اول ما دخلت غرفتي ارتحتتتت ما احب اتضارب ويا حد احبه لبست بجامتي و رقدت
قمت الساعه 10 لانه حمد كان يدق علي
انا: هااههه
حمد: هلا حبيبي
انا: اهلين
حمد: راقده
انا: هيه والله تعبانه
حمد: افااا منو متعبنج
انا: انته قولي منووو
حمد: منو الحمار الي متعبنج
انا: هيه والله الي متعبني حمار
حمد: صح حمار
انا: انزين شو تبا
حمد: بس ابا اسمع صوتج قبل لا اروح الدوام
انا: خلاص سمعت صوتي ابا انام
حمد: تصرفيني ولا شو
انا: لا حشىىى منو قال
حمد: هههه هيه اتحرا، يلا حبي بتاخر مع السلامه
انا: باي حبيبي
سكرت التلفون و جفت الساعه صدق مصختها لازم ادرس حق الفاينل درست من الساعه 10 لين 1 صح اني هب وايد شاطره بس اذا شديت حيلي يستوي دحيحه و هاي اخر سنه لازم صدق اشد حيلي
نزلت تحت جفتهم كلهم فالدوام
انا: اف شو هالحاله اتم بروحي فالبيت و ما عندي حد اكلمه
اليوم اخر يوم فصل و بعدين الويكاند بعدين الاسبوع الميت الي قبل الفاينلز في ناس ما يحبون اييون الاسبوع الي قبل الفاينلز بس هو احلى اسبوع نييب فوناتنا و نصور و نشرد بدون محد يدري
انا: ميري نزليلي الغدا
ميري: اوكي مدام
فتحت فوني و كتبت حق ربيعتي العنود
انا: اف مشتاقتلج عنوديييي
العنود: والله انا اكثر اف الصف بدونج خايس
انا: هيه ادري اكيد بيكون
العنود: محد بقولج كلام حلو يالله باي باي اسمع صوت كعب مس امان
انا: ههههههههههههههه
جفت حمد كاتبلي
حمد: كيف اداوم و انا بس افكر فيج
انا: والله مدري تصرف حبيبي
حمد: انتي لازم ما ينقال لج كلام حلو ما تستاهلين
انا: افااااا ليش
حمد: اونه تسال ليش بعد
انا: اسولف حبي والله مشتاقتلك متى تخلص دوامك
حمد: لانه اليوم يمعه بطلع الساعه 2 و الساعه 3 بسير بيت يدوه
انا: هيه حلو قبل ما ابوي و اخواني يردون من الدوام
حمد: ليش
انا: اباك تدق علي مشتاقه
حمد: فديتتتت
حمد: يالله يالله مع السلامه لازم اكمل شغلي
انا: good luck
حمد: هيه هيه ثانكيو
تغديت و سرت غرفتي و تسبحت و صليت و استوا الساعه 2 و حمد دق علي
انا: الو
حمد: هلا بهالصوتتتت
انا: هلا حبيبي اخبارك
حمد: احب يوم تقولين حبيبي
انا:.....
حمد: اسولف ليش سكتي
انا: هاه ادري ههههه
حمد: شو تسوين
انا: ابا اسوي شعري و مكياج عشان العزيمه اليوم
حمد: منو بيي
انا: قوم عمو ام حمدان و هايل
حمد: هيههه حمدان اوكي
انا: حمود شوو فيك بعدك ما نسيت هههههه
حمدان ولد عمتي كان يحبني يوم كنا صغار و كان كله يتضارب ويا حمود
حمد: نسيت شو
انا: لا ولاشي ههههههههههههههه حمود ابا اسكر بسوي شعري
حمد: لا خليج عالخط لين ما اوصل بيتنا
انا: اوكي
تمينا نسولف لين ما وصل يتهم
حمد: يالله عواش وصلت متاكده تبين تبندين
انا: هيهه ابا اسوي شعري
حمد: يالله مع السلامه حبيبي
انا: باييي
سويت شعري و تمكيجت مكياج وايد عشان العزيمه لبست مخور ازرق و دقته طويله و شيله بيضا
ابوي دخل غرفتي
ابوي: هاه حبيبي خلصتي
انا: هيه بس ابا البس كعبي
ابوي: يالله اترياج فالسياره
طلعت و دخلت سيارت ابوي يلست ورا لانه امي بتيلس جدام عبدالله راح بسيارته و سالم بعد بسيارته انا و حمده و هزاع كنا يالسين عدال بعض
هزاع: امي افتحي البلوتوث ابا اشبك
شبك هزاع و حط اغاني خالد عبدالرحمن
ابوي: هيه نسيت اقولكم بنسير البر مب بيت يدتكم
انا: هاههه انا لابسه كعب
ابوي: عادي افصخي الكعب خلي فالسياره
انا: هيه اوكي
حطينا اغاني ميحد و خالد عبدالرحمن و عبدالمجيد كلها اغاني الشتا لين ما وصلنا
——————————-
ادري اني سحبت عليكمممم بس فاينلز لازم اشد حيلي والله سوري بعوضكم فالاجازة احبكم🫶
