قمت الساعه تقريبا 11 الصبح و رحت تسبحت و بدلت البجامه لبست ملابس البيت و مشطت شعري و عقدته، نزلت تحت عشان اتريق بس كان البيت هدوء شكلهم كلهم نايمين
رحت الصاله و يلست فتحت فوني و حصلت اشعار منه كاتب
'صباح الخير'
'صباح النور حمود'
'اشتقتلج'
ما رديت عليه لاني ما احب هالسوالف الي مالها داعي قمت و سويتلي ريوق و تريقت و دقت علي شواخ تقول
"بمرج عقب ساعه بنروح دبي ويا امي و ابوي و اخواني و اذا حمده تبا تيي خليها تيي"
قلت "ليش توج تخبريني هالكلام ما جهزت عمري"
قالت "بتلحقين يلا بسوي شعري و بدقلج يوم اطلع من البيت"
و بندت الخط، رحت عند حمده و دقيت باب غرفتها ردت علي و دخلت قلت "حمدوه تبين تروحين وياي دبي"
قالت " ويا منو"
قلت " ويا عمي و عياله "
قالت "لا والله عواش تعبانه"
قلت "سلامتج ما تشوفين شر حموده"
قالت "الشر ماييج حبي"
و طلعت من غرفتها و رحت غرفتي سويت شعري و زدت المكياج هالمره.
لبست مخوري و عباتي و شنطتي ال "لاوي فيتون" و نزلت تحت فالصاله شفت ابوي يقرا الجريده و حبيت راسو و
قال "وين رايحه من الصبح"
قلت "دبي ويا شواخ"
قال "هاااا اوكي، تروحين بالسلامه"
تميت يالسه ع فوني لين ما تدق علي شيخه فتحت تويتر و شفت تغريدت حمود تقول "و قلبك ياليته بس يشعر بما أشعر به
- عبدالمجيد عبدالله."
و دقت علي شيخه "نحن برع يلا اطلعي"
لبست كعبيه و طلعت و شفت سيارت فتك مب سيارت عمي دخلت ورا و كانت عدالي شيخه و الي يسوق هو حمد و عدال حمد وديمه
سلمت و قلت حق شيخه بصوت واطي "انتي قلتي بنروح ويا ابوج مب اخوج"
قالت "انزين ما قدرو و حمود قال هو بيوصلنا انا ما يخصنيي" و ضحكت
تمو يحطون اغاني لين ما
قال حمد: عطيني فوني انا بحط اغنيه
و حط وشلون ما اغليك- خالد عبدالرحمن و تم يطالعني من منضره الي جدام لين ما وصلنا.
طلعنا من السياره ووصلنا طلع حمد و كان يمشي عدالي و شوخ صوبي الثاني شفت محل "كارتير" و دخل جفت سوارت تفني و عيبتني بس ما خذيتها طلعنا و ما حصلت حمد عدالي، خذينا كوفي و يا عدالي حمد و عطاني جيس كارتير بس تميت اطالعه
و قلت: ها شو
و قال : شو ها شو انتي شوو تجوفين جدامج
قلت: ما اقدر اخذها منك حمد
قال: انزين انا ما سالتج بتاخذينها غصب
قلت: هب عكيفك ما باخذها منك
قال : والله تاخذينها انا ما اشتريتها عالفاضي
حسيت بلوم بس خذيتها لانه حلف و
قلت: مشكور حمود ما تقصر
قال: ما بينا
و نسيت عدال شواخ و تمينا نسولف لين ما طلعنا دخلنا السياره و ردينه ابوظبي، وصلنا بيتي و طالعت حمد
قلت: مشكور
قال:العفو
و نزلت من السياره و ما تحرك لين ما دخلت البيت رحت غوفتي بما انه كلحد كان راقد فخر العبا و مسحت الميكب و تربعت و طلعت فتحت فوني و حصلته كاتبلي على توتر "ترا الاغنيه الي حطيتها كانت لج"
ابتسمت بس ما رديت عليه و كتب مره ثانيه "انزين ردي عطيني ويه شوي" و كتبت له "ما اعرف شو اقولك" قال "انزين خلاص لا تقولين شي ارقد" قلت "مابا ارقد" قال "خلاص عواش ارقدي عدل لانه باجر عندج مدرسه" قلت "نسيتتتت حمود ما شتريت اغراض المدرسه" قال "يالهبله كيف بتروحين عيل" قالت "شكلي ما بروح" قال "خلاص ارقدي عواش" قلت "تصبح على خير" قال "وانتي من اهله🤍"
قمت اليوم الثاني و نزلت عند اهلي
قلت: ابويههه ما اشتريت اغراض المدرسه كان المفروض اليوم اروح
ابوي قال: و ليش ما ذكرتيني
قلت: والله نسيت
قال: خلاص بنروح اليوم فالليل
