رديت غرفتي و بدلت دقيت على حمد لاني لين الحين مب مرتاحه دقيت مره مرتين ثالث مره رد
حمد: ها
انا: حمود
حمد: شو
انا: شو فيك ليش جي اسلوبك
حمد: قلتلج ليش
انا: انزين وينك
حمد: راد البيت
انا:...
حمد: عواش خلاص انا مب فاظي روحي كلمي ربيعاتج ولا...
بندت على ويها قبل لا يكمل كلامه دق علي رديت
حمد: ليش تبندين على ويهي
انا: كيفي بعد يبا يتحكم
حمد: عدلي اسلوبج
بندت على ويها مره ثانيه بس هالمره ما رد يدق تظايقت ليش جيه اسلوبه مستوي خايس توا كان يقول فديتج و مدري شو نزلت تحت عشان انسى عن حمد و يلست عدال سلوم
انا: هلا سلومممممم
سالم: ما عندي فلوس
انا: افااا تتحرا ابا منك فلوس
سالم: عيل شو تبين
انا: اممممم
سالم: قولي
انا: عادي نسير كوفي
سالم: تعبان
انا: سلوم يلا عاد ارقد و بنسير فاليل
سالم: مابا
انا: اوك
سالم: ليش زعلتي انزين
انا: لانك ما بتوديني
سالم: خلاص بنسير الحين القناه
انا: الحين
سالم: هيه الحين
انا: ثانكيوووو احبك
ركضت فوق و بدلت تكشخت ما حطيت وايد ميكب لانه سالم ما يحب لبست بنطلون جينز ابيض وسيع ويا قميص بدون اكمام لونه كريمي و لبست عبا بشت اسود ويا فصوص وايد و شليت شنطه بيضه و كعب ابيض و لبست ساعه ذهبيه و خلخال ذهب و سواره و خاتم فان كليف و تعطرت و تبخرت و نزلت و شفت سالم كاشخ لابس كندوره قطريه ويا عقال و شال و يت امي و بخوت سالم
امي: عقبال ما الخرم و انته معرس
انا: يارب امينننن
سالم: شو تبون الفكه مني
انا: هيه
امي: عواش بس
انا: انزين و انا ما بتدعلي
امي: الله يحفظج
انا: الله يخليج لنا ماما
امي: و اي يارب
انا: ماما تعالي وياناااا
امي: لا انا اعرفج انتي و سلوم بس تحبون الحواطه امه عبود حبيبي ايلسني ف كوفيييي و نسولف
انا: انزين بنيلس فكوفي بس لازم نحوط شوي
امي: لا حبيبتي تعابنه لا تتاخرون لين المغرب بس
سالم: لا امي الحين شوي و بيستوي المغرب كيف تبينا نتم 10 دقايق بس
امي: خلاص سيرو الله يحفظكم
امي طلعت فونها و تمت تصورنا فيديوهات عشان اذا تطرش حق خالاتي
سالم: هيه عشان تطرشين حق خالاتي هاههه
انا: يلا باي ماماهه
طلعنا
انا: سلوم شل سيارت ابوي مابا سيارتك
سالم: شفيها سيارتي
انا: اف ولا شي
سالم: محلاه الفتك مالي
انا: هيه محلاه محلاههه
سالم: اقول ادخلي و انتي ساكته
دخلنا السياره و سالم شغل اغاني عبدالمجيد هالمره
سالم: شغلت اغاني تعيبج عشانج زعلانه بس
انا: منو قال اني زعلانه ههههه
سالم: حمد
انا: هاه
سالم: خبرني ترا اعذري ترا ربيعه من زمان و قاله كلام ما بنقال
انا:.....
سالم: ترا كلمني ندمان ما عرف كيف يراضيج و قلتله ايي ويانا القناة
انا: نعم سلوم لا انا قلت بس ابا اتم وياك بروحنا
سالم: شو اسوي عواش هو عرف اننا بنطلع و قال بيي
انا: اف سلوم
سالم: بتشكريني عقب
