدلت ملابس و حاولت اني انام ما قدرت بس تميت افكر و اصيح.
بعد ساعه هديت شوي و فتحت تويتر و اباه يعرف اني صدق زعلت و كتبت "لـكِنّني لـستُ سيء لِـيُصيبني كُل هذا الـحزن دونَ شفقَه؛"
و رحت عند الركوست و سويت اكسبت حق الشباب الي مسوين ركوست عشان اقهر حمد و بالمره قلت بخلي حسابي ببلك و نزلت من صوره مثل جيه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
