قمت الساعه 9:30 الصبح فتحت فوني و تذكرت انه مدرسه قمت من النوم مستعيله
انا: ماماههه ليش ما وعيتيني تاخرت وايد الى المدرسه
ميري: مدام ماما مال انتي مو فالبيت
انا: وين راحت
ميري: انا ما يدري
انا: انزين في حد فالبيت
ميري: كلو روح دوام
انا: خلاص اوكي روحي
يعني شو بسوي الحين يا ربي عندي امتحان اليومممم شو بسوي رحت لبست بسرعه و دق علي حمد
انا: الو
حمد: هاه غايبه
انا: ما عندي حد يوديني مشيت متاخرررر
حمد: انا بوديج
انا: انته مب فالدوام؟
حمد: انا فالدوام بس بمرج
انا: لا حرام عادي بخلي المس تعيدلي الامتحان
حمد: ليش انا ولد عمج عالفاضي انا بوديج
انا: انزين يلا بسرعه
حمد: انتي لين ما تخلصين انا بكون تحت
انا: مشكور وايد حمود
حمد: ما بينا
سويت شعري و حطيت ميكب خفيف و لبست جوتيه و عباتي و شيلتي و سويت لي جاي و شربت لين ما دق علي حمد
حمد: يلا انا تحت
انا: اوكي
طلعت من البيت و دخلت السياره و كان حاط اغاني بصوت واطي
حمد: شفيج ساكته
انا: ما عندي شي اقوله
حمد: انزين اخبارج
انا: الحمدلله زينه انته شخبارك
حمد: بخير دامج بخير
انا:....
حمد: تكلمييي شو فيج ساكته
مدري ليش مستحيه منه
انا: والله ما عندي شي اقوله
حمد: تبين تاكلين
انا: ما احب اتريق اول ما اقوم
حمد: ليش
انا: مدري احس بلوعه
حمد: دلوعه
انا: اذا تبا تاكل اطلبلك عادي
حمد: انا ماكل
انا: والله اسفه طلعتك من دوامك
حمد: كم عواش انا عندي اصلا
انا: يععععع
حمد: هيه احترمي نفسج ف سيارتي و تتفلسفين
انا: لا خلاص اسفه لا تذلني
حمد ضحك
وصلنا المدرسه
انا: متوتره اخاف يوقعوني
حمد:ليش يوقعونج
انا: لاني كله اتاخر قالو اذا تاخرتي مره ثانيه بنردج البين
حمد: انا بدخل وياج
انا: لا شو بيتحسبونك حبيبي ولا شي
حمد: لا بقولهم اخوج
انا: خلاص اوكي
صدق خفت يفصلوني هاي اخر سنه و انا ما فيني، طلعت من السياره
حمد يضحك: ليش ترجفين ترا عادي يا ما فصلوني
انا: ترا ما احب المشاكل و اخاف من المديره تكرهني
حمد: انزين ترا انا وياج ما بنسوي شي
مسك يدي شوي و وخرها و دخلنا الاداره
المديره: عايشه ليش متاخره مره ثانيه انا شو قلت لج دام اخوج وياج تردين البيت
حمد: انا طلعت من دوامي عشان اوصلها ما بردها البيت
المديره: في باصات طوارئ بيوديها لو ما تقدر اخوي
حمد: ما بترد البيت عندها امتحان و ما بترد
المديره: ما يستوي اخوي مش عدل حق باقي البنات
انا: خلاص والله اخر مره
المديره: اقدر اخلي المس تعطيج الامتحان و تردين البيت
حمد: انا هب فاضي عندي دوام شو ترد البيت تستهبلين
رصيت على يد حمد عشان يسكت
انا بصوت واطي: حمد بس
حمد: شو بس انا وراي دوام ما بتموت اذا دخلتج
انا: خلاص مس عادي بسوي الامتحان و برد
حمد بصوت واطي: شو فيج عواش بتفصلج تستهبلين
انا: خلاص برايها
المديره: خلاص اوكي ابلشو اتريو لين ما ايبلج الامتحان
